أسامة عبد الله : المياه ليست سبباً في عطش مشروع الجزيرة

انى ارى تحت الرماد وميض نار

واخشى ان يكون لها ضرام

مشروع سد مروى تم تنفيذه قبل التأكد من وجود مخزون كافى .

بعد ان ( شفط ) السد كل المياه الموجودة . فجأة اكتشفوا ( الذرة)

الحل ساهل افتح مخزون الجزيرة …….

طبعا المكنة كبيرة وانا وزير السدود ولا معقّب على قرارى ……..فعطش المشروع و.. مات .

فكّر وقدّر ثم نظر …… وجدتها …..وجدتها الروصيرص .

لابد من التعلية فورا وقد كانت

فاليهنأ الممصريون بالانسياب الدائم للمياه وحقا (يخدمها كيشة وياكلها حريف )

اولا كدي ورينا انت مهندس شنو ؟ وقريت الجامعة وين واي كلية تخرجت منها،، قوم بلا لمة

هذا اللص الكبير المتعجرف لم يبين لنا ما هي الاستفادة من السدود التي أقاموها حتي الآن, لا خفضت أسعار كهرباء ,ولا زراعة كان وراءها سد من هذه السدود!!! بل حدث العكس زيادات في أسعار الكهرباء ,وإستيراد كهرباء من أثيوبيا, وإستيراد كلما كان ينتجه السودان من الزراعة, ووصل الأمر باستيراد الطماطم من دول أراضيها صخور وجبال كالأردن, خسئت أيها الملعون.

ولوقعدت تاني وين تلقى مليارات عشان تقشها؟؟ يارجل اتق الله ورجع لينا قروشنا

وبعدين كله مابنفعك

ومشكلة مشروع الجزيرة انتو وليست شى اخر

اللهم عليك بهم احمعين

لا عليك الله أخلد فيهو…..!!!!!

منقول عن أحد الأخوة عبر الايميل

تعالوا نقدر قروش البترول من ما بدأ و ديون السودان كم؟
اولا نبدا بالبترول
عشان نحسب قروش البترول لازم نعرف المعطيات دي:
1 -سعر البترول في كل سنة
2- انتاج السودان في كل سنة
3-كلفة انتاج برميل البترول ، بالرغم من انو ممكن يكون داخل في نصيب الشركات بس برضو حنخصم التكلفة “نقطة في صالح الكيزان”
4-نصيب الشركات العاملة في البترول
5-نصيب جنوب السودان يبداء من العام 2005

بالطريقة دي بنقدر نعرف بصورة تقريبية كم هي قروش البترول

1و2-سعر البترول العالمي لكل سنة “بالدولار” وانتاج البترول لكل سنة”الف برميل في اليوم” كانت على النحو الاتي “ارقام معلنة”

السنة السعر الانتاج
2000 27 180
2001 23 230
2002 22 245
2003 27 280
2004 37 300
2005 50 400
2006 58 400
2007 74 500
2008 91 500
2009 53 500
2010 71 500
2011 87 500

3-تكلفة انتاج البرميل حوالي 9 دولار للبرميل “صحيفة الاحداث 6 مايو 2012”
4و5- نصيب الشركات العاملة ونصيب جكومة الجنوب، بالرجوع الى مقال على الجزيرة نت بعنوان “اقتصاد دولتي السودان بعد وقف النفط ” كان نصيب شمال السودان 4.4 مليار دولار ونصيب الجنوب 3 مليار دولار ونصيب الشركات العاملة في النفط 6.1 مليار دولار

اذا النسب كانت كالتالي:
45% للشركات العاملة في النفط
32% نصيب شمال السودان
23% نصيب جنوب السودان

يلا شيل الة حاسبة واحسب معاي بالطريقة دي:
1-قبل 2005 (سعر البرميل “بعد خصم تكلفة انتاجه” * الانتاج اليومي *عدد ايام السنة*55% نصيب الحكومة)
2-بعد 2005 (سعر البرميل “بعد خصم تكلفة انتاجه” * الانتاج اليومي *عدد ايام السنة*32% نصيب حكومة الشمال)

حتطلع النتيجة كالاتي:

السنة السعر الانتاج الدخل
2000 27 180 0.65
2001 23 230 0.65
2002 22 245 0.64
2003 27 280 1
2004 37 300 1.68
2005 50 400 1.9
2006 58 400 2.28
2007 74 500 3.8
2008 91 500 4.79
2009 53 500 2.57
2010 71 500 3.62
2011 87 500 4.55

المجموع 28.13 مليار دولار

لاحظ معاي انو تقرير قناة الجزيرة قال انو نصيب حكومة الشمال 4.4 مليار وحساباتنا طلعت نصيب حكومة الشمال 4.55 مليار ودا بسبب الفرق بين سعر البترول خام برنت وبين سعر الخام السوداني .حنقسم 4.4 على 4.55 ونضربها في 28.13
عشان نعرف دخل السودان من البترول بعد حساب فرق السعر

النتيجة=27 مليار دولار!!!!!!

طيب
مش المفروض قروش البترول دي نعمل بها التنمية في السودان؟؟ دا ما حصل!!!
عارفين الحصل شنو؟؟؟شوفوا..

1-سد مروي قرض مشترك من عدة دول
2-مطار مروي تابع لقرض سد مروي
3-خطوط نقل الكهرباء من سد مروي تابع لقرض سد مروي
4-مشروع امري الزراعي تابع لقرض سد مروي
5-طريق مروي الملتقى قرض تابع لقرض سد مروي
6-مشروع مياه القضارف قرض البنك الاسلامي للتنمية+قرض صيني
7-مشروع تعلية خزان الرصيرص قرض مشترك من عدة ممولين
8-مشروع سكر النيل الابيض قرض مشترك من عدة ممولين
9-مشروع مجمع سدي اعالي عطبرة و استيت قرض مشترك من عدة ممولين
10-كوبري الصداقة “كريمة” منحة صينية
11-طريق عطبرة بورتسودان هيا قرض “الصندوق العربي للإنماء الاقتصادي”
12-مشروع مطار الخرطوم الجديد قرض مشترك من عدة ممولين
13-طريق القضارف دوكة القلابات قرض “الصندوق العربي للإنماء الاقتصادي”
14-مشروع كهرباء الخط الدائري(الخرطوم) قرض هندي
15-خط الكهرباء الناقل سنجة القضارف قرض هندي
16-مشروع كهرباء كوستي قرض هندي
17- خط الكهرباء الناقل القضارف القلابات قرض هندي
18-مياه عطبرة والدامر قرض ايراني
19-مشروع سندس الزراعي قرض صيني
20-كهرباء الجيلي قرض صيني
21-كهرباء الجيلي شندي عطبرة قرض صيني
22- محطة كهرباء قري 2 قرض صيني
23-مياه نيالا قرض صيني
24-مياه الدالي والمزموم قرض صيني
25-مشروع صومعة ربك قرض صيني
26-كوبري رفاعة قرض صيني
27-كوبري الدويم قرض صيني
28-توسعة كهرباء الخرطوم بحري الحرارية قرض صيني
29-مياه الفاشر قرض صيني
30-مياه بورتسودان قرض صيني
31-مياه دنقلا قرض صيني
32-مياه المتمة قرض صيني
33-مياه مدني قرض صيني
34-مياه كوستي قرض صيني
35-كهرباء دنقلا قرض صيني
36-كهرباء وادي حلفا قرض صيني
37-مشروع كهرباء الفولة قرض صيني
38-مشروع طريق النهود ام كدادة قرض صيني
39- مشروع طريق زالنجي الجنينة قرض صيني
40-طريق الدبيبات ابو زبد الفاولة قرض صيني
41-مشروع كوبري سنار قرض صيني
42-مشروع كوبري توتي بحري قرض ايراني
43-مشروع محطة مياه ابو سعد قرض ايراني
44-طريق طوكر قرورة قرض”الصندوق العربي للانماء الاقتصادي”
45-طريق سمسم القضارف ام الخير قرض”الصندوق العربي للانماء الاقتصادي”
46-طريق كسلا كركون مامان قرض”الصندوق العربي للانماء الاقتصادي”
47- مشروع كهرباء الشرق قرض”الصندوق الكويتي”
48-عدد 4 محطات تحلية مياه “ولاية البحر الاحمر” قرض”الصندوق العربي للانماء الاقتصادي”
49-جسر سيدون على نهر عطبرة قرض”الصندوق العربي للانماء الاقتصادي”

.
.
.
وغيرها الكثير الكثير من المشاريع المعمولة بالدين!!!بالديييييييين !!!!

الكلام دا انا ماجبتو من راسي امشو ارجعوا لموقع وزارة التعاون الدولي وموقع وحدة تنفيذ السدود”سد مروي” معظم الارقام السابقة من الموقعين ديل وباقي الارقام من المواقع الاخبارية المختلفة

2-نجي للديون

ديون السودان الخارجية سنة 89 كانت 13 مليار دولار
و سنة 2005 كانت 27 مليار دولار “التقرير السنوي لبنك السودان 2005”

انتو عارفين ديون السودان الخارجية الان كم؟؟؟

40 مليار دولار !!!!!
(المصدرد. محمد خير الزبير محافظ البنك المركزي .جريدة اخبار اليوم )

يعني الديون زادت في 7 سنين 13 مليار دولار!!!!!!

منها 9 مليار قروض من الصين والهند لوحدهم (تقرير قناة الجزيرة السابق)

السؤال يطرح نفسه اذا كانت 90% من انجازات البشير زي ما شفنا ديون .قروش البترول مشت وين؟؟؟؟؟؟؟؟
.
.
.
.
.
عارفين الوهمة وين؟؟

الكيزان دايرين يغنوا وفي نفس الوقت عايزين يسكتوا الشعب !!
عارفين عملوا شنوا؟

لهطوا قروش البترول عبر “النهب المصلح”حسب تعبير البشير بذات نفسو، وعملوا المشاريع التنموية بالديون! عشان بعد ما البشير يفوت نفضل نحنا واولادنا و احتمال احفادنا نسدد في الديون!!!!
باختصار كدا غشووووونا!!!!

رايكم شنو في القصة دي ….تنفع فيلم مش؟؟؟

انتو عارفين وضع السودان الان كيف؟؟؟
السودان الان مديون 40 مليار دولار “وكمان بنستورد القمح والسكر”
عدد سكان السودان 33 مليون

يعني اي رب اسرة في السودان “باعتبار الاسرة فيها 6 افراد” مطلوب دين 36000 جنيه

يعني لمن تتخرج وتجي تشتغل انشاء الله ويكون مرتبك 600 جنيه في الشهر ،الحكومة ممكن تضطر انو تخصم نص مرتبك لمدة 10 سنين عشان تقدر تسدد الديون على السودان

(الكلام دا ممكن ينطبق على اي رب اسرة في السودان لو كان في ولاية كسلا او غرب دارفور او الشمالية او كان في غيرها)

مصيبة مش؟؟؟

ملحوظة : هذه الحسابات لا تشمل اموال الضرائب،الجمارك,عوائد الاراضي،رسوم تراخيص السيارات,الدمغات الخ.
ولاتشمل المؤسسات الحكومية التي تم بيعها سودانير ,النقل النهري, الاتصالات ,اسمنت عطبرة, جزيرة مكوار…الخ.

لو عرفتا حجم الكارثة الواقع فيها السودان …ياريت توعي اصدقائك على الفيس, زملانك في العمل او الدراسة ,جيرانك في الحلة ,اهلك في الريف الماعندهم فيس بوك

أعمل حسابك !فى واحد عندو ماجسطير وما عندو شهادة سودانية( مقدودة)!!!!وديل ياهم القاعدين يدوروروا فى (ترتار)الحكومة! زمان كان أسمو (دولاب الحكم) وهسة بقى بترينة لليسوى واللى مايسوى!

بس لو ترك الصرف البذخي علي مشاريعه التي أنجزها كان أفادنا كثيرا. اما مشروع الجزيرة فهو ليس سبب في عثراته, فالمشكلة قديمة قدم المشروع.

(( وذكر – أن أزمة مشروع الجزيرة تكمن في طريقة تحديد المساحات وضبط المياه والبنيات الهندسية للمشروع وطرق إدارتها، وأضاف: من دون إجراء هذه المعالجات لن تحل مشكلة المياه في مشروع الجزيرة.))

أولاً يا أسامة أنت لست بمهندس hydraulic و لا مهندس في أي تخصص للهندسة تحمل إجازته حتى تفتي في مثل هذه المسائل – و لو لا جور الزمان و ظلم بعض ظلمة و ظلامي البشر من الكيزان لما سمع بك و من أمثالك أحد.

مشروع الجزيرة جرى تخطيطه من قبل من ملكوا الأرض سابقاً بعلمهم و عملهم الداؤوب صدقاً و عدلاً – كان العمل يجري فيه وتنساب هياهه و تصل بتوقيت دقيق الي ( ترعه وأبو عشريناته و جداوله و تقانده ) بلا انقطاع و لا تأخير و كما كان الناس يضبطون ساعاتهم في الزمن الجميل على و صول القطارات الي محطاتها في توقيت دقيق قلما يحدث اختلال فيه كذلك كان الأمر مع وصول المياه لقنواتها بمشروع الجزيرة في الشهر و اليوم بل و الساعة المحددة لذلك – مالك و مشروع الجزيرة لتفتي في أمره و انت حين كان المشروع هكذا حاله كنت أنت في رحم الغيب – يأتي أمثالك الآن ليدعي و بكل وقاحة أن سبب عطش المشروع هولإخطاء فنية هندسية من حيث المساحات و ضبط المياه – الم يقل قبل هذا عديلك و كبيركم الذي علم السحر من غير علم (( ان مشروع الجزيرة كان عالة على الخزينة العامة )) إنه كما هو معلوم يهرف بما لا يعرف – الم يكن مقرر على التلاميذ في المدارس الأولية أن القطن الذي يزرع و يجنى و يحلج ويصدر الي الخارج هو عماد اقتصاد السودان و 87% من ميزانية الدولة كانت منه ؟ لكن هؤلاء هم الكيزان الذين ابتلى الله بهم البلادو العباد يريدون أن يلغوا تاريخ السودان بأفواههم و هيهات هيهات و يا سبحان االله العظيم – (( اذا وكل الأمر لغير أهله فانتظروا الساعة ) و صدق رسول الله صلى الله عليه و سلم – وإنا لمنتظرون .

يا مساخة الحله اولا انت جابوك بدل احسن مهندس كهرباء و انزه مسؤول الا و هو المهندس مكاوي لانك عديل البشير و ما قصرت لهفت لغاية ما قلت كفى و مشروع الجزيره جابوا ليه اكبر حرامي مره على السودان الا وهو المتعفن sorry قصدي المتعافي ده مش يدمر مشروع الجزيره ده يدمر افريقيا بحاله فعلا السودان السلام رئيس مطالب في الجنائيه لا يهش و لا ينش و وزراء حراميه ياكلوا مال النبي و الضحيه الشعب الغلبان و في النهايه يجوا و يتاجروا بالدين الله يدمركم يا سجم الرماد .قولوا آمين يا مسلمين .

كلامك صحيح هم ما بعرفوا عنه حاجة لكن الكوز عبد الوهاب الافندي عرفهم عنه شئ بسيط

http://mail.alrakoba.net/news-action-show-id-83105.htm

مشروع الجزيرة عملوه وخططوه الأنجليز وياريت لوما طلعناهم فهم بكفرهم أعدل منكم ,اشرف منكم ولم يسرقوا الوطن كما سرقتموه وتركوا لنا أرث من ناحية الأدارة المدنية والفنية والهندسية والتعليمية ومشاريع مثمرة أعتمد عليها الوطن فى أقتصاده وحزا حزوهم الأماجد من أبناء الوطن ذوى الكفاءات وكل واحد عبقرى ملم بكل شىء فى موقعه وللأسف جئتم أنتم وليتكم لم تأتوا ودمرتم كل شىء وأكرر كل شىء وحصل طوفان الفشل وأنهار الوطن الجميل الذى نبكيه ونبكى لحالنا بسببكم أنتم العاقين به والحاقدين على كل ذرة فى هذا الوطن الحلم وشردتم أهل المعرفة والدراية وحملة الشهادات العليا الحقيقية وجلستم انتم لا مؤهلات ولا علم ولاخوف من الله وسرقتم وبطشتم وقلتم للشعب لا نريكم ألا مانرى ولكن أملنا فى مالك الكون كبير أن يذلكم ويهدكم وأن ينزل عليكم بأسه وهو قدير على ذلك وسوف تشرق شمس الحرية شئتم أم أبيتم وسنبنيه من جديد بسواعدنا وعزيمتنا وبأيمانا به كوطن حلم.

يتم رصد كل الذين اغتنوا و اصبحوا اثرياء الحساب يكون بالمقارنة ما قبل و بعد 1989 و مصادرة الاموال و الاراضي لصالح هذا الشعب المسكين.