فريق السودان المتحد ببنغلور “الهند” يفوز ببطولة الجالية لكرة القدم

نهدي هذا الفوز واللفتة الوحدوية الى الطيب مصطفى وكورس الانتباهة وعلى رأسهم اسحاق احمد فضل الله وكل من هب ودب في هذه الصحيفة الانشقاقية صحيفة الفتنة وتسفيه الناس واللمز والغمز ،،، أتمنى تعديل عنوان الخبر حتى يجذب أكبر عدد من المعلقين ويكون العنوان (( فريق كرة قدم مكون من أبناء جنوب وشمال السودان يفوز ببطولة الجاليات الطلابية في بانغلور الهندية))

ابناء جنوب السودان والله اخواننا وحبايبنا – كنا صبيان يافعين ( في مدرسة حنتوب الثانوية ) ننوم سوى ونقوم سوى ناكل سوى ونلعب سوى ونذاكر سوى – ومن هنا وعبر صحيفة الراكوبة الرائعة روعة القائمين عليها ارسل تحياتي للاخوة الجنوبيين جميعا واخص بالتحية زملائي في داخلية النجومي الاخ اقوت ( سريره كان جنب سريري ) والاخ باندوقو الماظ باندوقو لاعب الكرة الماهر والاخ قرنق ( كنا بنقول ليه عمي قرنق لانه كان اكبر مننا شوية ) والاخ جون شانجوك والاخ برسلمايو والاخ بيتر ( الوحيد الفاتني في مادة اللغة الانجليزية ) والاخ شول لاعب السلة الحريف والاخ كريستوفر ( الراقي ) والاخ برنابا و…… واحيي كل من فاتني ذكر اسمه واقول لهم لكم في الشمال اخوة يحبوكم وانا متاكد حنرجع واحد زي ما كنا واحد ( وزي ما قال اخونا موسى المك كور سودانيتنا ده احسن لينا من عروبتنا ومن افريقيتنا وقد صدق فيما قال ) هيييييييييه , لا بارك الله في من فرقنا.

طيب يا العانا من قاردن سيتي , ممكن تذكر لينا انشا الله اسم واحد بس من اللعيبة السودانين الفي الفريق ؟؟؟ لانك قلت انهم معاك من نفس الكلية