المعارضة السودانية تهدد بتظاهرات واعتصامات رفضاً لقرارات اقتصادية متوقعة
الخرطوم ـ طارق عثمان
هددت المعارضة السودانية باعتصامات مدنية وتظاهرات شعبية قالت إنها تعدها لمواجهة إجراءات اقتصادية تعتزم الحكومة اتخاذها لإنقاذ الاقتصاد السوداني من الانهيار، وأعلنت أنها لن تسمح بتمرير قضية رفع الدعم الحكومي عن المحروقات والقمح، وأكدت انه ليس لديها خيار غير إسقاط النظام .
وقال الناطق الرسمي باسم تحالف قوى الإجماع الوطني، الذي يضم اكثر من 20 حزبا معارضا، كمال عمر عبدالسلام في تصريح لـ «البيان» إن «المعارضة ليست كالسابق تتحدث دون ان تفعل».
وأشار إلى ان المعارضة رتبت هياكلها وتسعى الآن لتعبئة الشارع للخروج ضد قرارات رفع الدعم عن السلع، واعتبر ميزانية الدولة الحالية «ميزانية حرب». وقال: «لن نقبل بان يدفع الشعب فاتورة قتله»، معتبرا أن «إجراءات الحكومة الاقتصادية تعبر عن فشلها في ادارة شؤون البلاد».
ولفت الناطق باسم تحالف قوى الإجماع الوطني إلى ان «تردي الاقتصادي أتى نتيجة فشل سياسي عميق، كانت حصيلته الحروب المشتعلة بدارفور وجنوب كردفان والنيل الأزرق»، مطالبا حزب المؤتمر الوطني الحاكم بزعامة الرئيس السوداني عمر البشير بالاعتراف بفشله والتخلي عن السلطة. كما هاجم عبدالسلام البرلمان السوداني، وقال إنه «أداة من أدوات السلطة، وليس لديه رقابة علي الجهاز التنفيذي بالدولة». وحول المشاورات التي تقودها الحكومة مع القوى السياسية بشأن الإجراءات الاقتصادية، قال الناطق الرسمي باسم المعارضة السودانية كمال عمر ان «هذه الزيارات لا تعدو عن كونها علاقات العامة»، مشددا على ان الاصلاح السياسي والاقتصادي لا يتم إلا بخروج النظام . وكان أمين التنظيم في حزب المؤتمر الوطني الحاكم في السودان حامد صديق اكد ان المعارضة لا تمثل تهديدا لحزبه حال اقر رفع الدعم عن المحروقات وبعض السلع، معلنا رفضه لأي أسلوب «غير قانوني وغير ديمقراطي» تعتزم المعارضة القيام به لمناهضة القرارات الاقتصادية.
البيان
هى المعارضه ليه كل مرّه بتهدد؟.. ما فى زول فى السودان ما انكشفت ليه كووول مشاكل السودان وعرف اسبابا ومين المتسبب فى حصولها وطريقة الخروج منها ,, المعارضه تبطّل الكلام وان عندها شي عايزه تعملو لم يعدهناك سبب للأنتظار.. الزمن لا ينتظر.. كفايه الزمن اللى ضاع ولآ فضوها سيره!!
اكد ان المعارضة لا تمثل تهديدا لحزبه حال اقر رفع الدعم عن المحروقات وبعض السلع، معلنا رفضه لأي أسلوب «غير قانوني وغير ديمقراطي
وهل تلك الزيادات القادمة قانونية وديمقراطية لو تحدثنا بلسان الديمقراطية الكل يرفضها والديمقراطية لو منحتكم تفويضا كما تزعمون لم تقل لكم اعملوا كما يحلوا لكم من حق اي فرد يعترض ويسحب تفويضة منكم بل يدلي بصوتة في صناديق الشارع بالاقدام رغما عن انفكم والماعاجبو يضع قدمة في رقبتة
وين خطة المية يوم …؟ انتو لسه بتهددو..؟؟ راجين شنو يحصل اكتر يعنى.
نفهم من ذلك ان الحكومة اذا رفعت الدعم سوف تقوم المعارضة باضرابات…واذا بطلت رفع الدعم نبطل الاضرابات
الجلوس في الميادين والساحات في المدن والقرى لمدة اسبوع ،، ومنع المؤتمرجية من التواجد وخلوهم يمشوا يسيروا البلد طالما قالوا انو عدد عضويتهم في الانتخابات الاخيرة 12 مليون ،،،
20 حزب معارض , اكيد حصيلة ممتازة ,خلونا نشوف قواعدكم الشعبية اولا في الشارع اضربوها بس في 1000 = 20 الف واصمدوا وما تندسوا بين المصلين يوم الجمع وتقولوا نحن كتار خلينا نشوفكم واكيد العدد بضاعف مرات ومرات
والله نحنا كان راجين المعارضة واطاتنا أصبحت ،،، المعارضة نايمة ليها ربع قرن ومنها من باع نفسه للمؤتمر الوطني ، نحن تعويلنا كله على قطاع الشباب وعلى الفقراء الذين أصبحوا يمثلون أكثر من 95% من السودانيين ، حينما لا يجد هؤلاء ما يأكلونه سوف يقتحمون أحياء كافوري والمنشية وجاردن سيتي والرياض والطائف وغيره من الأحياء التي تضم قصور وفلل لصوص المؤتمر الوطني ،،، ليس ليستولوا على طعامهم وشرابهم ولكن لتمزيقهم وسحلهم ومسحهم من على وجه الأرض ، يراه اللصوص بعيدا ونراه قريبا وقريبا جدا بإذنه تعالى
فى مثل واضح وصريح وأي زول بيفهموا ..الســــــــــواي ماحداث ؟
شابكننا الحكومة الحكومة الحكومة ..والمعارضة والصادق والميرغني والترابي وووو!!!
الشعب عامة والشباب خاصة !!
والسودان كله بكل الفئاءت أصبح ،أسم وجعجعة وفشل كلوي وأمراض متعسرة والعياذ بالله !!
الخرطوم ليس بها صحة ولامياة شرب صحية أين هذا من البترول والدعم والكلام المجوج .
حكومة عينك ياصاحبي سرقة وإختلاسات وبناء الشاهقات وركوب الناس والفارهات !!
حكومة فاشلة منذ إستلامها للسلطة في 89 م والأن 2013 م ماذا بعد ؟
تهديد ووعيد وجوع وعطش عطِِِِِِشششششششششش في العاصمة وتفشى الامراض والأوبئة !
وهذا التهديد ..نشيف ..نشيف ..نشيف !
كلام مكرر بنسمعوا كل يوم ..تهديد اجوف من المعارضة وفي النهاية تمر الازمة وتمر الازمات وتذداد وتذداد..
وبعدين كمال عمر (الكوز) اصبح اكتر من يهدد (الكيزان ) فهنئا لكم بمعارضة ليس لديها سوى التهديد
الزيادات دى يا حامد صديق ما بتأثر معاك لأنو انا بعرف بيتك فى جبرا مربع 4 استثمار كيف وعندك برادو اخر موديل وبوكس جمل متسوبيشى سايقو الابن الاصغر من هيثم اما هيثم ولدو قصه براو ! دفعتو لليوم عطاله هو اشتغل طوالى والان يملك شركه هندسيه ويركب سيارات بالموديل والان هو سايق ( كيا) اخر موديل لون كبدى فااااااتح
الشعب هو الذى يدفع فواتير أخطاءكم
تقولى شنو
وتقولى منو
يا الله. هل هنالك معارضه في الخرطوم؟ لم اكن ادري بوجود معارضه بالخرطوم. اعرف فقد معارضه امهاتنا واخواتنا وبناتنا من اجل حريتهن التي تنتهك من قبل الامن والنظام العام.
الي متى تدرس وتدرس وتدرس المعارضة في الاوضاع كفانا دراسة انضموا للحكومة الحالية وريحونا من متابعة اخباركم الما نافعة وضيعتو وكتنا
واننا ومن هذا المنطلق ندين ونشجب زيادة المحروقات والمواد الاساسية للمواطن المغلوب علي امره . وفي حالة اي زيادة مرة اخري فاننا سوف ندين ونشجب مرة اخري .. ولانامت اعين الجبناء …
كمال عمر من حزب المؤتمر الشعبي الشق الثاني المتخفي للمؤتمر الوطني هو صنيعة الترابي و كلهم الاس لاميون و لن تنجح معارضة يتحد ث كمال عمر باسمها …كيف و الترابي الكوز الكبير ناهيك عن افعاله هو الذي قام بانقلاب البشير و حكم ع شر سنوات و الف منظومة حكم السودان و كل الاجرام من تحت رأسه والان يدعي النبوة مرة اخري ..ايها ال شعب السوداني انت ما زلت تحت براثن الاخوان المسلمون بقيادة الثنائي الترابي البشير و سترون قريبا ما يخطه لكم حسن الترابي باسم كمال عمر ..هل فقط رفع الدعم هو السبب حتي يهدد كمال عمر باسقاط النظام ..هناك دوافع اقوي من رفع الدعم و اصلا ليس هناك دعم الاسلاميون تغلغلوا في وسط المعارضة لياذوا السودانيين و يستمروا في الحكم ايها المعارضة كيف تقبلين بحسن الترابي و حزبه و جماعته في وسطكم والله انهم يضحكون عليكم لتبقوا تحت حكم الاخوان الي الابد ..لأسف لم يتعلم الشعب من الاعيب و غدر و جرائم حسن الترابي الذي لا يستحق الا ان يشنق في وسط الخرطوم من كثرة اجرامه في حق الشعب السوداني الذي لعب به لسنين طويلة و اهدر دمه و ماله و كرامته تبا للترابي و لحكومته الانقاذ56
اللهم الطف بنا .. اللهم الطف بنا .. شعبنا يموت كل يوم مائة مرة من اجل رغيف الخبز .. اللهم البشير و اعوانه تسلطو على عبادك فعليك بهم .. انك على كل شئ قدير
جميل جدا اننا نسمع رد فعل اخيرا والله كانت الحسره مالياني لاني ماسمعت اي معارضه وياريت مايكون كلام جرايد والامر اكيد بخص الشعب السوداني كلو وماالمعارضه والسياسين فقط لازم تعرف الحكومه ان الشعب موجود وسيقول كلمته لان الحال فاض بينا حسبنا الله ونعم الوكيل فيكم وان شاء الله تكون نهايتكم
اى دعوى لاسقاط النظام فنحن معها حتى وإن اتت من الشيطان
أرجو من قراء الراكوبة الابتعاد عن فخ الجداد الالكترونى الذى ينشط هذه الايام لكبح جماح الرفض الشعبى المنتظر لسياسات الحكومة
فالاحباط والطعن فى كل معارض يدعو للخروج هو إحدى اليات تسبيط الهمم وإن كان لنا رأى فى الاحزاب إلا أن الاولوية هى كنس هذا النظام ومخلفاتة القذرة وبعدها لكل مقام مقال
فسؤ الاوضاع الانسانيه التى تسببت فيها السيول والامطار الاخيرة والزيادات المرتقبة لجميع السلع وأزمة المواصلات الحادة وإذدحام المواقف فى العاصمة هى مؤشرات مهمة واساسية لإندلاع شرارة الثورة
اقتباس ( هددت المعارضة السودانية باعتصامات مدنية وتظاهرات شعبية قالت إنها تعدها لمواجهة إجراءات اقتصادية ) اين يتم هذا الاعداد لم نسمع به ولم نراه واين هى المعارضة انى لا ارى لها وجودا فالمعارضة ان تعارض الحكومة لا ان تتفق معها فالصادق والميرغن والشيخ كل هؤلاء يريدون السلطة دون ان يفعلوا شيئا اذا كنتم جادين فى الدفاع عن المواطن المقهور فاخرجوا للشارع وسترون بعد ذلك كيف يخرج الشعب للدفاع عن حقوقه اما الكلام فقد ولى زمانه فنحن فى زمن العمل دون ضوضاء
القضية ليست قضية معارضة بل قضية شعب بكامله تكال له جميع انواع الاهانات كل صباح وهو ساكت لا يحرك ساكنا. شعب تم ابعاده في اهم قضاياه المصيرية التي تتعلق بموطنه والانفراد بالقرار عند توقيع اتفاقية كان اهم بنودها تقسيم السودان والشعب ساكت كالاخرس, لا بل تم استثناءه وابعاده تماما من اللعبة وقصر الامر ققط على الجنوبيين في استفتاء لا يخصهم وحدهم بل يخص كل السودانيين ومستقبل السودان كدولة ومستقبل الشعب السوداني كشعب معني بالامر في الصميم لأنه هو الذي سيدفع فاتورة السمتقبل الى يوم القيامة ومع ذلك ظل الشعب صامت كالاخرس لا يحرك ساكنا. شعب تجلد نساءه في الشارع العام وامام كل الملأ الاعظم ولا يحرك ساكنا. شعب يسرق قوته نهارا جهارا بل ينزع الحليب من افواه اطفاله نهارا جهارا وهو ساكت كالاخرس لا يحرك ساكنا. شعب احتارت في امره الشعوب الحرة التي ثارت وانقلبت على انظمتها رغم انها كانت افضل منه حالا بألف مرة. شعب يضرب بموطنه المثل في الانحطاط والتفكك والانهيار وهو يظل ساكت لا يحرك لا ساكنا……..
شعب يساق كالبهائم ويسام كل انواع العذاب والمهانة ويظل صامت كالاخرس لا يحرك ساكنا…شعب تردى لمستوى العبودية لا يتحرك حتى يقرصه الجوع فردا فردا ولنرى ان كان سيسكت كالاخرس ولا يحرك ساكنا والامر لا يعني المعارضة بل يعني كل الشعب السوداني بأسره فردا فردا…….
هذه فرصة اعطتها الحكومة للمعارضة على طبق من ذهب لاسقاطها سقوطا داويا
كل الشعب السودني الآن على قناعة تامة بان هذه الحكومة فشلت تماما في الاقتصاد والصحة والتعليم والامن وانها في عزلة سياسية ولم تعد مقبولة من المجتمع الدولي ودول الخليج وعلى راسها السعودية التي ارجعت الرئيس من رحلته لايران لتقديم التبريكات بطائرة مستاجرة بمئات الالاف من الدولارات كما ان سقوط نظام الاخوان في مصر قد وضع النظام السوداني غلى فوهة المدفع اما في الداخل الكبير والصغير وحتى الحشرات في جحورها تنعل في هذه الحكومة وتتمنى زوالها ولكن فقط هل من قائد لهؤلاء وحال المعارضة يغني عن سؤالها وبعض الاحزاب المعارضة تشارك في الحكومة بطريقة ما ولو انكرتها ولكن مشاركتها تبقى حقيقة واقعة .. اما الشعب فهو على يقين بان النظام الحاكم على استعداد ان يبطش به باسوأ مافعل القذافي والاسد مجتمعين وهاهي سيارات ميليشيات النظام تجوب الشوارع وتطلق الصفارات والصيحات وتقود سياراتها ذات الدفع الرباعي باقصى سرعة مع التفحيط لترويع الشعب من الاقدام على اي احتجاج على الزيادات بل وجمعت اللساتك من البناشر .. واذا خرج من الشعب من يحتج سيوصف بالطابور الخامس عدو الدين الشيوعي والعميل الاسرائيلي
اللهم احسن خلاص هذا الشعب
وهذه الفرصة الاخيرة للمعارضة لتثبت اهليتها للشعب السوداني ولتكون راس الرمح
هنيئاً لحكومة هذه معارضتها … أبشر بطول السلامة مربعا
عندما كان نافع يهزأ من المعارضة كان الناس يعجبون من تصريحاته وسخريته ولو علم الشعب ما يعلمه نافع عن المعارضة لشاركوا نافعاً سخريته .. الحكومة الآن هي من تشكل وتختار قيادات الأحزاب المعارضة !! بل هي من ترسم وتخطط وتقود المعارضة ،، ولا داعي لدفن الرؤوس في الرمال … انظروا جيداً وستكتشفون أن ما يسمى بالمعارضة هو السبب الحقيقي في استمرار النظام حتى الآن ،، لست أول من أقول بذلك قد سبقني كثيرون كانت آخرهم الأستاذة هاله عبد الحليم التي انهالت عليها اسواط التقريع واللوم ،، وقريباً ستكتشفون أن أعلى الأصوات جعجعة وطعناً في النظام وتصدياً لقيادة المعارضة هي ذات الوجوه التي تستلم حصتها وأجر عمالتها من النظام ..
قاااااااااااااااااال معارضة قال !!!
أي معارضةٍ هذه
و الله دي معارضة اسقطت نفسها منذ مؤتمر القضايا المصيرية
بلاااااااااااااااش تضحكو علي الشعب السوداني الصابر
وييييييييييين خطة ال100 يوم ؟؟؟!!!!!!!!!!!!!!!!
والله فى حقييييقة الامر ليس يخص المعاارضة هوو امر الشعب والهلاك هلاك المواطن وليس الصادق او الميرغنى لانهم لا يتاثرون بالسياسات الاقتصادية الذى يخرج المواطن اما اذا انتظرتم المعارضة وتحريك الشارع الرمااااد كاال حمااد
أعزائي جلساء الراكوبة .. لكم مساهمتي – على عجل – مع أن ” المكتولة ما بتسمع الصيحة ”
إرفع .. ارفع
إنت حاكمنا المدلّع ..
ما يهمك لو لهيب السعر في أكبادنا ولّع ..
ارفع .. ارفع
يمكن البتسوي ينفع ..
أو يحرك ذرة فينا من المشاعر ..
أو يخلي الشعب يطلع ، ،
أو يؤذن في المقابر ..
أو يحرك شعرة في الممكون وصابر ، ،
إرفع .. ارفع
لما ” ميتين زيتنا يطلع ”
لما تاني نخيّط اللّبس المرقّع
لما عين الشعب .. دم .. تنزف وتدمع
لما تهدم فوقنا جدران بيتنا والباب المخلع
نحنا في عهدك شحدنا فتافت الفول والمشمّع
نحنا في عهدك شربنا الذل..
لما ابليسنا كرّع ..
ارفع .. ارفع
يمكن المكتولة تسمع
انت حبك في قلوب الشعب .. اتحكّر .. تربّع !!
نحنا نتسوّل حندفع ..
نحنا نتبهدل .. حندفع
نحنا نتوسل .. بندفع
لوصرخنا .. وقلنا وين يا رب نقبّل ؟
برضو ندفع
لو صبرنا وقلنا باكر ..
قلتو هسع ..
نستحق طبعا تقولو علينا
نحنا حثالة الشعب المغفل
وبرضو ندفع
نحنا لسه أولادنا شُفّع
نحنا لسه ورانا رُضّع ..
ونحنا ندفع وانت ياريّس تمتّع ..
…….
ونحنا يوم الحظ تقسّم ..
ونحنا يوم الحق توزع ..
كنت إنت نصيبنا من دون الخلايق ..
جيتنا ولّعت البلد شرقا وغربا .. بالحرايق ..
جيتنا حوّلت البلد .. منكوب وضايق ..
جيتنا يا سجم الرماد .. ممحوق وحايق !!
ناس بتزرع في بلادا وانت تقلع
ناس تعمّر وانت تشتري في البنادق ..
كل زول ياخد مصيبتو
قسم الأرزاق … ووزّع لينا
مليون ألف سارق ..
أنت تأمر ونحنا ندفع ..
نحنا نطرح .. نحنا نطرح ..
نحنا نطرح ..
وانت تجمع ..
حتى من جيب المقطّع ..
…….
ارفع ارفع .. وخلّنا نسميك رافع
انت رافع للضرايب
لي عدد ، عدد المصايب
في بلد أصبح موزّع..
فيهو رمز الشر ” نافع ”
يا بلد منهوكة لامن صوتا رايح ..
ينخفض صوت الحقايق
ويرتفع صوت النوايح
وفيها ترتفع الأراضي
وفيها ترتفع المقاضي
ويرتفع صوت المدافع ..!!
ونحنا حا نكورك .. نكورك
يمكن المكتولة تسمع ..
وتمرق الناس للشوارع..
ارفع .. ارفع
…………………….
ما عاوزين شعارات اليوم من استاد المريخ تنطلق الثوره ذد الكيزان الناس حالها واقف تشاهد كوره استغلو الوضع اليوم
المعارضة تهدد والحكومة تندد!!!
والناس جعانة وماقادره تحدد!!!
الحكومة ذي ماقالت ماخايفة منكم خايفة من ثورة الجياع البتقطع حتت ذي ثورة مصر الطاردوا الجماعة لغاية البحر وخلوهم غرقوا!! المشكلة ناسنه سمان مابقدروا علي الجري!!!! والبلد لو قامت مابلمهم جحر!!! ودي المخوفم!!! وفي نفس الوكت ماعندهم التكتح عشان يصرفو وينهبوا!!! العندو لابت وخاتيهو بره ومجهز البرادو فل للهرب عند اول طلقة!! مافي زول بخلي السرقو وصدقني الحرامي جبان!! ومافيهم نزيه حتي الرضيع!!!!مافي زول بيقدر يعرف شنو البيحصل!!! وقبل ده كلو ربك البيكهل ومابيهمل له تدبير وتصريف!!!!!!! لاتقنطوا من رحمته!!! مما يسهل الامر فقد خربوا مابينهم وبين الله فسيكلهم الله اليكم لو اردتم منهم مخارجة!!!! ديل نمر من ورق ملئ بالافك واموال الناس !!التي ينهبونها بالتقية والضلال انها رزق ساقه الله اليهم دون العباد!!!!!!!!!!!!
ارى كثيرا من المدسوسين يريدون ان يحبطوا الناس والشعب من الخروج الى الشارع رجاء بنى وطنى اى واحدمن اولئك الخبثاء تعاملوا معهم مثل اى كلب من كلاب النظام امنجى ومدسوس يريد احباط المعارضةوهدمهااولئك هم وجه واحد للنظام بالله اتحدوا واخرجوا المدسوسين منكم والشارع لمن يريد الخروج الى الشارع فقط النظام قبل ان يطلق كلاب امنه يطلق مدسوسيه وجداده الالكترونى ومن ثم كلاب امنه وهدول ساعة الحارة ماأجبنهم