عَبَط البكور..!ا

استخف قومه فاطاعوه—-وين كلامك ده كان من يوم ما طبقوا قرارهم ده

والله يا استاذ عندك حق ، ياخي ديل قلبو كيانا , فعلا واحد من ابلد القرارات في العالم .

الاكرم الاخ صلاح عوضة

لقد اصبت كبد الحقيقة بذلك القرار العبيط الذي خرج لنا به من أتي به للقصر عن طريق الخطا كمستشار وخرج ولم يعد ‘علي الرغم من سريان هذا القرار لما يزيد عن ثمانية سنوات إنا لن ولم نتأقلم مع هذا القرارا العبيط وبدأ نا فعلا لا نشعر بفارق الزمن متلازما مع الوتيرة السريعة للزمن الاصلي عليه اقترح بتسيير موكب سلمي بتاريخ 30 يوينو بحدائق القصر والمطالبة بإعادة السودان إلي زمنه الطبيعي
ولتكن بداية ازالة العبط تدريجيا

والله يا بلدياتنا الموضوع دا جميل وياريت لو ابحرت فيهو لي قدام ما قراراتنا السياسية (الهبيلة) ما عندها حد ولا عد …العبيط هذه ليست سودانية وهي من الالفاظ الزاحفة علينا من المستمصرين ,كما يورد في الاعلان الذي تكرره احدى قنواتنا الفضائية شفويا وكتابيا "احنا كده … ماعارف سوداني ومزاجه سوداني ؟؟!!"والصاح زي ما عارف (نحنا) بكسر النون الاولانية …وكلمات كتيرة لايتسع المجال للحصر ,القائمة عندنا طويلة : خد أندك (عندك) ……..(الهبيل) (التجم) برفع التاء(الدلاهة) (العوقة) (الفشوش) (الكاويق) نوبية (الهمبول ) (الطرور) ..ولو عايز امثلة عندنا كتير عندك نافع ..عبد الرحيم ..ابو العفين ..الرقاص .. الاسمو منو داك الخ …

الاستاذ صلاح……………… سلام

العبط السياسى الذى اصابنا الظاهر بقى (كرونيك) مزمن !!!!! و العياذ بالله و بالمناسبه دى متلازمة مرضية قويه لما تصيب الناس ما بتروح بالساهل خاصة من المصدر المسبب للحاله ( بالمناسبه كلامى دا ما فلسفه دا من تقرير من منظمة الصحة الدولية صدر فى اواخر التسعينات ) …….و التى تظهر على المصدر اعراضو فى شكل هضربه و تخّـيلات و مواجهة الامور الصعبة بالتهكم و العدوانية و التهديدات المصحوبة بالحلفان الغلظ باليمين تارة و بالطلاق بالتلاته تارة اخرى ثم النكوص و التبريرات الاكثر عبطا والرقص و العرضه !!! مع الاصرار العجيب و النكران المطلق لاى محاوله للمعالجة !!!!

تتذكر ايام كان نمشى طرمبة البنزين و نلقى الكب باللتر و فى اماكن اخرى بالجالون ؟؟

تتذكر ايام كانت عملتنا جنيه و دينار فى وكت واحد ؟؟

و اليام دى تمشى السوق تلقى واحد يبيع ليك بالرطل و اخر بالكيلو و سيد اللبن يديك بالرطل و اخر باللتر !!!!!!

و بعدين انا ما قلت ليك دى حالة بتبقى كورونيك!! زى تتغير العملة بالغاء الدينار والعودة للجنيه والذى رسميا تقلص الف مرة و لكن لغاية الان بنسمع حتى فى الدوائر الرسمية لما يذكروا قروش قولة بالقديم و اللا الجديد !!!

طبعا انت ذكرت البكورة دى !!!!! بس ما تكون نسيت تغيير لقب ( ناظر )بــ ( مدير) و كلمة الا جماع بــ السكوتى و فى اللهجات دى حاجت لم نالف عليها فى المصطلحات الكلامية دخلت زى احسب بدل اعتقد و جزاك الله خيرا بدل شكرا

و اخيرا جزاك الله خيرا لاتاحة هذه الفرصه !!!

الاستاذ عووضه .. قرار البكور المقصود به المكاواه .. لان الناس اظهروا امتعاضهم وتضجرهم منه فاصبح من الثوابت .. وافجر لك قنبلة مكاواه قادمه … هل تعلم ان الدينار عائد مره اخرى وسيتم الغاء الجنيه ؟ مثل هذه القرارات كثيره على سبيل المثال الاصرار على الاستمرار فى تسمية شارع فى قلب العاصمه باسم تاجر الرقيق الزبير باشا .. وتعيين هارون وزيرا وواليا وكذلك تعيين موسى هلال مستشارا .. ارجو ان تكتب ومعك دكتور زهير مقالات تظهرون فيها الانكسار والذله وتستسمحوا الرئيس الفرد القائد الاوحد الدائم ان يراجع قرارات المكاواه لااا ان يتراجع .. وتصرون على انها فى وقتها كانت قرارات صائبه ولا زالت ولكن المراجعه تتطلب تغييرها بما عرف عن القائد من بصيرة نافذه لا تخطئ ابدا .. فالقوم لا زالوا يحكمون بعقل الطفوله ..

جعلنا دولة (مشاترة)-زمنياً- قياساً الى التوقيت العالمي المتعارف عليه..,,مشاترةsaay,

رئيسهم بعد (إهدار!!!) لـ(تسعين!!) دقيقة شرح لهم فيها مزايا الاستحمام (الخاطف)..

bsss?/?تسعين

بصراحة الناس ديل عايشين خارج نطاق الزمن .. اى حاجة عندهم مشاترة

هل تصدق ان المسافة من الدمام بشرق السعودية الى الجنينه بغرب السودان تقارب
الثلاثة الاف كيلومتر … والتوقيت واحد .. دى يفهموها كيف؟؟الغاء تام لخطوط الطول!!
المفروض انه السودان نفسه يكون فيه ثلاثة مناطق توقيت !!!

حكاية البكور ذكرتى موقف طريف حصل لصديقى الدكتور عندما اصطحب ابنه مبكرا الى موقف الحافلات والشمس لم تشرق بعد (الواطة كانت مازالت ضلمة) وموقف الحافلات كان يحفه بعض الاكشاك ، ونادى صديقى الدكتور على ابنه وهو يتحسس جسم صلب (اركب سريع قبل الحافلة ما تتحرك!!) وضحك صغيره وفال له (يابوى ده ما الحافلة ده الكشك !!) ومن يومها ظل الدكتور يلعن البكور وصاحب الفكرة !! وبالمناسبة ياو د عووضه ارجع بذاكرتك لتلك الايام سوف تكتشف ان النظام (دغمسة ليها مصيبة) ولهت الناس حتى لا ينتبهوا (للدغمسة ومرارتها) – الم نقل لكم بأن النظام يقضى كل بلاويه (بالحيلة والدغمسة) – وهناك مازال يوجد من يؤمن بهذا النظام ويعول عليهم كثيرا فى انهم سيعملون شيئا يوما ما لمصلحة البلاد والعباد !! ويا حسرتنا عليهم ولامثالهم نقول (صحيح الفهم حظوظ ) إذا لم يكتشفوا حقيقة هذا النظام حتى اليوم –

لو لم يكن للبكور من فائدة سوي انه جعل توقيتنا مع نوقيت مكه لكفاه ثم ان هذا البكور مناسب جدا مع النشيطين عالي الهمه الذين يؤدون صلاة الفجر حاضرا ويستفيدون من اول ضوء للشمس كما يفعل اهل الصين واليابان وحتي امريكا اخيرا

أحيانأ فى الغربة ننسى عبط البكور هذا وننسى معه فروقات التوقيت ونتصل بالوطن لنجد أننا خارج التاريخ . ( أعملوا دراسة للسلبيات والإيجابيات يشارك فيه الجميع وفى النهاية الحكمة ضالة المؤمن مع أننى اتمنى أن نرجع للتوقيت القديم وننقول للزمان أرجع يازمان .