وفاة طفلة سودانية في سوريا
الخرطوم : هند رمضان : كشفت غرفة الطوارئ بجهاز المغتربين عن وفاة طفلة سودانية فى سوريا إثر القتال بين قوات الجيش السورى الحر ونظام بشار الأسد، واعربت غرفة الطوارئ عن قلقها على اعداد مقدرة من افراد الجالية السودانية فى سوريا خاصة الذين يتواجدون فى المواقع غير الآمنة التى تشهد القتال.
واكد رئيس لجنة الطوارئ بجهاز المغتربين، كرار التهامى ،فى تصريح لـ «الصحافة» وفاة طفلة سودانية جراء إصابة بالغة اودت بحياتها ،مبيناً ان لجنة الطوارئ بدأت فى ترتيبات خطوات العودة للأسر السودانية من سوريا خاصة كبار السن بعد اجتماع تشاورى بين غرفة الطوارئ ووزارة الخارجية وإدارة القنصليات فى الدائرة العربية.
الصحافة
و أخيراً إستيقظ كرار !!! بدأت الأزمة في سوريا في تاريخ معلوم و لكنه الموقف المعلوم عدم التسرع في ترحيل الجالية خوفاً من صمود الأسد !! الآن بعد أن توقعوا السقوط الحتمي ها هم يتظاهرون بالغيرة على دماء السودانين في مرمى النيران
طفلة سودانية ..واحدة توفيت فى سوريا!!! ماذا عن الآلاف من الأطفال الذين توفوا ويموتون فى السودان من الجوع والمرض والنزوح فى المخيمات؟؟
كرار الله يكرك تمساح يجيب خبرك إنت والمعاك.
قتال دائر في سوريا له قرابة الثمانية عشر شهرا الآن تذكرت أن هناك جالية سودانية؟؟
حسع لو عاوز تجيبوهم عندك ليهم طيارات؟؟ولا تجيبوهم بلواري سفنجة؟؟
البلدان البتقدر شعوبها سحبت رعاياها من زمان يا حرامية
ياهند رمضان كان يجب ان تنشري اسم الطفلة او ذويها , والمنطقة التي يعيشون فيها
لها الرحمة في هذه الايام المباركة واسال الله ان يصبر اهلها ويعوضهم خيرا منها
مناشدة الاى الاخوة في الجالية السودانية بدمشق:
موسى ,مرتضى , رمضان , ماجد كل الشباب الذين عهدناهم غيورين على اخوتهم السودانيين وجهوا الاسر على الابتعاد من الاماكن غير الامنة خاصة الذين خارج دمشق , كونوا نشيطين كما عهدناكم , خالص تمنياتي بالسلامة والامان لكل المقيمين السودانيين هناك
صدقي
انا حتى الان مافاهم عن هذا الكرار.. شغال شنو؟؟؟ وقاعد يقدم خدمات شنو للمغتربين ؟؟؟
والله العظيم زيادة عدد وبس وزيادة صرف وكله على كاهل المغترب
الله يرحمك يا طفلة ضاعت بعبثية المسؤلين من امثال كرار وقرشوم وبعشوم
يادووووووووووووووب (لجنة الطوارئ بدأت فى ترتيبات خطوات العودة للأسر السودانية من سوريا خاصة كبار السن بعد اجتماع تشاورى بين غرفة الطوارئ ووزارة الخارجية وإدارة القنصليات فى الدائرة العربية.)
غرفة طوارئ في جهاز المغتربين ،، في ليبيا عملتو شنو،،، وقدمتوا شنوا،،، همكم جمع الدولارات اما ارواح السودانيين فهي آخر همكم يا عبدة الدولار،،، رحم الله الفقيدة ورحم الله من قتلتموهم في جبال النوبة والنيل الازرق ودارفور وكجبار،، والوسط والشرق والشمال،، تاريخكم كلو قتل واغتيالات ،،،
اخوان الخيبه
الحكومات التي تحترم شعوبها تقوم دائما بتحذير رعايها من السفر الى كذا او تطلب منهم المغادرة من منطقة كذا لكن لانو الحكومة عندنا هدفها فقط جمع المال وما دام المغترب بقرة حلوب فعليه ان لا يغادر منطقة كذا مهما فيها من كوارث وعليه ان يسافر الى منطقة كذا بالرغم ما فيها من مخاطر المهم المواطن السوداني عليه ان يدفع ضرائب وزكاة والخ والان المواطنين السودانيين المقيمين في سوريا لو أتوا الى السودان بالرغم من ظروفهم سوف يدفعوم ضرائب وزكاة .
سوريا بجحيمها افضل من جهنم السودان!