أنباء عن مغادرة سيسي لأديس احتجاجاً

يبحث عن مخصصات الوزراء !!! يعني زي الجماعة لا يهمه المواطن الذي اتي من اجله- عنده حق اذا رأي الجماعة في الخرطوم جيبوهم تفيض (دولار ويورو) وهو ووزراءه جيوبهم تفيض دمعاً- القصة دار ابونا اتشلعت بس المشكلة ما لاقيين لينا عود ولا حتى (ورتابة) نشيلها….

تعديل : — ووب على ووب على .. نسدها بى هنا تنقده بى هنا .. والله عملنا ليها رقعة نار أبت عملنا ليها كركاسة أبت دفرناها ابت بالمنفلة أبت .. الحكومة دى بتكسر فى البلد سيسى سيسى (( حته حته )) ..المؤتمر الوطنى شر لابد من سحقه وسحق كل الخونة فى الخرطوم من البشير لحدى غندور ومندور .. والجيش بعدما يحرر هجليج سوف يحرر الخرطوم من دنس المؤتمر الوطنى ومن كل الدهنيسة والمطبلاتية والحرامية والفسدة ولابد من إبادة الأمن وفركشة الشرطة وغربلتها وفرمتة الجمارك والمطافئ وحتى قوات السجون .. دخلتو الجيش فى حرب لاناقة له فيها ولاجمل والجيش مكنتو خفت لأنه بيدخل حروبات هى نتيجة لأخطاء السياسيين .. الفسدة والخونة والأرزقية فى الخرطوم .. والحكومة تسدر في غيها وصلفها ولما تنقرص ترجع للمعارضة وللشعب .. رئيس جبان وإضينة وحكومة جبانة (( إنبطاح وترضيات وخنوع وخضوع حتى لأمريكا وإطاعة تامة لأوامر أمريكا )) .. سيجاهد المخلصين من ابناء الشعب السودانى ضد المؤتمر الوطنى قريباً بإذن الله العلى القدير .

التجاني السيسي دا بحلم والله – ايه ؟ هو لسع مصدق انو في سلام والله هناك اصلا اتفاقية وان هؤلاء الابالسة سوف يلتزموا بها ديل جابوك انت عشان يختوك شماعة او ديكور – ود عبد الشافي ذكي عرف ان الموضوع لعبة مكشوفة – وقام زاغ في اقرب محطة. وبعدين انت عندك يا السيسي خليل ابراهيم وعلى الحاج بعرفوا الجماعة ديل كويس لذلك رفضوا ان يبيعوا قضية اهلهم – تجي انت بوسامتك وسلامتك وتاريخك النظيف تخدع ناسك وتضع يدك في يد عصابة مصت دماء واموال دارفور – بل المجاكم الدولية تلاحقهم بسبب جرائمهم في دارفور – وتجي تضحك معاهم وتظن فيهم الخير – انصحك ان لا تطأ قدمك دارفور – حتى لا يكون مصيرك مصير خليل لان عملية التخلص منك امر مفروغ منه

والله العظيم الجبهجية ديل هم الشيطان بعينه ديل قتلوا ا لزبير وقتلوا قرنق وقتلوا إبراهيم شمس الدين ديل( كما قال فيهم العلامة الكبير الطيب صالح ) من أين أتى هؤلاء . هؤلاء الناس أمرهم عجيب ثلاثة وعشرون عاماً على رأس الحكم ما يقدروا يعمل شيء في السودان الله يرينا فيهم يوم قريباً يا رب العالمين . فأحسن لك يا دكتور سيسي ترجع مكان ما كنت أولاً وتنسى حاجة أسمها السودان إلا بعد مغادرة هؤلاء الألبسة أولاد الحرام .

ده الكلام الكنا خابفيين منه

كفاية لعب بقضايا اهلنا في معسكرات النزوح واللجوء لقد اثبت ايه السيسي بانك مراهق سياسي لا اكثر، يبدو انك مثل هولاء من ابناء دارفور وبقيةهامش السودان في المؤتمر الوثني لاتبصرون فاصحاب المؤتمر ادوكم دروس وعبر بالمجان من الاتفاقيات السابقة من ناس اولي باس شديدمش زيك انت لازم تفهم انك كرت في يد المؤتمر الوطني يرموك بايز في الوقت المناسب ولاكن الخاسر هولاء البؤساء اللذين طال انتظارهم لمن ياتي ليعيد الطمانينة اليهم فانهم لايريدون منصباولاسلطان فقط يريدون العيش مطمئنين ليزرعوا حقولهم ويرعوا مواشيهم ويعقدون رواكيبهم لتسوية الخلاف بينهم… هذا هو حلم اهلنا الطيبين في دارفور….

يا سيسي حرام عليك ، هي البلد ناقصة و لا ده وقت كلام زي ده ؟ خليك مع الجماعة و إن شاء الله أمور دارفور حتمشي تماملأنو ما أفتكر بعد الحصل ده الجماعة يتشيطنوا و لا يستغفلوا الناس !بس عليك الله روق عشان السودان الفضل

كلو ولا التمويل ..التجاني دا جابو الكاش القطري التقيل واتعود على الرزم الخضرا
ما تدوه بحرد وبمشي

كلام خطير من قبل الحكومة ، بس نناشد الاخ التيجاني بما عرفنا عنه من رجاحة عقل ان يكون في مستوى المسئولية الوطنية هو والاخ نائب الرئيس فامل السودان الان فيكم انت يا ابناء دارفور صدقوني التعامل من الداخل افضل من التعامل الخارجي وكلنا سودانيين ونحب ارضنا
ياريت يا التيجاني ما تنجر لي بعض الناس في المؤتمر الوطني الذين يكيلون للوطن بمكيالين

شرب المقلب..بالسيسى…هههههههها

الرد جاء سريعا ومفحما لقادة نظام الابالسة ان اذهبو انتم وابنائكم فقاتلو ان هاهنا قاعدون فليستعد نافع وابنائه محمد وعبادة والطيب مصطفى وعلى عثمان وابنائه واخوان البشير وعبد الرحيم وابنائه وغيرهم لتحمل مشقة الجهاد فى سبيل بقاء نظامهم العنصرى وليستعينوا بباقى الهتيفة والرعاء الذين ملاوا الدنيا ضجيجا وذهبوا الى امريكا ومجلس امنها يستجدونها الضغط على سلفاكير لسحب قواته فهم اضعف من ان يحرروا شبرا واحدا من تراب الوطن ولو يستطعيوا فعليهم الذهاب بالتزامن الى حلايب والفشقه فهى ارض سودانية محتلة العام 2012 موعود بمزيد من الدراما على المسرح السياسى والعسكرى والاقتصادى السودانى يعيد السودان الى شعبه والى هويته والى كرامته التى سلبها نظام الابالسة فى الخرطوم على مدى ثلاثة وعشرون عاما من الظلم والاضطهاد والجبروت والاستكبار والفساد والقتل وسرقة اموال الشعب وتدمير النسيج الاجتماعى وافساد الساسة والقادة والمجتمع والموسسات ان الاوان لهذا الغثاء ان يذهب وان يبقى من يصلح البلاد والعباد وينفع الناس دولة شفافية وحكم قانون دولة يقودها اصحاب الموهلات والخبرات والقدرات نحو وطن ديمقراطى حر وطن يسع الجميع دون عنصرية او جهوية او طائفية.

اصل الاتفاقية مبني على المخصصات وليس اصحاب المصلحة الذين تم تجميعهم بقطر والسيسي عندما لم يجد الكشكش غادر مغاضبا وسوف لن يعود مرة اخرى كما غادر من قبله اركو مناوي مع اختلاف القصد عند الاثنين

تستاهل لنك بليد وصدقته الكيزان
ومعين واحد غبى أسمو تاج الدين نيام مساعد ليك
اصلو زغاوى ماسودانى
خنتة اهلك فى دارفور
خم وصر
تههاها
وعامل التاج فيها وزير
اطلعو يازغاوة بره

يا زول حمدلله علي السلامة وين الزمن بيك ياسيسي

احسن ليك تلحق الجبهة الثورية او ارجع لمكان شغلك القديم انت فاكر الجماعة جادين تمويل قال يجيبوا ليك قروش من وين انت الله ما ليك ولا شنو تمويل قال غيرك كان اشطر جدا لكن طلعت اى كلام يا السيسى الناس ديل اكلوا ابوهم الترابى ما ياكلوا ليهم امسيسى قوم لف و فرتق بلا ازعاج معال الناس ديل اليومين ديل عندهم مشاكل اكبر منك انت لازم تعرف الجماعة خاتينك للتسلية ساااااااااااااااااااااى

نصيحة للاخ التجاني السيسي: عليك التحلي بالصبر طالما صبرت على المفاوضات التي جرت في الدوحة لعدة سنوات – وطالما لم تصطحب معك التجارب الماضية في اصرارك على توقيع الاتفاق مع من لا يراعي المواثيق والعهود (حزب الدجال الوطني ) الان لا يجدي سفرك او غضبك بل عليك العمل بما وجهك اليه الدجال الاكبر ” :(ابحث عن مصادر اخرى للتمويل والمخصصات) – بمعنى اخر اتعلم الشحدة زي ما انحنا في حزب الدجال الوطني عندنا ناس نتخصصين في الشحدة – بعرفوا متين يشحدوا وكيف يشحدوا ومين يشحدوا – والله ديل هسع مش انت زعلان والله لو شحدوك بتديهم. اترك الزعل طالما حق المصاريف بيجيكم كل يوم ان شاء الله المخصصات كلها حا تجيكم دفعة واحدة – بس دايرنكم تصبروا شوية لكي نحل مشكلة هجليج و النيل الازرق وجنوب كردفان وجبهة الشرق والمناصير والجنوبيين القاعدين لينا في الخرطوم ونصلح البنيات التحتية للمؤسسات البترولية الدمروها الجنوبيين في هجليج – بعدين حقك وحق الجماعة المعاك بيجيكم لا تخافوا- بس شيلوا الصبر – نحن وعدنا الشعب السوداني كله بازالة الفقر وشظف العيش الي الابد وكنا صادقين معهم بدليل صبرهم معانا لمدة تزيد عن الاربع وعشرين سنة ولسع مستعدين ينتظرونا مدة زيها – لاحظ نحن لم نذكر مشكلة دارفور ضمن المشاكل التي نحن بصدد حلها – عارف ليش ولا ما عارف؟ تعال نوريك ليش: لانها تم حلها زمان يوم وقعنا معاك الاتفاق في الدوحة فاصبحت انت جزء من الحل ارجوك لا تخلق لينا مشاكل جديدة حتى نتمكن من حللة الاشكالات القائمة وينعم الشعب السوداني كله برغد العيش والحياة الهنيئة قبل القيامة تقوم!!!

اتمني ولو قال وأستخدم النفوس لسفاح المتاجر لشعب دارفورى الغالب علي امره ما يسمي رئس اتحادالافريقي
والاول مرة نري الامم المتحدة قتل شعب عزل بدل الحماية وامام دكتور سيسي وبات ساكتأ وهرب الي أديس

السيسى يستاهل اكتر من كدا لانو صدق كلاب المؤتمر البطنى وعلى فكرة ياالجعلى الزغاوى سودانى اكتر منك وارجل منك

اكككككك ككك ما دا زاتوا كلام نحن قناوا من زمن داك ولكن سيسي ما جابت خبروا ان شاء الله من اديس وقدام دا حل شامل جاءي بطريقة مدفع الشان ما يشيلك مع القطار الشيايل ناس بشير واباليسة الانقاذ فود خليهم كويس

والله يالتجاني الحاجة الطلعتك دي اكيد حاجة ماهينة لاننا عهدناك صاحب صبر وعزيمة لتحقيق مبادئك وقيمك وعموما الخطوة دي حتدي المؤتمر الوطني درس في التعامل مع النسان السوداني عموما والدارفوري بصفة خاصة ونقول لك اذا ظليت بالخارج وطالبت بحقوق المظلومين خيرا وإن عدت الى الداخل وكافحت بالكلمة والرئي الصصواب وبقيت للحكومة عضمة حوت لا تتبلع لابتفوت يكون هو المطلوب وافضل جهاد هو كلمة حق تقال لسلطان جائر وما ظنيت في جور وظلم مرى على السودان اكثر من حكم المؤتمر الوطني