فرض الوطن

صليتك فرض يا دوب
ولبستك عبايه وتوب
حسيتك رعشه فى بدنى
من رأسى للعرقوب
عايشك جوه يا وطنى
فرحان راضى بالمكتوب
ما لقيت سواك إنى
أنده أنادى يا محبوب
——–
يا وطن التساب والضى
أهوى الغابه فيك والصى
أحسك قوه فى جلدى
عايش فى المسامات حى
أشوف فيك أمى فيك ولدى
ولى شريانى تبقى الرى
ومهما أفوت أسيب بلدى
ألقى الذكرى هاجت بى
———
وطن ليهو القعده والقومه
وطن غيرو الدنيا معدومه
وطن نحيا فى الأنفاس
وبيهو قلوبنا مهمومه
وطن يتخته فوق الرأس
ريده وليهو مقسومه
جبالو ترابو بس تنباس
مناظر حلوه من يومه
وإنسان بسيط حساس
يعيش الفرحه وهمومه

[email][email protected][/email]