جدل في الخرطوم حول خلافة البشير..مراكز قوى يصعب تجاوزها ما لم يحدث توافق بينها.. ديبلوماسيون : البشير تلقى نصائح من الدوحة
الخرطوم – النور أحمد النور
أثار إعلان الرئيس السوداني عمر البشير أنه لن يترشح مجدداً للرئاسة بعد نحو ثلاث سنوات جدلاً واسعاً، وربط ديبلوماسيون أجانب في الخرطوم حديثه بزيارته الدوحة ولم يستبعدوا تلقيه نصائح بذلك، خصوصاً أنه سيبلغ سبعين عاماً عندما يحين موعد الانتخابات. وقال البشير في تصريحات خلال زيارته الدوحة أخيراً، إن المؤتمر العام لحزب المؤتمر الوطني الحاكم سينعقد في العام 2013 وسينتخب رئيساً للحزب سيكون بالتالي مرشحاً للرئاسة في العام 2015.
ويرى نافذون في الحزب الحاكم، أن ترجّل البشير عن كرسي الرئاسة، في النصف الأول من العام 2015، سيكون بعدما أمضى في الحكم 26 عاماً، ما يجعل من خلافته ليس بالأمر السهل، نظراً إلى استناده على المؤسسة العسكرية أكثر من الطبقة السياسية، وارتباط شريحة من القيادات السودانية بوجوده، ما يجعلهم يستميتون في تجديد ترشيحه. كما أن أبرز المرشحين لخلافته «أنداد» في أعمارهم وتقاربهم من الحركة الاسلامية، ما يصعّب ترجيح كفة أحدهم على الآخر. وإضافة إلى ذلك، هناك مراكز قوى يصعب تجاوزها ما لم يحدث توافق بينها على مرشح مقبول للأطراف المختلفة في حزب المؤتمر الوطني. كما أن غياب البشير عن زعامة الحزب سيتطلب بناءً جديداً له وإعادة صوغه وفق الواقع السياسي في البلاد.
وربط ديبلوماسيون أجانب في الخرطوم التقتهم «الحياة» موقف البشير الجديد بزيارته الدوحة، ولم يستبعدوا تلقيه نصائح بذلك خصوصاً أنه سيبلغ سبعين عاماً عندما يحين موعد الانتخابات، كما أن غالبية الدول الغربية تتحفظ على التعامل معه وترهن تطبيع علاقاتها مع السودان بتنحيه، الأمر الذي عقّد أوضاع البلاد السياسية والاقتصادية ودفع بها نحو التشظي بعد انفصال الجنوب واحتدام الحرب في «جنوب جديد» يشمل ولايتي جنوب كردفان والنيل الازرق بالاضافة إلى دارفور.
ورحّب المفكر والسياسي المرشح السابق للرئاسة عبدالله علي إبراهيم بموقف البشير، لكنه قال إن النظام الحاكم مصمم على مقاس الرئيس السوداني، خصوصاً بعد عزل الزعيم الروحي لانقلاب «الإنقاذ» حسن الترابي في العام 1999، موضحاً أن حزب المؤتمر الوطني يضم رجالاً قادرين على العمل السياسي في مستوى الرئاسة. وتابع أن هناك اعتقاداً واسعاً بأن الرئيس يتمسك بمنصبه كي يحمي نفسه من المحكمة الجنائية الدولية التي تلاحقه بتهم التورط في إبادة وجرائم حرب في دارفور، غير أن موقفه بعدم الترشح وفتحه باب الحوار الوطني وعقد مؤتمر دستوري سيدفع الوطن إلى حمايته.
وأعرب إبراهيم عن خشيته في ألا يكون عزم البشير على التخلي عن رئاسة الحزب الحاكم مجرد فضاء للتنفس. ولم يستبعد أن تُخرجه صناديق الاقتراع من منصبه إذا ما اتحدت المعارضة الرئيسية ضده. ودعاه إلى المبادرة بـ «ربيع سوداني» لتجنيب البلاد أي منعطفات خطيرة إذا ما توافق وتواثق مع دعوات القوى الوطنية، لافتاً إلى أن دولة «الانقاذ» هي «دولة متحركة»، وأن أي مجازفة بتسمية من يخلف البشير حزبياً ستكون مثل دخول «منطقة رمال متحركة».
لكن حزب المؤتمر الوطني لا يرى على ما يبدو أن اختيار خليفة للبشير من القضايا المستعجلة التي يريد الحزب أن يحسمها. وقال مسؤول الإعلام في الحزب بالوكالة ياسر يوسف إن القطاع السياسي لحزبه لم يناقش هذا الحديث، وإن هذه المسائل تقدّرها أجهزة الحزب، موضحاً أنهم في منتصف الدورة التنظيمية للحزب التي شهدت تعديلات واسعة في قطاعات وأمانات الحزب ريثما تُستكمل المدة التي تبقّت من الدورة التي تبقى لها عامان. ورأى أن المؤتمر العام للحزب بعد عامين هو الذي يقرر من الذي يرشحه للرئاسة، الرئيس الحالي أم غيره.
وكان مسؤول الشباب في المؤتمر الوطني عبدالمنعم السني، قال إن البشير لن يترشح لولاية رئاسية جديدة، وإنه يعتزم ترشيح شخص آخر بنهاية دورته الحالية، نافياً أن يكون ذلك جاء بناء على مطالبات داخل الحزب، موضحاً أن شباب الحزب لم يطالبوا بتنحي البشير، لكن خطتهم لا تستهدف شخص الرئيس بل تستهدف كل من يتجاوز سن الستين لاتاحة المجال أمام جيل الشباب.
دار الحياة
والله برضه ما بحلك من الجنائية
وانت عايز تقعد لين الانتخابات طير طيارة تاخدك زي ما اخدك غيرك
بالله هو لاهاى فيها انتخابات كمان؟؟؟
ما كفاية قلنا الروووووب تانى ح ننتظر 3 سنة عشان يتنازل البشير عن الحكم يازول أمشى الليلة قبل باكر غير مأسوف عليك لماذا إنتظار ثلاثة سنين أخرين ما خربت البلد اليخليك تقعد شنو أكثر من كدى غور قطر عجيب المايجيب أقيف لحدى هنا بدل الميتة وخراب الديار دى . والشعب يريد تغير البشير ونظامه أى عمرة للباقين من أجل بقاء نظامكم ما منها فايدة مبوشين مخروطين للأخر لا مصالح يرجى منكم كل سياستكم وصلت الى طرق مسدودة كسدودكم إنقلعو طوعا أو كرها أتركو البلاد والعباد للخالق ومفكرى أبناء هذا الوطن الغير منتمين للحزب المؤتمر الواطى الجائر ..
بلد الرئيس هو الامر والناهى والرئيس المفكر والتاجر والمستثمر وصاحب الشركة الوهمى الفلانى وزوجته وأخوانه وكل أقرباء دم البشير تجار ومستثمرين وأصحاب حظوة من نصيب البلد طالعين نازلين ماكلين والوطن فى ستين داهية والمواطن تحت الجزمة وكرباج قدو قدو وطلقات رجال الامن مسلط على الرؤس..
والله يالبشير مابنعفي ليك ولابنحلك من الجنائيه مش كان ما اترشحت !
كان قلت انا غلطان برضو مابنخليك
الا ترجعنا محل ما انقذتنا ؟ ود مستحيل عشان كده القصاص منك ومن عصابتك يامجرم
ومحل ماتمشي نحن وراك للاقتصاص منك .. الله يلعنك ويقبحك ياقبيح الاخلاق يادجال
ربما يحلما منك يابلوة ربنا ابتلانا بيها
الشعب لا يهمه البشير و لا من يخلف البشير … كله زباله…. الشعب يريد اسقاط هذا النظام الفاشل الفاسد…. ماذا قدم البشير و عصابته للوطن غير النهب و الافقار و الحروب و انهار الدماء و بيع مقدراته و تبديد موارده و التفريط في اراضيه و في سيادته؟
ايه رايكم في عبد الله البشير كمرشح رئاسي بعد اخيه . وهو برضو عسكري وبدرجة عالية من الشفافية واخو الرئيس المحبوب جدا جدا . شكرا على دعمكم للاقتراح ولنلتقي عند صناديق الاقتراع لو فضل متكم احد.
دي قديمة ألعب غيرها …. لعبوها ناس كتار قبلك . السيناريو الذي سوف يحدث هو كالتالي : سوف يقول البشير أنا أصريت ألا أرشح نفسي مرة أخرى . لكن أعضاء وقاعدة الحزب أصرت على ترشحي مرة أخرى . وتحت إلحاح الحزب أنا رشحت نفسي مرة أخري…
نفس السيناريو .. والطبخة القديمة التي طبخها قبله جمال عبدالناصر و جعفر نميري وأخيراً على عبد الله صالح ومعظم الرؤساء (المكنكشين في السلطة). والبشير سوف لا يشذ عن هذه القاعدة. أتنمى أن يكون البشير صادق في كلامه ( هذا إذا بقي هو في السلطة حتى ذلك الحين ) . لكن أنا أشك بقوة في كلامه ..
نهبتو وسفسفتو وما خليتو لينا عضم نكدوه لمن سنيناتك اتكسروا والجماعة المعاك ديل وعايز تجيب لينا واحد بديل ولا لسع عندك القدرة لسفسفه بعد ما تغير طغم الاسنان من نوع اسنان الفك المفترس وتدهج فى الباقى من مستشفى العيون و غابة ام سنط وحفير مشو وحوض السليم ونهر الدندر وتكون قضيت على على كل شى وما ابقى لينا الخرابة العايشين فيها ..
استقيل اشرف واكرم ليك وخلى عندك شوية دم يا عديم البصر والبصيره .
انتا ما بتشوف البلد وصلت وين من يوم ما تسللتوا الى القصر الجمهورى وعملتوا لينا فيها المنقذ بالله الوطنى وشلة حراميه متأسلمين يجهلون اصول الدين ويحملون معاول التدمير والجيوب الكبيرة والنفس المفتوحه والمعدة الخاوية ام طواحين تطحن وتهضم فى اقل من ثانية لو كان قصر الشيخ مصطفى الامين رحمة الله عليه او شارع الانقاذ الغربى بما فيه من اسفلت و حجر ودراب وروث ؟
اخجل شويـة من نفسك واقعد مع الحاجة وشوف بطن كراعه قبل الانقاذ اين راحت الشقوق البدخل الضب امكن تكون وقعت ليها فى يد واحد من الجماعة وحولهم الى ماليذا بموجب فقه الستره .
انه زمن عجيب الذى ابتلانا بكم و امثالك من المنافقين والمدعين الاسلام .
ولنا لقاء قبل نهاية فترة حكمك فى ساحة العدل امام القضاء والسؤال من اين لك هذا ..
خليك مستعد وبعدها الى كوبر منها واليها وانه سوف تكون الخاتمه ….
رداً على المستغرب
ما أنت ذاتك ممكن ذلك الفاسق الذي جاءنا بنبأ ان البشير رجل صالح ؟؟؟؟
( وتابع أن هناك اعتقاداً واسعاً بأن الرئيس يتمسك بمنصبه كي يحمي نفسه من المحكمة الجنائية الدولية التي تلاحقه بتهم التورط في إبادة وجرائم حرب في دارفور، غير أن موقفه بعدم الترشح وفتحه باب الحوار الوطني وعقد مؤتمر دستوري سيدفع الوطن إلى حمايته.)
هل حقا هذا كلام د.عبد الله على ابراهيم؟
لا اعتقد ان الدكتور يستكثر على الوطن ان تنشا فيه عدالته المحلية الوطنية,التى تحاكم البشير كما تحاكمني وانتم.
ربما, ربما, ان الدكتور يقترح مبدا للمساومة:حماية البشير, من الجنائية ومن العدالة الوطنية, مقابل ديمقراطية البلاد.
ولكن هذا يتطلب موافقة الضحايا فى دارفور وغيرهاوضمان مشاركتهم فى سلطة وثروات الوطن. وهذا يتطلب من ضمن ما يتطلب ان تنخرط احزاب ورموز وطنية مثل الدكتور فى حوار وتوافق مع الجبهة الثورية .
البصدق البشير منو؟ايام الانتخابات ملص الكاكي واستقال من الجيش وبعد يومين لبسه تاني ورجع للصعلقة والسكسكة وبقي قايد الجيش
سير سير يا بشير
الى لاهاي يا بشير
اقسم بالله كرهتنا السودان يا مطلوب المحكمة الجنائية
ياجماعة الكلام دا كان بقا صاح .. يبقى بله الغايب طلع كضاب
البشير فى يناير 2010 قال انه تقاعد من القوات المسلحة حتى يكون مدنياً للترشح فى انتخابات الرئاسة حسب قانون الانتخابات ، وإلى الآن نراه فى بزته لم يتخلى عن مناصبه العسكريه والغريب ان الناس لم تلقى بالاً لهذا الأمر وهى كذبة كبرى
إذن هؤلاء أناس يعيشون على الكذب فما الذى يجعلهم صادقين الآن
زي ما بقولو الهنود “خلي يولي”ونحن نقول “قطر عجيب يودي ما يجيب”اللهم استجب لصلواتنا بذهاب هذا البلاء
ياربى الرئيس الجاى بعد البشير ده منو…؟؟؟
اوعاكم تقولو لى الاسمو …الحاج ادم يوسف ..الراجل اتلقى هسع فاتح خشمو اربع ضلف لم سمع ان البشير مش حا اترشح لدوره جديده ..اوعاك ياالبشير تقع فى نفس الخطا الوقع فيهو الامام محمد احمد المهدى حين عين التعايشى خليفه له .فهل يلدغ اولاد البحر من الجحر مرتين .وشكرا
لالالالالالالالالالالالالالا ، تتخارج بي اخوي واخوك مافي دخول الحمام ليس كخروجه … نهب وسلب وترويع امينين وقتل واغتصاب حرائر يمين بالله ما بتسلم … احسن واسلم شئ لك بعد تتقاعد انو يستلمك اوكامبو وتعيش بين اربع حيطان وتسأل الله انو يغفر لك … وذلك من كل ( تيس مسئول عن غنمه ) طبعا عامة الشعب ليس غنم هم اتخذوا جنس غير جنسك ( كانوا بشر متفرجين )
يا اخوانا اتخيلوا االحكومة دي اتغلبت زي البشير ونافع والمتعافي والاهبل بتاع جامعة الرباط عبدالرحيم وعثمان اسماعيل وبتاع مشروع سندس الصافي وكيزان الجامعات وعمك الاعور الُمقال ( بتاع الأمن ) حيعشوا بسلام كدا مستحيل والله ادخل هولاء المتاسلمون قيم وعادات يجب ان يحاسبوا بها حيكون في اغتيال واغتصاب وقتل وتلفيق جرائم يعني مخارجه بي اخوي واخوك ما في يا بشير بس انت اسأل الله انو يسهل لي اوكامبوا ( قال اسد العرب )
ردا على المستغـــــــــــــــــــــــــــــــــــــرب
فعلا أنت مستغرب مغرب ومغيب وليس لك عقل تميز به بعد 23 سنة عجفاء تجي تقول البشير قدم أظنك غير أعلامهم المضلل المحنط ما قاعد تتابع أخبار والمصيبة الكبرى ان تدخل الانت ولكن لا تعمى الابصار ولكن تعمى القلو التي في الصدور ماذا قدم البشير غير القتل والسفك والدماء وحتى أمه شهدت عليه في قناة النيل الازرق قالت ولدي من صغير ما عنده غير الضرب وضرب ناظر المدرسة وبضرب زملاءه في اللعب وما بضرب إلا بالحديدة هذه شهادة أم على فطرتها ولا تعرف مدى خطورة كلامها مما يعني أنه دموي منذ الطفولة لذا شيخ الترابي وضعه لقيادة الانقلاب ولأنه دموي قتل شهداء رمضان صبيحة العيد 26 ضابط بدم بارد وخلال ساعات قليلة واعترف بلسانه أنه من قتل في دارفور 10 ألفف فقط غير المليونين في الجنوب والاسبوع الماضي قال على استعداد يضحي ب 18 ألف من الدفاع الشعبي من أجل أن يصلي في كاودا وقبلها صلى في الكرمك على جماجم وأشلاء الانقسنا والوطاويط والبقية تموت جوعا في النيل الازرق وجبال النوبة هذا انسان مجرد من الانسانية لذا ما في عفا الله عما سلف القصاص القصاص بواسطة الجبهة الثورية الموت الموت
كدي لحدي 2015 يحلها الحلال، امكن تنضج قبل كده بكتير لانو لحد الوقت داك البلد امكن تفطس، وبعدين نشوف الشعب رايو شنو حيقعد منتظر كده ولا عندو راي؟
كل عالثورات الاقتلعت الطغاه جاءت من الشعوب الواعيه متين بتقوم ثوره لما يكون في ظلم واحساس باالظلم عند الشعب فيا اخواني هل الشعب السوداني حاسي بالظلم لا مغيييب ومعارضه اخخخخخخخخ بس خليها علي الله يعني بدل تعاين للتدخل الاجنبي اوتعول علي الحركات السجمانه ومسلحه تعمل حرب اعلاميه كاسحه الاعلام الاعلام الاعلام نت ذي اضاءات الراكوبه وحريات وغيرها اعملو قناه في احدى الدول الاوربيه واكشفو من خلالها الفساد عشان كل واحد يشوف نفسه عايش كيف والقله الحاكمه واهلهم وحبانهم عايشين كيف واخخخخخخخخخخخخ بس
فى عالم خايفه على اكل عيشها ودائما تقول من هو البديل, وسؤالنا لهم من هو البديل بعد 2015
كل مواطن شريف احق بقيادة هذا الوطن
انضموا الى الجهه الثوريه لغسيل البلاد من وسخ الكيزان
يا خليل عازة كتر خير الخليفة رضي الله عنه الحرركم من الاتراك والمصريين اسبادكم الذين حتي الان تعملوا لترضيتهم وعاوزين توطنوهم في الشمال بدل الغرابة زي ما قال كباركم في المؤتمر الوطني ولو ما الخليفة عبدالله ما كان هنالك مهدي ولا مهدية والمهدي لانظلمه لكن كل فترته 2 سنة وتوفي والخليفة 13 سنة والغرابة سوف يحكموا البلد لو عاجلا او اجلا وانتم اذهبوا مصر
منذ أول انتخابات صورية قامت بها الانقاذ… ايام لا كان في مؤتمر وطني ولا شعبي.. ايام رمز (المروحة) الناس قالت تاني يمروحنا خمسة سنة… شوف هسي اتمروحنا كم سنة…. رجل فاشل بمعنى الكلمة.. اورد بلادنا المهالك… وبكل برود يقول انا في نفسكم لحجت 2015.. الله ياخدك ويريحنا منك…
البديل جماعة طالبان قبل عام 2015 وسيحكموا بالقران وسيكون السودان وطن للاسلام وجميع المسلمين بدون عنصرية او مذهب او لون وعندها سيتفرق الحمع ويولون الدبر فهل من مدكر
افضل شىء يا لبشير اذا ما عايز تترشح انت تسلمها لى الترابى راجعة
لانه الجماعة ديا حا يتماوتوا فى الرئاسة
وحا يقع فيها دم
اى واحد يقولك فلان هو الاولى
وطبعا الحزب ما فيه شورى
بس طبخ من الخارج
كذاب انتا ياخليل العازه قاصد انتا الغرابه والهم من كردفان ودارفور بس ما عايز تخلينا نحن ناس كردفان كمان نطلع ونعارض وبنفس اسلوبكم في دارفور فرقتوا بينهم في البدايه عرب وزرقه فور وزغاوه وبرتي وبعدين ضربتوهم انتا واحد عنصري وبس ووالله انا شخصيا ما عارفك بتتعنصر علي شنو انتا ما في اي فرق بينك وبين الحاج ادم وبعدين ما كردفان امتداد لدارفور وتقريبا القبائل الموجوده هناك موجوده هنا مع بعض زياده بسيطه لا تتعدي 2% من سكان كردفان من باقي قبائل السودان .انتا الظاهر عليك واحد عربجي ساي واجوف وسطحي دي ما دايره غلاط وامريكا الانتوا قديتونا بيها دي رئيسها بقي اسود الكانوا اهلوا زمان عبيد عند الامريكان ناس دارفور وكردفان ما كانوا في يوم من الايام عبيدك ولا سمعنا واحد من اولادك بتاعين البحر البتقول عنهم كان مالك ليهو واحد منهم.ناس كردفان ودارفور ناس اصاله وتاريخ الا تكون شغلتك مكابره ساي وبدون رجعه للتاريخ وانا عارف انوا الزيك بهذا الفهم كتار في الحكومه الظالمه دي والا ما كانوا اختلفوا مع الترابي لان هذا كان هو سبب انفصالهم .