لصوص يتنكرون في هيئة عمال كهرباء ويسرقون (كيبل)
الخرطوم-
تنكر لصوص في زي عاملين بهيئة الكهرباء وقاموا بسرقة كيبل يبلغ طوله (1200) متر من منطقة أبو سعد بغرب الخرطوم، وقد اكتشفت الهيئة تلك السرقة عندما كانت تقوم بمراجعة لشبكة الكهرباء فوجدت ان الكيبل قد تمت سرقته وقدرت الهيئة حسب موظف فوضته لمباشرة تلك الإجراءات لدى شرطة أبو سعد قيمة الكيبل بـ (35.360) جنيهاً وباشرت الشرطة إجراءات التحري وتوصلت إلى أن الكيبل تمت سرقته بوساطة أشخاص يستقلون عربة دفار ادعوا أنهم يعملون بالكهرباء وأن هناك عطلاً يريدون إصلاحه وقاموا بنزع الكيبل بحجة تغييره لمعالجة العطب، وقد دونت شرطة أبو سعد بلاغاً بالسرقة في مواجهة مجهولين، وكلفت المباحث فريقاً من أفرادها للقبض عليهم ورجحت التحريات أنهم يتعاملون مع تجار الخردة الذين اعتادوا على سرقة الكيبلات وصهرها وبيعها بالكيلو مما يخسر الدولة أموالاً طائلة لعلاج العطل الذي تركوه الذي يدفع المواطن فاتورته انقطاعاً في الكهرباء.
الاهرام اليوم
يا خوانا الحاصل شنو في البلد دي ؟
السرقة بقت زي الصلاة تمارس يومياً
دا مشروعكم الحضاري يا المؤتمر ويا البشير ويا الترابي ؟
في شنو ؟
انا مافاهم 10000 عملية اجهاض
البلد دي يا ربي فضل فيها زول صالح ؟
زول بخاف الله فيها ؟
انتوا لو ما سيدنا محمد صلى الله عليه وسلم آخر نبي ولو ما زال باب ارسال الانبياء مفتوح دايرين لكم 100 نبي يا ناس السودان عشان يرجعوكم لصوابكم
اتقوا الله يا عالم
في موت في عذاب قبر في حساب في يوم قيامة في عذاب في الارض بسبب الفساد
يعني الا ربنا دا يجيب لكم زلزال واللا خسف واللا ريح صرصر عاتية حتى تعرفوا الله واحد ؟
ما عارفين قصة فرعون وثمود وعاد الا تتعظون ؟
نزع كيبل كهرباء بطول 1200 م ليس بالامر السهل و يحتاج الى وقت ربما الكمية 120 م
الغفير بيسرق والوزير الذي يتعدي ولو بالقليل علي المال العام بموجب صلاحياتة او بموجب فقه التمكين برضو سرقة ورجل الشرطة ورجل المرور الذي ياخذ الرشوة برضو بيسرق وبتاع الجمارك علشان يخفض في التقديرات عاوز رشوة برضو سرقة السرقة شغالة ليل نهار عينك عينك ومعظم سواد الشعب السوداني ولغ في الحرام والعياذ باللة اذا كان المسجد فية مائة مصلي طلع منهم خمسة هم فقط الحريصيين علي اكل الحلال هذا واقع الحال في سودان اليوم فبشرهم بالغلاء والامراض (ولو ان اهل القري امنوا واتقوا لانزلنا عليهم بركات من السماء والارض ) والعكس صحيح (ولا يغير اللة ما بقوم حتي يغيروا ما بانفسهم ) وسلط الحكام الظالمين الاقصائيين المحرمين الحريات والمتسترين علي المفسدين والمبرئين قاتل النفس باسم الجهاد والقاتلين صاحب الكلمة المخالفة لرايهم – كلة بسبب اكل الحرام تسليط الحاكم الظالم علي العباد سببة ذنوبهم