وزير المالية : السودان يشهد آخر مراحل البرنامج الثلاثي

وأكد أن البلاد تشهد آخر مراحل البرنامج الثلاثي الاقتصادي الذي ساهم في استقرار سعر الصرف ومعدل التضخم.
بالله يا بشر يا كيزان اتركو المسميات والهطرقات البتقولوه ده, اي برنامج ثلاني وايه كلام فارغ واي انجاز بتتكلمو بيهو , اشرحو لينا بالبلدي زي وزي اي دولة في العالم عشان الناس تعرف معني البرنامج الثلاثي هو شنو وليه سميتو كده وانجزتو شنو , واول مرة اسمع دولة تخطط اقتصادو في حدود ثلاث سنوات مع العلم انفصال جنوب السودان واثاره علي الاقتصاد.

ان التخبطات في الاقوال الافعال الصادرة من
من قيادة حزب المؤتمر الوطني تدل بوضوح
على استنفاد الحزب الحاكم لادواته واصبح
قاب قوسين او ادنى من الزوال والانكسار
والا كيف تدعوا الى حوار وطني وتقيده
بموجهات ومحكمات حزبية فهل السودان هو
ملك لحزب معين او شخص محدد لا والله فالسودان لكل السودانيين وان الحوار الوطني ينبغي ان يكون
جامعا لا يقصي احد وان تطرح فيه كل القضايا بشفافية ووضوح ويسمع فيه لكل الاراء دون تحزب او تعصب على ان تكون غاياتنا هو السودان الجديد سودان العزة والكرامة فهل نفتح عيوننا وقلوبنا لنداء الوطن ام تظل الحزبية والمصالح الفئوية دون الوطنية هي الغالبه فيضيع معا السودان

عجائب ياوزير المالية ياتو برنامج
ثلاثي تعني الدولارالذي تضاعف أكثر من ثلاث
مرات من 2700 ل 8300 ج ولا اللحم من 16
ل 45 ج ولا البنزين والديزل أكثر من ثلاث
مرات والأسمنت والحديد والطوب والسراميك
أكثر من ثلاث مرات معظم السلع في السوق
محلي أو مستورد تضاعفت قيمتها ثلاث مرات
فأكثر ولم يفت علي الحكومة مواكبة السوق
فزادت الضرائب والجمارك والدولار الجمركي
والرسوم بكل أنواعها والكثير المثير من فنون الجبايات وبيع أملاك الدولة أم قمتي لا من سمع لا من شاف . برنامجكم الثلاثي الشارف علي الإنتهاء سويتوا فيه شنو ؟ ياتو مشروع سويتوهوا وإنتاجه في مواني الصادر. ياتو مصنع بنيتوهوا ومنتجاته وصلت الأسواق العالمية ، تكونوا سعيتوا ليكم معوز و ولدن وناوين تبيعوا التيوس ماسمعنا ليكم بي إنجاز يسند الإقتصاد أو يحد من إرتفاع الدولار أو يوقف الإنهيار الذي نعيشه ولا الكلام ببلاش تقولوا مايحلوا لكم وتفعلوا مايحلوا لكم ، فالقول قولكم والشور شوركم ومن عداكم يكفيه من فضلكم عليه أنكم لم تمنعوا عنه الهواء . عجيب أمركم تستبدلون الذي هو أدني بالذي هو خير .