سلفاكير يطلب تدخل أفريقيا عسكرياً لمساعدة قواته

سلفاكير فقد المنطق خلاص جن على نفسه لو فكر فى سحق المتمردين ضده او ضد حكومته بقوات اجنبية ..كلام عجيب

الشعب السوداني شماله وجنوبه قالوا أنك يا سلفا كير رجل دولة عاقل تجي تطلب تدخل قوات أجنبية في بلدك وبهذا التصريح الواضح؟؟ وضد من؟؟ ضد أهلك وإخوانك وشعبك؟؟ يا لكم من رؤساء آخر الزمان .. تعزل قادة الحركة الشعبية والجيش الشعبي بتعليمات من عمر البشير (ولا أقول شمال السودان) بدون تفكير في الموقف الذي سوف يتخذه قادة الحركة الشعبية المعزولين وخلفهم شعب الجنوب ؟؟؟ كنت تفتكر أنو شعبك حيرضي أنك تضعه مرة أخرى في عباءة حكام الكيزان العنصريين في الخرطوم؟؟ أم أنك إعتقدت أنك ممكن تجيبهم بالقمع؟؟ طيب هاك الورطة دي..

خلاص مما عمك سلفاكير بدأ يطلب بنفسه التدخل الأجنبي معناها إتعصر واحس بالخطر.

والله بصراحة سلفاكير طلع قائد داقس وماعندو بُعد نظر.. يعني قبل كم شهر لما أعلن عن طرد دكتور مشار وباقان وكل الشلة الكبيرة نحن إستبشرنا وقلنا سلفاكير بدأ يتخلص من شلة الفاسدين وبيخطط لمصلحة الشعب الجنوبي المقهور، لكن الآن أثبت للعالم كلو أنو طردهم لمجرد أسباب سياسية تنافسية وأنو طردهم بدون تفكير زاتو لأنو هو عارف مشار عندو قوات خاصة بيهو وعندو علاقات جوة الجيش الشعبي كمان.. يعني ما زول ساهل.. وأهو الدليل الآن إنو مشار في أسبوع واحد بس إحتل تلاتة من أكبر الولايات الجنوبية ومنها ولاية الوحدة المنتجة للنفط……. ما عارف سلفاكير ده كان قاعد يعمل شنو؟؟ والجيش الشعبي (اللاهط ميزانية النفط كلها براهو) قاعد يعمل شنو؟؟

غايتو بصراحة في حاجات كده ما مفهومة في البيحصل ده.

والسؤال الكبير هو: لو مشار وباقان إستلموا السلطة (وده ما بعيد) فهل ده في صالح الخرطوم ولا كيف؟

أوع الجمبري يعضك يا سلفا

واي واي واي واي واييييييييييييي. خلاني براي ما قولنا ليكم من زمان الما بتقدروا عليه خلوه

عودة الجنوب للوطن الام هو الحل الوحيد…وبغير العودة؟ حرب قبلية تقضى على الاخضر واليابس وتعمق جروح لاتندمل فى المستقبل المنظور…ودخول الجيش الابيض فى المعارك(جيش من النوير) يعنى ان الصراع قد اصبح قبليا بالكامل…مازالت الفرصة سانحة للجنوب للعودة للشمال غير انها قد لاتتاح مستقبلا…الجنوب دخل فعلا فى كارثة قبلية ضخمة…يا تعود يا جنوب للشمال يا تقوم فيك حريقة…وكان قامت الحريقة لايمكن ان تنطفى قبل حريقة الصومال

على سيلفاكير أن يفهم الآتي:
1. رياك مشار وباقان أموم ودينق ألور وريبيكا قرنق وبقية قادة الحركة الشعبية، شُركاء لك في الحُكم وليس أُجراء عندك، تُعينهم وتفصلهم كما تشاء.
2. لن يأتيك أي خير من نظام عُمر البشير، فلا تجعل أذنك أطول من اللازم.
3. لأوغندا أطماع حقيقية فلا تمنحهامُبرر للتدخل واتعظ من تدخل أوغندا في دول الجوار، ولو أن لأوغندا القُدرة على سحق التمرد لسحقت جيش الرب الأقل عُدةً وعتاداً.
4. أطلب اللجوء مُفابل عدم تقديمك للجنائية الدولية.

على حكومة الخرطوم والاتحاد الافريقى طرح مبادرة على الجنوبين بعودة الجنوب للشمال لنه الحل الوحيد لاستقرارهم واستقرار المنطقة .

علي الرئيس سلفا اطلاق صراح كل من باقان ودينق الور وكل المعتقلين والدخول في التفاوض بسرعة والا ما يتوفر اليوم من اجواء للحوار لن يتوفر غد

التسوى بايدك يغلب اجاويدك

لا افهم لماذا يربط المعلقين مشكلة جنوب السودان بشمال السودان او المؤتمر الوطني. او عمر البشير يا ناس ما عندكم. وطتية .هذا حقد و حسد. نحن نتمنى لجنوب السودان العافية . كما نرجو عدم ربط ما يدور بالجنوب بالسودان لوضوح الرواية . وعلي الحكومة إعادة مادة التربية الوطنية بالمدارس . الوطن شئ و كراهية شخصة شئ أخر .افيقوا ايها السودانيون

كل جيرانك لديهم ثورات وتمرد السودان يوغندا أفريقيا الوسطى و…………
الحل في إقناع أنت والبشير و موسيفيني وشاكلتكم أن يكون الكرسي دوار
الروب الروب قالها موسفيني بحجة الإرهاب

غايتو مشكلة عويصة انفصال الجنوب خلق دولتين فاشلتين الشمال والجنوب سيلفا عقد مع الكيزان وأتعلم حركاتهم
تحول لديكتاتور من غير قدرات راجل أمي
الأيام الجارية متكون فيها بلاوي للشمال والجنوب خاصة بعد وقوف تصدير البترول

سلفاكير العوير.. ولع النيران براهو… والآن يبحث عن من يطفئأها معه..؟؟!!
هل شاركك القادة الافارقة او غيرهم في فصل وتجريد قادة الحركة الشعبية من مناصبهم ..؟؟..لكي تدعوهم الآن للمشاركة في مقاتلتهم..؟؟

يا ناس ، هسع الراس دا ( فاركنو ) كدا مالو بالرماد ..

مشيتو وجيتو لغناء صلاح مصطفى : مافيش شمال بدون جنوب ما فيش جنبوب بدون شمال كلنا إخونا
نميري قال كلام نعيش سوى في سلام أنا واخوي ملوال كل واحد قال ……. وحدة السودان ..وما عودة برلين ببعيدة عن الأذهان …نبرة عودة الحدة بدت تدق نقارة الورل …ربنا يوحد السودان

مع تداعيات الازمة التى تنذر بحرب اهلية جديدة، ادخلت الحركة الشعبية البلاد فى نفق مظلم لا يمكننا التكهن بنتائجه، فمن فشل فى ادارة البلاد جعل منها معارك ضارية فى تدميرها برؤية السودان القديم. حقا انها معارك الخاسرون بكل ما تحمله هذا الكمة من المعانى لطالما لا فرق بين جكسا وجاكسون ومن هم بخلفهما من الجيوش الجرار احمر كان أم ابيض. فجنوب السودان معود بالأزمة البلقانية إن أحكمت النزعة القبلية بعقول وضمائر من يعتقدون فى الحرب غاية لانتزع مأربهم القبلية والسلطة وسيلة لاسترضاء الضعفاء، واكره المقاوميين، واسترخاء الوطنيين. فمادامت حزبية تاسيس الدولة بتأزمها القبلي لن تقود لاستقرار البلاد فانها من الحكمة بعد الانجازالتاريخي لشعب جنوب السودان لمصيره ان تتوج هذا الانجاز بمؤتمر التاسيسى لدولة جنوب السودان تضع من خلالها وثيقة الاجماع القومي بمشارك احرار متساويين ممثلين عن الاقاليم الثلاثة. لقد باتت واضحة السير على هذا الدرب المكلف بمثابة الانهيار المحقق بدليل الاحداث الجارى التى وحدة القلة من الانتهازيين حول مشروع لا اشك إن تمادوا فى تطبيقها يمكن أن تهدد كيان الدولة ووحدة شعبه مادامت النسخة القديمة من الحرب الدائرة يمكن ان تكون خير استفهام للقوميات الاخرى فى دولة تمزقها النزعات القبلية، وشطحات التزعيم. اليوم من حمامات الدماء التى تسال لا احد منهم يمكن ان يداعي القداسة اي كان حجية مبرراته طالما الاوراح التى تِسحق تسمو فوق جميع التقديرات سواء كان باسم الوطن أم السلطة، لذلك ارى، المتساكشين حول السلطة شركاء فيما ارتكبت من الجرائم ضد الانسانية فى هذا البلاد لا احدا منهم يداعي القداسة بعد حمامات الدماء التى إرقت غفلا وتغفلا تحت تاثير ايات التسلط الشيطاني، لذلك فإن كان واقع الاحداث الجارى مؤلمة فما بالك مستقبل البلاد فى ظل دعاوي ذاتها المثيرة لاشتمزاز، وانفلاتات تنذر بمستقبل مظلمة إن تمادت المنفلتين باسم الديمقراطية فى اعمالهم اللاديمقراطي . اللهم بارك جنوب السودان

الاخ ريك مشار ارواح النوير في زمتك اذا تدخل أي اجنبى في الحرب ضاعت قبيلتك افصل ليهم حقهم بدون نقاش او مفاوضات

ماقلتو نوبة ///// كان عجبك

الزول يقولك راسو موجعوو تربطولو كراعوو

ياجماعة ماتتعبوا نفسكم ..الجنوبيين لايجيدون غير القتال ولايعرفون غير الموت ..انظر تراثهم ورقصاتهم العسبية المعبرة ..تتعرف عليهم

كل المصائب البتحصل والحصلت والممكن تحصل وراها موسيفينى الكلب ، يوغندا كلها الآن فى الجنوب ، وطبعاً بالنسبة إلى اليوغنديين الجنوب صيدة سمينة ، لكن أو النوير إذا ماتوا أو عاشوا هذا لا يهم موسيفينى فهو مهندس فصل الجنوب ، بمساعدة عسكرنا قصيرى النظر ، الآن الشمال والجنوب مستهدفيين رغم الخير الوفير فى الطرفيين ومع ذلك نحن أتعس شعبين على ظهر البسيطة ، وغايتو نفوض الأمر لصا-حب الأمر

الحـل هـو فى صدور قـرار من الأمم المتحـدة بوضع الجـنوب تحـت وصاية الأمم المتحـدة لمدة عشرة سنوات وتكليف دولة لرعاية مصالح الجـنوب وادارته حتى ينهض ويتعافى .