عمر دفع الله

يا الاسمك عمر دفع الله انت ? ياخ خليك زول على الاقل عندك وطنية لبلدك واحترم رئيسك مهما كان ? يعني موقع الراكوبة ده اكيد زي القناة الفضائية مشاهد من جميع انحاء العالم – اهو رئيسك ما متخبي من اوكامبو بتاعك ده لافي .. واحسن تعمل حسابك في رسوماتك دي لأنو بصراحة رأيت في المنام تم اعتقالك

كثير من السودانيين يعتقدون ان الوطنية في انك تعبد البشير وتصدق ما يقوله ولا ترى الا ما يراه ولا تسمع الا ما يسمعه امثال الذي يكني نفسه ( سوداني وافتخر ) واقول فليذهب البشير الى الجحيم لانه ادخل السودان في الجحيم والذي رايته في المنام تم القبض عليه هو البشير وليس شخص اخر وانتظر بعدما ينتهي استفتاء الجنوب ويتم الاعتراف بالجنوب كدولة سيطارد بقضية دارفور وفي كل مرة يقدم تنازلات ليحمي نفسه وكرسيه وعندما تنتهي كل الاوراق التي يمتلكها سيتم القبض عليه لان امر البشير يطبخ على نار هادئة وما احلى الطبخة عندما تكون على نار هادئة . ويا هذا اما يؤلمك الموت والجوع والخوف والتشريد في دارفور ؟ ام يؤلمك ان ترى السودان يتفتت بفعل البشير واعوانه ؟ اما يؤلمك الغلاء الطاحن في السودان؟ اما يؤلمك ان يفقر كل يوم الاف الناس لكي يغتنى الانقايون؟ اما يؤلمك التردي في الخدمات الصحية والتعليمية والبيئية في السودان؟ اما يؤلمك ان يشرد رجال السودان باسم الاغتراب ؟ اما يؤلمك ان تتوقع كل يوم تضييق في المعيشة بفرض الاتاوات والضرائب الايصالات والدمغات بالاضافة للرشاوي ؟
مالكم كيف تحكمون