المتهمون في المحاولة الانقلابية يحاكمون النظام ويهددون بكشف المستور
في المحكمة التي تعقد لمحاكمة المتهمين في المحاولة الانقلابية التي زعمت الاجهزة الامنية أنها عثرت على خيوطها , شهدت جلسة الاسبوع الماضي مالم يكن متوقعا في الحسبان حيث أصر المتهمون على موقفهم ورفضوا ترديد الاقوال التي لقنت لهم.
وقد توعد العقيد محمد زاكي الدين بكشف الكثير عن قضايا الفساد والمحسوبيه , وقال في المحكمة أنه تم استجلاب دبابات روسيه منتهية الصلاحية تم استيرادها من اوكرانيا وروسيا البيضاء وان الجهات التي استجلبتها كانت تعلم انها (خردة) ولاتصلح للاستخدام نهائيا وقال انا بلغت قائدي في سلاح المدرعات اللواء صديق فضل وهو شاهد على صحة أقوالي , وعندما بدأ يسرد في الوقائع التي تورط النظام طلب منه رئيس المحكمة أن يسكت لكنه رفض وواصل العقيد محمد الزاكي حديثه قائلا كيف تطلب مني أن اسكت وأنا فقدت 16 شخصا ماتوا نتيجة لعدم صلاحيات هذه الدبابات, وطلب من رئيس الجلسه أن يحضر له وزير الدفاع أمامه لانه يود أن يواجهه بالوثائق والمستندات. وعندها تدخل محامية والذي طلب من رئيس الجلسه السماح لموكله في مواصلة الحديث, اثناء ذلك تم التفاكر بين رئاسة المحكمة وتم رفع الجلسه وبعدها قال رئيس المحكمة ان المتهمين تم ارجاعهم الى الحبس .
هذا وقد علمت الراكوبة أن الجلسه المقبلة ستكون اليوم الاحد الموافق31 مارس.
من ناحية اخرى كان العميد محمد ابراهيم (ود ابراهيم) قائد الحرس الجمهوري قد رفض كل اسماء المحامين التي قدمت له لتنوب عنه في هيئة الدفاع وقال انه لايثق في المحامين الاسلاميين نهائيا مما اضطر الزبير احمد حسن الامين العام للحركة الاسلامية لاقناع ود ابراهيم الذي اشترط عليهم احضار ابن خالته وهو قاض سابق ويعمل في الامارات, وشدد ود ابراهيم في القول انه يعرف المجموعات التي تنتمي الى الحركة الاسلامية في صفوف المحامين ولايثق فيها نهائيا.
اللهم يا عليم بحالنا وحال السودان ، اجعلها فتنة بينهم وافضحهم في الدنيا ويوم شاهد ومشهـود. وبدلنا بخير منهم.
اقتباس:
…….. وقال انه لايثق في المحامين الاسلاميين نهائيا….
=================================================
لا يثقون في بعضهم البعض .. تحسبهم أجمعين وقلوبهم شتي
يا سبحان اللله الثقة بينهم مفقودة كيف عاوزين الشعب يثق فيهم
من ناحية اخرى كان العميد محمد ابراهيم (ود ابراهيم) قائد الحرس الجمهوري قد رفض كل اسماء المحامين التي قدمت له لتنوب عنه في هيئة الدفاع وقال انه لايثق في المحامين الاسلاميين نهائيا مما اضطر الزبير احمد حسن الامين العام للحركة الاسلامية لاقناع ود ابراهيم الذي اشترط عليهم احضار ابن خالته وهو قاض سابق ويعمل في الامارات, وشدد ود ابراهيم في القول انه يعرف المجموعات التي تنتمي الى الحركة الاسلامية في صفوف المحامين ولايثق فيها نهائيا.
*********** الواحد يقول شنو والله احترنا معاكم ما دخل امين الحركة الاسلامية بقادة الانقلاب ولماذا لم تكلف الحركة الاسلامية محامين للدفاع عن مدبري انقلاب رمضان وهل مستقبلا سوف تتكفل الحركة بتدبير محامين لكل انقلابي مستقبلا *** هذه دعوة واشارة خضراء لكل الاحزاب بادخال عناصرها للجيش والقوات النظامية الاخري ومافيش حد احسن من حد *** هذه سابقة خطيره و جديدة وكل سابقة تصبح قانونا ويتسيس الجيش الله يستر من ان يكون يوما من الايام يتبع لقبيلة واحده
طيب نجيب ليك محامي شيوعي ولا حركة شعبية ؟؟؟؟؟؟؟؟؟؟؟؟؟؟؟؟؟؟؟؟؟؟
فلول المؤتمر الوطني في الرمق الأخير ….علي الشعب التحرك الىن قبل فوات الآوان اخبار الفلول يجب
الا تأخذ اهتماماً كبيراً لا يمكن ان يكونوا هم الحكام وهم المعارضة التي تسعي للتغيير عبر الانقلابات…
اذا كانت الدبابات منتهيه وخرده فكيف سمحت ل 16 شخصا ان يستعملوها وتكون النتيجة الحتمية الموت لهم وانت تعلم ذلك فلماذا لم تصر على عدم استعمالها وايقافها – وماذا يفيد الاحتجاج الآن للذين ماتوا- لقد صمتت كل هذه المده ولولا اعتقالك لما كشفت المستور اتقو الله فى مواطنيكم
دمرهم يارب
يعنى ياودابراهيم 24 سنه الثقة ماكانت فى محلها؟؟؟؟؟؟؟؟؟؟؟؟؟؟؟؟؟؟؟
طيب انت وعندك ود خاله………… الشعب السودانى الفضل يجيب ودخاله من وين؟؟؟؟؟؟؟؟؟؟؟؟؟
اكبر حملة علي النت للتوقيع لمحاكمة العنصري المجرم الطيب مصطفي / كن مبادرا وسجل اسمك وتوقيعك وايميلك من اجل المساهمة العملية في تقديم مجرم الحرب وناشر الكراهية والعنف ومساند لكل جرائم الحرب النيل الازرق ودارفور وجنوب كردفان والتحريض علي التنكيل بالمعارضين السياسيين بالخرطوم وكافة المدن السودانية واهانة واذلال المرأة السودانية والحط من قدرها / اذهب الي رابط افاز ووقع الان ولا تتردد / ادعو اصدقائكم ومعارفكم الان / نحن جادين لتقديمه الي المحاكمة وعدم الافلات من العقاب .
الرابط ( ادخل ووقع اسمك في هذا الرابط )
http://www.avaaz.org/ar/
انها الثعالب تقتات فتات بعضها بعضا المحامون الاسلاميين يفترض بهم ان يكونو خيار المحامين لانهم يحملون صفة الاسلام ولكن ويالهول فجيعتنا هم ارازل البشر دنائه وغش وتزوير كما حال المحاكم والشرطه فبرشوة صغيره يكون التحري مستعد لتزوير المستندات
ما علينا ، دي شكلة في حي الكيزان
خلوهم في ضرابتهم لامن تجي نهايتهم
خلاص انتهوا ، هذه فرفرة خروج الرّوح 29
و شهد شاهد من اهلها بفساد ذمة حماة العدل وسط الجماعة الشيطانية .. ولا حول ولا قوة الا بالله .
ياها أنت وقت ما عارف إنو الدبابات منتهية وخردة ولا يصلح للآستعمال ليش ماقلت في وقتها إنو الدبابات خردة غير صالحة للآستعمال وزملأنك ماتو فيها , اليوم تجي تقول بعد اعتقالك وتكشف الفضيحة أنتو المفروض لو في عادله يرجموكم كلكم معفنيين ما عندكم اي ذرة وطنية ثوري ثوري ياخرطوم لنظافة هؤلاء اللصوص المجرمين المفسدين في الأرض الله ينتقم منكم يارب وتكون السودان خالي من الكيزان ونرفع راية السودان الجديد الديمقراطي ونزرع الالفة والمحبة بين كل قبائل السودان .
الأقرع النزهى ود ابراهيم العايز تجيب ود خالتك القاضى السابق.
ذكرتنى لما القاضى فى مسرحية شاهد ما شافش قال هاتو لو حاجه سائعه قام عادل امام قال أنا عايز كوكاكولا.
(مابنشرب من نفس الخور) .. لسان حال المتهمون .. شربوه ضباط رمضان .. وعدوهم وركبوهم المقلب ..أي مؤسسه في بلدي التعيس .. شويه ريح تطلع الزبد.. الكل يعلم بفساد موسسته ويسكت لزوم الستره ولما الفاس يصل عنقرته ..ياروح مابعدك روح.. أشراقه وقوش وبكره لو ..زنقتو المتعافي والجاز … كل واحد ماسك التاني من (أختار أنت) .. الثورات بتبدأ من الاطراف – بورسعيد وبنغازي ودرعا- والمركز في النهايه , مالم تتحرك البجا في الشرق ومدني ونيالا لن تنتهي المهزله ,, ليس الحركات المسلحه(لدواعي طائفيه ومصالح قبليه)لاتدخل كل فئات الشعب تحت مظلتها.. وأنما الشعب .. مالم يخرج الشارع .. انتظرو نبؤءة من قال تكمل الانقاذ 31 سنه.
يا تمبل الذى فى زمن الهبل اصبح ضابط فى جيش كان فيه ابو كدوك و هاشم العطا. حلك الوحيد ان توكل محامى اسمة صالح ، بس ده فيه كل ما تبغض ، فوراوي و شيوعى ، يعنى مسحك للمشروع العربى الاسلامى فى خلفيتك. و اخر اسمة كمال الجزولى ، و هذا شيوعى و علمانى ، يعنى مسحك لمشروعك الاسلامى فى خلفية صلاح قوش. بخلاف ذلك ، سوف تهب عليك رياح الجنة.
ود ابراهيم وود الزاكي واخرون من رمم الجيش الخيبان
يوم القيامه يؤتي بمن قتل في الحرب من المسلمين فيفول الله وتعالي
القوه في النار فيفول يارب قاتلت قُتلت في سبيلك فيفول الله بل قتلت ليقال شجاع وقد قيل
ونحن بنقول ليكم شجاعتكم وحميتكم البتعملوا فيها ما من اجل الوطن والشعب
ولكن من اجل ارواحكم والا لما كان صمتكم طوال هذه السنين ؟
بل وكنتم ممن يحمون النظام وسدنته
فلتذهبوا ا الي الجحيم جميعا عساكر علي كيزان
لانه كل مصائب البلد من الجيش والاسلاميين
التوقيع
كاره العساكر والكيزان
عدد خسائر الدبابات زاد من خمسة أشخاص الي 16 شخص, الحكاية ما عادة تنطلي علي أحد يا ود زاكي الدين, أنتو كنتوا مشتركين في كل ما حدث للشعب السوداني, بس عايزين ليكم مخارجة. أنا لو كنت في الحكومة لحاكمتكم بعقوبة أشد لأنكم خنتم أخوانكم وانقلبتم عليهم.
أنتو كنتو مخدرين السنين دي كلها وإلا شنو؟
لا نتعاطف معك يا ود ابراهيم رغم ماقيل عنك من شجاعة وبسالة لانك كنت تحميهم على مدار السنين.. لماذا تقاتل فى هجليلج من اجلهم لا من اجل الوطن… كلام احير ..من اين اتى هولاء
هل سمحت المحكمه بتدخل الزبير احمد الحسن لاقناع ود ابراهيم بقبول المحامين ؟ طيب ماتعملوها جوديه وتريحونا قال محكمه (الاحتفال باليوم العالمى للمسرح مسرح البقعه)
وقال انه لايثق في المحامين الاسلاميين نهائيا مما اضطر الزبير احمد حسن الامين العام للحركة الاسلامية لاقناع ود ابراهيم الذي اشترط عليهم احضار ابن خالته وهو قاض سابق ويعمل في الامارات,
الجيش السوداني اصبح ملشيات للاسلاميين والكلمة العليا فيه للزبير احمد حسن الامين العام للحركة الاسلامية
حسبي الله ونع الوكيل — حتي انفسهم لايثقون بها — انعدام الثقة فيما بينهم كارثة حقيقية
.عندما تفكر في حلول لانقاذ ما يمكن انقاذه في هذا الوطن الجريح تصاب باحباط مؤلم….لصعوبة بل استحالة التغيير حتي وان تراضت الحكومة والمعارضة، لان الموضوع الاساسي هو الانسان السوداني….المواطن الذي ترجو منه المشاركة فهو شبح يمشي في الاسواق ويصلي في المساجد ولاتوجد له روح….مزقته قسوة الحياةوازلال طيلة ٢٣ عاما…شباب ضاع شبابه بين فرص العمل المعدومة وفرص الفساد التي صارت حلالا نطعم منه اطفالنا فيكبرون بمال حرام…..كذب وخداع وانحطاط اخلاقي ينزر بقرب الساعة….لا ندري ان كان هنالك وقت لكي نبني انسان سوداني معافي يحمل بين جوارحه حبا لهذي الوطن ويضع علي عاتقه مسئولية البناء….كم نحتاج من الوقت لكي ناتي باجيال بهذا القدر من المسئولية….
(( يارب احفظ اهلنا في السودان من عبث الحكام ))
يا جماعة ان تاتي متاخر خير من ان لا تاتي ومن تاب تاب الله عليه لذلك نحن يجب ان نطلب من الاخرين ان يخطوا نفس خطوات ود ابراهيم وودالزاكي بدل ما نقعد نسب فيهم عشان الناس تتخلص من البقية الما عايزة تتوب دي ولا رأيكم شنو ؟
الجماعة ورقهم قاعد ينكشف
كان ود ابراهيم كان ود الزاكي كان غيرهم كلهم يستاهلوا الضرب بالجزم ويعلقوهم في ميدان عام
23 سنه جارين مع الناس ديل تاكلو اكلهم وتشربوا شرابهم وبعدما يقبضوهم يعيشوا ليهم في ادوار بطوليه لا تليق بهم
ونحن بسذاجتنا نصدقهم وننسي ونقعد نهتف ليهم بانهم ابطال….
ود الزاكي ياداب عرف انه الدبابات منتهيه الصلاحيه؟؟؟؟ وليه اتحرك بيها طالما هو عارف انها ما نافعه عشان يحصد بيها ارواح 16 من زملاءه …. كلامه بتاع كلم قائده دا ما بيعفيه من المسئولية… لو هو اصلا نضيف من اليدايه كان يعترض علي التحرك حتي لو كان فيها اقالته او موته لانه في اللحظة دي كنا بنتاكد انه راجل نضيف لكن يتحرك بي دبابات منتهية من البداية معناها هو زاتو جبان وبينفذ الاوامر حتي لو كانت الاوامر دي ممكن تحصد ارواح 16 من زملاءه…. اما ودابراهيم دا بجي راجع ليه برضو
كلهم وسخ في وسخ
ya
بسم الله الرحمن الرحيم
يجب محكمة كل الذين تمت القبض عليهم فى المحكم العسكرية و ذلك حسب نص القبوانين العسكرية المنصوص به ووفقاً على الدستور البلد
واشغل اعدائى بانفسهم………وعجل بالفرج …………….قصيدة من اذ كار الختمية……
صححونا ياشباب الميرغنية
قال دبابات قال بمن قاتلت بتلك الدبابات
نرشح ليك غازى سليمان (جنى وشيوعى سابق ومتجهجهة حاليا)
جـماعة لاتثـق في نفســها غيـر جـديرة بـحــكـم بلـد .
الظاهر ود ابراهيم ده دخل فى الاسلام.
يا جماعة انتو يادوب عرفتواى ناس الانقاذ او الحركة الاسلاموية انهم ما نافعين لقيادة بلد مثل السودان؟؟؟
ديل انا عرفتهم من يوم 30 يونيو 1989 عندما عطلوا حكومة الوفاق الوطنى
الكانت بتحضر لمؤتمر قومى دستورى وحل مشكلة الجنوب انفصال او اتحاد بفهم وحل مشكلة الحكم فى السودان وتفاءلنا خيرا وقلنا خلاص السودان ح يعيش فى حكم الديمقراطية والحرية وحل جميع قضاياه ويكون درة الدول العربية والافريقية!!!
هسع ليهم 24 سنة تقريبا عملوا شنو غير فصلوا الجنوب فصل عدائى واشعلوا الحروب فى الشمال ولم يحلوا مشكلة الحكم فى السودان وما عندهم شغلة غير محاربة المعارضة والسكوت على احتلال اراضى الوطن والاعتداءات عليه!!!!
الانقاذ اقذر واوسخ واضعف حكومة تمر فى تاريخ السودان القديم والحديث ما قدروا يحافظوا على وطن ولا عملوا فيه استقرار سياسى ودستورى وتنمية بشرية ومادية مستدامة وبقى مستباح للتدخلات السياسية والعسكرية من الخارج ومن ما كان دولة تحل مشاكل العرب والافارقة بقت دول مثل قطر واريتريا تحل مشاكلنا!!!!!!!!!
اللهم أهلك الظالمين بالظالمين و اخرجنا من بينهم سالمين
اللهم اجعل كيدهم في نحرهم
هو المصيبة ودخالة العقيدود إبراهيم المحامي والقاضي السابق ع.ع.الشيخ برضو كوز…..اللهم يكون فرنب ودقا ياي بعد عملية قريبو !!!!!!
استغرب جدا انا من التعليقات السابقه اصحاب العقول الضعيفه والفقيره
من يتكلم عن ود ابراهيم الرجل الشجاع افنى حياته كلها فى الجنوب ومحاربه الاعداء
وانت تنعم بالامن والاستقرار
انت نايم على الفراش والمكيفات
وهو فى الادغال والاحراش
لماذا نتكلم عنه بهذه السزاجه الغير مبرره!!!!!!!! وهو وطنى من الدرجه الاولى يحاول ان يخلص البلاد من المفسدين ورايه فيهم واضح لايهابهم
ودى من صفاته النبيله ..
واتمنى من كل معلق ان يحترم عقله قبل الاخرين دون التعليق على احداث انت لم تعرف كل مايدور فيها
واذا كان لديك رائ فى اى شخص اعرفه جيدا
……… ود ابراهيم رجل نضيف يا اخوانا ……………….
وربنا ينصرهم
والايام تكشف الحقائق ……………..
امك الجماعة دوروها بيناتهم والعورات بدت تظهر الله يستر
عصمتووف الشايل قرنوف ,فكي الزبير جاب ناس هاشم الجعلي محامين لود أبراهيم وجماعته , عشان( يلموا) الموضوع. على إعتبار إنو المسألة خلاف عائلي بسيط, ومافي داعي لكشف الحال وتدخل الجيران, وماتصل أي تسريبات للمتربصين بالإسلام وأعداء الوطن!!. وقع ليك ؟
اذا اختلف اللصان ظهر المسروق
صحى مفاهيمك يا اوباما وبس هل من قضى عمرة فى مقاتلة الشركاء الوطن الجنوبييين يعتبر بطلا دى بتعدى على زول فى راسو قنبورة طييب ما رايك فى من افنى عمره فى رمى القنابل على اهلنا فى دارفور برضو بطلا كفاية حرام عليكم الاستخفاف بعقول الناس
البشير الاهبل ده ماقال انو نزل المعاش من الجيش لكن لقبه مازال المشير وليس المشير معاش ولسة لابس الكاكي.
الله عليك يا مرعب