حديث المدينة
وعكة .. وزير الدفاع..!!!
عثمان ميرغني
تسرّبت بعض الأنباء خلال الأيام الماضية عن تعرُّض الفريق أول عبد الرحيم محمد حسين وزير الدفاع لوعكةٍ صحيةٍ تطلّبت نقله ? عاجلاً- إلى المملكة العربية السعودية.. وأكد أكثر من مصدر مقرّب منه أنّ الوعكة خفيفة وناتجة عن الإرهاق المتواصل في العمل.. وبالطبع يسعد كل سوداني أن تكون صحة وزير الدفاع في أكمل عافية خاصة في هذا الظرف الوطني (المتوعّك).. ولكن ..!! نقل وزير الدفاع للعلاج في الخارج وبمثل هذه السرعة.. ولوعكةٍ وُصفت بأنها خفيفة.. ألا يكشف حال مستشفياتنا في الداخل.. خاصة أن وزير الدفاع تحت يديه مؤسسة طبية ضخمة في السلاح الطبي.. وافتتح فيها قبل فترة قليلة جناحاً رئاسياً فخماً خاصاً.. ولديها عشرات المستشفيات المنتشرة في أنحاء السودان.. وقبلها حينما كان وزيراً للداخلية تبنى مستشفيات الشرطة في ساهرون وغيرها.. وأنفقت الدولة أموالاً ضخمة في التأهيل الطبي للمؤسسات الطبية التي تتبع للمؤسستين النظاميتين .. الجيش والشرطة. إذا كانت كل هذه المؤسسات الطبية.. بكل المليارات التي أُنفقت فيها.. وبكل الكوادر الطبية التي (نظّمت) وانتسبت إليها لا تستطيع علاج وزير الدفاع ومن (وعكةٍ خفيفة) فما الفائدة من وجودها.. ولماذا أصلاً نُنفق أموالاً ضخمة من حر مال شعب فقير مُدْقعٍ.. لبناء مؤسسات طبية لا تصلح ? عند الحاجة ? للعلاج .. حتى ولو كان المريض في أهمية وزير الدفاع.. فضلاً أن يكون مواطناً عادياً لا يستحق أن تُعلن له حالة الطوارئ في أي مستشفى. هذا جرس إنذارٍ خطير يُعلن القلق الكبير.. ليس على صحة وزير الدفاع؛ بل على صحة بلادنا كلها.. فالواقع أن أكثر من 99% من شعب السودان لايستطيعون السفر للعلاج في الخارج.. وأكثر من 99% من سكان الولايات المتخمة بالفقر لا يستطيعون حتى مجرد السفر من ولاياتهم لتلقي العلاج في العاصمة الخرطوم.. ألا يبعث هذا الإحساس بالقلق والخطر على شعب مترعٍ بكل ما يجلب المرض.. شعب أنشبت فيه الأمراض المستحدثة أنيابها بسبب تردي البيئة والغذاء والماء. كم نُنفق من ميزانية الدولة ومن أموال دافعي الضرائب على الصحة ومستشفياتها وكوادرها و توابعها الأخرى.. وكم نتلقى عائداً من هذا الإنفاق.. من المسوؤل عن انحطاطنا الطبي الذي يجعلنا لا نستطيع في كل مستشفيات بلادنا أنْ نُعالج وزير الدفاع من وعكةٍ صحية (خفيفة!) الصحة هي البند الأصعب في حتميات أي مواطن.. لا يمكن تخزينها مثل الغذاء.. ولا الاستعاضة عنها ببديل مثل الكهرباء .. ولا الاستغناء عنها مثل الخبز.. فكيف يعيش السودانيون في بلد بكل ما ينفقه في مؤسسات الصحة وكوادرها لا يستطيع علاج رجل في مقام وزير الدفاع ومن مجرد وعكة صحية خفيفة.. ألا يجدر أنْ نسأل أنفسنا بكل صدق.. هل نحن في حاجة لـ(وزارة صحة)..!!
التيار
والله اصبت كبد الحقيقة يا ابوعفان ولكن لاحياة لمن تنادى والوزير يا أخى بتعالج مجان برة ما على كيفو واحسن ليه علاج وعمرة وعودة
يا استاذ الموضوع في غاية الروعة والملاحظة أروع. فقط اخشى أن يأتي الرد المشكلة ليست في العلاج ولكن الزوار في الداخل سيلغون الآلاف من الاصدقاء وماسحي الجوخ والمتسلقين. لذا لابد من فصل المسئول عن شعبه. وهو دافع حاجة كله من دم الرجرجة والدهماء التي لا يريد ان يقابلها ديل صف اول ديل ناس فوق super
يازول ده وزير الدفاع ………
يعني ماوصلكم احتمال يكون غلط مية المية
افهموها ……..
بعدين دي المملكة قبلة المحتاجين والضعفاء بلد المسلمين….
مساكم عافية
لقيتك برئ خلاص ياود ميرغنى موضوع الصحة خليهو نتناقش مرة تانية فيهو
بخصوص سفر وزير الدفاع للسعودية مليون والف احتمال كل مايزنق بجى على هنا واحتمال داير احفظ مالك هنا ده فى السعودية اول هام تتذكر موضوع العمارة ساجده ايام وزارة الداخلية جاء المملكه اخد حوالى شهر او شهرين بعدها ادوهو الدفاع وطبعا الراجل بلدياتنا وناسنا مابحبوا اغتراب ابعد من الخليج
المهم ياود ميرغنى الوعكات ستتابع والمسبحة انقطعت والكتمه اشتدت اهم شئ ربنا يسلم الوطن والمواطنيين من الشرور والحروب والكروب
وات خلى بالك من الشعب الفضل اكتب ليهو حس بيهو امشى للمستشفيات شوف الحاصل صور واكتب مادام تتنتقد سفر وزير الدفاع وات فى مكتبك تتذكر زمان احمد البلال الطيب فى برنامج لو كنت المسؤول داك اايام زمان من عمل قروش نسى لو كنت المسؤول ولبس البدل وبقى ينطط فى الجزيرة الصحافة مهنة متاعب ماترطيبة فى المكاتب والخبر اجرى لى وين ماكان ان شاء الله فى شيلى برضو فيها مسؤوليين بس فرقهم من ناسنا ديلك مسؤوليين ورؤساء باخلاق وشرف وناسنا بتاعين فلاشات وانوار وكضب وبمجرد مايزحوا منو الكاميرا خلاص بفش
……………تصبحوا على وطن
هذا عين العقل وقد تعودنا من الاخ عثمان الكتابة الراتبة في الاونة الاخيرة ناقدا لكل شيء لكن ما يعيب كتابنا هو النقد مجردا من اي حلول للمعضلة او المشكلة المشار اليها والغريب في الامر ان كل السودانيين يجيدون فن النقد في الرياضة السياسة الفن وهلمجرا انظر الان اين يتعالج الصحفيون لاعبي كرة القدم الفنانون ؟ جلهم يحمل خارج السودان وهذا كثير علي وزيركم وزير الدفاع"" الصحفيون يشكون من مهنة النكد كما يقولون اي نكد هذا الذي يدعون ؟ اذا هم لا يعرفون معني كلمة نكد والا فانظر حولك منهم ستجد الاجابة سريعا كم من مواطن كتب لكم ومزقتم اوراقه لان الموضوع صحيح وتخشون عواقبه او لاشياء اخر هل فعلا ما يسمي عندنا مجازا صحف تقنع حتي راعي الضان في الخلاء كما تكتبون ؟ انكم مثل كثير ممن تنتقدونهم تحبون الامتلاك والعيش الهنيء نعم هذا الشعب له رب يحميه ويعينه
لكم الشكر
مستشفياتنا و ما أدراك ما مستشفياتنا … ناس الإنقاذ شردوا الكثير من الكفاءات و التي تبقت قليلة جدا أما مستشفياتنا فقد شهد شاهد من أهلها … ياخ مما تدخل المستشفيات التي يتعالج فيها 99% من الشعب تشم روائح تؤكد لك أن المكان مخصص للإصابة بالأمراض و أن المعافى لو دخله سيمرض … و عندما تدخل للداخل تعرف أنك قد دخلت مكانا الداخل فيه مفقود و الخارج منه سعيد … حالة لا توصف … الجماعة يقولو ليك : الطرق .. الكباري …. لأنهم يتعالجون في مستشفيات الكفرة أو على الأقل في السعودية …
المشكلة وين ؟ ناس السعودية ( الأمراء والوزراء بيتعالجوا بره ) وعندهم احسن المستشفيات
بعدين هو قعد في الخرطوم شوية بعدين سافر للسعودية ومن هنالك اخد عمرة وطوالي مشى مصر في مهمه رسمية
و الله حرام عليك يا عثمان يعنى انت ما عارف الناس ديل بعملوا المستشفيات دى لشنو و الله ما كنت فاكرك سطحى قدر الدنيا , ياخى ما تكتبها عديل و تقول الوزراء ديل حراميه الواحد يعمل يألف ليهو مشروع يراعى فيه الكم وليس الكيف عشان يشتغل الجيش الجرار بتاع الشركات العملوها , اى وزير تلقاهو عندو الف شركه و المؤسسه ما تخسر كان خسرت مادام الضرائب بتاعت الشعب كله يتم دفعها لمشاريع فاشله, الوزير بتاع الدفاع دا الحاسبو على العماره الانهارت بمعداتها منو و كانت مكلفه المليارات الفلانيه.. و الظلط البعملوه السنه دى السنه الجاية تانى يعيدوه من جديد عشان الشركه تشتغل و لا دى ما الحقيقه
هو اسع الشعب دا ما متوعك ليهو 21 سنه الوداهو السعوديه منو عشان يتعالج غير مشو متشردين .
انشاء قال يا وزير الدفاع تجيك وعكه توديك الاخره. على الاقل الشعب يكون اتخلص من لعليعك و لسانك البقى كبير من الحرام بقى اكبر من خشمك.
هو وزير الدفاع ده دافع عن شنو عشان يودوه برة يتعالج ؟
و ما الناس قالوا العلاج متوطن و متوفر هو يعنى جسمو مختلف عن أجسام السودانين الغلابة؟
كل الناس فى النهاية فى فى حفرة ضيقة.
وياهم ديل القالوا حاكمين بالإسلام فى أقل وعكة يتكشفوا.
يا جماعة كل القصة أنه الوزير حب يوريكم بيان بالعمل!!! هو خاف يكون راقد فى ساهرون ولا الجناح الجديد فى السلاح الطبى يقع فوقو ويروح فطيس!!
وانت القال ليك منو انو كل سوداني بيكون سعيد انو صحة وزير الدفاع تكون في اتم عافية.دا راجل اهبل انشاء الله يلحق القبالو.
صـدق أستاذ عثمان ، مكنة المناضل المركبه اليومين ديل ، لايقه عليك سلاط النبي فوقك .
ومنو القال ليك يسعد كل سوداني أن تكون صحة وزير الدفاع في أكمل عافية ؟؟؟؟؟؟
هو عوير ليكم تقومون تضيعوه فى بنج وتخدير الزول روحه مابلعب فيها ومستشفياتكم دى بالنسبه كلام فارغ ودكاترنا ديل معينين بالواسطة وهو ماواثق فيهم ومابلعب بنفسه
يا اخوانا اذا كان اولادو بمشو الشمالية قدامهم عربية دوشكا منتظرنو يتعالج هنا بالغتو والله بعدين ما هو براهو التماسيح كلهم بتعالجو برة البلد دي والولادة عندهم في لندن وامريكا
مين قالك يا صفيق ان كل سودانى يسعد بان تكون صحة هدا المهرج الدى لا ادرى اين وكيف درس الهندسة وكيف فى غفلة من اصبح فريقا ووزيرا ياتافه النار ولعت ولياتى وزيرك اللص المافون يطفيها اهمس فى ادنك قايلا تبقى لك ولاربابك شعار واحد لم تطبقوه وهو فلتراق كل الدما ونحن فى انتظاركم ايها الكيزان
يا استاذ ياخى سعاته دا ماعاوز الناس يقلقوا عليه ويزعجوه بالزيارات ففكر يبعد وينجم شوية .. مع انه ناس السعودية برضو ما حايكونا قصروا
قال وزير دفاع قال ؟ دفاع شنو وعوانطة شنو خليل ابراهيم اتي من تشاد الي ان دخل قصر الرئاسة والوزير نايم في العسل وكنت متوقع ان يعتذر للشعب ويقدم استقالتة وظننت انه اول من يلغي خطاب الواقعه ولكن تلاه الولد المدلل صلاح قوش ولا وجود لوزير الدفاع والان الحركة الشعبية احتلت ارضنا في النيل الابيض في منطقة جودة ولا كلمة من وزير الدفاع ولارئيسه ومن قبلها حلايب من الجيش المصري وارض الفشقة الصغري والكبري والان ارتريا تريد نهر القاش ومن قبل الطيران الاسرئيلي يصول ويجول في الشرق ولا بقم من وزير الدفاع واخيرا اقول مثل هولاء الوزراء لا يستحقون حقنة كمال عبيد
يا استاذنا عثمان انت داقس ولا شنو الوزير ضبط المستشفيات الشرطية والعسكرية وشيد فيها الأجنحة الرئاسية الفاخرة (على وزن الفلل الرئاسية واليخت الرئاسي والخال الرئاسي….وهلم جرا ) للبشر…. لكن المسكين نسي يضبط مستشفي بيطري بأجنحة رئاسية للوكعات الخفيفة….عشان كده سافر الح……للخارج لتلقي العلاج !!!! فهمتها ياعثمان:D :D :D
يااستادى الفاضل من خولك القول با كل افراد الشعب السودانى يسعدون ان يكون احد لصوص الانقاد بصحة جيدة ===اليس هدا الحمار من تسبب فى كارثة داخلية الرباظ000انها عدالة السما تقتص منهم واحدا اثر اخر وسيلق بشمس الدين واللهم لا شماتة000
وقبل ان يسافر الى السعوديه ذهب الى احد المراكز الطبيه, وقد صارحه الاطباء بعيوب الادره بوزارة الصحه وضرورة تغيير كمال عبد القادر وعصام محمد عبد الله الذين تدهورت الاوضاع فى ظل ادارتهم
رأي الشخصي , أن نلتزم الموضوعية , كما أن الأنترنت و الإنفتاح الأعلامي علمنا الكثير , و خاصة الموضوعية.
لقد قرأت جميع التعليقات و لم أجد سوى إثنان منهم منطقيين , ألا و هم اللذين تحدثو بمنطق المقياس , يعني أنا لا أرى أي مقياس يجعلنا أن نتفق على أن الوزير بمجرد سفره المفاجئ إلى السعودية أن نحكم عليه بهذه الطريقة , ليس للمنطق حديث
في سفره و مرضه و ما أنجز الوزير …. اذا كان هذا منطق العقل السوداني … فمعنا هذا .الشيخ خليفة بن زايد رئيس دولة الأمارات … كان في رحلة علاج في سويسرا
صاحب السمو الملكي الأمير سلطان بن عبدالعزيز آل سعود تعالج في أمريكا في مريلاند و منها قعد لمدة سنة كاملة ف المغرب للنقاهة
الشيخ زايد الله يرحمه قبل وفاته كان في أمريكا
الملك حسين ملك الأردن الله يرحمه كان يتعالج في أمريك
االرئيس حسني مبارك كان قبل شهرين في ألمانيا
هل تتفقون معي أن نحكم علي جميع هذه الدول من الأردن إلى الأمارات و ننعتهم بالتخلف و السرقات و عدم النزاهة في التشخيص الطبي و إنو ما عندهم مستشفيات
و نحن السودانيين نتعالج في الأردن و الإمارات و السعودية و مصر
أنا شايف أن حرية العلاج و كل زوول بيشوف راحته و ثقته الشخصية … ويين يتعالج و ويين يقضي أموره الصحية … و سبحن الله يمكن كان عايز يقضي عمره لوجه الله تعالى … الرجاء الدعاء له بالشفاء مهما كان فهو مسلم
عثمان
احسن تلحق تصلح مواقفك واقيف في صف الشعب السوداني
لانو حكايه الانقاذ دي خلاس كملت
اها اعمل ليك رصيد كويس
عشان بعدين الناس تحترمك
بعدين نحنا صرفنا عليك قرينك كهربه
تقوم تسيبا وتعمل فيها صحفي؟
شفت بتهدر اموالنا كيف؟
اقلو رجع قروشنا الخسرناها في تعليمك
عالم ما بتختشي
حتروحو فين من ربنا؟
اتذكرو الموت
ا استاذ ميرغى ارت التعليق قبل ان اقر ا مقالك داير اقوليك مالك مع ناس الانتباهة:mad:
يا جماعه لابد لبلد هذا وزير دفاعها وهي ملانا أقوان في كل مباراه عسكرية خاضتها او لم تخضها أن يتعالج في الخارج لانو صحته العقليه والبدنيه تعتمد علبها هزايمنا العسكريه والبخلي ايه دوله تفكر تغزونا و يعني هسع حلايب وصعيد مصر انفصلوا وكونوا دولة جنوب مصر حيحتلوا اجزاء كبيره من خريطة السوان الجديده التي سوف تدخل المناهج بفضل قيادة وزير دفاعنا وصاحبه بشير السجم بلغة كرتي فهمتوا يا شحادبن والله دايرين ليكم حقنه ؟ أمشوا لكمال (عبيد) يا ……
لو ما وقفوا قرايت القروش دي اي ولاية حدودية ح تمشي تتعالج فالدولة الجنبها
نــحــن فـي الـحـقـيـقـة بــحــاجــة إلــى حـكــومــة تـرعــى الـصــحــة بــقــدر جــبـايــاتـهـا مـنـا لـهـا .
اسال الله ان يجمد الدم في عروق الانقاذيين لانهم جمدوا مصالح العباد اللهم لئن رددته سالما لا لشيئ الا لتاخذه بذنوبه اللهم اهلكهم اللهم شمت بهم الاعداء اللهم قتلهم كما قتلوا الناس في دارفور اللهم مزقهم كما مزقوا السودان اللهم اسحب عافيتهم كما اختلسوا وسرقوا اموال الشعب اللهم سلط عليهم سوط عذابك كما سلطوا التهم الشرطية والعسكرية لقمع المواطن اللهم انصب لهم المحاكم كما نصبوا للشعب السفارات للجبايات وكما نصبوا عند كل مدخل مدينة تفتيش وكشك جباية اللهم احصهم عددا واقتلهم بددا اللهم امين اللهم امين اللهم امين واخر دعوانا ان الحمد لله رب العالمين
الزول ده عارف مستشفى ساهرون او السلاح الطبي كيف اتبنت وعارف الفيها شنو ويمكن تقع على راسو ___ يغش نفسو يعني ؟؟؟؟؟؟.
يبدو أن الاخ/الباشمهندس عثمان ميرغنى لديه مشكلة فى إجراء العمليات الحسابية بوجه دقيق !!وأن يقول بأن 1%من الشعب السودانى يجد فرصته فى العلاج فى الخارج مبالغ فيه،ورغم عدم توفر الاحصائيات الدقيقة لدى المواطن(الزى كده)رغم أن الدولة كانت قد أجرة إحصائية فى وقت قريب(لزوم تزوير ماضى وقادم!!) وربما اخفت نتيجة التعداد حتى(لا يطسنا واحد عينو حارة ونتبرشم00بأكثر مما نحن عليه)أو ربما الدولة (فقدة إتجاه!!)أثناء الجرد ووجدت هناك (فرق) ما بين العدد المستلم!!والكان موجود أصلا قبل الانقلاب!!والمحاسب الشاطر يجب أن يعمل فكره ويتصرف بسرعة خشية مداهمة مراجعين له؟!! وفى تقديرى أن هذا الفرق ناشىء لامور لا تخيف النظام وأن كان يقع على عاتقهافقدان بعض الافراد نتيحة للعمليات الجهادية التى تمت فى الجنوب ثم انتقلت للغرب!!ويبقى السؤال الذى حير الدولة أين ذهب الباقى؟والاجابة بسيطه للغاية! فهناك هجرات طوعية وقسرية ولا تتحمل الدولة المسئولية لانهم غادروا البلاد بإرادتهم الحرة طبقا للشرع والدستور الذى لايحجر على أحد التحرك كيف ما يشاء والانتشار فى فجاج الارض إبتقاء الرزق0 والمهجرين قسريا جات فى مصلحتهم لانهم وجدوا ملاذات آمنة بعد أن اثبتوا أنهم واجهوا الاضطهاد فى دولتهم وتكفلتهم (دول الكفر!!)!!وهناك لاجئون موزعون على حواف حدود البلاد،فى إنتظار ما حتسفر عنه الايام00 والنظام يجب أن لا يهتم كثيرا لهؤلاء لانه تم استعاضتهم بأفراد من نفس تلك الدول التى لجاء اليها السودانيون!!إذا (هى نظرية تلك00بتلك)وإن شئت تمت على طريقة التجارة البكماء او هى عملية (مقايضة)بلغة العصر!!وهنا لايظهر (سواقط)والفرق تم تعويضه ولا جناح على الدولة0ولكن هناك فرق يؤرق بال (محاسبنا) ولا يعرف كيف يوجده ليجد له حلا؟! والامر بسيط ومشرق كالشمس00ثمة بعض الافراد قد (هجوا!!) من البلاد بعد تحريرهم شيكات بدون رصيد ولم يستطيعوا الديون، فوجدوا الحل فى (ضرب الزوغة!) فهى أهون عليهم من سجون السودان التى لم تطور من أيام (المهدية)وأفتكر كده الحساب (ظبط)0
ازفت آزفت الحزب الذى لايعرف ، لذلك حسنا فعلت استاذى حين آثرت الكتابه عن الذى قد يشفى صدور قوم حرموا حتى من ابسط حقوق المواطنه منها الصحه، يعنى اعمل ليك قريشات وابقى مارق ساى،، ذاكرة الشعوب هى التى تبقى خاصه لو كان مثل شعبنا مغلوب أمره. يعنى الشعب ما عندو اوانى اصلا يكسروا لى فيها التلج،،
ودمتم;)