بكري يدعو الاتحاديين المشاركين إلى إفساح المجال للشباب
الخرطوم – حسن محمد علي
دعا بكري حسن صالح النائب الأول لرئيس الجمهورية قيادات الحزب الاتحادي الديمقراطي إلى إفساح المجال للشباب للمشاركة في الحكومة وجددت قيادات بالحزب الذي يتزعمه جلال الدقير دعوتها للأخير بإجراء تغييرات في وزراء الحزب في الحكومة، وقال محمد الشيخ الناطق الرسمي باسم الحزب الاتحاديإن بكري في لقاء له مع قيادات الحزب الاثنين الماضي دعا وزير الإعلام أحمد بلال ووزيرة التنمية البشرية إشراقة محمود إلى التنحي وإفساح المجال لقيادات شبابية، وقال بكري -حسب الشيخ- “أفسحوا المجال لهؤلاء الشباب فهم مؤهلون”،
من جهتها لفتت قيادات بالاتحادي المسجل إلى أن المواعيد التي حددها الدقير بخمسة عشر يوما لإجراء التغيير وانعقاد اللجنة المركزية أزفت، بيد أن القيادات عادت وأكدت عدم حدوث التغيير أو انعقاد اللجنة المركزية
اليوم التالي
المسطول نطق
عثمان بلال ده اصلا هو زول مصالح والله الدقير يشد عليهو هسع يمشى لاقرب حزب مشارك عشان يحصل ليهو كوم جاهز لانو استمز الوزارات والقعاد فى المكاتب والكذب والنفاق وسرقة الاموال تفو عليكم ارزقيه ماب تهمكم قضايا بلد
وهل هو وعمر الشئوم من الشباب لمذا لا يدعو نفسه وصاحباه الي افساح المجال للشباب ؟
وإنت با “المسطول الأول لرئيس الجمهورية” فاكر نفسك شاب؟.. الذي تمت ولادته يوم الجمعة 30 يونيو 1989 ـ ذكر أو أنثى ـ اليوم هو وهي شاب وشابة وإحتمال شبه مؤكد ما لاقين وظيفة!! .. وإنت بعد العمر ده كلو جايي تتبجح وتطلب من قيادات إتحادية متحالفة معكم التنحب وإتاحة الفرصة للشباب؟! .. بعني إنت والبشكير الحقير وأبو رياله اللاهة إتوهمتوا إنكم فعلاّ شباب .. يا مسطول أضرب (دخانتك) الشابة وما تخلّي دخانا يطلع من القصر (البنفوري) وبيهو يسّطل الغلابى!!.
الوصفة السحرية لمعالجة حدة الفقر في السودان التي اتى بها عبقري زمانه نائب السفاح الجديد تذكرني بطرفة ساخرة بين تشرشل وبرناردشو .
قال ونستون تشرشل رئيس وزراء بريطانيا وكان ضخم الجسم للأديب الساخر برناردشو أن من يراك يا أخي برنارد وكان نحيل الجسم يظن أن في إنجلترا مجاعة . أجابه برناردشو على الفور ومن يراك يعرف سبب هذه المجاعة
أعتقد أن سبب الفقر في السودان هم هؤلاء الطغاة الذين حكموا 24 سنة ومازالوا ( مكملين المشوار )
عفواً الأخوة بصحيفة الراكوبة اعتذر عن خطأ في إرسال تعليق .
اها يا احمد يا سعد يا عمر.. اهو جاكم طلب من النائب ألأول “صخشيا”.. يعنى قاليكم ما تقطعو الجوابات .. عليكم يسهل وعلينا يمهل.. الحسيب النسيب لابدا ليه من ألأستجابه لما يرجع بالسلامه.. انتو ان شاء الله على وين العزم.. هل فى “ألأصل” فرع متبقى ما قعدو عليه ناسا غيركم؟ اوفنن جديد نبت من “الجزع” يقدر على حملكم وما ينهاربكم من “ثقلكم المتراكم” اضافة الى ما ختّوه على ظهوركم الجماعه تخفيفا عن انفسهم بعدما نفضوا عن اكتافهم كل قديم او متجدد .
شوفو وزراهم الجداد. ما شاء الله ..شباااب ورياااضه..شكلا وموضوعا واسماء”كوولهم ناقشين وتفتيحه ولمعان .. “ياسر”..( على وزن يفعل..بهمزة قطع)وعلى وزن فاعل..وكمان منادى بتفعيل حرف النداء للسر )بس الله يستر ما يعملها بعدين زى ياسر تعدين ..
“مشاعر” ومعاها كمان دولّب “دويتو متناسق مع ألأب”..ورحم الله المبدعين عصمان حسين ومحمد الحويج
“بدر الدين” ..(“حقيقة”ألأسم حمّال وجهين ..اما( بكور) بالدين وألأيمان)او (ابتداء(ابتدار) بالقروض ) والقائمه تترى تغلب عليها متطلبات المرحله.. التجديد والدماء الحاره و”شد العضلات” كما جاء على لسان الوزير التربوى السابق “المليونى الحافز” اللى بيطالب اهل السودان بالعمل الجاد وبعدم تعطيل مصالح ألآخرين “اذا” كانوا بيحبّوا البشير والخدر (طبعن الما بنظلم عندهم زول)
هل يتجاوز بكري حسن صالح ذو القامة الفارهة والشخصية المرحة طبيعة الحكم الذي ارسته النفوس المسرطنة من اهله في السودان ؟؟
معلوم ان المرح في النفس يتساكن مع حب الخير للاخرين , حكي لنا احد الاخوة عن احد الوزراء انهم وبمعية الرئيس كانوا في رحلة عمل والرئيس نفسه يحب الضحك , فقال الرجل اخذت لي دقسه ولمان صحيت لقيت جزمتي مافش , قدر ما فتشت لم اجدها , قلت ياربي دا مقلب دا حرامي ولا دا شنو, والرحله اوشكت علي النهاية وتخيلت منظري نازل بشراب بدون جزمه , قال مشيت للرئيس , وحكيت ليه القصه , قال الرئيس ضحك حتي بدت نواجذه وقال لي دا بكري اصلو مافش زول مقالب غيرو , لكن بجيبها ليك , قال رجعت واخذت لي دقسه ثواني صحيت لقيت الجزمه تحتي , ولما امسكت بالجزمه اذا بضحكتين داويتين
مما تاكد لي ان المقلب من الرئيس وبكري , قال وقفت وشفت في اتجاههم وباشاره من اصابع يدي اليمني ملمومه قلت ليهم استنو حأمقلبكم , ولحدي الان بفتش في المقلب المناسب لكن مادام بكري بقي نايب عندي ليه مقلب حيضحك ناس السودان كلهم.
ههههههههاى شباب من شاب يشيب شيبا؟؟!!!!