نهر الغرام
يا زينة وين
السمحة ست الحلة وين
كانت قريب فرح القليب
وجها ولوف
نوارة زي بدر التمام
ببسمة تتجمل زهور
بنظرة تتجمع سحب
ينزل مطر
تورق ورود
تزهر زهور
في لحظة برا من الزمن
رحلت وهامت في الجروف
السمحة ست الحل وين
مثل السراب اذا سري
خلت حياتي وما بيا
سقت سعادتي وعقليا
مجنونة بس ست الحسان
انا ديما كنت بسايرها
لو اذنبت بسامحها
زي شجرة في الشط البتول
ارويها بدمع العيون
لغة الشجون
بديها من لحظات سعادتي مقسمه
بالله ليه عملت كدا
وانا كنت ديما بدلعها
ارسم جمالها وطلتها
نوارتي كانت زي ملاك
حورية زي ست البحار
عيونها زي ضوء النهار
والانوثه مكملها
مسكين انا
يا حليل حياتي
تازمت
وانا حالي ذاتها تبدلت
نهر الغرام
يا زينة وين
السمحة قمر الحلة وين
شعر / عادل احمد يوسف
