خُرم إبرة (مسيرة شعب)
شعر: معز عمر بخيت
بسم الله
وباسم الشعب والثورة
وباسم النور والنيران
ح نهزم هذه العورة
ظلام الإثم والبغيان
بواقي مصائب الكيزان
ح نمشي نكمل الدورة
لا بنخاف من السجان
ولا من ثلة الطغيان
وما أدراك وما أدرىَ
شبابيك الصباح نورنا
مشاعل طالة من سورنا
ومن أبراج ومن شجرة
نقابلك في السماحة وداد
وفي كتب الشجاعة مداد
وفي لهب الغضب جمرة
وفي وسط الصدام إقدام
وفي قلب النزيف مطرة
أساطين حق بشاير نور
زاحفة بقوة منحدرة
كل الناس كبار وصغار
أمّي بيكنب أو بِقرا
يغطوا شوارع الخرطوم
مواكب هادرة منهمرة
لا بترتاح ولا بتنوم
جموع نيرانا مستعرة
جاية تزيل بطانة الشوم
عظيمة قوية مقتدرة
ترجّع لقمة المحروم
وتشتل للأمل بذرة
وتمسح دمعة المكلوم
ناس مستورة بالفطرة
تفك القيد عن المظلوم
وتبقى بلدنا مزدهرة
مصير الخاين المحتوم
ح يدخل في خرم إبرة
ويسكن في سجونو مهان
ويصبح للزمان عبرة
رماد منثور بكل مكان
دروب مهجورة منكسرة
ويطلع في المدى السودان
صوتو مميز النبرة
في أكتوبر البرهان
وفي أبريل جروح تبرا
شعار الدين حيبقى يقين
مش إسفاف مهين نكرة
يذل الناس بلا إحساس
ويمسح أجمل الذكرى
بأرض الخير مشيناها
وكانت ديمة مخضرة
ح نرجع تاني نبنيه
بلد واحد جنوب وشمال
أرضو عظيمة منشرة
وناس مليانة بالإلهام
وبالإكرام وبالبشرى
بلدنا جميل كريم وأصيل
وبالأحرى
عشانو الروح فداهو تروح
وتشرق شمسو من بكرة
سلام تعظيم لشعب عظيم
ساطع فينا زي قمْرة
ومالي الدنيا بي خيرو
وحافظ ودو بالعُشرة
وراضع صدرو بالإيمان
وبالإحسان وبالفكرة
حبيبنا الأوحد السودان
ما بنسيبو للكيزان
ونفتح للفشل ثغرة
بعد ما جلجل البركان
وهل النصر طل وبان
في الخرطوم وفي امدرمان
وفي بحري وتوتي كمان
عصابة القصر في زرة
وفي زنقات وفي توهان
رجل جوة ورجل برة.
________________
(معز عمر بخيت)
[email][email protected][/email]
زي لمن تجيب ليك زول تعلمه يلعب كورة ولمن تجيب ليك زول حريف كورة خلقه
بسم الله وبإبسم الشعب وبإسمك أنت أيها المعز الفاروق البخيت البطل الشاعر الفذ ،،، يلا يا إخوة الخير خليكم كلكم معز وإلهبوا الشارع تمهيدا للموقعة الكبري ، يعني من اليوم ما عندنا جمعة ولا يوم غيرها راحة حتي ينبلج فجر الحرية وخيار الشعب ،،، وروهم الطغاة أنتم وراهم والزمن قصير ،، يلا يا شعبا تسامي يا ذاك الهمام ،،،
سلام دكتور معز .. تسلم علي النظام الجميل ده وموفق ..
التحيه للشعب الصابر الصبور والتحيه لك البروف المعز على هذه الأبيات والتى تلهب مشاعر كل إنسان حادب على هذا الوطن الجريح
الدكتور العالم المبدع الحائز علي ارقي وارفع الجوائز العلمية العالمية
الممز عمر بخيت اب فريبنا القاضي الجليل عمر بخيت العوض
لك التحية وانت لا تزال علي الدرب
نقابلك في السماحة وداد ( وداد بابكر ؟ )
صوتك البِيرِز يا دكتور مُعز
هو صوت دفعات وأجيال أطبّاء سودان العز
النجباء الذين أنجبتهم جامعة الخرطوم في حُقَيْبَات العز
مُنذ أن أنشأها من أنشأها وطوّرها من طوّرها وحاول تدميرها من أعجز
وحاول أن ينافسها بجامعات إستثماريّة من أجل أن يكتنز
أموال الطيّبين المُهجّرين من سودان العِز
لكنّ ربّنا هو الغفور المُعِز
زي لمن تجيب ليك زول تعلمه يلعب كورة ولمن تجيب ليك زول حريف كورة خلقه
بسم الله وبإبسم الشعب وبإسمك أنت أيها المعز الفاروق البخيت البطل الشاعر الفذ ،،، يلا يا إخوة الخير خليكم كلكم معز وإلهبوا الشارع تمهيدا للموقعة الكبري ، يعني من اليوم ما عندنا جمعة ولا يوم غيرها راحة حتي ينبلج فجر الحرية وخيار الشعب ،،، وروهم الطغاة أنتم وراهم والزمن قصير ،، يلا يا شعبا تسامي يا ذاك الهمام ،،،
سلام دكتور معز .. تسلم علي النظام الجميل ده وموفق ..
التحيه للشعب الصابر الصبور والتحيه لك البروف المعز على هذه الأبيات والتى تلهب مشاعر كل إنسان حادب على هذا الوطن الجريح
الدكتور العالم المبدع الحائز علي ارقي وارفع الجوائز العلمية العالمية
الممز عمر بخيت اب فريبنا القاضي الجليل عمر بخيت العوض
لك التحية وانت لا تزال علي الدرب
نقابلك في السماحة وداد ( وداد بابكر ؟ )
صوتك البِيرِز يا دكتور مُعز
هو صوت دفعات وأجيال أطبّاء سودان العز
النجباء الذين أنجبتهم جامعة الخرطوم في حُقَيْبَات العز
مُنذ أن أنشأها من أنشأها وطوّرها من طوّرها وحاول تدميرها من أعجز
وحاول أن ينافسها بجامعات إستثماريّة من أجل أن يكتنز
أموال الطيّبين المُهجّرين من سودان العِز
لكنّ ربّنا هو الغفور المُعِز