هل الدم السودانى واحد؟ مظاهرات نيالا مثالا!!!!

الاخ الكريم عبد الهادي مطر
رمضان كريم
يا اخي الدم واحد وحرمة المسلم واحدة واقول لك لن تجد اسرة في السودان الا وتجد ان والداتهم او اباءهم او اجدادهم او جداتهم من مختلف اصقاع السودان المختلفة وهذه النبرة العنصرية البغيضة لا يعرفها السودانيون الا لحاجة في نفس يعقوب وهذه الحاجة (الفتنة) ايقظها هذا النظام ليكسر عظم الجسد السوداني ويشتت الافكار لتختلف النفوس والقلوب وبالتالي تتفرق الكلمة بمنطق فرق تسد وهذا هو الذي يجري الان ولننظر الى الافراح والاتراح وهي ما يجتمع عليه اهل الفريق والاهل هل تجدها قبلية خالصة ام تجدها قومية شاملة فيها كل القبائل والاعراق فرحهم واحد وحزنهم واحد هذه دعوى لا يسندها شئ من الواقع المعاش في السودان منذ الاف السنين لان السودان ليس عمره وميراثه الحضاري هو افرازات 24 سنة من الحكم الجائر الذي لم يرحم احدا لا من الشمال ولا من الجنوب ولا من الغرب ولا من الشرق ولا من الوسط وهذه دعوى جاهلية عفا عليها الزمن فلننظر الى ما يجمع لا الى ما يفرق ولم يبوء باثم هذا التفرق الا من يقول هي لله وهي ليست كذلك!! فلا نظلم البريئين من اهل السودان وهم الغالبية العظمى وهى الفئة المهمشة فعليا ليس في دارفور او جبال النوبة او الشرق بل في السودان كله وعناوين الجمع الثورية تشير الى هذا بجلاء

عشان نتكلم بي الواضح:
الدم ما واحد ولا الانسان واحد بالنسبه لينا نحنا ناس المركز والشمالية, او حتي بالنسبه لاهل دافور لو مات 300 الف جلابي ما بكون زي دمهم, دي حقيقة لانو السودان مازال دوله مسيطره عليها القبلية و التخلف والجهل .
الحقيقه التانية انو المركز مسيطرين عليهو الناس الجات من الشماليه او من الجزيرة في الغالب مع بعض الاقليات الاخري, وهم التجار او كبار موظفين في اجهزة الدولة المختلفةو حتي المفكرين (اذا كان لهم وجود), وده نتيجه لاسباب تاريخيه و اقتصاديه معينه.

الحقيقة التالتة -ودي الاهم في نظري- انو في ظل وجود العصابه الحاكمه دي ما في اي افق لحل القضايا دي ليه لانو الحل محتاج تقسيم عادل للثروة و مؤسسات التعليم والصحة وتعامل فيهو حساسية من الدولة تجاه الاقاليم الاكثر تخلفا و العرقيات المهمشة والاقليات بحيث تتم مخاطبة جذور التهميش والاحساس بالدونية في الوطن و ده مامكن يحصل في الوضع الحالي لاسباب كثيرة جدا.

الحقيقة الرابعة انو لحدي هسه مافي اي محاولة جاده ولو بالنظري لايجاد حل للمأزق ده من الاحزاب او مؤسسات المجتمع المدني – عدا الحركه الشعبية و تحالف كاودا و حتي ديل اشاروا اشارات عامه للحل او مقترحات عامه بدون تفصيل.

الحكومه ساقطه ساقطه دي مافيها غلاط, لكن نطلب من المفكرين الجادين تقديم مقترحات لحل المشكلة السودانية وليس البكاء علي اعراض المشكلة من عنصريه و طبقيه و خلافه.

نحنا في شنو والحسانيه في شنو ..

يا فقر يا عنصري انت ..نحنا دايرين ..الشرذمه دي تروح باي شكل

هم زفتين ووسخين وعنصريين ..لكن باسلوبك ده انت ما اقل منهم ..

وانا اطالب الملاء بادارة الراكوبه ..بان لا يعطوا الفرصه لمثل هذا

المتخلف ان يكتب لانه يشق الصف السوداني ..ونيالا جزء عزيز من وطننا

واهلهم الفرسان اعز اعزائنا ..وباذن الله ستكون شرارة نيالا القشه التي

ستقصم ظهر هذا النظام السئ والمتهالك …

يعني انت من كلامك ده داير تصل لانو الناس في الشمال بسبب انو شجبو وغضبو فقط لا غير فهذا يعني انهم لا يهتمون
اولا العاصمه القوميه ليست للشمالين فقط وهناك العديد من اخوانا من الغرب ساكنون فيها ما شفنا ليهم وقفه احتجاجية واحده ولا تحرك واحد
ثانيا هنالك العديد من اهلنا بالغرب موجودون في مناصب عاليه سواء كانت في التنظيم او الجيش او الشرطه فلم نري رد فعل منهم ولا حتي (بادانه) الانت مستقللها
ثالثا هناك مجازر وناس يموتون بسبب الفقر والجوع في ما تدعوه الشمال ولم نري اي تحرك في الغرب
رابعا لو رجعنا في التاريخ ايام كانت دارفور آمنه هنالك مجازر خصلت في الشمال ولم نري تحركا في الغرب

شوف الشعب ده صعب يتحرك واسع اي فرد سوداني شريف محروق مما حصل في نيالا وغيرها من اراض بلادنا الحبيبه
بس لمن يتحرك بكون من ارتكب المجازر دي في بالهم
واسمع يا هذا ابتعد عن العنصريه فهي من موروثات هذا النظام النتن وكلنا اخوان في المعاناة

لا حول ولا قوة الا بالله
توقعت ان يخرج علينا احد الدارفوريين بهذا الكلام
ولنكون واقعين هذا الرجل اصاب كبد الحقيقه
يجب ان نعترف بما ذهب اليه ولا نظلمه
ما يحدث لمواطن دارفور ظلم يفوق الوصف
يجب ان نتفهم دوافع الكاتب
وعلينا ان نجد الحلول
هل لو توفى هذا العدد من ضحايا نيالا الـ 13 شخص
وكانو من ابناء الشمال هل سوف تكون
نفس ردة الفعل لا عتقد ؟؟؟
مات القرشى فتغير نظام
اما فى دارفور يموت 13 شخص ولا تخرج
مظاهره واحده من الشمال
مجرد تنديد وكلام فارغ لا معنى له

وجه هذا السؤال للمدعو مولانا هارون المطلوب في المحكمة الدولية .من اين هو؟مثل هذا الصوت يدعم النظام . وتوجهاته .ولا يقل عنها في اي شيء .لن نرضى باستبدال عنصرية بعنصرية مضادة .مهما اتغابيتوا العرفة فينا .عندما يصرخ الوطنيون من ابناء الشعب السوداني من اي جهة كانوا امثالكم يتغابى العرفة ويصم اذنيه ولايريد ان يسمع ولاان يرى برامج القوى الوطنية

انت محرض لعنصرية وفتنة وكاذب لان النخلة كان التعويض 500 جنية لاغير وكل يعلم ذلك ولاداعى للفتن

الاخ الكريم ابو كريم
رمضان كريم
لا اعلم كيف قرأت تعليقي الذي كان نبذا للعنصرية الكريهة من اي جهة كانت ولا ولم ولن أؤلب احدا على احد ومجمل القول انني من الشمال وعشت في الابيض وفي نيالا وفي بورتسودان وفي كوستي وفي الجزيرة وفي كل اصقاع السودان تلميذا وموظفا ردحا من الزمان وكنت بين اهلي اينما حللت ولم اشعر انني غريب والغريب الا احس بالم اي سوداني في اي بقعة من السودان لان السودان كان جسدا واحدا واقتبس من تعليقي (ولننظر الى الافراح والاتراح وهي ما يجتمع عليه اهل الفريق والاهل هل تجدها قبلية خالصة ام تجدها قومية شاملة فيها كل القبائل والاعراق فرحهم واحد وحزنهم واحد هذه دعوى لا يسندها شئ من الواقع المعاش في السودان منذ الاف السنين لان السودان ليس عمره وميراثه الحضاري هو افرازات 24 سنة من الحكم الجائر الذي لم يرحم احدا لا من الشمال ولا من الجنوب ولا من الغرب ولا من الشرق ولا من الوسط وهذه دعوى جاهلية عفا عليها الزمن فلننظر الى ما يجمع لا الى ما يفرق ولم يبوء باثم هذا التفرق الا من يقول هي لله وهي ليست كذلك) فهل هذا تغليب لفئة على فئة ام انتصار للحق؟؟ وانتصار للثورة اتي كنبت فيها شعرا ونثرا تاييدا وتعضيدا لها في كل موقع وما اوردته يدعو للتأمل!! انني لا انظر للسودان من نظرة ضيقة وانما انظر اليه كما كان وكما كنا نعيش فيه اخوانا على سرر متقابلين لا نعرف بغضاء ولا شحناء ولا تفرقة وما نعايشه الان في السودان هو ما احدثته الفئة الباغية وعلى الباغي تدور الدوائر والله من وراء القصد