طه علي البشير: الهيئة القيادية ستبعد من روجوا لفصل الاتحاديين

عارف يا طه علي البشير انك انت وامثالك ناس علي السيد وغيره هم من ضيعوا السودان

وضيعوا نفسهم بالتبعية الاعمي

هل سالت نفسك يوم من هو سيدك ولماذا هو سيدك ومولاك وباي حق ؟؟؟؟؟؟؟؟؟؟؟؟؟؟؟

هل سالت نفسك يوم لماذا تقبلون الايادي وتركعون امام من لا يهمه غير نفسهواولاده؟؟؟؟

هل فكرتم يوما ما عن مردود ما قمتم به من عبودية وتبعية علي السودان وعلي شعبه طيلة السنين

المضت؟؟؟؟؟؟

ايا طه.. قرار الفصل انت اعتبرتو(1) صادر من ناس ليس لهم صفة تنظيميه بالحزب!
(2)محمد عثمان الميرغنى لم يصدر قرار مثل هذا!
(3)الهيئه القياديه لم تجتمع لتصدر قرار مثل هذا!
*هو وين الحزب يا طه.. انت بتغش فى نفسك.. حزب رئيسو غائب عن البلد اكتر من سنه ونص!
هل يديره بالريموت كنترول؟ حزب مشارك فى الحكومه بمساعد رئيس جمهوريه غائب عن البلد وبياخد مخصصاتو. واذا حتى ما بياخدا هل هو لا يزال يساعد رئيس الجمهوريه وفى شنو بيساعدو.. وانتو ساكتين
*محمد عثمان الميرغنى رئيس الحزب ما اصدر قرار زى دا! عرفت كيف ما اصدر قرار زى دا؟ هل جاكم نفى؟هل رئيس الحزب اصدر قرار مناقض؟ هل طلّع بيان ؟
* الهيئه القياديه ما اجتمعت! هل عندك معلومه انها ستجتمع متين؟ هل عندك قناعهانها ستجتمع اساسا! وتجتمع عشان تقرر شنو؟
* حزب يا طه واحد كان بيلعب فى المريخ(جمال ابو عنجه) قال انه عمرو ما كان عضو فى حزبكم ولا كان هو اتحادى ولا هو ديموقراطى ,, بس هو كان بيلعب فى المريخ .. اها زول زى دا لقى نفسو مرشح بأسم الحزب اللى بتقول ان فيهو “حاجه تنظيميه” .. وين التنظيم والمؤسسيه دى! الراجل يا طه قال قبل الترشيح اكراما للزول اللى اعلن فصلكم (اسامه ود حسون) “المقرّب” من نجل المرغنى ! اذا زول لمجرد انه مقرب من نجل المرغنى بيرشّح النواب اللى حيمثّلو حزبكم موش ليهو يعلن انكم مفصولين من الحزب!
* يا طه ..و الله كنا فاكرنّكم اكبر من كدا انت و”ألأفوكاتو” البروفسير والافوكاتوالما بروف ولاهو سير..
*طالما يا طه ليكم اكتر من ربع قرن قبلانين وسايرين (وجابت التصويره الشايلين الجزم واللى كان عاوز يبقى رئيس جمهوريه بيبوس الايادى) وتسبحو بحمد رئيس الحزب اللى ما سمعنا انه بقى رئيس للحزب بموجب انتخاب فى مؤتمر او فى اجتماع جماهيرى شاركت فيه جماهير الحزب و هويصدر قرار المشاركه فى الحكومه رغم رفض قواعد الحزب او اللجنه اللى كلّفها لدراسةالموضوع !شنو تانى “المجمجه” و”الفرفره” من تحت الفروه! والظهور بعدم القبول بقرارات الوريث اللى اكيد عندو التفويض !!
* على كل حال بكره بيبين “…..” عند المخاده..وبنسمع ألأعتذارات والدواعى الوطنيه!
*”اخيرن” لنسألنّك :وين مولانا شيخ حسن ابو سبيب الما اتعرف هل “فعلن”استقال؟ واين يقف من اللى بيحصل دأ!
* الشعب السودانى حزين على ما آل اليه حزب المتعلمين “الناقشين،” !

الفقرة الخيرة فقرة خطيرة جداً، إذ انها تضع الهيئة القيادية لهذا الحزب امام اتخاذ قرار واحد لا غير و هو “فصل المواطن محمد عثمان الميرغني من الحزب” اما اذا كانت الهيئة المذكورة تعتقد بان خنان شخص او أشخاص اتخذوا قرار فصل تلك القيادات فهي واهمة واهمة واهمة.

الشعب السوداني اغلبة يا حزب امة يا حزب اتحادي والحزبين تم تأسيسهم وقيادتهم منذ النشأة من الاسرتين المعروفتين ومن حقهم أن يديرو حزبهم حسب هواهم ومصالحهم والدنيا مصالح وهذا من حقهم والفي ايده قلم ما بكتب على نفسوا شقي وهذه هي الحقيقة للاسف هكذا يدار السودان منذ الاستقلال .