بلاغ سُـكر الموت ..
محمد أحمد
على صفحته نشر محمد أحمد (ود قلبا) موضوعاً يستحق المتابعة …
في نيابة مختصه أسمها (نيابة حماية المستهلك) ..
وفي شرطة مختصه أسمها (شرطة حماية المستهلك) ..
أها .. يقبضوك بتقلي في طعمية بزيت مضروب مثلا” ..
يفتحو ليك بلاغ .. وأحتمال يشربوك الزيت وهو بيغلي ..
لكن ..
لما يتفتح بلاغ في مئات الألوف من أطنان زيت بذرة القطن المحور وراثيا” .. مرفق مع البلاغ تحليل المعامل (الحكومية) .. يعني ما معامل (أعداء الوطن وشذاذ الآفاق) والبتقول أنه الزيت ده مسبب للسرطان ..
يقوم السيد وزير العدل يسحب البلاغ من النيابة ..
والزيت يتوزع عاااااااادي .. للمستهلك العادي ولحدي ضباط القوات النظامية ..
وكلو ورد الورد .. ونحن ضربناه زماااااااان وكملناهـ ..
ليــــــــــه ؟؟؟
لأنه البلاغ بهبش ريسين كباااااار ..
أها .. الجديدة كرت .. بمناسبة رمضان .. ربنا يبلغنا ليه ..
ضبط (60 ألف) شوال سكر وزن 50 كيلو فااااااااااسد ..
أيوه ستين ألف .. ما سته شوالات .. وفي قلب الخرطوم ..
وإتفتح بلاغ في نيابة حماية المستهلك .. مدعم بتحاليل المعامل (الحكومية) البتقول أنه (السكر لا يصلح للأستخدام الآدمي و مسبب للسرطان) ..
وكالعادة السيد وزير العدل سحب البلاغ .. وغمتو في درجو ..
لحدي ما يجي رمضان ويتوزع السكر عااااادي ..
ليـــــــــه ؟؟؟
لأنو السكر تابع لـ (شركة السكر السـودانية) .. أو هكذا يبدو ..
لأنو المخزن تابع لشركة السكر السودانية ..
مالم يكون حق تمساح من التماسيح الكبار ..
مامهم السكر حق منو .. كلهم حراميه مجرمين ..
المهم ..
فاسد .. ما فاسد .. حيوزعوهـ لينا ..
ونحن حنشـربو سااااااي .. حنكملو كلو ..
وكل رمضان وأنتو بخير ..
يعني م نصوم تاني وبل شنو انه فاكهتنا الوحيده بعدما عز الزيت للفول
اصلها البلد من يوما خربانة وتجار عديمين زمم اتحكموما في راس مالة الدقيقة والسكر في المخزان منو اصبحت ملايانة والمواطن حالتو بقت غلبانة وتعبانة وعيانة والمصيبة كل بعد كم سنة مصنع جديد والسعر للمواطن يذيد والسكر شبه معدوم إلي ماتلومتا ياحاكم الخرطوم تقولو السكر مافي افتحو الباب للإستيراد والمخازن بكثرت ما مردومة السكر فيها اصبح ضارب إلي ياناس الخرطوم احمد الله السكر مازي الفطيسة …. كان الرائحة وصلت جبل اولاية ريحة السكر الفاسد وكيف السكر مايفسد إذا كان صاحبنة ذاتو فاسد….!؟
يا حليلك يا سودان
اللهم عليك بالظالمين اللهم دمرهم شر تدمير
اللهم اضرب الظالمين بالظالمين ونجنا من بينهم
سالمين غانمين اللهم انصر شعب السودان المظلوم
ودمر البشير وحكومته وازلامه ومن شايعه ومن والله ومن ايده اللهم ارنا في الانقاذ ومن ساندها يوما كيوم بدر
ما قلنا ليكم لما قلتو السكر الجاي من بره بسبب كساد للإنتاج المحلي قلنا ليكم أو ما يقرب رمضان التماسيح بتفتح مخازنها..بس المرة دي لقوهو منتهي الصلاحية(دا مخزن ليهو كم سنة؟) ولا مخزن مع اليوريا؟ ولا مع المبيدات؟ يا ربي المخازن الكان فيها السكر دا كان سكر بس ولا معاو مصيبة تانية(كونتينر نفايات جايا من اليونان ولآ ألمانيا)يعنى بعد ماموهوتو بي السكر ولغفتو الدولارات تقومو تدونا السكر عشان(………)؟أها يا إسحق السكر جاك طلع المسدس:
سكر..سكر سكر وحات عينيا سكر
وأخطر .. ياأحلا موت فى بمبر..
تيرم ترم..ترررررررم..
من يحاكم من . اقال البشير المدير السابق للامن صلاح قوش والخلاف كان عمل شريف من قبل صلاح قوش طبعا مافي زول حيصدق لو قوش عمل عمل شريف لكن هذا العمل اعتبره البشير عمل كيدي وقال له انت داير تجسس علي اهلي قدم استقالتك يعني هم اهل البشير الجايبين الكفوه للمواطن
الدوام لله !!!!
السكر دا يودوه شركة سكر كنانة لمصنع الوقود الحيوي ويتم تحويله لبنزين حيوي والعائد سيكون عالي جدآ ، ولن يتضرر مواطن بالسرطان ،،
(مالكم كيف تحكمون ) ،،،،،
اوع يكون دا السكر اابتوزع فيهو الحكومة للمؤسسات للموظفين بالتقسيط ثمن شوال السكر ب 260 جنية
الدوام لله !!!!
السكر دا يودوه شركة سكر كنانة لمصنع الوقود الحيوي ويتم تحويله لبنزين حيوي والعائد سيكون عالي جدآ ، ولن يتضرر مواطن بالسرطان ،،
(مالكم كيف تحكمون ) ،،،،،
اوع يكون دا السكر اابتوزع فيهو الحكومة للمؤسسات للموظفين بالتقسيط ثمن شوال السكر ب 260 جنية