ماعندي شغلة غير السياسة!!

يا بت الصادق يظهر من صورك الفاتت وخصوصا بتاعة غرفة النوم انكم ناس بسطاءوفقراء والفقر ليس عيبا الا اذا كنتي ترينه عيبا . ويظهر انك مستعده لدفع كل شئ مقابل المال وهذا يظهر في ملامح وجهك المتغيرة ( انتي امرأة وتعين ما اقول ) . واتحداك تعايني في وشك دقيقة واااحدة في المراية بدون ما تخجلي من نفسك .

ما عندي شغله غير السياسه !!! ليه كدا طيب بتاكلوا من وين انت والسياسين الما عندهم شغله عير السياسة وحتى لو لميتوا ليكم قريشات بتكمل ما سمعتوا المثل القائل شيل من التل يختل .

فاطمة الصادق التى شتمت كل سودانى فى تعميم مخل فى كل بيت سودانى (زانى وسكران وصائع الخ)

تستمر مذيعة فى قناة النيلين الرياضية رغم هبوط شعبيتها الى الصفر والسبب هو مساندة مدير

النيلين الرياضية ودفاعهه المستمر عنها خالد الاعيسر (ولاندرى السبب) لكن المؤسف هو ان

يدافع محمد حاتم سليمان مدير التلفزيون القومى عن فاطمة وخالد .

لماذا تستمر فاطمة مذيعة دون حساب ولا عتاب رغم كل الاحداث ؟

لماذا يستمر خالدالاعيسر مدير لقناة حكومية وهو يقيم فى لندن اغلب وقتة ويتقاضى راتب حكومى ؟

لماذا يحمى محمد حاتم خالد الاعيسر ويبقية مدير للقناة رغم انه يعمل موظف فى قناة عربية ؟

لماذا تحمى الدولة محمد حاتم وتبقيه مديرا للتلفزيون رغم كل ماحدث ويحدث ؟

لماذا تدفع وزارة مالية الشعب السودانى مليارات لقناة النيلين لتبث الدورى دون رقيب؟

“وتصريحات الدكتور نافع علي نافع المساعد السابق للرئيس الذى قال فيها مبتسماً( أنا طلقت المواقع الرسمية فى الدولة ولم أطلق السياسة وانا ماعندى شغلة غير السياسة”
اى خليك بس مقرض على كده ياابو العفين عشان العيدان الحتركب وحتتغزافيك

هذا رجل لا يدري ولا يدري انه لا يدري…… سياسة قال ….

المسلم من سلم الناس من يده ولسانه اين انت من هذا الحديث؟

يسلم قلم الرائع دكتور حاتم ارباب عندما كتب
يا سلام على التغشف يا سلام على التواضع
يا سلام على الإسلام لمن يكون عملا وليس
قولاً يا سلام على قادتنا لما يقتدوا بنهج
الصحابة رضوان الله عليهم ويطبقون القرارات
على أنفسهم قبل تطبيقها على الرعية.
صدق قطبى المهدى عندما قال لقناة الجزيرة
ان الدواب وسيلة اساسية لمعظم السودانين
وكان قد تركه حماره مربوط فى زريبة المطار
فيا تري لمن هذه الحمير؟
من هم الذان شرفا محلية كوستى ؟
إنهما للرئيس ونافع فلما لا ! ولما الاستغراب
فهم مزارعية واولاد مزارعية كما قال الزبير
نحن أولاد مزارعية بسطاء فإن رايتونا نركب
أفخم العربات ونسكن الفلل والعمارات فاعرفوا
اننا فسدنا .وفسدوا وعرفنا أنهم فسدوا ولكن
ربما الثورة التى كادت ان تجرفهم وحسوا هم
بذالك الزوال البشع فدعوا الله مخلصين لو انجيتنا من هذه لنكوننا من المتقشفين وكشف الله عنهم الضر وها هم يوفون بنذرهم .
لاشك انها رحلة طويلة على ظهر الحمير من
الخرطوم الى كوستي فكيف يا تري تم تحضير الرحلة ؟
حمدا لله الذى نجانا من هذه الكعة إنهم فى أشد حالة الندم على ما فرطوا فى أمور العباد إنهم فى مرحلة عالية من الإيمان
قال نافع الى الريس أقترح ان نذهب ونتفقد الرعية فى كوستى واقترح ان نسافر بالمواصلات العامة
إلا ان الريس يبدو تأثر كثيراً بشريط كشك قال لنافع لا نمشى كداري لعلنا نكفر من خطايانا ونلتقى باكبر عدد من الناس فى طريقنا لنلتمس منهم العفو ونستمع الى شكواهم .
إلا ان نافع شكى من الرطوبة واقنع الريس بأن يمشوا بالحمير ! ودخلو سوق ليبيا ليشترو حميرهم فوجد نافع حمار أبيض فعجبه فقال لصاحبه
بكم هذا الحمار؟ قال صاحب الحمار بين البايع والمشتري افتح الله وستر الله
فقال نافع ادفع لك 100 جنيه !
فقال له صاحب الحمار دى إسترليني ولا دولار !
فقال نافع دى ميه سودانى وبالقديمة كمان
فقال له صاحب الحمار اين كلبكم؟
فقال البشير اسمع قصر الكلام ورينا نهايتوا كم؟
فقال الراجل مادام تتحدثون لغة القدماء مليون
جنية بالسعر القديم.
فوضع نافع يديه على رأسه يا حولى الله
حمار بمليون جنيه !! فقال البشير معقول الحمار بقى غالى كده اخر مره اشتريت فيها حمار قبل
26 سنه كان سعره خمسه جنيه فقط !
نافع دى مشكلة يا البشير كل الفى جيبى 500 الف . البشير وانا قسمت نص ماهيتى لزوجاتى الاثنين وفى جيبى النصف الاخر مليون فقط.
فماذا نفعل الان يا نافع؟ قروشنا لاتكفى لحمارين
ونحن نحتاح الى سرجين وخورجين ونحتاج لطعام
لنا وطعام للحمارين .فقال نافع نرجع لبيت المال
إلا ان الريس قال لا بيت المال بعد اليوم يا نافع!
دعك من هذا الحمار الابيض فلنشتري حمارين
بسعر ارخص ولا نشترى سرج نكتفى بالبردعة
فقط اما الذواده فليست مشكلة السودان بلد
كرم فلن نحتاج لهما هيا ندخل نفطر عند ست
الروب دى وننطلق.
السلام عليكم فردة
ست الروب وعليكم السلام
اتفضلوا فى ويكة وفى روب وفى لقمه وفى
كسرة .فقال البشير اعملي لينا منهم الاتنين مشتاقة تسعى لمشتاقى فبعد ان انتهوا من فطورهم وحمدوا الله ورفع نافع الابريق للبشير
الذى مازال يلحس فى أصابعه قائلاً ملاح كارب
لى سنين ما فطرت فطره ذى دى ! اتارينا يا نافع
الحريم غاشتننا بالصاصيق بتاعت المطاعم الأجنبية ! صدقت يا البشير الهوت روب دا زيو مافي!
كدى يانافع أسأل ستى الروب دى من احوالا ومن رأي فى الحاكم ؟ اها يا حاجه حسابك كم ؟
(المره ما عجبته كلمة حاجه دى)
قلته شنوا يا ابوى ؟ قلنا ليك حساب الفطور كم؟
حسابكم 20 الف.وقبل رفع الدعم كان بكم يا حاجه؟
الطلب كان بى سبعه الف وبقى اليوم بعشره الف
يعنى انتى استفدتي 3 جنية من اى طلب بعد رفع الدعم ! فردة ست الروب بغضب انت شكلك طاير ليك كوز فى راسك !! والعياذ بالله
يا ساتر ! الكيزان ديل شواطين ولا شنوا؟
والله نحن شواطين الجن ما شفناهم ولكن شواطين الإنس هم الحامكننا اليوم! فقال البشير لى نافع
اكيد المره دى جاسوسه مع الجبهة الثورية ولا إسرائيل .الكيزان مالهم ياوليه ؟ يا خى ما تعمل لى ضغط ادفع العشرين العليك دى وكان ما عندكم قوموا اتخارجوا
نافع للبشير نرسل الى عبدالرحيم ايجى ياخده وبالمره نسوقو معانا الطريق امكن ايكون فيهو
رباطه و كمان برضو احرس لينا الحمير دى لو دخلنا على محل ولا كدى . البشير لا لا خليهو خسارة حق حمار ساهى انت قاعد ما يحتاج بتحرسهم !
فرد نافع ليه حمار تاني؟ ماهو شديد ذي الحصان
راكب حمار مالوا ! يمشي كداري وخلاص ولكن الريس كانت خطبة كشك مازالت تدور فى راسه
فلم يوافق.
اختارو ان يسلكوا طريق القري ويبعدو عن الظلط
حسب رأي مساعد الرئيس وكانوا يغنون أحياناً ويمدحون أحيانا ويتحدثون عن أيام الشباب وسك الجداد ولقيط القطن.
نافع مويتنا كملت يا البشير خلينا نمشي على الترعه ديك نشرب ونملأ جركانتنا ونسقى الحمير
وصلوا الى الترعة فوجدوها يابسة !
فقال البشير الوقت وقت زراعة أين الماء ؟
اين الغفير اين المفتش فقال نافع فلنذهب الى
مكتب المفتش اري شجر الكتر من هنا فدخلوا
على سراية المفتش فوجدوها خرابا لا ابواب
ولا شبابيك بل وجدوا بعض الحمير داخلها فقال البشير هل انت متاكد من اننا سلكنا طريق الجزيرة ؟
قال نعم يا البشير لابد ان المخربين وعملاء إسرائيل
وصلوا الى هنا دعنا نذهب لتلك القريه لنشرب لنا
ماء .فدقوا باب اول بيت بالقرية ففتحت لهم طفلة
الباب ثم جرت الى الداخل يمه…يمه سيد اللبن جى فاتت ست البيت تحمل الحلة فقال لها نافع نحن
عابرين سبيل ممكن تدينا مويه نشرب ؟
فملت الحلة مويه واحضرتها لهم. مسك البشير الحلة وقال لها ما عندكم كوز ؟ فقالت لا الحلة دى ما فيها
كيزان كلهم رحلوا الخرطوم .
فى اللحظه دى دخل صاحب البيت سلام عليكم
اتفضلوا يا ناس لداخل وكتفوا حميركم قبلن هنا
الجماعة كتفو حميرهم وقبلى ما يدخلو على الديوان
نافع لصاحب البيت عليك الله كبليك كوزين عيش
للحمير دي ؟ كدى هسع الحمير خلوهين اتغدوا انتوا أول حاجه ، وبعدين نشوف .
بعد شويه جى الراجل شايل الصينيه فيها صحن وحيد
وفيهو لحمة واحدة وعشتين مقطعات بالجمبات
كل واحد شال ليهوا لقمتين تلاته خلص الملاح
والرغيف صاحب البيت طلع
الريس مسك العضم ونافع بلحس فى أصابعه الزول
دا مشى اجيب الذياده ما تقوم يا البشير؟
فضحك البشير ! نحنا اكلنا الزياده. قول مشي
اجيب الاكل !
فأتى صاحب البيت يحمل ماء الشرب والابريق
فسال نافع صاحب البيت عن شغله. فقال لهم
انا مزارعى ود مزارعية اعذرونى ياجماعة
بقولوا الجود بالموجود اكان قدحنا بكفى البيت
وبكفى الضيف ويكفى حمار الضيف اكنا بنضبح
للغاشى والماشى اكنا بنضبح كلما نفرح لطهور
لخطوبه لى نجاح لى مريضاً خرجوهوا. زرائبنا
ملاينه بقر وغنم وضان، ومخازنا مليانه قمح وعيش
هسع نشتري العيش بالكوز والله احرق الكوز !
وسيرة الكوز ! الحمام بقينا نحسب ليهوا حبات العيش
المريض ما بنزوروا لا لمن اموت! والعرس لو ما
قريبك شديد بنجلى طوالى !
انحن بقينا مانحن حكمتنا ظروف حكمتنا علوج !
جات البت جاريه يابه ..يابه الحمار انفكه من الحبل
قاموا الجماعة لفوا عممهم و انطلقوا كلما
مروا بقرية استطعما اهلها وسألوهم عن
أحوالهم وعن ارائهم فى الحاكم فوجدوا كل الناس
قالت الروب
وكل الناس ست الروب
وكل الناس بلغتهم عملاء مع اسرائيل.
حاتم ارباب