المغتربون.. مشكلات وصعوبات..نواب من البرلمان يشنون هجوما عنيفا على نظام الكفالة ويعتبرونه أقرب لـ «الرق».
محمد حسن عرضي:
أخيرا أصبح البرلمان السوداني يظهر بعض الاهتمام بشريحة المغتربين، وقد شن عدد من نواب البرلمان هجوماً عنيفاً على نظام الكفالة في بعض الدول العربية باعتبار أنه أقرب لـ «الرق».
وبداية نشكر للبرلمان هذه الالتفاتة وان جاءت في سياق المصادقة على اتفاقيات عربية بشأن حقوق مشتركة للعمال العرب، إلا أننا نقول لبرلماننا إن نظام الكفيل يطبق في الدول العربية على كل الأجانب وليس فقط السودانيين، وهذا شر يعم، ولكن للأسف الشديد الخير لا يخص السودانيين في بعض دول الخليج، ويعاملوا معاملة مختلفة، وبالطبع سيئة.
يا سادتي المغترب السوداني يعاني تعديل المهنة، لأن كل المهن التي تذهب للسودان عمالية، ويهاجر كثير من الإخوة السودانيين على مهن عمالية، في حين أنهم من حملة الشهادات العليا، والسودانيون دون غيرهم لا يستطيعون تعديل مهنهم، والسبب يرجع للتوترات السياسية في فترات سابقة، ولكن بحمد لله عادت المياه إلى مجاريها، إلا أن المغتربين مازالوا يعانون من تبعات الحديث السياسي للرائد آنذاك يونس محمود، ولم يكلف احد من المسؤولين السودانيين نفسه بمناقشة أوضاع رعاياهم في تلك الدول، كما تفعل كل الدول.
ولم يتوقف التمييز في المعاملة ضد السودانيين عند المهن وتعديلها وما يترتب عليها من تبعات، بل تجاوز إلى إلزام كل السودانيين بعمل كشف طبي شامل عند تجديد الإقامة، وهذا الشرط للسودانيين فقط، فهل السودان مصنف من قبل منظمة الصحة العالمية بأنه منطقة وباء أم ماذا؟
وأوجاع المغتربين كثيرة جدا، ولا حياة لمن تنادي، أما جهاز المغتربين فهو عبارة عن مبنى يجمع كل أنصاف الجبايات التي تمتص دماء المغتربين ليس إلا، ولا دور له غير ذلك، ولا تعنيه مشكلات وقضايا المغتربين، ولا يوجد قاسم مشترك بينه والمغترب إلا في الاسم. وللأسف الشديد كان أمينه العام ولوقت قريب من زمرة المغتربين وفي نفس المنطقة العربية التي يعاني منها المغتربون السودانيون التي تحدثنا عنها، لكن يبدو أن المناصب أصبحت تشريفا وليست تكليفا.
ويحدونا الأمل بأن تنتبه الحكومة السودانية لهذه الشريحة المهملة، والعمل على إيجاد حلول لكافة المشكلات والقضايا المطروحة من قبل المغتربين.
[email protected]
الصحافة
الرق والعبودية بقى فى السودان احسن تنذل من الغير من يذلوك اولاد بلدك خلونا فى حالنا مرتاحين كدة احسن الغربة الف مرة من العيشة فى السودان ضنك هؤلاء القوم ربنا يسلط عليهم غضب الهى من عندوا ما يفضل فيهم نفاخ النار ، لا الجوة مرتاحين ولا البره مرتاحين لو البلد نافعة كان الناس طلعوا وتغربوا ، قول لجهاز جباية العاملين فى الخارج خليك ساكت واعرف طلع السودانيين من ليبيا !!!!!!
ما في داعي لاستعمال التعابير العاطفية في تناول المواضيع. فكل إنسان يكتسب احترامه أو إهانته من مدى احترام حكومته أو دولته له. فإذا كان الشعب السوداني داخل السودان غير محترم وأن مسئولينا أنفسهم غير محترمين ولا يحترمون أنفسهم فكيف بالدول الأخرى أن تحترم الرعايا السودانيين. أنظر للمسئولين عندما يسافرون للدول الأخرى لا ترى عليهم هيبة الدولة التي يمثلونها أنه يتغمسون الشخصية الطيبة والضعيفة التي لا حول لها ولا قوة وتشعر بعدم الثقة على وجوههم. أنظر كيف كان مصطفى اسماعيل مستشار رئيس الجمهورية يهرول مثل الطفل الصغير أمام حاكم الشارقة. ثم أنظر لهم هذه الايام كيف يتكالبون في زيارات مستمرة لدبي كل يوم تجيك رسالة من القنصلية أن والي الولاية الفلانية يريد أن يجتمع بأنباء الولاية الفلانية في لقاء تنويري لحد الآن وصلتني 3 رسالات من هذا النوع والموضوع معلوم – لقد شعر هؤلاء أن العجاجة قايمة قايمة وعايزين يشوفوا ليهم مكان آمن لأموالهم ومن ثم التبضع بالبدل السفاري في شارع نايف – كيف تريد من دولة أن تحترم رعايا السودان أو تعاملهم مثلهم ومثل خلق الله وهي ترى الوزير الفلاني حايم بالبدلة السفاري ويحاجج البنغلاديشي في السعر محل مكتوب عليه كل شيء بشعرة درهم. أيها الشعب السوداني أنت غير محترم ولكن عندك الفرصة أن تستعيد إحترامك لنفسك ليس هبة من أحد ولكن يمكنك أنت وأنا أن نعمل لاستعادة الاحترام المفقود
يعني البرلمان عينو في الفيل ويطعن في ضلو
يا اخي نحن راضين بنظام الكفالة بس ناقشو الامور المهمة مثل :
–تعليم أولادنا يعن الواحد يدفع ضرايب تلاتين سنة للحكومة وفي النهاية ما يلاقي جامعة تقبل ابنو
–تاني موضوع الخدمات والرسوم اللي لسة بياخدوها مننا في الجهاز
—بعدين مسالة السيارات ومنع الموديلات القديمة
المشاكل كتيرة وفي يدهم حلها يسيبوها ويناقشو مسالة حلها ما عندهم
الضرائب جاتكم ياالمغتربين !!!
تصحيح بسيط هو ان طلب الكشف الطبي خاصة في المملكة العربية السعودية لكل الاجانب لتجديد الاقامة او اصدارها وليس فقط للسودانيين.. فمثلاً بالنسبة للسودانيين يطلب فحص الحمى الشوكية وللمصريين الكبد الوبائي واليمنيين فحص شامل وهكذا ..
ثانياً الحمد لله السودانيين اجبروا كل الشعوب على احترامهم سواء بمؤهلاتهم او معاملاتهم – لكن زي ما بقولوا اليد الواحد ما بتصفق خاصة وان المسئولين في الحكومة لا يجيدون الا فرض الرسوم على المغترب وليس هناك مساعدات تقدم له او على الاقل المعاملة الطيبة مع انه نرى سفارات كل الدول تهتم بمواطنيها بالغ الاهتمام الا مسئولي سفاراتنا وحكومتنا وهذا ما يعبر عنه البعض بانه ارخص شعب في الدنيا هو الشعب السوداني (الفضل كما يقولون) وحقيقة نشعر بذلك اننا ارخص شيء بالنسبة للحكومة وفوق ذلك يطلب منا ان ندفع الرسوم (سبحان الله) – يا ناس الحكومة الذي يسعى البهائم يهتم بها حتى تدر عليه اللبن..
الاستاذ محمد حسن انت اثرت موضوع حساس لشريحة المغتربيين وانا منهم . المغترب يزل داخل وخارج بلدة . عند ذهابك للسفارة في الرياض تحس انك في مكتب تحصيل ليس الا وعندما تري جموع السودانيين في حي السفارات في الرياض بتتخيل انك في السوق العربي ومع ان الحي كلة سفارات لكن لاتري الا السوداني ذاهب الي مكتب التحصيل اقصد السفارة . وعندما تصل السودان وفي جهاز المغتربيين يعاملونك وكأنك مجرم بعدم احترام وما يهمهم هو تحصيل الضرائب وان ابديت اي رأي في الضريبة المصحف جاهز للقسم . والله يكون في عون المغترب
أحلى تعليق يا (Somer) (ترى الوزير الفلاني حايم بالبدلة السفاري ويحاجج البنغلاديشي في السعر محل مكتوب عليه كل شيء بعشرة درهم) شعب يعشق النقة والجدال.
ياسوادنة ترا انتم جالسين في خير ونعمة في ارضنا ونظام الكفالة يمشي علي الكل
مو انتو فقط ياسوادنة .. حتي اللبنانيين والسوريين علي كفالتي وهم بيضان
وهذا دليل علي عدم اعتبارهم رقيق 0..
الشي الثاني .. مسالة الكشف الطبي بالنسبة لكم اجراءات عادية نسبة لتفشي مرض
الايدز والكبد الوبائي بصورة ملفتة حسب تقرير وزارة الصحة العالمية
ينصر دينك يا أخ محمد … الجماعة ديل الظاهر ريحوا المغتربين خالص في الداخل عاوزين يحلوا ليهو مشاكلو في الخارج .. وله ده تخدير للمغتربين عشان يبلو رؤوسهم للجبايات الجاياهم … ربنا يكفينا شرهم الما منهم فايدة … المتعافي ادهم نهره خلاهم يسفوا التقاوي الفاسدة دي . لك الله يا بلد .
التحية والتقدير للاستاذ محمد حسن لطرحه لهذا الموضوع الحساس
السعودية او جميع دول الخليج لهم من النظم والقوانين ما يرونه مناسب ولانريد ان نتدخل فيه ويكفي انهم يستضفون وياؤون الملايين ولانستطيع الا ان نقول لهم جزاكم الله عنا كل خير . عندما سئل القذافي من احد السودانيين لماذا توجد عندكم وزراعة زراعة فاجاب طيب انتوا لماذا عندكم وزارة مالية ؟؟؟؟؟؟؟
وبعد
فلنترك نظام الكفيل وماغيره ونناقش مشاكلنا بموضوعية ماذا وفرت الدولة لتحفيز المغترب عند العودة النهائية هل هو مجزي نريد ان نرجع لاهلنا وان نجد وظيفة نعيش منها وكفاية لقد هرمنا وضاع عمرنا كله في خدمة الاخرين
تحياتي
يعني كل مشاكل المغتربين اتحلّت خلاص كامل مكمل فى نظر البرلمان وعايزين يريحونا من الكفيل ؟ خليكم من الكفيل لأن المغترب كل مشاكلو فى جهاز المغتربين والسفارة …. البرلمان مطلوب منه ان يناقش تخفيض الرسوم والجبايات الكتييييييييييييييييييرة النازلة زي المطر على المغترب اذا كان قلبهم على المغتربين الذين يدفعون دم قلبهم فى أشياء ما أنزل الله بها من سلطان …… وإتقوا الله فى المغترب السوداني وانتم لا تدرون حال الكثيرين منهم فى بلاد الغربة وما يعانونه من ضيق مادي ورغم ذلك عليه السداد ولو كسر رقبتو …. وكان الله فى عونكم يا جموع (المتغربين )
يا اسوادنة نحن الشعب السعودي نحبكم ونحترمكم
بس في صفة في السودانيين هي الكسل .. ليتكم تتخلوا عنها
البرلمان السودانى دة مايشوف مشاكل الداخل !! الفساد والحرامية البيسرقوا فى البلد !!
موضوع حساس جدا .فتحوا الجرح .الجواز.الضريبة.الزكاة.التعليم.القناةالفضائية.شريان الشمال.الدمغة. الاضافة,اخر شئ عشان تفصل لطفلك جواز تمشى مستوفى يقول جيب خطاب من ابوه مختم من السفارة ماعارفين ابوه وين من السفارةوالله حرام حرام .
قلنانبنى بيت متنا هموم الف الطوب ميةوثلاثين.اضحكو لوفى شئ بضحك جاءحق الضرائب بى شنطتوا السمسونايت للوالد الله يرحمه وهويكتب ادفع حق البلح ,المنقا.البرتقال.القطيع .العتب حق البيت.استلم وسلم.مسك قراهاالله يرحمهو.قاليهو.نسيت ياخوى ماحسبت فى البيت فى كم طفل عشان نديك ضريبتهم
الحمد لله على الابتلاءات المتحلاقة من حكومة الانقاص الوطنى .. حقيقة مؤسفة أن يتناول المجلس الوطنى – طل المؤتمر الوطنى – موضوع خارج اطار عمله ويفتى فيه .. هل للمغتربين لهم أعضاء يمثلوهم فى فى هذا المجلس ؟ المجلس يجب ان يناقش قضايا المجتمع الداخلى ويحل مشاكل دوائر الأعضاء المحلية التى من أجلها تم انتخابهم – بغض النظر عن الطريقة- من أجلها .. والمؤسف ايضا أن نقول ان نظام الكفالة فى الدول الخليجية عامة نظام قانوني داخلى ينظم علاقة العامل بصاحب العمل وموضوع وفق سياسية داخلية متكاملة ولكل نظام عيوبة ومحاسنة .. ولكن الحقيقة المؤلمة أن المغترب السوداني يعانى من نظام وطريقة التعامل معه من الحكومة السودانية وممثليها فى الخارج وكل الجهات التى يتعامل معها .. فمثلا عند نأتى نحن المغتربين لبلاد الغربة نحس بوجود قانون ونظام يجعلك تحس بالأمان والأمن ولا تخشى أن يتعدى عليك أحد من غير سبب واضح ومنطقى .. أما عند ما نأتى إلى بلدنا فإنك تحس بغياب القانون وتسلط كل مسئول أو موظف أو عامل .. تفرض رسوم وجبايات لا حصر لها وبدون أورنيك مالى تابع لوزراة المالية الاتحادية او الولائية .. هناك منظمات انتهت صلاحيتها ولكنها ما زالت تتحصل على رسوم مثل منظمة الشهيد فى بوابة دخول المغادرين ميناء سواكن وغيرها كثير .. بالمختصر المفيد نظام الكفالة ليس أسواء من نظام التعامل مع المواطن فى بلده وهذا ما يجب على السادة أعضاء البرلمان مناقشته .. ولا الجماعة شافو المغتربين نازلين سب وشتم فى الحكومة قالو نسكتهم بموضوع ذة دى من باب التخدير مثل باقى المسرحيات الجارية على المسرح الداخلى ..
الحمد لله على الابتلاءات المتلاحقة من حكومة الانقاص الوطنى .. حقيقة مؤسفة أن يتناول المجلس الوطنى – ظل المؤتمر الوطنى – موضوع خارج اطار عمله ويفتى فيه .. هل للمغتربين أعضاء يمثلوهم فى فى هذا المجلس ؟ المجلس يجب ان يناقش قضايا المجتمع الداخلى ويحل مشاكل دوائر الأعضاء المحلية التى من أجلها تم انتخابهم – بغض النظر عن الطريقة- من أجلها .. والمؤسف ايضا أن نقول ان نظام الكفالة فى الدول الخليجية عامة نظام قانوني داخلى ينظم علاقة العامل بصاحب العمل وموضوع وفق سياسية داخلية متكاملة ولكل نظام عيوبة ومحاسنة .. ولكن الحقيقة المؤلمة أن المغترب السوداني يعانى من نظام وطريقة التعامل معه من الحكومة السودانية وممثليها فى الخارج وكل الجهات التى يتعامل معها .. فمثلا عند نأتى نحن المغتربين لبلاد الغربة نحس بوجود قانون ونظام يجعلك تحس بالأمان والأمن ولا تخشى أن يتعدى عليك أحد من غير سبب واضح ومنطقى .. أما عند ما نأتى إلى بلدنا فإنك تحس بغياب القانون وتسلط كل مسئول أو موظف أو عامل .. تفرض رسوم وجبايات لا حصر لها وبدون أورنيك مالى تابع لوزراة المالية الاتحادية او الولائية .. هناك منظمات انتهت صلاحيتها ولكنها ما زالت تتحصل على رسوم مثل منظمة الشهيد فى بوابة دخول المغادرين ميناء سواكن وغيرها كثير .. بالمختصر المفيد نظام الكفالة ليس أسواء من نظام التعامل مع المواطن فى بلده وهذا ما يجب على السادة أعضاء البرلمان مناقشته .. ولا الجماعة شافو المغتربين نازلين سب وشتم فى الحكومة قالو نسكتهم بموضوع زى ده من باب التخدير مثل باقى المسرحيات الجارية على المسرح الداخلى ..
المعلق ابو هادي .. رجاءا لا تزور الحقائق
الكشف الطبي مستثنيين منو الجنسيات العربية والاسيوية
ومع انو السودانيين ما كان يطلب منهم فحص قبل خمسة سنوات حسب المهنة
ومن سنة تقريبا بقي االفحص الزامي ويشمل السودانيين فقط وهو فحص الايدز
والكبد الوبائي وليس الحمي الشوكية كما تفضلت .
انا جددت اقامتي قبل شهر ورفضوا يجددوها الا بعد احضار الكشف الطبي
وهو مكلف جدا .. ;(
حبلك يشدك وعودك يقدك !
نحن من الشعوب المتخلى عنها في دول الاغتراب لذلك فالاحساس وقناعة كل واحد منا عندما يقع في مصيبة لا قدر الله كالاختلاف مع الكفيل ومخالفة النظام لاي سبب لا يفكر الواحد منا في فرج يأتيه من السفارة السودانية وانما ينتظر الفرج من الله أو ممن هو الخصم والحكم ليحكم بما يرضيه وباستسلام تام دون اي اعتراض او مقاومة والامل الوحيد ان يحكم في نطاق المقدور عليه وليس بمثابة الضربة القاضية والهم الاكبر يتمثل في مصير الاولاد اذا كانوا مقيمين اما اذا كانوا في السودان فالامل في الاهل والاسرة الممتدة والمجتمع الطيب المعافى.
نحن لا نضع انفسنا في خانة واحدة مع مواطني الدول الكبري :امريكا وبريطانيا وفرنسا وحتى الفلبين والهند لديها القدرة على حماية مواطنيها وبصراحة نحن لا ننتظر الفرج الا من رب العالمين ومن الافضل تركنا في حالنا حتى تنفتح علينا بوابة العاصفة
كتر خير البرلمان إفتكر المغتربين بعد كل هذه السنين الحافلة بالمعاناة ومربط الفرس كما أسلف الأخوة من قبلي ليس ما يلقاه المغترب من معاملة سيئة في الخارج ولكن سؤ معاملة وعنجهية وظلم ذوي القربي في الداخل أيضاً.
وللحق لكل دولة الحق في وضع وتطبيق السياسات الكفيلة بتحقيق مصالحها ومصالح مواطنيها والإستثناء الوحيد هو السودان كونه دولة رعناء فاشلة لم تفعل شيئ سوي التفريط في حقوق الدولة والمواطن مجتمعين. فقد ذهبت هيبة السودان وسمعته الجيدة إلي غير رجعة بل واصبح السودان مجال مفتوحاً للطامعين شمالاً وجنوباً وعرضة للتفتيت والإفتآت.
أما المغتربين وانا احدهم فليسوا الوحيدين الذين يعانون من ظلم ذوي القربي لأن الموجودين في الداخل يقاسون الأمرين وأقل حقهم علينا هو الإعتراف بمعاناتهم أيضاً.
ولو عدنا للموضوع ،برأي تكمن معاناة المغترب في جبايات جهاز المغتربين التي لا ترحم مع عدم وجود أي خدمات تقابل هذه الجبايات لا في داخل السودان ولا خارج السودان إضافة لرداءة الخدمات وهي فقط خدمات تجديد جواز السفر والتأشيرات والذي منه. والمعروف ان قنصليات السودان من اقذر واقبح القنصليات قاطبة وتقدم خدماتها حتي اليوم بطريقة بدائية وسلحفائية إضافة للتكشيرة المعتادة لموظيفها "كأنك كاتل ابوه"!
ولو أكملنا الرحلة إلي السودان فأول صدمة سيواجهها المغترب عند ناس الجمارك عندما يطلب منه سداد الجمارك حتي علي شنطة ملابس العيال! والأنكي ان الأمر كله متروك لمزاج موظف الجمارك الهمام فإذا كانت تكلفة شنطة ملابس العيال مثلاً 1000 ريال ويوجدفاتورة بكل محتوياتها تشهد بذلك لربما يطالبك موظف الجمارك بسداد ذات المبلغ كثر أو قل "حسب كرهته فيك" ولربما لا تمر عبر الجمارك إذا كنت من أصحاب اليمين!
أما حكاية جمارك السيارات فتدل علي جهل مريع،فمبلغ شراء السيارة ليس له علاقة بجمركها كما هو متعارف عليه في كل دول العالم وتجد نفسك ملزم بأن تكون سيارتك من موديل نفس السنة أول التي قبلها "لو جاملوك" حتي لا تلكف الدولة صرف نقدها الأجنبي علي إستيراد إسبيرات لسيارتك القديمة ! وكأن الدولة تتحمل تكاليف صيانة سيارات المواطنين! ألم تعلموا يا ناس الجمارك ان السيارات تعد من السلع المعمرة؟ وأقصد انه ليس في مقدور الكثيرين إقتناء سيارة فضلاً عن تبديلها؟ علماً ان الكثير من المغتربين إذا فتح الله عليه بسيارة لا يسأل كثيرً عن موديلها! إضافة للغز الكبير فالمعروف ان هذه السيارات صالحة ومستعملة حتي في أمريكا واوروبا و دول الخليج المشهود لها بالمعايير المتشددة في مجال السيارات ،فكيف تمنع من دخول السودان ؟؟ والأسئلة الحيري تطول…..
وين تعليقى على هذا الموضوع ياناس الراكوبة ؟؟؟؟؟؟
والله ضحكتوني انا كفيلي يوم 25 بديني المرتب في يدي وكنت شغال في سنار اوبالاصح ولاية احمد عباس اكلوا مرتباتنا وحوافزنا لمن طالبنا بيها قال دي ولايتنا العاجبوا يشتغل والماعاجبوا يفوتا انا استقالتي ما قدمتها شلت شنطتي ومشيت بوشي قال كفيل قال خافوا الله يابرلمانيين يا وهم انتو كمبارس لا بتحلوا ولا بتربطوا المقال الفوق قبل دة برلماني من شمال كردفان ببكي عشان طريق مانفذوا ووزير المالية ما شغال بيهم هاهاهاهاهاها
ابدا والحق يقال لسنا الوحيدين بل معنا ثلاثة جنسيات اخلرى بنجلاديش واليمن واثيوبيا الزين يطلب لهم كشف الايدز فقط وليسة كشف طبى كامل وهزا الاجراء من زمن قريب حوالى 4 سنوان ويمكن اقل فرعو الله فيما تقولوه مغترب من 20 سنة الدمام
ردا علي تعليق الاخ / سعودي وافتخر نحن نحترم انظمة البلد وقوانينها والنظام مثل ما قلت ماشي علي كل الاجانب واغلب التعليقات المنشورة لم تتظلم من الانظمة بل تتظلم من جهل حكومتنا لشرئحة المغتربيين من فرض ضرائب ورسوم .
اما الاخ بندر السعودي اقول لة الشعب السوداني يعتز بتقديركم واحترامكم لة في المملكة ودا شي بنحس بيه في الشارع او اماكن العمل وتشكرون علية بس كلمة (كســـــــلان ) لم يجانبك الصواب لانها اساءة سمعة من جنسية عربية (مصرية ) بالتحديد لان السوداني دائما مايسحب البساط من المصري في العمل .
بالنسبة لكلمة سوادنة ……. مافهمت القصد بالضبط منها هي تقليل مننا كسودانيين ام اسم دلع . نأمل من الاخوان المذكوريين الايضاح.
الموضوع ده واحد من اثنين ياام الحكومة عايزه تضغط على المغتبربين بموضوع عمل مشاكل في دول الأغتراب او الحكومة زعلانه من المغتربين وعايزه ترجعهم للسودان ياجماعة المغترب الوحيد في الخليج الحكومة يوم ماتقدم ليه المساعدة العاجلة تسهل ليه عملية الترحيل دون حقوق (ناس باركوها ياجماعة خلوا الراجل يلحق اولاده بسرعة) وتبعا لذلك راحت عليك رواتبك وخدماتك ولقيت نفسك في الهواء ولأنه السوداني
طيب تضغط عليه شويةوتزعلوا شوية يخلي حقوا ويسافر او التنازل عن الكفالة مقابل الحقوق ياجماعة موضوع الكفالة دي عضمه اكبر من الحكومة ووراها حاجة اسمها حقوق الأنسان والمحكمة الدولية جنها وكرها البشير يعني في الأول والآخر حكومتنا دي يادوب تتكلم مع تشاد وماجاورها حتى ليبيا قفلت وانحنا ديل ماراجعين تاني لحياة الزل والهوان ومن السعودية ولقدام والشكية لغير الله مزلة بالله اختونا ساكت;( ;( http://www.alrakoba.net/news.php?action=show&id=20588#
بالمنطق البسيط…… انا مغترب فى السعودية الان 1/الفحوصات الطبية تجرى على كل الاجانب دون تمييز فى الدخول الاول او التجديد .2/نظام الكفالة شأن داخلى لا يخص اى دولة او رعايا فى كيفيته..يعنى ما قبلت بيهو ما تمش ليهم….كفيلى انا درجة اولى فى الكراهية حتى الادافع ليهو والله 18 الف ريال وحولت منو ….يا ناس البرلمان شوفو المشاكل التانية الداخلية التى جعلتنا نهاجر وانا خريج علوم سياسية مع لغة انجليزية وروسية والسبب المحسوووووووووووبية تعب تقدم شهاداتك يعنى نرضى بذل الغير ولا ذل قرايبنا.برلمان عينو على الفيل واطعن فى ضلو …غايتو دايرين تحللو مرتباتكم بس!!!!!!!!!!!!!!!!!!!!!!
اكتبوا وعلقوا وابكوا وزعقوا لتروحوا عن انفسكم او لشئ من التسلية ولكن كلامكم لا يهم اي مسئول ولا يؤخذ بحمل الجد ولا يغير شئ في السيستم المعمول به والسياسة المطبقة بحق المغتربين كونهم لا يتعدون قطيع البقر الحلوب والذي ربما يكون مصيره كخيل الحكومة حينما يهرم ويشيخ … وطلقة في مؤخرة الرأس وطلقة المغترب هي الاهمال اذا جاء بتأشيرة خروج نهائي فعلية ان يتدبر امره او يموت ولن يشفع له كوم الايصالات الذي يحمله جيبه ليثبت ما دفع من ضرائب قد لا يكون قد دفعها اعتى مستثمر اجنبي في السودان او اي واحد من التجار المحسوبين ولكن المغترب المسكين قد دفعها من صافي راتبه وظل يدفع ويدفع منذ او سنة في الاغتراب حتى آخر سنة منها قرر العودة النهائية للسودان ولو كان هناك شئ من العدل او الانصاف يتم تقييم تلك الايصالات ويمنح عليها قطعة ارض في زقلونا او طردونا او انسونا حتى يلملم فيها باقي عظامه وتبقى لاسرته ولكن طالما انه من المتخلى عنهم فعليه ان يتدبر امره او يأكل ناره
والله للأسف الشديد الواحد مايشعر بالرق والعبودية والذلة الا فى الاجازات . سؤالى ماذا قدمت الحكومات وعلى رأسها الانقاذ للمغترب حتى تفتش فى نظام الكفيل والرق والشئ التانى كل المغتربين الذين يعانو ا المعاملة السيئة والاذلال بسبب الحكومة لانه فى جميع دول الخليج اصبح معلوم للكل لايوجد سفير أو قنصل متابع لاحوال السودانين وممكن الواحد يترمى فى السجن لحد محاكمته وممكن يعدم ولااحد يكون عنده علم بالحاصل وشوفو الفرق فى السفارات الأخرى التى يعمل لها الف حساب في حين مواطنها لايدفع أى رسوم وممكن يدخل الى بلده أى حاجة من الطيارة للسيارة وبدون اى جمارك او رسوم وجوازه 10 سنوات وبستقبل فى بلده بالزهور كأنه مجاهد فى سبيل الله وتفتح له جميع الابواب ولايدع رسوم الا اذا كان لديه وظيفة فى بلده ويريد أن يحافظ عليها لحين عودته من الغربة وعلاوته وترقياته
ماشه ( ده غير انه كل سودانى طالع من السودان بكون كاره نفسه وكاره الحكومه وكاره اليوم الولدوه فيه) . ومن البديهى ان يعامل زى الزفت والبركة فيكم واخيرا البلد الوحيد فى العالم جوازه سنتين . ماذا قدمت الحكومة للمغترب قولوا حاجة واحده بس كفاية .
المغترب دا هرب من جحيمكم وفسادكم
والمغترب السوداني في أي بلد عايش أحسن ولو ما عايش أحسن كان رجع
أسوأ كفيل في العالم العربي أفضل من حكومة البشير في ظلمها وهضمها لحقوق الإنسان
لو البرلمان الإنقاذي ما عندو موضوع حل كل مشاكل أهل السودان أفضل أن يدخل في إجازة مفتوحة
بارك الله فيك كفيت ووفيت
والله العظيم ، انا امتلكت جواز سفر لجنسية اخرى بسبب مضايقات المدعو جهاز المغتربين وجباياتهم واستنزافاتهم التي لا تنتهي . . .
الله يكون في عوننا منهم
انتو خلاص حليتو مشكل الكفيل الداخلي بديتو تفكرو فى المغترب
ما انتو برضو عندكم كفالة يعنى الواحد لو داير يعمل اي شغل لازم يكون عنده كفيل من الجبهجة يضمن ليه عدم تدخل اي جبهجي تاني من التدخل في شغلة او مشاركته بالغصب او يقلعو من دارو زي ما الجاز قلع بيت جارو
تري خليكم في مشاكلكم وحلحلوه عشان نحن نرجع وما تعملوا لينا مشاكل مع المملكة على الاقل بتجتهد بتلقي مقابل والوظيفه بالكفأه مش يشرط تكون موالى
يا ناس البرلمان عليك الله بس لو عندكم مساعدة قدمونها لينا في سواكن والصيفية قربت تعالوا شوفوا التعب ومقاولت طلوع الشنطة من جبال الشنط الشنطة 100.000 ده لو محظوظ ولقيتها بدري 0
وتعال يا بتاع البرلمان وشوف المياناء وتعال شوف الحالة
الافضل لكم مناقشة الامور الداخليه وانصاف المواطنين فى الداخل اقلها قولو رايكم فى اصحاب الحق بمشروع الجزيره
يا اخ بندر السعودى أولا شكر على حبكم واحترامكم لنا … بس فى شى عاوز اوضحو ليك نحن السودانين ليسوا بكسالى وهذة شايعة اطلقها الاخوة المصريين السجم .. لما لقوا انو السودانى مرغوب فى جهات العمل اكثر منهم .. وبصراحة انتو اكسل مننا لانو الواحد فيكم بكسل انزل من السيارة يجيب طلبو من البقالة وهذا اقرب مثال .. وانتو من شدة الكسل عاملين ليكم تكايات فى المسجد .. وهذا يكفى …
الغلبها راجلها مشت تأدب حماها……عجب والله عجب
ياكيزان ياتافهين ياحقيرين انتم اخر من يتحدث عن الشعبا لسودانى وخاصة المغتربين
اكلتم اموال المغتربين ولم تعملو ليهم شئ
باللة عليكم لماذا لم تناقشو موضوع قروش الذكاة التى تاخذوها من المغترب وماهى الناحية الشرعية فى ذلك وهل المغترب ماعندة مساكين وفقراء عشان يعطيها لهم
الظاهر واحد من ناس البرلمان ديل عندة قريبة مالاقى شغل فى السعودية او يعمل مخالف لنظام العمل داير يحل لية مشكلتة بالاعلام
انتم على سدة الحكم اكثر من عشرين سنة ولم تناقشو مشاكل البقرة الحلوب
ارجو ان تحلو مشاكل المغترب الداخلى وتوفرو الغذاء والتعليم والصحة ياحرامية اخر زمن
الهخوة السعوديين ناس محترميين وكذلك السودانيين كانو محترميين لكن عندما ضاغت الحال باهلهم فى السودان بسبب اعمالكم المنافية للاسلام اصبحو كثيرى المشاكل واصيبو باامراض نفسية واصبح الواحد يجلس اكثرمن عشرة سنوات وغير مبالى
فديت دولة الامارات..فديت الشيوخ عزونا ورزونا اكتر من بلدنا وحكامنا..ووالله الرق ده نحن بس بنشوفو عندكم يا ناس السودان من سوء المعاملة والاخلاق بداية من المطار ونهاية بالمطار في رحلة العودة..يعني خلاص قلبكم علي المغترب يا سلام علي الحنية البي الطحنية روحوا جاتكم داهية في حد شكي ليكم..يكفينا بنلقي احسن علاج في ارقي مستشفيات الدولة وبالمجاااااااان وموضوع الكشف الطبي عشان تجديد الاقامة ده قرار ساري علي جميع الجنسيات في الامارات ولأ انتوا عايزينهم يعملو زيكم فاتحين البلد لحملة الايدز والاوبيئة وافتكر كل دولة حرة في قراراتها ومافي زول قدم استقالتوا الدولة رفضت ولأ سجنتو..فديت الدولة وخشم الدولة وخشم بالاماراتي يعني انف..واطلعوا منها بس انتوا يا ناس السودان غير النقة ماعندكم شئ.
اول شى شوفوا سفاراتك داخل الخليج بتعمل شنو . سفارات نصب شقاله بس لجمع القروش والسفراء ماعندهم اى اهتمام بمشاكل المغتربين الفراء جاين علشان يجموع القروش . مشكل المغتربين من الحكومة لية نتغرب ياحرامية .شرتوا الشباب وبهدلتوا اسم السودان
فكونا من رسوم خدمات وورونا معناه شنوا وندفعا ليشنوا ووينا الخدمات الميناء زي الزفت والمعامله جافه كاننا ماخذين حق زول
مليت انا مليت من الغربة وتعبت من الترحال الوهم ديل شكلهم دايرين يوزنونا اكتر من كدة تخصص نصب واحتيال يعنى وراكم وراكم واذكرو لى حاجة عملوها للمغترب ولا المواطن الحاجة لو مافيها مصلحة ليهم مابعملوها اصلا
والله ياسوادنة ما عندكم سالفة متعبين نفسكم بالغربة والمحصلة صفر
شوفوا اليمنيين اوضاعهم ازين منكم ولهم استثمارات داخل السعودية
اما انتم فجالسين تندبوا حظكم بدل تتركوا الكسل
مشكور "برطلمان" السودان قلبه علي المغتربين ومشاكلهم ,,ولكن للاسف ليست مشكلتنا نظام الكفيل ولكن مشكلتنا الكبري في السودان فاننا ندعوا كيزان البرطمان السوداني زيارة ميناء عثمان دقنه ومطار الخرطوم ليروا كيف يعاني المغترب السوداني من مرمطتت دخول السودان من الجوزات وتاخير التاشيرة للدخول الي الجمارك اللتي لا يوجد لها في العالم مثيلا لجيوب النظام ولم نري اثر الي هذه الجبايات اللتي تجبي في خدمات مطار الخرطوم وميناء عثمان دقنه الاثري فاين تذهب نقودنا ايها البرطلمانات ؟؟ الي الان عندما تسافر بميناء عثمان دقنه عفشك يحتاج ثلاثة ايام ليخرج من الميناء ثلاثة ايام اجبارية علي حساب صحتك وجيبك وتردي الخدمات في سواكن لا توجد فنادق تكفي لركاب باخرة واحدة مما يطر المغتربين لايجار العناقريب والمبيت بها في الخلاء …واحلي شيء عندما تاتي لاستلام عفشك يطلب منك وكيل الباخرة خمسون الف جنيه عن كل شنطة وطرد لك سواء صغر او كبر خدمة اخراج عفشك يعني لو عندك ترمس ماء يعد طرد ويا ليته يوصله لك الصالة للجمارك يجب ان تقاول حمالين ليوصلوا لك عفشك من زريبة مرصوص العفش كالاهرامات ويداس بالارجل طلوعا ونزولا وشنط المغتربين هي سلم الطلوع والنزول وعندما تدفع للحمالين مئات الالوف وتدخل الي صقور الجمارك تري اغذر واخس بشرية سودانية في جمارك عثمان دقنه لو وقعت عيناهم علي شيء ثمين يخصك عادي يطلبه لنفسه والا تقضي نهارك كله في تخليص عفشك الشخصي ,,نرجو من برطلمان السودان ان يسجل زيارة لميناء عثمان دقنه ومطار الخرطوم ليروا باعينهم عذاب المغتربين قبل موسم الاجازات
كنت بفتكر جهاز المغتربين شى يمكن شراؤه مثل الاجهزة الاخرى ولكن لقيته جهاز طاير يوم فى كندا ويوم فى استراليا وهكذا . بصرا حة دة لغبة على المغتربين ما عمل اي حاجة والشى البنشوفو في سواكن او مطار الخرطوم كلة من جيوب الغافلين المغتربين وهم طبغا ليس بغفلين ولكن مرغمين وكلام السفارة هنا مرفوض في السودان ماحصل اجتمع هذا الجهاز مع المغتربين وحل ليهم مشاكلهم هنا فى الدول العربية يمشى لغاية استراليا كلام فاضى ثم البترول طلغ من جيوب المنهكين المغتربين من التحويل اللالزامى وين نصيبهم منه موضوع كبير طلعنا ليهم البترول ويتفشخرو بيه علينا بالعمم
انا عايز اعرف ناس البرلمان ديل بضحكو على منو؟ عليكم الله ياجماعة فى رق وعبودية اكثر من انو الشعب السودانى كلويشتغل ويصرف على الكيزان ………هى العبودية دى كيف ؟ياخى انتو ستات الشاى ماسلمن منكم .يلمن فيها فى عز الهجير واخر اليوم تقاسموهن عرق الجبين؟حاجة واحدة بس . سيبو المغترب فى حالو فى الغربة براهو بحل مشاكلو لانو كل بلاوى المغتربين ماجات الافى عهدكم . الله يريحنا منكم.