السودانيون يلجأون إلى العقارات لحفظ أموالهم

سمعنا بانه موضوع الاراضي وباسعار خرافيه فيه نوع من ممارسة “غسل الامول” لانه الاسعار دي خرافية خرافية خرافية…
*** انتو يا جماعة هو المليار الواحد ده فيهو كم نقطة ! للعلم بس…

الكل عايز يشتري في الخرطوم ( حق مكفول لجميع المواطنين ) والسبب معروف لتوفر بعض متطلبات الحياة ، لذلك الخرطوم تحولت لقرية كبيرة ، اصحاب الاموال يسكنون ارقى الاحياء وبقية المواطنين الذين لايستطيعون شراء قطعة ارض يسكنون اطراف المدن ويبنون منازلهم بارخص طرق
البناء وهم المتضررون عن حدوث اي امطار او سيول ####

الفكرة العايز اصل ليها يا ريت لو اي مدينة في السودان تكون جاذبة لاهلها لتعميرها والسكن فيها ..

الحمد لله الذي هدانا لهذا السبيل الأمن لحفظ مدخراتنا ومدخرات أبناءنا من بعدنا

المصرف المركزى كل قراراته ليست فى مصلحة المواطن الغلبان بل لمصلحة العصبة الماسكة لمقاليد الحكم والسوق.كل العمائر والفلل والمخططات الجديدة وشركات العقارات يمتلكها نافذون سطوا على أموال الشعب ولذلك أى قرار يصدر من البنك المركزى هدفه زيادة الثراء الفاحش للمتمكنين.هل هناك موظف أو عامل على راتبه الذى لا يكفيه وأسرته لأسبوع قادر على أن يبنى قطية ناهيك عن عمارة أو فلة. لن نمتلك قطعة أرض حمراء طالما هذه العصبة محتكرة كل شىء ولكن موعدنا موعدهم يوم زنقى زنقة وحارة حارة وأعوادنا جاهزة وبعدها سوف تعود الأسعار لطبيعتها السابقة ويستطيع المواطن الضعيف يقتنى دارا تأويه.

كلام ما منطقي ولا علمي علم الاقتصاد زيادة الطلب وقلة العرض ترفع الاسعار وليس العكس كما تقولون يا ناس الراكوبة كيف يزيد طلب شراء العقارات والبنك المركزي حظر تمويل العقارات فهمونا ليها دي كلام غريب وعجيب

سعر المتر فى بعض المناطق الفين دولار. يعني ثمن قطعة ارض الف متر تعادل 2 مليون دولار فى قرية كبيرة اسمها الخرطوم تفتقر لابسط مقومات الحياة العصرية. الف متر خلا ساي فى هذه القرية الكبيرة تجيب ليك شقة فى لندن وواحدة فى باريس واخرى بواشنطن ورابعة ببرلين. ده يطير نافوخ ابليس ذات نفسه. بصراحة يا جماعة التفسير الوحيد انه ده غسيل اموال بدون لف ودوران فلوس مصدرها المخدرات والاتجار فى الاعضاء البشرية والفساد والرشوة والتهريب يتم غسلها فى هذه العاصمة، عفوا القرية، المكنوبة.

تقرير متناقض ويناقض نفسه وماورد فيه لايقبله العقل ولا المنطق.

هو العندو منو قروش يقدر
يشتري عقار او بيت فاضي يملاييين الجنيهات
غير الكيزان واولادهم..لعنهم الله
والله والله حلف بالله اذا سقط هؤلاء المجرمين
مسمار او شبر من الاراضي و البيوت الاشتروها بمال الحرام
ما نخليها ليهم..
و بنجيب لستة اهل الكوز حتي اولاد اولادو
و جميع اقربائه..و نفتش في لستة تسجيل الاراضي و البيوت في كل السودان…
محاكمات قصيرة الامد يوم يومين…
و هاك يا المصادرة و البيع..و القروش تمشي للتنمية و البنية التحتية و تعويض الضحايا…ضحايا التعذيب و السجن و لاهل ضحايا الشهداء في كل مكان..
بس انتو خلوها تسقط..و الباقي هين….

سبب ارتفاع العقار هو تدهور قيمة الجنيه؟؟…هذا غير صحيح و خطأ فادح ,الشقة السكنية في الخرطوم تتراوح بين 100 الف الى 350الف دولار!!!!اين تدهور الجنية هنا؟اذا كان في بلد الدولار نفسه الاسعار لم تبلغ هذا المستوى..سبب زيادة اسعار العقار في السودان اسبابه:1 /رأس مال جبان لا يستطيع الدخول في اي مجال فيه مخاطره فيلجأ الى العقار باعتباره مجال ساهل و امن 2/حكومة هبلة عبيطة لم تستطيع ان تتخذ من التدابير الاقتصادية ما يمنع تكدس راس مال الجوكية,البنوك,الصناديق المختلفةو غاسلي الاموال في سوق العقار 4/ سماسرة و اعلام ليس لهم ضمير يعملون على تضليل الموطن و المبالغة في تضخيم مزايا الاستثمار في العقار .
اي اقتصادي مهما بلغ ذكاءه لا يستطيع تبرير الاسعار الفلكية للعقار و الدخل المتدني للمواطن و الجيش الجرار من العطالة و الكساد الحاصل في جميع مناحي الحياة في السودان …..لو كان عندنا اقتصاديين اكفاء في الحكومة لاستطاعوا ان يحولوا الاموال التي تتكدس في العقار الى انشطة و مجالات اقتصادية اخرها من شأنها خلق عمالة و رواج و نشاط في الاقتصاد الكلي للبلاد

ياجماعة حل الازمة الاقتصادية يكمن فى خروج الحكومة ومؤسساتها من القطاع الاقتصادى يعنى من السوق ليقتصر او يكون دورهم رقابى وبكدا نكون حلينا مشكلة فاقد الارادات بسبب الاعفاءات من الضرائب والجمارك والرسوم ………..

هذا مقال مدفوع الثمن من الذين اشتروا عشرات القطع من خلال التمويل البنكى والان راحت عليهم……………………………العقار فى هبوط شديد هذه الايام وهناك عروض مبالغ فيها ولا مشترى,,,,,,,,,,,,اعملوا حسابكم يا مغتربين …………من هؤلاء التماسيح………….لاحظ دائما مثل هذه المقالات ترتبط باجازات المغتربين

أنا سألت عن شقة في اللاماب بتفتح على خور الصرف الصحي والمقابر بتاعت اللاماب المتر ب 810 دولار ومساحة الشقة 173 متر يعني الشقة ب 140.130 دولار أغلي من شقة في المنطقة المركزية بجدة أو المدينة المنورة بالله مش حاجة تفقع المرارة أشتري شقة بمبلغ زي ده وكل يوم الكهرباء قاطعة وباعوض وذباب وخدمات زي الزفت الحاجة التانية الناس البشترو بجيبو قروش من وين زي ده . وسألت من قطعة أرض بجوار المدرعات بجبرة زمان قبل الإنقاذ كانت ميادين بنعلب فيها كورة أدوها لشركة سمتها مخطط الأقصى الأرض 300 متر ب مليار ومائتان ألف جنيه ده قبل شهر الآن ما عارف بكم
شرقك خور وغربك المدرعات بالله مش جنون