مهندس نفط وإيسكريم

ليس لك الا الهجرة … كما نحن فيه الآن .

وأسفاي علي بلد !!!

أخى الفاتح جبرة مشكلة هذا الأبن توجد الألف منها للخريجين وأى كفاءة أو مبرز فى مجال من المجالات لا يجد عمل فى مجاله بل ما بشتغلوا بيه الشغله وهذه افة التمكين الجابوها ليها ناس الهدم وليس الأنقاذ لعنة الله تغشاهم فدمروا الشباب وأكثروا الفساد وشتتوا العباد الله يشتت شملهم .حاجة تعمل أرتكاريا فى الدماغ.بالله ياود جبرة أجيب على سؤال الأديب الراحل الطيب صالح(من أتوا هؤلاء)؟.كسرة سابتة متى يحلوا ويغوروا ووووووو من حياتنا؟

يااخي انا خريج نفس الكلية ومن خمسة اعوام وواجهت نفس الواجهتو انت وامكن اصعب
لاني كنت عندي ارائي السياسية الواضحة تجاه هذه الشرزمة والمافيا الكوزانية
وشفت الواسطات والمحسوبيات والولاءات واللاكفاءات
المشكلة الخاصة لاتنفصل عن المشكلة العامة في البلد (الحالها واقف)، بل هي احد افرازاتها
فياباشمهندس انضم لصفوف المناضلين من اجل وطن العدالة والحرية والمساوة وحينها سيكون الوطن احلى مما تتمني
وستكون انت ونكون كلنا ويكون الوطن
كن بخير

الزول الكان مبارى (الكيزان) و مربت ٥ سنين هسى إتوظف بى أحسن راتب (ابننا حسين نقول ليك لم تعرف من اين تؤكل الكتف لو تابعت الشايلين السيخ كان الان بنيت ليك عمارةمن السيخ حقهم هذا بس اقول ليك انت ولد صالح ووالدينك راضيين عنك لانهم ربوك بالحلال ودع عنك ناس السيخ والملتوف)

يعني بالعربي الفصيح الزول ده لو اتمرد وشال سلاح مافي واحد بيلومو

يعني كنت متوقع يشغلوك؟ يا اخي دي جمهورية الكيزان المتحدة حيث يتوظف فيها الكيزان و يغتني الكيزان و يقدل فيها الكيزان…. اي مواطن غير كوز يفرض عليه ممارسة المهن الدنيا مهما كان نوع مؤهلاته ليخدم السادة الكيزان يقدم لهم الايسكريم و ينظف قصورهم ثم يدفع لهم الضرائب من القليل الذي يتحصله من المهن الهامشية….
انتو قايلين البلد دي بلدكم؟

ولدك ده لو يشتغل في جمهورية شلعوها الكيزان دي طالما انه ما حمل سيخ لصالح المشروع الحضاري بتاع بني لفخان .
انصحه بالصلاة قرب شيخنا بتاع الكرامات في مسجد الشهيد
فاتح انا عارفك انتهازي اوع تأخد الفكرة وتعملها انت

والله حزنت لأمر السودان والدول يبنيها المبدعون وليس المتسلقون وفاقدي القدرات وقريبا انشاء الله ابننا حسين يا عظيم ستكون انت وزير النفط بالسودان وفاقدي القدرات الا من دقينة وسيخة يبيعوا آيسكريم بس بالتكاتف عشان كل واحد يلقي حقو في البلد البقت ضيعة للجهلة والأرزقية والمنتفعين الوسخين الل………..ة!!!!!!!!!!

الإبن حسين
حاول تجميع العدة وهي :-
لحية وغرة صلاة وبعض الكلمات من شاكلة جزيت خيراً وربنا يجعلها في ميزان حسناتك ..
الغرة ساهلة يمكن تحضير مواد دق الشفاة من الخبيرات بالحلة أو الضرب بآلة خشنة في الجبهة ..
وعليك بتصنع المسكنة والزهد في الدنيا ..
الخطوة الثانية شوفليك حد يزكيك عند ود الجاز أو قوم بزيارته في شارع عبيد ختم عند مسجد …( سنهوري أظن ) وإتلحو شديد …

يا باشمهندس اول شي ركب دقن…..
تاني شي في دكتور في الحارة 117 الثورة اسمو الجبلة وهو متخصص في عمل الغرة..
يعل ليك في خمسة دقايق اسود غرة في جبهتك.مجانا لوجه الله وما لدنيا قد عملنا نحن للدين فداء..
هذه كل المؤهلات المطلوبة ومزق شهاداتك علي طول.. اشوفك بكرة او بعد بكرة بالكثير وزير دولة للنفط او الايس كريم ما كلو عند العرب كسبرة..

يا زول الجِرَس شنو وانت شوفت حاجة لسا اخوك دا متخرج 92 وقعدت في السودان لم عفنت وحتي البنقو شربتو من الدبرسة والفراغ واتغربت وهسا شغال جرسون برضو ما ضروري الواحد يشتغل في مجالو ودي مٌشكلتنا في السودان و في بلاد كثيرة بتلقي واحد معاهو حتي ماجستير لكن بيشتغل اي شئ متوفر وانصحك بالدعاء ليل نهار بزوال هذه الطغمة دا لو ماقدرت تطلع وتطالب بحقك منتظر شنو

الاغتراب هو الحل حتي ولو لم تعمل بشهاداتك المهم الريالات واترك السودان للذين لا يقيمون بين مهندس واستاذ

كسرة ثالثة ياأخ الفاتح : زوجة الرئيس الثانية حلفت وأقسمت أن الناس بتتكلم ساكت بدون دليل على غنى الرئيس وأهله وزوجاته أقسمت أن بيت كافوري لهسع ماتم تشطيبه الحمد لله أنها ماقالت مسجد أبوه ذاتو ماكمل
كسرة رابعة : الشعب السوداني الفضل أحمدوا ربكم زوجته الثالثة لسع مانضمت

حدوته قديمة؟؟؟ معظم سائق أمجاد من حملة الشهادات العليا. ومعظم سائقي الركشات من خريجي الجامعات؟؟ أقول ليك مبالغة أخرى__ خلال إجازتي السابقة وبالضبط في شهر يوليو الماضي ذهبت للمقرن وجلست أحتسى الشاي في (حضرة) (ست) شاي اتخذت لمبيعاتها أفضل المواقع تحت ظلال الأشجار الوارفة. ناداها مُضيفي بالقول: يا باشمهندسة معانا ضيف جاي من برة ويحب القهوة التركي والسبريسو عليك الله أعملي ليهو جبنة سودانية مدنكلة، فردت عليه: حاضر ياولدنا!! اعتقدت أن لقب لأول وهلة أن لقب باشمهندسة هو لقب لمجرد الدعابة مثل قولهم: (يافردة)، ولكنني اكتشفت أثناء الجلسة أن ست الشاي تلك خريجة جامعة الخرطوم كلية الهندسة، وعملت بالقطاع الخاص لفترة بسيطة ثم تركته واختارت مجال (هندسة القهوشية) أي هندسة الشاي والقهوة. ناقشتها في مجال الهندسة المدنية وصب الأعمدة والخرسانة والميدة والسقوف المستعارة فوجدتها عال العال يعني ممكن تطلق عليها لقب (سنير انجنير). ولا أزال أذكر صديقنا الذي تخرج في معهد علمي بمصر تخصص (لحام تحت الماء)، كان عاطلاً عن العمل، يجلس من ضل لي ضل. فقال ساخر الحي لأحد القادمين من الخارج: بالله يا عم عبد الله الشاب ده بلحم تحت الموية شوفوا ليهو شغل معاكم في الخليج……. رغماانتشار التعليم حفظ السودان من الدخول في متاهات فوضى الربيع العربي….. حتى الإضرابات أصبحت تقام بوعي وتنتهي بوعي……… العلم يعني السلم والسلام….. رغم ذلك لم يستطع انتشار التعليم والوعي المحافظة على السودان ككيان واحد….. وهذه قصة أخرى نتركها للمتخصصين. لا تحزن يا ابني فهذه ضريبة الوطن أو كمال قال: (نحنا مهمتنا نقريك ولسنا مسئولين غن شغلك).

الغرة بعملوها بى نواية بلح .. تحكها شديد فى البلاط لمن تسخن وبعد داك تختها فى جبهتك وتتحمل الألم لانو الشغلة حتأمن ليك وظيفة محترمة … وبعدين فى المعاينات ما تنسى تقوليهم أنك جاهدت فى الميل 40 وكمان فى الجبهة الشرقية همشكوريب .. أصلو ابان دقنة ديل بريدو يسمعو من الكلام دة كتير,,, وبرضو كسير التلج و الألقاب مهمة يا شيخ فلان ويا شيخ علان … ولازم تكون حافظ تاريخ الحركة الاسلامية فى السودان من طأطأ للسلام عليكم بى شخصياتا كلهم الترابى و منو ومنو ومنو …… وأعمل حسابك ههههههههههه الجماعة قالو دايرين 500 مجاهد من كل محلية .