المحكمة تستمع للمتحري فى قضية خلط الاسفنج بالاقاشي وتحدد مطلع يوليو لإستجوابه
الخرطوم / حيدر احمد خيرالله
إنعقدت محكمة السوق بمحلية امدرمان برئاسة مولانا طلال صديق الحاج واستمعت للمتحري الثانى فى القضية التى رفعتها الادارة العامة للشئون الصحية بمحلية امدرمان ضد /صاحب كافتيريا الحنونة الاستاذ / هانى فايز بطرس متهمة إيّاه بانه يخلط الاسفنج بالاقاشي ، وقد ظلت القضية منذ يونيو العام الماضي بالنيابة جدير بالذكر ان المتحري الاصيل للقضية قد نقل من حماية المستهلك وحضر متحري بديل المساعد شرطة / محمد محمود والذى تغيب عن الحضور فى الجلسة الماضية ، وقدم افادته كاملة فى القضية ورفعت المحكمة الجلسة لتعاود الإنعقاد فى 1يوليو 2015.ومن جهته أفاد السيد /هانى بانه الان يجد ان القضية قد سارت بالإتجاه الصحيح لكونها وصلت القضاء ويرى انه قد حوكم اعلاميا بصورة مؤسفة بتصريحات حادة من معتمد امدرمان السيد / اليسع ومن د. نزار العشا مدير الادارة الصحية بالمحلية ، وأكد على إطمئنانه للقضاء السودانى وحيدته،.هذا وقد مثل الدفاع الاساتذة عمر جادو وبدر الدين احمد المحاميان .
يا هاني بطرس انت قائل نفسك في الفاتيكان دي دولة الكيزان البرئ فيها مذنب حتى لو ثبتت براءته و الكوز فيها برئ حتى لو ثبتت ادانته.
نسأل الله أن ينصر الأخ هانى على هؤلاء اللصوص المجرمين.
الاقاشى ده شنو معليش اختكم ليها 17 سنة من السودان
بالله هي المهزلة دي لسه ما انتهت ؟!! ياخي الاسفنج ده من يشم النار بسيح ويبقي كتل كتل ويتلبك ولا بتمضغ ولا بتتبلع كيف يخلطوهو مع الاقاشي ؟
الله يضركم زي ما ضريتوا ود الناس ده ,,
يا ام شلوخ شلخوك في هونولولو مثلا؟قال 17 سنه من السودان ما بتعرف الاقاشي,,يا بت اولاد المرغني بعرفو,,,انتو الناس دي عندها مشكله مع بتاع المحل وله كيف؟والله الكيزان ديل حيرو الشيطان في رمضان
يا شباب الخلطة والطريقة كما ذكرتوها صاح ولكن (الأقاشي) الأصلي لايشوي على الجمر وإنما توضع أعواده في شكل دائري حول النار الموجودة على الأرض ويستوي بالحرارة.
الاقباط ناس ما زمااان عندهم محلات وما بيغشو في تجارتهم
ديل انتو يا كيزان يا اولاد الكلب عايزين تاخدو محل المسكين ده
تلقاهو الناس الاكلت في المطعم ده بيشربوا كترة موية مابيترويهم ههههههه الضمير انعدم في عهد الانقاذ والناس علي دين ملوكهم فعلا