البشير : : سودان مابعد الحوار لن يكون ذات السودان الذي كان قبله

لو قلنا الحد الادنى لتشكيل حزب هو الف نفر وقمنا ضربنا المية وستاشر حزب وحركة في الف حا يدونا مية وستاشر الف نفر ولو ضربناهم في عشرة الف حا يدونا مليون ومية وستين،، وفي الحالتين ديل ما حا يساوي اي شي بالنسبة لاهل السودان عشان يحددو مصيرو يبقي يا كيزان الوثيقة دي بلوها واشربو مويتها ولا كيف؟

اخلفت كل وعودك وكما قال رسول الله صلى الله عليه وسلم (في حديث الرسول صلى الله عليه وسلم: (آية المنافق ثلاث: إذا حدث كذب، وإذا عاهد أخلف، وإذا خاصم فجر)،
هل الآن فهمت انك منهم

Dr.John told you Sudan will never be the same I guess not been listening Mr criminal president

Conservative owyeee

انقلاب الحركة الاسلاموية المسمى بالانقاذ المسلح على الشرعية فى 30 يونيو 1989 هو الاوقف الحوار الشامل ووقف العدائيات بين كل اهل السودان بما فيهم الحركة الشعبية فى جو من الحريات السياسية والاعلامية للحوار حول كيف يحكم السودان وخلال اكثر من 27 سنة اهدرت الموارد والانفس فى حرب عبثية لفرض برنامج الحركة الاسلاموية انتهت الى تمزق السودان والتدخل الدولى والقرارات الدولية الخ الخ الخ وطيلة هذه السنوات لم يحصل استقرار سياسى وهى مدة اكثر من كافية لذلك الامر لماذا الانقلاب على حكومة الوحدة الوطنية فى 30 يونيو 1989 وكان من الممكن ان يصل الناس لاتفاق من اجل مصلحة واستقرار السودان ووحدته بالتراضى والاتفاق مع تقديم التنازلات من الجميع لاجل العيش المشترك واستقرار البلاد ورخاء العباد؟؟؟
كسرة:اذا فى خيانة وعمالة وعدم شرعية فهى ليست المعارضة التى غدر بها فى 30 يونيو 1989 بل هى الحركة الاسلاموية السودانية وانقلاب انقاذها عليها لعنة الله والسودانيين والملائكة اجمعين وهل ال 116 حزب وحركة مسلحة هى كل اهل السودان ولا شوية لافتات من احزاب وحركات منشقة من اجسامها الكبيرة وما عندها اى تاثير على وقف الحرب واستقرار البلاد والعباد؟
كل التجارب اثبتت والتاريخ انه بدون حكومة قومية واطلاق الحريات والمعتقلين السياسيين فى ظل حراسة الجيش والشرطة للامن اصلا ما ح يكون فى استقرار سياسى او وقف للحرب والتدخل الدولى!!
كسرة اخيرة:ناس الحركة الاسلاموية او الانقاذ ديل ما بيفهموا او بيعرفوا سياسة ولا عندهم اجندة اخرى غير سودانية ولا هم مغفلين نافعين لقوى اجنبية تريد تفتيت وتمزيق هذا البلد العملاق واذا هم بيفتكروا انهم ممكن يحكموا لوحدهم فلا استقرار ولا وقف للحرب او التدخل الاجنبى سيحصل!!! يا جماعة دى مصيبة شنو الوقع فيها السودان واهله؟؟؟

سودان ما بعد الحوار لن يكون كالذي كان قبله .
وأنا أقول لك سيكون مثله واسوأ منه. لأنك أنت ( البشير ) أولا حتكون موجود ، وأبو رياله حيكون موجود ، وحسبو المنافق حيكون موجود ، وبدر الدين محمود الفاشل حيكون موجود.
كذلك كل الحرامية موجودين دون محاسبة ، اللص عبد الرحمن الخضر ومصطفى عثمان والمتعافي وولدك العاق طه والخائب المتعافي واللص الظريف مدير التلفزيون السابق ، وناس المؤتمر الوطني ومساعدين رئيس الجمهورية ، المتخلف عبد الرحمن الصادق وولد الميرغني جعفر ، والفاشل الحسن الميرغني وجميع الولاة.ولسه الشغلة كبيرة.
أنت تكذب يا البشير ولن تستطيع فعل شيء لأنك مستسلم لهذه الحاشية خوفا من تسليمك للمحكمة الدولية.
أنت علاجك يكون بعكاز القذافي وتصلب في الساحة الخضراء لمدة أسبوع حتى يأكل الطير من رأسك ، كان شوية غبينة الشعب السوداني تزول.

لاشك في ان سودان ما بعد حوار الوثبة هو ليس ذلك السودان الذي عهده حزب المؤتمر الوطني ارادوا ذلك ام ابوا
الشعب السوداني مرحلة من الاحتقان حادة جدا حتى انه اصبح لا يطيق سماع اسم المؤتمر الوطني لانها تعني له تمزيق وحدة البلاد وضياع البترول وتدمير مشروع الجزيرة والسكة حديد وسودانير وسودان لاين والخدمة المدنية وبيع اراضي السودان تحت ذريعه الاستثمار ويشتم الشعب رائحة الفساد النتنة في هؤلاء حتى ان التعليم والصحة اصبحت تجارة ويشاهد القمامة ويعايش الذباب والبعوض واصبح لا يستطيع شراء السلع المعيشية من فرط الغلاء والاحتكار ومتاجرة المؤتمر الوطني بالسلع المرتبطة بحياة الشعب
شئتم ام ابيتم لن يكون سودان ما بعد حوار الوثبة هو ذاك السودان ولن ينتظر الشعب حواراتكم وتكتيكاتكم ومحاصصاتكم وبلغ السيل الذبى والشكر لاضراب الاطباء فقد ازال الرهبة واعاد الثقة للشعب السوداني في نفسه لاستكمال ما بداه في سبتمبر 2013م محاكمة المؤتمر الوطني على جرائمه وفساده واسترداد امواله

٢٨. سنه كانت القيدومه ولا شنو ؟