السجن والغرامة لابن مسؤول و”5″ بينهم فتيات لحيازتهم حبوب مخدرة
الخرطوم
أصدرت محكمة الجنائيه بشرق الخرطوم عقوبات متفاوتة بالسجن عاما مع وقف التنفيذ والغرامة المالية على (6) متهمين بينهم فتيات وابن مسؤول أدانتهم بتهمه حيازة حبوب مخدرة عثرت عليها الشرطة داخل عربة مظللة كانوا يستقلونها في شارع الستين، وبحسب الاتهامات التي بموجبها قدمت الشرطة المتهمين للمحاكمة فإن رجال الشرطة اشتبهوا في عربة متوقفه في الشارع تم توقيفها ووجد المتهمون داخلها وعند التفتيش عثر على شنطه تحتوى على حبوب مخدرة بالإضافة لكيس به شاشمندى وتم اقتيادهم لقسم الشرطه ودونت في مواجهتهم اتهامات بحيازة المخدرات وأخضعوا لتحقيقات اعترفوا خلالها بأن الحبوب تخص المتهم الأول وفور اكتمال التحريات تمت إحالتهم لمحاكمة وتوصلت المحكمة لإدانتهم وحكمت عليهم بالسجن والغرامة.
عربة نفايات تدهس ركشة وتصرع وتصيب “4” أشخاص في أمبدة
اليوم التالي
لماذا التحفظ عن ذكر إسم (إبن المسؤول) ألعدم معرفتكم أم لتعاونكم معه؟
شنوا يعني لقوا شباب بيتعاطوا مخدرات ؟ ما بقت عادة بتحصل في كل شارع وكل بيت بل بتحصل وضح النهار كمان وأزيدك من الشعر بيت (الواحد تلقاهو بيشرب في البنقو وماشي في الشارع زي الشايل ليهو آيسكريم وكمان يسلم عليك ويسألك من أخبارك عااااااااااااادي ) .
الشئ الوحيد الخلاني افتح الخبر دا جملة (لابن مسؤول)الشمار حرقني شدييييييييييد وكنت عايز أعرفوا بس للأسف إتضح إنكم إنتوا ذااااااتكم ما عارفنوا .
يزهب الحرام من حيث اتي وبعدين البنات ديل ماعندهم اهل طالقين بناتهم زي الغنم وخربو في اولاد الناس وكمان حشيش وحبوب نسال الله السلامة لا البنات نافعين ولا اﻻوﻻد نافعين نعيب زماننا والعيب فينا ومالزماننا عيب سوانا
اقتباس ( بالسجن عاما مع وقف التنفيذ )
مع وقف التنفيذ دي مسالة تعكس من خلفها مليون علامة استفهام وطبعا بقية المتهمين لو لم يكن معهم (ابن مسؤول )لكان الحكم بشكل مختلف وواجب النفاذ