اداء القسم ب 100 جنيه..الجمعيات التعاونية ومافيا الاراضي
فاطمة محمد عبدالقادر
تابعنا جميعاً مانشر علي صدر هذا العنوان في الاسابيع الماضية ومدي الظلم الذي حاق بأعضاء جمعية السلام للإئتمان والادخار التعاونية والتي مقرها الخرطوم جنوب منطقة الكلاكلة القبة والتي تعمل في بيع الاراضي الزراعية للمواطنين لغرض تحسينها الي سكنية عبر الاتفاق مع الجهات الرسمية في الدولة بمعتمدية جبل اولياء ,مكتب الاراضي والتخطيط العمراني .
وما دعاني للكتابة عن هذا الموضوع مقال اخر نشر في قضية تزوير أوراق أكثر من «300» قطعة أرض جنوب الخرطوم وتورط موظف يعمل بأراضي جنوب الحزام وتزوير بطاقت لمكتب والي الخرطوم ووزارة التخطيط .
فبعد تعرية الراكوبة لتلك الجمعية المزعومة تقدم عدد من اعضاء الجمعية برفع دعاوي قضائية لمحكمة الكلاكلات مطالبين فيها الجمعية بأسترداد اموالهم او منحهم الاراضي فقامت المحكمة بمخاطبة إدارة السجلات التابعة للاراضي والتي بدرورها اكدت انه لا توجد اراضي مقيدة ضمن سجلاتهم تطابق ارقام الاراضي الممنحوحة اليهم بواسطة الجمعية , فطالبت المحكمة رئيسة الجمعية امال حسب الرسول بالمثول امام القاضي مولاناعباس ,فبعد توقيعها علي الاعلان لأكثر من مرتين ولم تحضر,وكان اخرها يفترض حضورها بالامس يوم الخميس الموافق 21 مايو ايضاً لم تحضر مسؤولة الجمعية او من ينوب عنها للإجابة والردعلي الدعاوي في خطوة تحدي واضحة للعدالة بينما اكتفي القاضي بتجديد الاعلان في حين ان الجمعية تطلق في الوعيد لكل الذين تقدموا بشكاوي ضدها للمحكمة بأنهم لن ينالوا غير المتاعب بتهديد سافر في ظل غياب المسؤولية وانعدام الضمير .
وحددت جلسة يوم الخميس الموافق 28 مايو الجاري للرد علي الدعوي المقدمة من الشاكي الثالث م.أ.م من قبل الجمعية بينما صرح عدد من المتظلمين بمزيد من التصعيد لنيل حقوقهم المنهوبة .
شكلهم كدا ناس الجمعيه ديل
ايدم واااااااصله وطويلة طالما حتي المحكمة ما شقالين بيها
قوة عين عديل كدا والله الزمن دا قايتوا يشيلوا حقك علي عينك يا تاجر
العقد المكتوب دا من صيغتو فيهو لعبة اجراميةكبيرة مقصودة وتدليس ديل اي حاجة عملوا ليها احتياطي اذا زورواورق مكتب الوالي والاختام تاني الفضل شنو
ومابعيد يكون الوالي زاتو في الصورة
اللهم خذهم اخذ عزيز مقتدر
إقتباس…..
لم تحضر مسؤولة الجمعية او من ينوب عنها للإجابة والردعلي الدعاوي في خطوة تحدي واضحة للعدالة بينما اكتفي القاضي بتجديد الاعلان ….
نقطة سطر جديد الله يرحم قضاء السودان دا لو زمن ناس حسن اليمني عثمان و سراج الدين محمد الأمين و دفع الله الحاج يوسف كان جابوها جارنها من شعرا ورموها في السجن عشان تت
تتتتتتتتتتتتتتتتتتتتتتتتتتتتتتتعلم الادب…
لكن ليها الحق اذا القاضي سكاري وبتاع دخاخين
الواحد قروشو محرقاهو سااي الا ما يسمع ليهو ب بيع اراضي ولا تصاديق طبالي يمشي يركب عودوا وبعدين تجو تكوركوا الزمن دا زمن زومل يضمن ليهوا جمعية ولا محكمة هو البشير اعترض المحكمة الدستورية ذاتا في قصة ابوزيد خربانه من كبارا
تاني ما تنتظروا
نصيحتي ليكم
يا ركاب الماااااسورة
شيلو عكازكم وامشو ناس مضاربة
حقكم تقاووهو وتقـــــــلعوا حقكم تحرسو ولا بجيكم
شقل ضراع وبلطجة طالمة ابت بالعديلة
اين الدولة من هذه المخالفات الواضحة والتزوير لو كانت هناك دولة تحترم شعبها وتحترم قانونها لحاسبت هذا المحامي علي صياغة مثل هذه العقود المشبوهه وسحبت منه التوثيق لانه لا يحترم مبادي قانون التوثيقات الذي يمنع التدليس والغش والتلاعب
لا يستقيم الظل ووووو
العود اعوج
اذا كان رب البيت للدف ضارب لكانت شيمة اهل البيت تزوير الانتخابات وووووو
اوراق مكتب الوالي
ويحدث اخر ان هناك دخان يتصاعد بمكتب الاراضي والوالي
ويموووووت الشاهد ولم تموت القضية
والمجرم المنتظر يختبي بالبيت
والامن يطلب من الناس ان تسكت
والاراضي تسرق بجنوب الحزام من اعضاء السلام
والجمعيات تتحدي وتسرق الجيفه
والسلطان يغط في النوم
ويحدث اخرون ان حريم السلطان تحت العباءة
يعملون في السر وال….تغسل وتشر في شمس باردة والجمعيات تدفع في السر وحريم السلطان في اسواق دبي تدفع وووو
السلطة القضائية في السودان أصابها الفساد والمفسدين وأكلي السحت وأموال الناس بالباطل ولن (إن ربك لبالمرصاد)
الجمعيات تصبح شكل من اشكال الاجرام المنظم اذا خلت عن من رقابة الدولة واجهزتهالكن الدولة تفضي لي شنو وتخلي شنو والله بس الله يكون في العون بلد بقت فوضي واضحة وغياب للرقابة والمحاسبة كل من هب ودب لقي فرصه يلبع ويبقي مارق