شهادات ودرجات علميه عليا للبيع!ا
شهادات ودرجات علميه عليا للبيع!
تاج السر حسين
[email protected]
السودانى الذى قبض عليه متلبسا فى مصر فى جريمة تزوير شهادات دراسيه وجوازات سفر وتاشيرات لدول متعدده، اساء للسودانيين جميعا وهم (ما ناقصين) عكننه وشعور بالأحباط وحال السودان أصبح لا يسر حبيب أو عدو، وقادة النظام لو كانوا وطنيين بنسبة 1% لتنحوا جميعا من كبيرهم لصغيرهم، فيكفى انقسام الوطن لدولتين والتردى الأقتصادى وارتفاع الأسعار وغلاء المعيشه الذى اصبح لا يطاق وعدم توفر اى مصدر يساهم فى توفر العملات الصعبه.
ولم يبق للنظام من يدافع عنه غير منعدمى الضمير والأرزقيه وحدهم، سودانيين وغير سودانيين.
وهذه الحادثه لو كان النظام مسوؤلا ويديردوله تحترم شعبها لما مرت مرور الكرام.
فمنذ فترة تسربت معلومات تؤكد أن مجموعه من كوادرالنظام وطباليه وأرزقيته أشتروا شهادات دراسيه عليا من درجة الماجستير والدكتوراة (مضروبه) ومزوره جصلوا بها على وظائف قياديه وتنفيذيه هامه أو حسنوا بها من وضعهم الوظيفى.
بل أن احدى السفارات اصبحت متهمه فى الضلوع فى هذا العمل ومن خلال (لاجئ سياسى) لديه ملف فى الأمم المتحده أدعى فيه انه غير آمن على نفسه فى بلده ويعانى من الأضطهاد السياسى والأقتصادى، وفى ذات الوقت هو (صحفى) السفاره والسفير الأول.
بل أن معلومات مؤكده أفادت بأنه حصل على جواز مزور باسم غير الأسم المعروف به، لكى يدخل به السودان ويخرج منه دون أن يغلق ملفه فى الأمم المتحده الذى يتهم فيه النظام بالخطرعلى حياته كما يفعل غالبية اللاجئين السياسيين بحق لا بالكذب والأدعاء.
هذه الحادثه التى نشرت تفاصيلها على صحيفة (المصرى اليوم) بالأمس والتى اساءت لشرفاء السودان فى مصر، تؤكد أن المستفيدين من هذه الشهادات والجوازات المزوره هم ازلام النظام وكوادره وأرزقيته، فمن هو ذلك السودانى الذى يستطيع أن يدفع فى هذه الأيام مبلغ 7 الف دولار من أجل استخراج جواز سفر أو شهادة (مضروبه) أو يحصل على درجة علميه لا يستحقها؟
وهل يعقل أن يوجد سودانى مثقف أو متعلم تعليما حقيقيا لا حاصلا على شهادات (مزوره)، يمكن أن يخرج على الفضائيات دون خجل أو حياء مدافعا عن نظام شطر بلده الى جزئين ومزقه وشتت شمله وقتل مواطنيه وابادهم ونهب ثرواته؟
وقبل ذلك بعدة سنوات فاحت اشاعه قويه تقول أن (صحفيه) نصف مشهوره عملت فى خدمة النظام والمؤتمر الوطنى، حصلت على شهادات (مزوره) كذلك سهلت لها سبل كسب العيش وتعمدت الاساءة للشرفاء غيرة وحقدا على مواقفهم التى لا تشبه مواقفها غير الوطنيه.
ونحن على ثقة تامه بأن النظام لن يبذل اى جهد فى التحقق من هذه الواقعه المؤسفه وكشف كل من استفاد من هذه الشهادات والجوازات والتاشيرات المضروبه، ويبقى الأمل فى السودانيين الشرفاء الذين لم يتلوثوا بعد، فى المواقع المختلفه لتتبع هذا الفساد الأخلاقى وكشف الغطاء عن المزيد من الحقائق حول هذه الشهادات المضروبه ومن استفادوا منها.
موضوعك عنوانو جميل لو اتكلمت بس عن التزوير والشهادات المضروبه واساليبه وكان توجه اتهاماتك للمسؤلين فى مكافحة هذه الجرائم واوراقم الثبوتيه وكلاماتم القادننه بيها بانها غير قابلة للتزوير ياخ اذا كان طالب فى الثانوى العالى زور عملتم فمابالك بواحد زى القالو من دارفور ده اكيد زول متعلم والله اداهو ماهو ديل بفسدوا يعنى بقت عليهو بعدين داير اسالكم وين مدير الطيران الاكتشفوا انو مطلع شهادة ساااى كده من النيلين وقت كارثة سودانير تزكروهو مشى ياتو منصب لكن ياستاذ تاج السر الفرق شنو بين تزور اوراق ثبوتيه وعملة وتخزن عملة اصليه فى بيتك الفرق شنو النتيجة شنو مش واحدى خلاص بعدين سمعة السودانيين الفضيحة دى مش جابه جيلك انت وعمايلم والشهادات الجامعيه المضروبه امشوا النيلين او الصين وبعدين سعر ب7 الف دولار رخيص يادكتور لانو العام الدراسى الواحد ب7 الف دولار بدون المصاريف فشهاده زى دى ملح معناته اما الجوازات والتاشيرة والاقامه برضو رخيصة لذول قنعان وطهقان من البلد بره 7الف بلقه ضعفها
الى المعلق زول ساكت …… والله حقيقة انت زول ساكت ….. تصور مافهمت اي حاجة من تعليقك …. وقرأت تعليقك س مرة ولم اخرج بكلمة او جملة مفيدة …… عموما حاول اكتب لينا زول بطريقة صحيحة اولا وراجع قواعد الاملاء وبعد داك تعال علق … لك معزتي
يا جماعة المسألة ما عايزة ليها خلاف اصدقكم القول بأن السودانيين إمكن 35% من حملة الشهادات العليا والبكالوريوس زورت بعد حكومة الانقاذ التى ساهمت فى بيع كل ضمير حي وأحبطت كل شريف هنالك مرفق حكومي وهو من أميز المرافق التعليمية قام بإجراء فحص لكل شهادات العاملين به هل تصدقو بأن الذين بلغت شهاداتهم السودانية المزورة أكثر من مائتين وأن هذا المرفق التعليمي قام مرة بالكشف عن أحد الشهادات الجامعية المزورة لأحد تقلد منصب مهم جداً فى أحد المرافق الحكومية قرابة الثمانيةأعوام هل تصدقون ماذا حصل …. لا شىء!!!! لا من المرفق الذى عمل به ولا من الجامعة العريقة التى تم تزوير شهادتها يعني
انا ماكتبتو لكن لناس محددين انت مضيع زمنك ليه يظهر شرك الاسم هبر بيك هههههههه نعل كراع ماجاته عوجه وتانى لو قريتو 100 مرة لانو مخك شوى فيهو مشكلة والتعليق كان مقططفات بعدين حكاية الاملاء دى انساها فى الراكوبه لانو المطلوب انو المعلومه تصل للبفهمه وناس الراكوبه ماعندهم اساتذه شرح للذيك ههههههههههههه نعلك طيب اسى الاسم ده شان لمن نهرطق ماتؤاخذونا والقصد انو انا زول ساكت هههههههههههه يعنى لمن اعمل الضمه ميم للجماعه والالف ماكتبوا فى كلمة الف واوالجماعه مامعناته مافى املاء هههههههههههه يابنان كو دى شيلناها منك بالرغم انو البلدى فيها بنانين كتاااار ههههههههههههه تانى تعليقاتى ماتباريها كويس هههههههههههههه بجيب ليك مرض البرى برى بتعرف البرى برى سلامتك ياكو كوكو تانى ماتنقر بيبابنا كو بنان هنا ماسوق الحبال ههههههههههههههههه
صحى ده شنو الهباب الهببتو ده يا الزول ساكت ؟ ياخى شرط عينا وأنا نصيحتى ليك أن توجه جهودك ناحية الرسم او شوف ليك (طبله) تطبل بيها وراء أى فنان ناشىء ربما موهبتك كامنه فيهما !! أما الكتابة فهذا ليس (كارك) ومن فضلك المواضيع التى تناقش فى الراكوبه مواضيع جاده جدا ولا مجال لعبث العابثين وأنصحك إذا كنت مصرا على الكتابه عليك اللجوء الى صحيفة يقال أن صاحبها هو (الطيب مصطفى واولاده) وفيها عدد من المواهب أمثالك !!وبالمناسبة ربما تعين فى وظيفة مدير تحرير او سكرتير او اى شىء من هذا القبيل وقطع شك أنت (ملك) إذا ما قارناك بكتابهم على الاقل أنت يرجى منك00بس ربنا يدينا عمر 0
يا الزول الساكت ….انت مخك تخين والظاهر حصة العربي كان بيطردوك منها …ماذا تقصد بالاتي نورنا نورك الله !!!!!
1 – انا ما كتبتو لكن لناس محددين ؟ وضح لنا ما الذي لم تكتبه ؟ ومين الكتبو ليك ؟هل تقصد ان الذي كتبته وسبقته بالنفي ( ما ) لناس امثالك وليس لجميع افراد الراكوبة ؟
2 – ما ادراك بان مخي فيهو شوي مشكلة ؟ هل تعرفني ؟ هل ناقشتني في موضوع ما ؟حتى تحكم لي او علي ؟ ام حكمك من باب الخطرفة والهذيان ؟
3 – ماذا تعني بـ ( التعليق كان مقططفات ) صدقني اول مرة طوال عمري المديد والحمدلله اسمع بهذه الكلمة بالله ورينا من وين نجرتها !!!!!!!!!!؟؟؟؟؟
4 – (ناس الراكوبة ماعندهم اسلتذة شرح للذيك ) دي كتابتك وارجوك ضع ترليون خط تحت كلمة للذيك والذي يؤكد ان لك عقدة مع حرف الذال ومن دون تعالٍ مفتاح الذال اسفل مفتاح الهروب (escape ) او ESC بينما مفتاح الزاي فوق مفتاح التبديل او العالي ALT وده للعلم فقط .
5 – انني ادري تمام العلم والمعرفة بمرض البري بري واعراضه واثاره واسالك متلازمته الاسقربوط انت وين منو؟
6 – شكلك عايز ليك فهامة وتعال لي بشارع الدكاترة ام درمان اوريك اماكن راقية جدا لشراء الفهامات وتركيبها بالمجان ارجو ان لا تتأخر .
دا كلام معكوس مين الفعل هذا العمل الهباب ؟ واحد يسئ لبلده ويكذب ليكسب حق اللجوء السياسي وهو شماسي ليس الا لا يفهم في السياسة غير كلمة فول " ويدعي انه عذب واهين وهو يكذب ثم يزور الاوراق الثبوتية وتأتي انت لتقول ان الحكومة هي التي فعلت ؟ من يصدقك يا هذا ""
هل بمثل هؤلاء نستطيع ان نسقط اي نظام ؟ اي نظام؟؟
نتمني علي كتابنا ان يحترموا عقول القراء لكن يظهر ان هذه الراكوبة فعلا راكوبة مراكبية
والاختشوا ماتوا