نظام البشير : قد نراجع قرار غلق خطوط أنابيب النفط مع الجنوب

القرار دا مدروس ؟ رئيسنا دا اتطرطش مرة واحدة.

ههههههههههههههههههههههههه كاكاكاكاكاكاكاكاكاكاك اخخخخخخخخخخخخخخخخخخخخخخخخخخ رئيس السنجم

احي يا الرز

ايه الهرجله دى .. ما فى زول عاقل او رشيد!! هل نقول صدق ايمن نور؟

يأيها البشير, صدق زملاؤك القدامى بالجيش حين أسموك الكذاب ! يا راجل عيب, عيالنا لو قالوا كلمة بيبقوا قدرها..إنت يوم تفتح يوم تقفل..يقفلوك إن شاء الله في كوبر ليقتص منك الشعب الممكون..

بله السودان محكوم ربع قرن باغبيا زى دول!!! واله صدقت the worst enemy is a fool with a gun

ان يدافع ربيع الواطى او امين حسن عمر او كمال حقنة او اى نكرة من نكرات النظام هذا امر مفهوم ومبلوع لكن ان يدافع عن النظام امثال احمد بلال وبعض الارزقية والقومابية واللقامة وهذه جمع لقامى ويعنى بها اهل دارفور الرجل الذى يؤدى عملا نظير ملء بطنه فهذا امر محير ولكنها الانقاذ وعجائبها وغرائبهاوتبا لمتبضعى سوق النخاسة وتبا للذين ارتضوا ان يصبحوا بضاعةفى هذه السوق القذرة

يلا سلفا ركِّب فيهم خازوق وأقفل البلف من عندك

” عدو عدوك صديقك”
هذا الكلام لا ينطبق على حكومة جنوب السودان فهي تعادي النظام في الخرطوم من اجل اضعاف السودان والاستيلاء على أبيي وليس من أجل عيون الشعب السوداني للتخلص من الابالسة

يا ناس البترول مجرد ما دخل جوف الاراضي المؤتمرية ح يتبلع زي الفات هما ترقوا من السطو علي الجداد والحمام والغنم والطماطم اترقوا وفتحوا شوية دقسوا اخوانا بالجنوب زي اهلنا زمان يشتروا الجدادة من الجنوبي بمليم و يبيعوا ليهم الريش ب5 قروش توارثوا الصنعة من اجدادهم

سفاح دارفور انصحكم ان تعرضوا سفاح دارفور على طبيب نفسي

الزول الكضااااااااااااب دهـ قايل نفسو حاكم مزرعة أبوهو أقفلوا المواسير وأفتحوا المواسير بلا يخمك يا ماسوره

ها.. ها..ها.. ضحكتوني الله يجازيكم يعني النظام فركش قصة فقل أنابيب البترول؟
أكيد القرار دا ماخدو براك ولو إني عارفة مخ البهايم المعاك ما بفرق عنك كتير.
كونك قررت قفل البلف ولا حلجو (زي مخك) ما مهم، نحن محصنين وما عدنا
نتفاجأ، لكن عندي كلمتين ليك يا المنطط عينيك. شوف يا البشير.. إنت استقويت،
ومعاك عصابتك عديمي الضمير البكره كل واحد منهم حيتبرا منك ويتركوك لوحدك،
وزي ما حاصل حسي بدوا يتسربوا وتبروا منك واحد ورا التاني.. افتكرت إنو
شعبك ضعيف، مارست عليهو الضغوط عشان يركع وتستمر إنت في الحكم، نزلت
فيهو شتايم، بهدلت كرامة البلد وذليت سودان العز والكرامة.. سفيت ما خليت..
اتحبست في السودلن وما قدرت تمشي أبعد من دول الجوار.. أصلو الدول دي
سمحت ليك عشان خاطرنا يا الما مقدرنا. إنت عارف العالم كلو ما بحترمك
ولكن ما زال لسانك سليط.. إنكارك لضعفك وهوانك، ونفسيتك المعقدة خلتك،
تتوهم إنك رئيس فعلاً وساويت نفسك برؤساء العالم الليهم وزنهم والبقدروا
شعبهم يا وهم.. إذا كان عندك ذرة عقل وكرامة أقعد مع نفسك، وما تنسى تاخد
علاجك، شوف شنو السويتو في البلد دي وناسا الطيبين..أسال نفسك..كيف كان حال
السودان لما جيت وقلت ما عاجبك وكيف هو الآن؟؟ أوعك تقول لي مشاريع
التنمية والنهضة.. 24 سنة في أفقر بلد لا تملك مقومات التنمية يمكن أن تعمل
أكثر باستخدامها الأمثل للقروض الما أحسنت إنت استخدامها وبالرغم من وفرة
مواردنا الطبيعية.. أنا قصدي إنك تشوف كيف دمرت البنى التحتية للمشاريع
العملاقة الكانت موجودة قبل ما تجي.. ما تنسى تشوف وتتفكر في الإنت عملتو
في الحالة الإقتصادية والإجتماعية والسياسة والأمنية والعسكرية الآن وما كان
عليه الوضع في السابق؟؟ برضو ما تقول لي والله الحالة السياسة كانت في
وضع لا يحسد عليهو.. لو حسبت معاي عدد سنين الديموقراطية المرت
على السودان من 56، غير الفترات الإنتقالية، ما بتزيد عن 10 سنوات.. هي
الحكومات الديكتاتورية أدتا نفس عشان تنضج وتقوى وتعمل؟ على كل حال إنت
لما جيت، وكان يوم أسود من الكحل، كان السودان في كل حياتو الإقتصادية
والأمنية والتعليمية والسياسية والإجتماعية أفضل بكتييييير من الحاصل اليوم..
يعني خربت السودان وقعدت على ⅔ تله بعد ما فصلت الجنوب وفي الطريق
أبيي.. بعد دا كلو ما عايزنا نتمرد عليك؟؟ شوف.. كدي نجيبا ليك من
الآخر.. سوف يسقط نظامك.. وتحاسب حساباً عسيراً على العملتو في
بلدي.. ويوما حتقول الروب.. وتعض أصابع الندم في إنك ما مشيت
لاهاي عل القليلة كان أكلت وشربت ولبست ونمت ودافعت عن نفسك
واتعاملت بطريقة أحسن من الحنعملا فيك .. أصلو الظالم والمفتري
بتكون نهايتو مُرة..