قوات مشار تدربت في السودان..جوبا تجدد اتهام الخرطوم بدعم المتمردين للسيطرة على النفط
نيروبي: مصطفى سري
اتهم مسؤول كبير في جنوب السودان الحكومة السودانية بتقديم الدعم إلى المتمردين التابعين لنائب الرئيس السابق رياك مشار لمساعدتهم في السيطرة على ولاية الوحدة الغنية بالنفط، وكشف عن أن دعم الخرطوم قوات مشار جرى من منطقة «هجليج» الواقعة شمال الولاية، بينما أكد المتحدث باسم جيش الجنوب أن قوات التمرد تلقت تدريبا داخل الأراضي السودانية، مشددا على أن قوات مشار جرى دحرها واتجهت إلى مناطق في الشمال من حدود بلاده، مؤكدا أن الأوضاع في الولاية هادئة وأن المتمردين لم يسيطروا عليها، حيث إن المعارك ما زالت مستمرة.
ونفى المستشار الأمني لحكومة ولاية الوحدة بجنوب السودان، جون ملوك، ما ردده المتمردون عن سيطرتهم على مدينة «بانتيو» عاصمة ولاية الوحدة الغنية بالنفط، مؤكدا هدوء الأوضاع داخل المدينة. وقال إن قوات مشار المتمردة تلقت دعما من الحكومة السودانية في منطقة «هجليج» الحدودية بين دولتي السودان، ثم تحركت نحو ولاية الوحدة واشتبكت مع جيش جنوب السودان في منطقتي «30 كيلو» و«تور الأبيض» شمال الولاية، مؤكدا استمرار المعارك حتى ليل أمس على حدود الولاية.
وغادرت أعداد كبيرة من المواطنين مدينة «بانتيو» منذ أول من أمس خشية وقوع معارك في داخلها كما حدث في شهر ديسمبر (كانون الأول) الماضي، ولجأت أعداد أخرى إلى مقر بعثة الأمم المتحدة، ومنعت الحكومة المواطنين من اللجوء إلى مقر البعثة الدولية في مدينة «ربكونا» جنوب عاصمة الولاية.
من جانبه، أكد المتحدث الرسمي باسم جيش جنوب السودان، فيليب أقوير، أن قوات التمرد التابعة لمشار شنت هجوما على منطقة «تور الأبيض»، وبها حقول النفط ومصفاة جديدة تحت الإنشاء، بغرض السيطرة عليها. وقال: «دحرنا المتمردين إلى خارج المنطقة، واتجهوا نحو كيلو 30 بالقرب من الحدود السودانية»، مشيرا إلى أن تفاصيل المعارك لم ترد إلى رئاسة الجيش الشعبي في جوبا.
وأشار أقوير إلى أن القوات التي هاجمت ولاية الوحدة جرى تدريبها في معسكر واقع بين منطقتي «هجليج» و«الخرصانة»، وهي تحت سيطرة القوات المسلحة السودانية، نافيا علمه بوجود إمداد مباشر من الخرطوم إلى قوات التمرد. وقال: «ما نعرفه الآن أن قوات مشار تلقت تدريبا داخل الأرضي السودانية وبإشراف الجيش الحكومي، والآن أعداد أخرى من قوات مشار موجودة في منطقتي هجليج والخرصانة.. والجيش الشعبي يتعامل مع هذه المسائل أمنيا وعسكريا، والتعامل السياسي متروك للحكومة في جوبا، وهي التي تقرر الخطوات والإجراءات الأخرى وفق ما تراه مناسبا».
وكان قائد متمردي جنوب السودان أعلن لوسائل الإعلام اعتزامه السيطرة على مناطق إنتاج النفط بجنوب السودان. وهذه ليست المرة الأولى التي يتهم فيها جيش جنوب السودان ضلوع الخرطوم في المعارك بين قوات الجيش الشعبي والمتمردين.
الشرق الأوسط
المصلحه تقضي التعامل مع الطرفين
القضية ليست تبادل اتهامات سوف يتبين كل شئ بعد تصعيد المشكلة الى مجلس الامن بالامم المتحدة وسوف تظهر كل الحقائق المخفية عن المواطن العادي لماذا سافر كرتي الى موسكو هذا سؤال يصعب الاجابة عليه. فقط تصريحات لابروف تؤكد ان تحت الرماد وميض ولماذا شاركت يوغندا في حرب حكومة الجنوب ضد قوات مشار ومعروفة ان يوغندا العدو اللدود لحكومة السودان ولماذا ادعت حكومة السودان ان الجبهة الثورية تساند حكومة جنوب السودان كل شئ بسببه وكل شئ بثمنه
كلام غريب!!! احتمال حكومة جنوب السودان عايزة تكسب الدعم الشعبي لمواطني الجنوب باتهام جماعة مشار بالعمالة لنظام الخرطوم
******** سلفاكير مسكين ماشي و جا يالخرطوم ******* و الجماعة حافرين ليهو من تحت و هو ما جايب خبر ******** ديل يبيعوا الما بتباع ********
لن يرضوا عنكم الجنوب حتى لو أرسلتوا ليهم لبن الطير الأصلوا ما موجود
كلام يحير يالبشير انت مع منو سلفا او رياك
كلام فارق ,,,,,,,حتى الجنوبيين أتعلموا النفاق السياسى والكذب على شعبهم لعبة سياسيه بغيضة
السبب المباشر في هذا الوضع هو عمر البشير و ربنا يستر من الجاي ما دام المتسبب موجود ، اللهم أهلك كل من تسبب في هلاك و تجويع وتشريد اهل السودان و قسمها ، اللهم أذهبهم جميعا فقد آذوا عبادك في السودان ، اللهم اهلك كل من فعل أو شارك او تسبب في ما آل إليه الحال في بلدنا السودان و اهله ، اللهم أذقهم من ما آذاقوه لعبادك في السودان ،
والله ياناس الراكوبة حيرتونا مش قلتو مناصرين للثورات ولا الثورة علي الكيذان ثورة وعلي سيدنا سلفاكير تبقا تمرد وخروج علي الحاكم ولا التهميش لايحدث الا في السودان شقه الشمالي فقط
سحقا لإذدواجية المعايير التي تقومون بها
وما ذا لوتلقت قوات المهمشين في الجنوب دعما من اي جهة كانت لتسترد ارضها المسلوبة من جانب عصابة الدينكا
وفي الايام القلائل الماضيه قدمت حكومة الخرطوم دعما بواسطة سلاح الطيران بقصف مناطق بولاية الوحده كانت تعتقد بتواجد جبش جنوب السودان بها.
واضح من ان حكومة الاخوان المسلين تسعي من اجل السيطره علي ابار البترول من اجل فك الاختناقات
الماليه التي تمر بها حاليا وهي لا تنفك من اجل سرقة نفط الجنوب ما وجدت الي ذلك سبيلا وهي تسعي جاهدة ن اجل ذلك. وفي سبيل ذلك حتى تتوصل الى مسعاها فقد فرضت بعض الرسوم الاضافيه علي اصحاب المركبات العامه والخاصه والركشات تقدر بمبلغ وقدره (36) جنيها كل شهر وهى ماضيه في سبيل ايجاد موارد اخرى تخصم على المواطن مثل الغاء الرقم الوطني مثلا بعد ان تضمن بان كل او معظم المعنيين
بهذا الامر قد دفعوا ما عليهم من رسوم,ولكن يبدو ان الحكومه تتجه الان نحو فرض رسوم دائمه لا تنقطع مثل رسوم ( دفتر التفتيش الشهري) المذكور انفا.
الخرطوم طبعاعندها مصلحه فى استمرار الحرب وانتو عارفين ناس سلفا ديل مكارين اول مايحس بأنو رايق ومروق يتفرغ لدعم التمرد الشمالى وبالتالى الوضع ديه تمام التمام وهذه السياسه بتنفع مع الجنوبيين لغاية مايفهموا حاجه.
حرب الشمال مع الجنوب الجهادية (حسب قول الكيزان الكلاب) شكلها ح تدور تاني … والله يستر
ربنا يستر
فيها شنو لو دعموهم ما الجنوب قاعد يدعم متمردي الشمال .
لا استبعد من الموتمر الوطنى ان يفعلها كما لايمكن ان نصدق اى شى لان السياسين فى الجنوب ليس اقل خبثا من هولاء الكلاب
نصدق من فيهم وامواج الفساد تضرب هنا وهناك، وشعبي البلدين بين الحين والاخر يقدمان كبش الفداء للآلهة رسله من المنافقين ؟؟؟؟
إنتو ما عارفين دعمنا لمشار و لا شنو ؟؟؟ هو اصلا مشار صنيعة مين ؟؟؟ نعم دعمنا مشار و سندعمه حتى نطرد الجنقاوي الغبي دا
سبحا الله
كفاية فتن هذا يضر بالسودان ولا يضر بالشير (البشير عمرو مابات جوعان)
الكلام الما بعجبكم بتقولوا صورة التحقق خطا هذا يدل على عدم مصداقية الجريدة انتبهوا هذا نقطة سوداء في حقكم نحن قراء مداومين بصورة يومية احترموا عقولنا
كذب افك كذب فاحش
دا الشقل الصاح الكلام دا من زمان كان وين ندعم مشار دعم لايمكنه من النصر لتستمر الحرب سجال ليهلك الطرفين بدون انتصار اي من الطرفين
حسبنا الله ونعم الوكيل نحن ماعارفين الماسوره منو هسى انتو طلعتو بربخ عديل حسبنا الله ونعم الوكيل
من ﻻ يعرف بان قوات العميل المدعو الخراب الاسود شرارة وهذا هو معنى لاسم رياك مشار تينج على حسب لغة القبائل النيلية جنوب السودان سابقا يتلقون دعما من الخرطوم في السابق وفي الحاضر .الشعب الجنوبي لا يفهم الاجندة ولاجل ماذاااا يحارب مشار شعبه؟ وقف الاتجاه الخطأ في زمن النضال ضد الحركة الشعبية بحجة انه يريد انفصال الجنوب لكنه في في النهاية حارب في صف العدو الذي يريد ان ينفصل منه وقتل الالاف من شعبه وبعد الانفصال انضم مجددا بأكثر من 140ألف مقاتل من الميليشيات وتم تسريح الجيش الأصليين الذين حاربوا العدو بشراسة وده كان أكبر خطأ ارتكبته الحكومه، لماذا يدعم البشير رياك وهل يقدر مشار ان ينتصر ب ربع قبيلة علي اكثر من 63قبيلة؟ ما مصلحة الخرطوم في خراب الجنوب؟ يريد ان يقول للمجتمع الدولي انظروا للجنوب ما قادر يحكم نفسه أفضل انااااااااااا الشمال الذي ولد للحكم للابد
ليرجع ويحارب الجنوب مرة أخرى وهاك إيران وجاك يا اسرائيل وحرب بالوكالة السيناريو الاسود المقبل لتحقيق المطامع الدولية في الدولتين ليأتي في نهاية السيناريو المحكمة الدولية ليسوق قادة الحرب إلى لاهاي، فيقال هنأ وفي هذا المكان كان يوجد دوله اسمه السودان بحدود مليون ميل مربع .والشعبين لا حوله له ولا قوه شعب ات يعرف السلام ويقبل تن يقتل ويدمر نفسه بنفسه وبدون علمه يموتون فيقال لهم شهداء في الجنه وهم في النار .من هم اليس هولاء من الشعب؟ ألا يكفي الجحيم اكثر من 4مليون من البشر من الشهداء ومنهم؟ ؟ والله وحده يعلم مصيرهم ربما يرحمهم واما نحن فرجو منه سبحان ان يرحمنا وينجينا من الشرير أمين
إنتو ما عارفين دعمنا لمشار و لا شنو ؟؟؟ هو اصلا مشار صنيعة مين ؟؟؟ نعم دعمنا مشار و سندعمه حتى نطرد الجنقاوي الغبي دا وسلفاكير عياره عن امعه
دا كلام ناس مافاهمين عاوزين يعملو شنو
والله ما عارفين الحروب العبثية اللعينة آلبي سبب وبدون سبب دي حتوقف ياخي والله الشعبين الشمالي والجنوبي لا يستحقان ما يحدث لهما من قادة أدمنو الفشل وعشقوه من زمن خلينا السودان وهمنا في دول الجوار بحثا عن مستقبل نسبية ًلقمة عيش كريمة شخصيا مشيت كنت في القاهرة ولم أوفق في الهجرة للعالم الغربي وبعدها بسنين ظهرت فرصة جنوب السودان ولكن الفرحة ما تمت وهاهو الجنوب يكاد ينهار بسبب تغليب الذات الفردية علي المصالح الجماعية صراحة الواحد يتحسر علي جنوب السودان ذلك البلد الذي كان من الممكن ان يكون أفضل الأقطار النامية في القارة ولكن الأمور انقلبت رأس علي عقب , والآن البشير يدعم رياك والله يا جماعة البشير دا الله ما ختا في راسوا عقل نحن كشماليين أمور زي دي بدخلنا في شربكة ولخبطة والمواطن العادي ما بعاين للبشير والبعمل فيهو بل ممكن يجئ يسألك أنتو بتدعموا ويا مندكورات وكلام كتير نحن في غني عنو كانو نحن عشان كدا يا ريت البشير يعرف ان في بشر مربوطين بي رزق في الجنوب ويحاسب في افعالو وتصرفاتو ألما مفهومة دي
اللهم اجعل كيدهم فى نحرهم وعجل لنا برحيلهم اجمعين يا قادر يا كريم
الصحيح الان دعم مشار حتى يسيطر على المناطق الشماليه ولا يسمح لهم بالتقدم جنوبا لانى اى طرف فى الجنوب لو دامت ليهو السيطره بيعمل مشاكل
يا سلفاكيير ما تحرقو دمكم فى الفاضى استنو شهرين بس والمليار بتاعة قطر بتتسرب وبعدها بجوكم جاريين تانى ديل عاملين ذى مرت المغترب اول ما راجلا يجى بتفترى واول ما يرجع بتبقى ذى الكديس .. الله لا كسبكم خير يا كيزان الناس طردتوهم من بلدهم قالو ليكم شكرا وتاانى لاحقنهم بالمكايد والفتن ؟؟؟! دا حقد فريد من نوعو ما بشبهو الا حقد الاخوان الشياطين على الشعب السودانى الذى رفض ان ينتخبهم فى 3 ديمقراطيات ..
***سقطت بانتيو عاصمة ولاية الوحدة منذ ظهر أمس الثلاثاء فى قبضة القوات التابعة لريك مشار تنى…صرح بذلك الناطق الرسمى باسم مشار…جيمس قاديت داك…ونشرته سودان تريبيون فى عدد اليوم 15 أبريل 2014…وصرح قاديت داك بأنه قد تأكد له ذلك من خلال اتصاله بالناطق العسكرى لقوات مشار المقدم بيتر ريك قيو…وفى اتصال هاتفى مع سودان تريبيون قال قاديت داك أنه وفى لحظة الاتصال يسمع تهليل المواطنين وصياحهم داخل بانتيو فرحا بدخول قوات مشار للمدينة…كما ذكر داك بأن الناطق العسكرى لقوات سلفا كير فى بانتيو قد فر من المنطقة بينما لجأ عديد المواطنين الى قاعدة الأمم المتحدة فى بنتيو…الهجوم على بنتيو كان فى قيادته اللواء بيتر قديت واللواء جيمس كوانق شول والذى انقلب على سلف كير أوائل هذا العام…
*** بذلك فان أكبر حقول النفط فى جنوب السودان والتى توجد بولاية الوحدة والتى بقدر انتاجها اليومى بمائتين ألف برميل يوميا تكون بالكامل تحت سيطرة مشار…كما أن اللواء قبريال تانق الموالى لمشار يقترب من ملكال عاصمة ولاية أعالى النيل…قوات سلفا منذ يناير نقلت أعداد كبيرة من مقاتليها الى ولاية الوحدة خوفا من سيطرة مشار على حقول النفط…تبقت حقول عدار وعدارييل وفالوج المحاصرة فى ولاية أعالى النيل بواسطة قوات مشار
***لكل ذلك لايستبعد أن تكون حكومة الخرطوم قد دعمت مشار دعما لوجستيا بعد قراءتها للمعادلة بصورتها الصحيحة حتى لاتفقد عائدات رسوم عبور نفط الجنوب البالغة 25 دولار للبرميل والتى أدخلتها فى موازنتها لهذا العام…خاصة وأن حكومة الخرطوم تعانى من أوضاع اقتصادية صعبة اذ نشرت منظمة الأغذية والزراعة التابعة للأمم المتحدة الأسبوع الماضى أن انتاج السودان من الحبوب لهذا العام سيتقلص بمقدار 65 %عن العام 2013…انها حرب المصالح!!!وسلفا حضر الى الخرطوم ليصطاد فيلا ولم يرجع حتى بفأر…الحرب خدعة!
يا جماعة خلوا بالكم من سفير نظام الخرطوم في جوبا (مطرف صديق) ده امنجي خطير جدا.. دا ممكن يفرق بين المرء وزوجه!مش تقول لي بين ريك وسلفاكير!! المفروض النظام يبذل كل جهده لاصلاح ذات البيين في الجنوب.. لان استقرار الجنوب هو أس استقرار السودان.. الامور لو جاطت هناك حق ايجار (المواصير) زاتو ما حنلقاهو… وما عندنا تاني اي حاجة.. ودول البر والاحسان قطعت يدها مننا…
فانطو مالك تتباكي اسيادك اليوغندين و مرتزقة العدل و المساواة ما حينفعوك الكﻻة دي……و بطل ااكضب و كلام الفلس البتقول فيه دا، قوات مشار لا تحتاج دعم من السودان، سيطرت علي بور في اقصي شرق جنوبي السودان و كانت زاحفة نحو جوبا لولا تدخل يوغندا بسلاحها الجوي و مباركة امريكا لها باستخدام القنابل العنقودية انتقاما منها بضرب مقاتلتها ببور عن طريق الخطأ من البشجاع قديت….و ايضا سيطرت علي ملكال و هزمت
مرتزقة العدل و المساواة من دون من الخرطوم كما تدعي.
و لعلمك العميد ماكال كون هو الذي استرد هجليج في العام 2011 قبل أن يامر الجبان كير الجيش الشعبي بالانسحاب.
Yes Bentiu is under control of the rebels since early this day exactly at 9am but they will not stay there for more than 72 hours because they captured the town foolishly and now they are surrounded by SPLA soldiers.Sooner or later the rebels will be chased away paying the price of this foolish attack and Khartoum will be sorry for helping them
The south is still thorn in the buttock of Sudan
ياربي جماعتنا بيدعمو سلفاكير من جهه ومشار من جهه عشان يقرضو بعض ويرجع لينا الجنوب ارضا وبترول بدون مواطنين ولا شنو الحكاية . . كع كرع
الظاهر انو كره الناس للبشير خلاهم يحكموا بقلوبهم وليس بعقولهم كما يفعل العالم أجمع الآن .
.
إن كان دعم السودان لمشار حقيقي فأقول انو ده الكلام الصح وعين الصح كمان مع اني استبعد الكلام ده بسبب غباء المتنفذين في بلادي . واقول هذا مع كامل احترامي لشعب الجنوب .
الجنوب دعم ومازال يدعم جزء من الحركات المتمردة في الغرب حتى وقت قريب قبل ان ينشغل ((((بحروبه الداخليه)))) وعشان كده ده الكلام الصح .
أنحن في الغرب عندنا آفتر بارتي ؟؟
الحاصل في غرب السودان منذ البداية كان للحركة الشعبية يد فيه كما للإنقاذ يد بالظبط . فالفتة كانت نائمة حتى تم ايقاظها ,,, و
عموما السياسة ليست لأصحاب القلوب الضعيفة وإن صح الحديث وأتمنى ذلك فالآن يصبح في يد السودان كرت وحيد للضغط على تطاولات سلفاكير اللمتعددة وبعد ده سيب وانا أسيب .
اذا كان سلفا من حقو يدعم فكمان أب زنقله بتاعنا ده من حقو يدعم واذا دي فاتت عليه يكون فاشل في العسكرية كمان ومفروض يقلع الكاكي