وان كنت اعلم انه ليس لك أذن لتسمع بها لكن هذه هي رسالة كل الشعب السوداني اليك في هذا التوقيت لان اذنك مقفولة لتسمع صوت جهة واحدة تغيّب عقلك وتشل فكر وتنقل لك واقعا ليس هو الواقع الذي يعيشه البلد ولا الشعب
نترحم علي ارواح الشهداء الذين قتلتهم قنابل كوادر الحماية مما يسمي بالامن الشعبي لتنظيم علي عثمان والترابي والكيزان
التحية لمناضلي السودان الشرفاء
أما بعد
أخر تصريح للبشير اليوم قال ما بمشي الا بالانتخابات
والله يا البشير لو كان جيتنا بانتخابات ما كنا قمنا عليك !!
فيا عمنا حاج عمر حسن البشير ان الواضح لم يكن فاضحا مهما كان
عليك ايها الرئيس ان تعلم أن هؤلاء الناس الذين طلعوا يطالبونك بالتنحي والرحيل هم كذلك سوف لن يبارحوا ارض المظاهرات حتي اعترافك بالمشي والرحيل وقالوها ليك في وجهك (م دايرنك) ارحل وسمعتها وعبرت ثقب اذنيك فمن هو الذي تخاطبه وتريد ان تسمعها منه اذن؟!
يعني عاوز منو يقولها ليك؟
يعني لو أن هناك اشخاص من هذا الشعب الكريم لا يجاهر بالحقيقة واشخاص يخشون ولا يحبون المواجهة فلماذا تصر يا سعادة المشير علي اجبارهم لكسر دائرة الصمت؟ فالحقيقة هي والله أن كل هذا الشعب لا يريدك أن تحكم!! بمعني أن بعض الشعب السوداني اذا كان حساس وله مشاعر وصامت فلماذا تريد زجه للمجاهرة والمعاداة والاعلان عنها ضدك
(انتخابات شنو يا زول البنتظروها ؟ هم قالوا ليك ارحل بلا انتخابات بلا بطيخ)
والله احسن لك ان تحكّم عقلك في أن تخارج نفسك بحل هذا الحزب المسمى بالمؤتمر الوطني حزب الكيزان وشلة النفعيين وتدخل قياداته في السجون والثوار سوف يكملوا لك المشهد والرص (لومك علي …. كل كوز له ملف بجميع انواع الجرائم التي ارتكبها في حق الشعب والوطن وذاكرة الشعب السوداني مليئة)
1/ اول حاجة خلي واحد من القضاة او جهاز الامن يصدر قرار وتنفيذ أمر قبض ضد المجرم علي عثمان محمد طه لان هناك مذكرة محترمة مرفوعة للقضاء السوداني موقع عليها 41 قاضي ومحامي سوداني فيها اثبات أدانة مباشرة وتجريم بموجب القانون السوداني لسنة1991 القانون الذي فصله علي عثمان نفسه بمباركة الترابي وكتبته ونشرته ودافعت عنه بدرية سليمان
انت اصلا عندك الاحزاب السودانية كلها محلولة من 89 لكن هناك حزب واحد مسموح له هو حزب جماعتك الكيزان يا اخ بالله اعمل ليك قانون طوارئ سريع وادخلهم لينا المعتقلات ونحن علينا الباقي كل كوز عندنا ليه ملف يدينه ها نطلعه ونحاسبه به
2/ تاني حاجة يا اخي حل الحكومة واعمل ليك حكومة طوارئ مؤقتة في الخرطوم والولايات بس ابعدنا من ناس بكري وايلا والجاز وهرون وقوش وغيرهم هؤلاء لن تجد منهم غير الكج والبلاء هذا الشعب السوداني اضمن لك من الكيزان الفي كل مرة بتلقي فيهم مجموعة منقلبة عليك
يا اخي خليك عاقل وارجع للشعب وسلمه بلده زي ما شلته بمساعدة الكيزان بالليل فهسي في وضح النهار عيانا بيانا الشعب ها يساعدك في انك تتخارج من الكيزان
الشغلانة ما عاوزة تفكير شديد انت بنفسك بتقول حسب ما سمعنا في الجرائد م ها تسمح السودان يكون زي سوريا واليمن وليبيا طيب يااخ هسي الثوار ديل يقتل فيهم الكيزان وانت قاعد ما ياهو السيناريو بتاع سوريا ذاتو ولّ انت حنكك بتاع سوريا شنو يعني؟
3/ هناك مخرج سلمي واحد هو الاعتراف بهذه الثورة والاعتراف بفشل الحكومة علي مدي ثلاثون سنة ويجب ايضا الاعتراف بأن البلد في حالة ازمة اقتصادية سببها فساد افراد تنظيم حزب الحركة الاسلامية لا يمكن حلها الا بتغيير جذري كامل وذهاب هذه الحكومة بكل اجهزتها التي ليس لها علاقة الا بتمكين افراد حزب المؤتمر في السلطة لنهب ثروة الوطن
4/ يجب الاعتراف بأن السودان الآن في حالة ثورة كاملة الدسم قامت ضد نظام القهر والجوع نظام الكيزان لن تنتهي الا باقتلاع نظام الحركة الاسلامية
5/ ثورة …. ثورة حتي النصر كل يوم موكب و مظاهرة وتضييق وبلبلة الشارع حتي الوصول الي مرحلة الاعتصام وعمليات العصيان المدني وسلاح الاضراب
6/ تتوارد كتير من الاخبار معظمها لتشتيت الافكار وتبديد مجهود الثوار اصحابها كلهم كيزان ومنتفعين من بقاء واستمرار هذا الوضع وبقاء هذه الحكومة لا يهمهم القتل ولا القمع لكن الحقيقة هي أن كل الناس ضد الكيزان وضد نظام البشير
7/ المظاهرات ومواكب الرحيل وعمليات العصيان المدني سلمية هدفها تسقط بس لا مانع لا وجود المبادرات السياسية السلمية التي توصل لنتيجة زوال حكم الكيزان وتحقن دماء الشرفاء بانتقال سلمي للسلطة
8/ تجمع المهنيين والديمقراطيين أثبت نجاح فعلي لقيادة الثورة والدفاع عنها لذلك التف حوله كل الشرفاء كجسم سياسي لثورة ديسمبر 19 المجيدة.
نترحم علي ارواح الشهداء الذين قتلتهم قنابل كوادر الحماية مما يسمي بالامن الشعبي لتنظيم علي عثمان والترابي والكيزان
التحية لمناضلي السودان الشرفاء
أما بعد
أخر تصريح للبشير اليوم قال ما بمشي الا بالانتخابات
والله يا البشير لو كان جيتنا بانتخابات ما كنا قمنا عليك !!
فيا عمنا حاج عمر حسن البشير ان الواضح لم يكن فاضحا مهما كان
عليك ايها الرئيس ان تعلم أن هؤلاء الناس الذين طلعوا يطالبونك بالتنحي والرحيل هم كذلك سوف لن يبارحوا ارض المظاهرات حتي اعترافك بالمشي والرحيل وقالوها ليك في وجهك (م دايرنك) ارحل وسمعتها وعبرت ثقب اذنيك فمن هو الذي تخاطبه وتريد ان تسمعها منه اذن؟!
يعني عاوز منو يقولها ليك؟
يعني لو أن هناك اشخاص من هذا الشعب الكريم لا يجاهر بالحقيقة واشخاص يخشون ولا يحبون المواجهة فلماذا تصر يا سعادة المشير علي اجبارهم لكسر دائرة الصمت؟ فالحقيقة هي والله أن كل هذا الشعب لا يريدك أن تحكم!! بمعني أن بعض الشعب السوداني اذا كان حساس وله مشاعر وصامت فلماذا تريد زجه للمجاهرة والمعاداة والاعلان عنها ضدك
(انتخابات شنو يا زول البنتظروها ؟ هم قالوا ليك ارحل بلا انتخابات بلا بطيخ)
والله احسن لك ان تحكّم عقلك في أن تخارج نفسك بحل هذا الحزب المسمى بالمؤتمر الوطني حزب الكيزان وشلة النفعيين وتدخل قياداته في السجون والثوار سوف يكملوا لك المشهد والرص (لومك علي …. كل كوز له ملف بجميع انواع الجرائم التي ارتكبها في حق الشعب والوطن وذاكرة الشعب السوداني مليئة)
1/ اول حاجة خلي واحد من القضاة او جهاز الامن يصدر قرار وتنفيذ أمر قبض ضد المجرم علي عثمان محمد طه لان هناك مذكرة محترمة مرفوعة للقضاء السوداني موقع عليها 41 قاضي ومحامي سوداني فيها اثبات أدانة مباشرة وتجريم بموجب القانون السوداني لسنة1991 القانون الذي فصله علي عثمان نفسه بمباركة الترابي وكتبته ونشرته ودافعت عنه بدرية سليمان
انت اصلا عندك الاحزاب السودانية كلها محلولة من 89 لكن هناك حزب واحد مسموح له هو حزب جماعتك الكيزان يا اخ بالله اعمل ليك قانون طوارئ سريع وادخلهم لينا المعتقلات ونحن علينا الباقي كل كوز عندنا ليه ملف يدينه ها نطلعه ونحاسبه به
2/ تاني حاجة يا اخي حل الحكومة واعمل ليك حكومة طوارئ مؤقتة في الخرطوم والولايات بس ابعدنا من ناس بكري وايلا والجاز وهرون وقوش وغيرهم هؤلاء لن تجد منهم غير الكج والبلاء هذا الشعب السوداني اضمن لك من الكيزان الفي كل مرة بتلقي فيهم مجموعة منقلبة عليك
يا اخي خليك عاقل وارجع للشعب وسلمه بلده زي ما شلته بمساعدة الكيزان بالليل فهسي في وضح النهار عيانا بيانا الشعب ها يساعدك في انك تتخارج من الكيزان
الشغلانة ما عاوزة تفكير شديد انت بنفسك بتقول حسب ما سمعنا في الجرائد م ها تسمح السودان يكون زي سوريا واليمن وليبيا طيب يااخ هسي الثوار ديل يقتل فيهم الكيزان وانت قاعد ما ياهو السيناريو بتاع سوريا ذاتو ولّ انت حنكك بتاع سوريا شنو يعني؟
3/ هناك مخرج سلمي واحد هو الاعتراف بهذه الثورة والاعتراف بفشل الحكومة علي مدي ثلاثون سنة ويجب ايضا الاعتراف بأن البلد في حالة ازمة اقتصادية سببها فساد افراد تنظيم حزب الحركة الاسلامية لا يمكن حلها الا بتغيير جذري كامل وذهاب هذه الحكومة بكل اجهزتها التي ليس لها علاقة الا بتمكين افراد حزب المؤتمر في السلطة لنهب ثروة الوطن
4/ يجب الاعتراف بأن السودان الآن في حالة ثورة كاملة الدسم قامت ضد نظام القهر والجوع نظام الكيزان لن تنتهي الا باقتلاع نظام الحركة الاسلامية
5/ ثورة …. ثورة حتي النصر كل يوم موكب و مظاهرة وتضييق وبلبلة الشارع حتي الوصول الي مرحلة الاعتصام وعمليات العصيان المدني وسلاح الاضراب
6/ تتوارد كتير من الاخبار معظمها لتشتيت الافكار وتبديد مجهود الثوار اصحابها كلهم كيزان ومنتفعين من بقاء واستمرار هذا الوضع وبقاء هذه الحكومة لا يهمهم القتل ولا القمع لكن الحقيقة هي أن كل الناس ضد الكيزان وضد نظام البشير
7/ المظاهرات ومواكب الرحيل وعمليات العصيان المدني سلمية هدفها تسقط بس لا مانع لا وجود المبادرات السياسية السلمية التي توصل لنتيجة زوال حكم الكيزان وتحقن دماء الشرفاء بانتقال سلمي للسلطة
8/ تجمع المهنيين والديمقراطيين أثبت نجاح فعلي لقيادة الثورة والدفاع عنها لذلك التف حوله كل الشرفاء كجسم سياسي لثورة ديسمبر 19 المجيدة.
