الزيت ده يوم الليلة 11-10-2021م
الهادي ودالبورت
في ناس كتار من بورتسودان ما صدقوا حكاية إنو تجيب ترانسيت عبر ميناء السخنة المصري ممكن يكون بديل لميناء بورتسودان بالذات الناس المؤيدين أغلاق الميناء وتصرف ترك و مجلس البجا
* تعديل ترانسيت الحاوية تكون مقفولة مبرشمة ومعاها حرس لحدي ما تطلع معبر ارقين ولا تدفع جمارك أو أي مصاريف غير المدفوع لمناولة الميناء السخنة
….
طبعا أنا كزول شغال في المجال ده عارف أصلاً السخنة أفضل من بورتسودان من السنة الفاتت من ناحية سرعة وفرق بسيط في السعر، وبما أنو عندنا حاوية حقت ألواح طاقة شمسية قلت الليلة أجيب ليها أسعار السخنة وبورتسودان
بالمناسبة أمس قلنا 4 خطوط وقفت شحن لبورتسودان الآن خط CMA وقف بعد أدوني أسعار لاحظ في الأسكرين رقم 2 قالو في أضطرابات أمنية في بورتسودان
لكن ما أختلفنا نحسب عليه من الصين شنزن لبورتسودان والسخنة:-
بورتسودان : 11720 دولار أجرة الشحن + مصاريف السودان 400الف جنيه مواني بدون أرضيات + 600 الف نولون نقل حاوية ماشي وجاي من بورتسودان الخرطوم مع المصاريف يعني كلو داخلي 2200 دولار يبقى الحاوية تقريبا تكلف 13000 دولار
مصر السخنة : من شنزن النولون 8800 دولار + مصاريف قالو شامل 80ألف جنيه مصري ده الليقتو لحدي هسه لكن أنا متأكد الرقم ده مبالغ فيهو قبل العيد الشحن أتجاه واحد من كان مصر بي 24 ألف جنيه مصري لكن خلينا نحسب عليهو تبقى 80 ألف مصري يعني 5 آلاف ولار يبقي الحساب 13800 دولار
خط COSCO من ميناء “نينغبو” من شرق الصين الى الخرطوم شغال حاليا مالم يطرأ جديد
بورتسودان: 14700 دولار واصل بورتسودان + 2200 داخلي في السودان كما مبين أعلاه يبقى تكلفة حوالي 17000 دولار تقريبا
خط السخنة : 9000 دولار + 5000 دولار كما أعلاه يبقى تكلفة حوالي 14000 دولار
يعني السخنة أقل من بورتسودان بي 3000 دولار تقريبا واسرع طبعاً
الكلام ده ما قلناه عشان نغري الناس يشتتوا مننا .. قلناه لأنو كتير من المتطرفين مالين رأس البسطاء أنو ما في خيارات تاني ونقفل الحكومة تنهار .. وما عارفين أنو رأس المال والتجارة ديل لا يمكن تسيطر عليهم
وأنت لمن تقفل أول حاجة بتهد المعبد على راسك مش على رأس الحكومة.
ولو أكتر من حاوية المبلغ بيقل طبعاً بحوالي 500 دولار
ده تصورك لحل الازمه ؟!! الاستعانه بالموانئ الاجنبيه ؟ طيب حتعمل شنو لو ناس الشماليه قفلوا الشارع وقفلوا المعابر مع مصر ؟ وقفلوا سد مروي ؟
اها نموت من الجوع وحال البلد يقيف بسبب ثلة من المغفلين والملاعين ولا كيف؟
بسبب شخص اسمه البرهان عايز يهرب من استحقاقات دماء الشهداء
الاقتراب من الطرق القومية وانابيب البترول ومحطات المياه والكهرباء في اي منطقة في السودان يعتبر عمل ارهابي ويتم تنفيذ الاعدام على اي متعدي وخلصنا وثانيا اي منطقة عايزه تنفصل في ستين دهية ترتب نفسها لاستفتاء ويقوم الاستفتاء بالقواعد المتعارف عليها دوليا ولو اختارو اهل المنطقة الانفصال مبروك عليهم وقطر عجيب يودي ما يجيب ويلحقوا الجنوب وبايباي ورحمة الله
وأنت فاكر الانقلاب الحاصل في السودان وتحريك ادواته من ترك الى مسرحية الانقلاب وفلم الارهاب عامله البرهان لوحده كده يعني ما عارف انه السيسي وراء الانقلاب البرهاني الكيزاني وتجي تقول العين الساخنة بديل لبورتسودان ههههه يا ربي يكون السيسي قال للبرهان اقفل عليهم ميناء بورتسودان عشان نشغل العين الساخنة
بورتسودان دي اليانكي عايزين يعملوها قاعدة عسكرية و يخلو الميناء خراب يباب، و طبعاً السجمان موافق و تحت اليانكي بيحرشو فيهو، و قدام الكاميرات بيعملو فيها انهم ضده، و طبعاً مصر متكيفة خالص من الشغل ده. المسؤولين السودانيين اصبحو ارخص من عاهرات شوارع دبي، عادي ممكن المسؤول السوداني يبيع امه خليك من السودان عشان مئة الف دولار.