طلعنا أي كلام

يا أستاذ بعض خبثاء المدينة، قالوا اصرارك على حكاية (كسرة) خط هيثرو دي، أنك ما عايز تسكت (ساكت !!)

ههههههههههههههااااااي والله ياود جبرة عافي منك بتعرف تنجض الفارااات ديل كويس , بس ان شاءالله مايقوموا عليك ويشنفروك ويلحقوك أمات طه …..

تنبيه…
ارجو يا استذ جبرا العودة الى الكسرة الثابتة السابقةباعتبار ان التحقيق لم ينته بعد وان القضية لم تصل الى النائب العام و….محلك سر.

يا استاذ موضوع خط هيثرو دا موضوع بسيط بتعالج – لكن حقو تتاكد لينا من خط انابيب البترول اوع يكون (اتسرق) كمان ونحن ما عارفين لانو اتفاقية النفط شبه تمت ونحن خايفين لو فتحو فيه البترول يلقو ( المواسير ) مافي و الخام يجري في السهلة ساكت ( والاتفاقية تتلغي )- غايتو الله يصبرنا بس

أستاذ الفاتح لسلامتك أبعد بعيد من الطيارات

يا اخى ماتسمع كلام اولادك فى الفيسبوك وتروق الحكاية وبلاش من الكسرات دى على فكرة سمعت بكسرات ابوعلى؟كان ما سمعت عنها اسال اخوانا الهلالاب والكسرةدى عشان نطلعك شوية من دافورى حماد واوشيك لانه لو الله لو قعدت تبارى (من مبارة)الجماعة الديل بعدين لاتنفع فيك قسطرة ولا مسطرة

الاخ جبرة اولا لدى اقتراح بان تكون كل شهر فى واو زيادة يعنى الواوات بعدد الشهور وذا المسالة ماشة مدغمسة لسه اعمل كل ثلاثة شهور واو وكده.
ثانيا الباع الخط تفتكر قاعد مربع يديه منتظر الجماعة يجوا يسالوه انت بعت والا لا ؟
المؤكد انو حرك كل ملفات الفساد العنده كوسيلة ضغط وحبجيبوا واحد من امبدة ويلبسوا بدلة ويقولوا اهو الباع الخط ويحكموا عليه بعشرة سنة سجن ويقنعونا انوا لقى الخط فى الشارع والا جنب الكوشة بتاعة السبيل وماشى باعوا من غير ما يكلمهم ( وطبعا هو منو والصفة البتخولوا يبع الخط ممكن بعض الاوراق تفى بالغرض .
صاحبنا طبعا حيقنعنا انو فعلا باع الخط واشترى بثمنه بيت فى دار السلام وواحد فى الحارة 41 واتنين امجاد و3 ركشات وعرس بالباقى .
والسناريوا الحقيقى لازم يكون فى زول كبش فداء بعيدا عن الحوش الذكره اسحاق احمد فضل الله ويقبض الثمن ويقبل الاتهام وبعد سنة اواتنين القضية تتنسى والرئيس يعفى المسجونين فى العيد.

( نسوا الله فانساهم انفسهم ) اين تذهبون من عذاب الله
قال الرسول صلى الله عليه وسلم فيما معناه ( من ولى من امر امتى شيئا فبات وهو غاش لهم لم يرح رائحة الجنة )

لسان حال هؤلاء يقول الفساد بحر و نحن كيزان له …إنه فساد فريد فهو فساد أرض – جو مزق الوطن بشكل غير مسبوق يجعل الحليم حيرانا …

كلام صاح

اولاً السرقة في الحكومة دي مقننة لفهم واحد للمنهج الترابي بوجود شبهة الاشتراك في المال العام لذلك افتوا بجواز عدم اقامة الحد لمن سرق المال العام طبعاً ده رغم ان من يسرق المال العام يكون اضر بالشعب السوداني كله وليس بفرد بعينه ولكنهم نسوا أو تناسوا (نحن لا ننسى وان طال الامد) بأن هناك عقوبات تعزيرية يمكن أن تقوم مقام الحد الشرعي مثل القطع بالخلاف لمن سرق المال العام.

في موجود انتو القال ليكم اتسرق منو ماتستبعد ارجعو بي باقي قروش البترول واقول ليكم من سرقو

يا عمنا جبرة ياخى الناس ديل احسن ما يفتحو التحقيق فى الخط دة انتا عارف براك انو لجان التحقيق واللجان المنبثقة منها حا تستهلك نص ميزانية البلد فى المخصصات ونثريات الغدا والعشا وتعمل لينا بند بتاع مأكلة وبعد شوية يجى الوزير يقول فى عجز فى الميزانية دايرين نزيد البنزين والمواصلات ..نحنا ذنبنا شنو الشغلة تقع لينا فى راسنا بى سبب واواتك ديل ؟ خليها ماشة كدة واكان على لندن هينة نحنا بنصل ليها بالمصرية ولا الكينية مالنا ومال الطيران “البطاقش ” الجبال.

يأستاذ خط هيثرو دى معاه هنغر مملوك لسودان اير داخل مطار هثرو ولا مو كدى .

انت ياعمنا جبره الخط ده داير تركب فيهو طياره وشنو

أقرأ النكتة دي يا (شيخ الفاتح)..
قالوا واحد من أهلي البقارة جا من البادية للمدينة (أول فشة)، ونزل عند واحد قريبو عمدة القبيلة.. ولما وكت الغدا جا، العمدة جاب صينية مكلفة.. الباري ما ضاق أكل زي دا قبل كدا.. الناس كلهم قاموا إلا هو، نسف الصينية كلها، ولما غسل إيدينو لقى شايي (صاموطي) قدامو.. شرب تلاتة كبابي حتة واحدة.. قام سأل العمدة: إتا يا العمدة الأكل دا سوتو مرتك؟!! أجاب العمدة بنعم.. قال: والشاهي كمان: قال العمدة نعم.. قال الأعرابي: عليك الله يا العمدة المرة دي كن قنع منها سلمني ليها صرة في خيط من إيدك لي إيدي..
وباقي لي يا استاذ جبرة الخط دا سلموه صرة في خيط لرئيس لجنة النقل بالبرلمان.

اشكرك الاخ الاستاذ الفاتح السلام عليكم .لكن والله ماعارف كان الناس ديل سووا فينا شنو لولا عين امريكا المسلطة على الحكومة وبعض التاب امثالكم يجزيكم الله خير

اسمعت اذ ناديت حيا ………… تنفخ في قرب مقدودة

انت ماسمعت يا أستاذ جبرة انو في واحدة منقبة قبضوها في مطار الخرطوم عشان باعت اراضي الدولة والظاهر انو بتاعين خط هيثرو ديل لوما اتنقبو ماحيقبضو عليهم وطبعا ماحيتنقبو وبالتالي لن يقبض عليهم والموضوع كلو حيكون نقاب في نقاب

السرقة دي حدية ونص وخمسة هسة الخط ده لو شربتو ما بدوك اربعين سوط؟

هي سرقة غير حديّه وذلك لأنها وقعت علي المال العام وهو مملوك لعامة الشعب بما فيهم السادة الحراميه وذلك درءاً للحدبشبهة المِلك إذ أن الشخص لاُيتصوّر أن يسرق ِملكهُ,ولهذا نقول للشعب الفضل بل راسك ساكت والعندو حبوب ضغط ولا سُكري ولا قلب أخير يبلعها من سكات , هذا طبعاً إذا إستثنينا أخذ الحكومة بالأحوط وإعمال فقه السترة مراعاةً لعرض وسمعة السادة الحراميه ففي هذه الحاله ننصح أصحاب الأمراض المزمنة والقلوب الرهيفه وكل من تهمة مصلحة الوطن والمواطن أن يبادر ويواظب علي الشهادتين لأن الأجل مامعروف وأخير نحاول نضمن الآخره لأن العاجلةِ سيكون أمرها قد إنقضي…وربنا يكضب الشينه!!!

حسع المشكلة ما في الخط!!!!
المشكلة بقت في (القصاص) المباري الأتر.