حقيقة القوات الأمريكية في جنوب السودان.. حسم التمرد بالتصفية ..الإستقرار بالقوة تحت إدارة قوات البحرية الأمريكية.. بعد مقتل أطور وخليل إبراهيم ، سيتم قتل جوزيف كوني
خالد عثمان
على ضوء الاكتشافات البترولية الهائلة في أقليم الاوغادين المتنازع عليه ( كميات هائلة من النفط والغاز ) يوغندا (2.5 بليون برميل) و دولة جنوب السودان والتي أكتشفتها شركة شل الهولندية العالمية (Royal Dutch Shell Plc ) ، قررت الإدارة الامريكية فرض الاستقرار وبالقوة في كل منطقة شرق أفريقيا كخيار إستراتيجي للمستقبل في حالة إشتعال منطقة الشرق الأوسط، ولزيادة عرض كميات النفط في الاسواق العالمية لخفض سعرة وتفادي الازمات المالية العالمية.
لذلك تم تشكيل تحالف عسكري أمريكي مع يوغندا ، الكونغو وجنوب السودان وتم إنشاء قاعدة عسكرية تحت لافتة ( إدارة العمليات ضد جيش الرب)، ويتزامن مع ذلك أرسال قوات كبيرة من الأمم المتحدة لحماية المدنيين ، الإغاثة وإعادة البناء . وقدم الاتحاد الاوربي مبلغ 1.2 مليون دولار من أجل بناء القاعدة العسكرية التي تقع في الحدود المشتركة ل يوغندا ، الكونغو وجنوب السودان.
المارينس ( Marines ) من أجل التدريب والتصفية
يقول ضباط المخابرات اليوغندين والعسكريين بان الحكومة السودان هي الداعم الرئيسي لجيش الرب ، كذلك تتهم أجهزة المخابرات الغربية الحكومة السودانية بدعم جيش الرب اليوغندي من أجل زعزعة الاستقرار في جنوب السودان ولمعاقبة الحكومة اليوغندية لدعمها للمعارضة السودانية المسلحة سابقاً ولاحقاً ، وتفيد المصادر بوجود عدد مقدر من الثوار السودانيين يتدربون على يد ضباط البحرية الامريكية الموجودن القاعدة الامريكية ليتم استخدامهم للاطاحة بالحكومة السودانية في مرحلة ما ، بالاضافة للاسباب التي أعلنها الرئيس الامريكي أوباما لارسال القوات الامريكية للقضاء على جيش الرب ، توجد أسباب أخرى بنفس الأهمية مثل التوتر في الحدود بين جمهورية الكونغو الديمقراطية والعنف المتزايد في جنوب السودان والصومال. ويقول المحللون الاستراتجيون بانه اذا تم التوصل الى أي معلومات لعلاقات بين الحكومة السودانية وجيش الرب فسيتم معاقبة الحكومة السودانية فوراً.
وتقوم الطائرات الامريكية ايضاً بمهام التصفية وحالياً يوجد نشاط عسكري جوي يدار بواسطة الاقمار الصناعية وهناك خطة جاهزة بتصفية عدد من قادة التمرد في المنطقة وسوف تستخدم القوات الامريكية وحلفائها كل الاساليب لإخماد الحركات العسكرية في المنطقة ، و بعد أطور وخليل إبراهيم ، سيتم قتل جوزيف كوني قريباً ، وتهدف الادارة الامريكية الي تحقيق الاستقرار في جنوب السودان ويمكنها ان تتعاون مع الحكومة السودانية الي مرحلة ، قبل القضاء عليها أيضا وتصفية قياداتهاً في نهاية السيناريو تماما كما فُعل مع القذافي.
ولايوجد أي تفسير منطقي لمقتل خليل ابراهيم غير ذلك ، لان الطائرات الامريكية تطارد جوزيف كوني على الحدود مع دارفور وجنوب السودان كهدف معلن، من جهة أخرى سيزيد نشاط حلف الناتو حسب الاستراتيجية الامريكية التي أعلنها أوباما بالامس، وسيسعى حلف الناتو لتجفيف اي عتاد او نشاط عسكري جنوب ليبيا ، لضمان الاستقرار وانسياب النفط لاسعاف الاقتصاد الاوربي المنهار.
الصين على الخط وامريكا في اقليم الباسيفيكي
أدركت الدبلوماسية الصينية أبعاد المخطط الغربي وقررت العمل في أقليم الأوغادين لإستخراج النفط وأعلنت بكين عن أستعدادها للقيام بدور فعال في المساهمة في التخفيف من الازمات الانسانية في شرق أفريقيا و الصومال. ولمنحها امتيازات التنقيب في أقليم الاوغادين غضت الصين طرفها عن انتهاكات حقوق الانسان والتطهير العرقي الذي يمارسه النظام الاثيوبي على مواطنية بل باركت حملاته العسكرية ضد الصومال.
وحالياً تقوم الصين بناء مقر جديد للاتحاد الافريقي باديس ابابا بتكلفة 200 مليون دولار تقول انه هدية للشعوب الافريقية والتزمت الصين ايضاً بملبغ 500 مليون دولار لقوات الاتحاد الافريقي .
وتقوم الاستراتيجية الامريكية الجديدة برمتها على ايقاف التوسع الصيني في العالم ، وترصد الصين حاليا ما يقارب التريلون دولار كاستثمارات في افريقيا للخمس اعوام القادمة، وستنقل القوات الامريكية معظم نشاطها الي المحيط الباسفيكي بدعم من أستراليا. ويعتبر الوجود الصيني الامريكي الصيني في شرق أفريقي صورة بشعة جديدة للتكالب الاستعماري الحديث على موارد القارة الافريقية البكر.
زيف دعاوي حقوق الانسان
لا الصين ولا أمريكا يهمها نتيجة الصراع والحراك السياسي والاجتماعي في السودان والقارة الافريقية ، المطلوب حالياً هو الاستقرار السياسبي في الشمال والجنوب ، لانسياب النفط حيث يمثل بترول السودان (شمال وجنوب ) حوالي 5% من الاستهلاك اليومي للصين ، وتحصل عليه الصين باسعار رخيصة للغاية ، وكا ذكرنا سابقاً يعتبر جنوب السودان السودان الآن حليفاً استراتيجياً اقليميا مهما لامريكا يجب تأمين حدوده واستقراره قبل التفكير في استراتيجيات أو مصالح أخرى، وعلى المتحالفين في كاودا عدم الركون الي دولة جنوب السودان التي طُلب منها عدم التعاون معهم بل طلب منها التوجه نحو السلام مع الحكومة السودانية.,
خالد عثمان
[email protected]
your article has alot of facts …USA has always strategy …it’s not Obama or any polticians who shape the policy of the USA and the world ..there is a lobbyist consists of Billionaires and religious groups consists of all majors religions …USA always looking for hot spots .where there are natural resoucers and absent of democracy….the sudan will be the next if the sudanse people has not move to take what is remain of the coutry
من كان سببا في انشاء دولة الجنوب
من خان عهد الوطن وباعه قطعة قطعة
انهم الانقاذيون
وهم من سيدفعون بالشباب للهلاك امام الاله
الامريكيه ليفترضوا للشعب السطحي
انهم مهاجمون لاسلامهم ويكان السودان هو مهبط الرساله
ولن يتاخر الشعب في دفاعه عن الحكومه ظنا منه انها الوطن
يا ويلكم من تاريخ قادم سيسجل ان الشعب وحكومته ضد الوطن
المطلوب هو السلام مهما كان الثمن اهلنا تعبو في الغرب والشرق والجنوب اتمني ان يزورو الشمالية ليعرفو قيمة السلام السلام يعطيك الامل لبكرة وهدا مانفقدة
تحليل يثير الكثير من التساؤلات اولها واهمها ما مصلحة امريكا في اغتيال خليل ابراهيم وما مصلحة امريكا في استعداء تحالف كاودا وبنظرة بسيطة ايضا في الاتجاه الاخر من له المصلحة في اغتيال خليل وضرب تحالف كاودا وكل القوى التي تحمل السلاح ضد نطام الخرطوم انهم بلا شك التحالف القطري الصيني الاسلامويون والملاحدة مع ان ضرب اطور وجوزيف كوني واخرين يصب في مصلحة استقرار الجنوب يمكن ان تكون امريكا لها اليد العليا فيه واذا دخلنا هذا النفق فنحن امام استعمار جديد يتصارعون فيه على ارضنا ومواردنا
كلام منطقى وقريب للواقع :confused: :rolleyes: وتحياتى
the new face canalization is total slavery to the African by the devil worshipers and you be aware of that
اعملوا حسابكم عثمان خالد ( غواصه ) ايه الدخل كونى واطور مع وخليل ابراهيما
الله اكبر منهم كلهم و عشمنا في ربنالا حدود له. بس اهم شي الناس تلجا الى الله بالدعاء و التوبة الاستغفار ليلا و نهارا سرا و جهارا و ربنا قادر ان يزلزل عرش امريكا و الصين و كل العمالقة بس بي سونامي خفيف كدة يجهجهم و يلخبط حساباتهم كلها. امييين يا رب العالمين.
يا اخونا خالد عثمان: انا لا اختلاف معك لكن هل هذا التحليل صيحيح
و اذا كانت ذلك لماذا تركت لحكومة الشمال هذا المساحة حتى وصل
لمراحل انكار حق الاخرين وهم سكان الاصليين لهذا البلد .يا اخى
عقلية الابرتايد ليس له مكان فى عالم اليوم هذا العقلية الصحروية
والبدوية و انكار حق الاخرين و التمسك بتفوق العرقى الواهمى
هى الذى جلب لسودان هذه المصائب لا داى لدفن الرؤس فى الرمال
هذه محاولة يائسة لصرف النظر عن العصابة المجرمة المستفيدة من تصفية خليل – ومحاولة اصباغه اغتياله بقضية النفط – فامريكا يا محلل اخر زمن تبحث عن بدائل للنفط وتقود مع اخرين مجهود كبير للبحث عن مصادر للطاقة النظيفة – المهم الادارة الامريكية – ليست ساذجة و لا تتخذ قرارات التصفيات لافراد او جماعة الا اذا كانوا يمثلوا تهديدا امنيا حقيقا وهذا لا يتم الا بعد ان تأخذ اذن وضوء اخضر من الكونغرس – خوفا من المحاسبة –
وامريكا ليست لها مصلحة مباشرة في تصفية خليل – الا اذا كان ذلك ضمن صفقة مساومة مع الخرطوم -فالخرطوم اذا لم تكن مشتركة لكانت استنكرت الاغتيال – لأن ذلك ممكن ان يطول الملاحقين من المحكمة الجنائية – ولا ننسى ان خليل ينتمي لنفس مدرسة البشير والبشير اولى بالتصفية بحكم انه ملاحق بجرائم ابادة جماعية في دارفور – وخليل رمز للقضية – فكيف تحرق امريكا كرت خليل بدون مقابل – دعونا ننتظر وثائق ويكليس قبل ان نصدق قارئ الفنجان خالد عثمان – و الخزعبلات التي يكتبها اسحق احمد فضل الله
انا اايدك تماما قراءة منطقيه 100% مصلحة امريكا اولا قبل كل شى امريكا لاتعرف كونى ولا تعرف كاودا ولا تعرف الانقاذ ولا تعرف جنوب السودان ولا خليل و غيره ولا يوغندا امريكا تعلم تماما ان اذا احتاجت مصلحتها التعاون مع الانقاذ فعلت واذا تمرد علي مصالحا انقلبت عليه
أهدي هذه الخواطر الى الأخ البوشي الفارس الشجاع آملا أن تلقي استحسانه ومن ثم استحسان الشعب السوداني البطل قاطبة .. ومتمنيا لهم اجمعين موفور الصحة و العافية على الدوام .
أخوكم ود بكري
البوشي أخوي
يازول كتر
البوشي أخوي
والله عافين منك
عاد يا أخوي قولة الصدق حااااااااارة تب
ماكان يدي مكتبو للاسلاميين لكن خواف
كلامك صاح ياعالم
أبوالعفين ماقدر احتمل النضم
ماقدر استحمل تلاته دقايق وواحد وتلاتين ثانيه بس
عاوزه نحتمل 23 سنه من كضب
يابوشي أخوي
والله حدثته ونصحته لكن اللئيم طبعوا الكضب
أبوالعفين قاعد مصنقر قررررب يبكي من كلامك الكلو حكم
وعامل فيها بكتب في المنصه
يكتبك الله مع ناس سقر
يامنافق الدين والوطن
البوشي أخوي
كل الكلام .. بالحيل كتر
والله مما جانا في شهر ستة الشوم الفقّر
لاخلي يابس ولا خضر
كذب علينا مسيلمه وقال شنو
الثعلب المليان مُكر
قال للرئيس امشي انت للقصر
وانا ببيت فوق للسجن
الأشتر الماعارف الكوع من الضُفر
قفل المصانع والمزارع والبيوت الهاديه
وخلي البلد ينتحر
وفتح المعسكر تلو المعسكر
البوشي أخوي
كل الحياة عسكر في عسكر
لاخلالو بيت عايش سعيد وودا المساكين للمعسكر
لاصلي شفعاً لاوتر
البوشي أخوي
الحاج خلاااااص عجز وفتر
و تلتو ذاااتو انبتر
ساقوا ذاتو انبتر
ماتنبهر … الجاي كتير بس الصبر
قال المهضرب :-
يازول خلاص الحيل فتر
والله صعبت علينا تب وحتي مالاقين شبر
والزول خلاااص نقص في السعر
لملم دلاقينو وعشق السفر
والراديوهات مليانه بي صوت الفقر
الحال بيبكي عليهو الواعي والكان سكر
البوشي أخوي
العازة قالت عاوزه هدم وعاوزالها عرسا للبنوت البقن عاوزات ستر
يامدامنا بالله الصبر
من وين بجيب ليك المهر
من وين بجيب ليك العشق
وكيف اجيب ليك الجواهر والدرر
لا فن بقينا نتقنه
لا سياسه لا ثقافه لاكفر
بس فقر في فقر
كدي النسألك :-
البوشي أخوي
أسأل معاي ..
وناديلنا حُمّيد يسأل معانا :؟
ده منو الجابكم لينا يوم جمعه واجازة
من ياتو صنف انت يا الساكي القروش
يا من بنيت بي قروشنا العمارات والكروووش
وما خليلتلنا الّا البروش …
والزول بيمشي في الشارع يا هامي ياسارح يامرووش ..
البوشي أخوي
قصة البلد البقت فل اوتماتيك
الناس ماشه بتتكلم براها ,, فل اتوماتيك
والغارقين في الديون ماشين يتاتو ,,, فل اتوماتيك
والانسان الكرمه الله ,,, يوموا كلو مدروش
وده كلوا شان حبة قروش
معقوله ناس همها بس كيف تدفع قسط !!!
كرهتكم ..
كرهنا وشكم الغشوش
ماكن زمان في ناس وشوشهم طيبة
وين الناس ديل يا لئيم ..
البوشي أخوي
تتزكر الوش الزمانك أكان بشوووووش !!!
منو العلم الناس الكضب
منو العلّم الناس التخبط لامن انعدم حتي الأدب
لمتين تغشنا يااااا سعادتك
انت والله غضب
والله انت غضب
ونستغفر الله كلنا ..
بالله ادعوا معانا عشان ربنا يرحم بلادنا كلنا …
ياربنا ارفع عننا الغضب
عشان نشوف ناسا عزاز
البوشي أخوي
الهجرة بقت ديدن وطن
هاجروا باآلاف وغضوا عنك الرمش و الهدب
يازول يااااا…..
والفي النقط ذاتو احسن منك
علي الاقل ينبح في اللصوص
مش قاعد اليوم كله يسوط ويلوص
ويبني حوشه الباناقاوي بأحاديث ونصوص
وكلام شماشي مامرتب ويتمها جب جب جب ..
غايتو كتر خيرك المااابتعرف الجالوص
لو كان عرفتو حررررم كان شلتوا وزينتوا بالكتشب وصوص
بالله انت زول
البوشي أخوي
أسأل معاي ؟
قولوا السؤال الجاي ده ؟
انت زول عدييييل وللا بسم الله الرحمن الرحيم
أرئيت الذي يكذب بالدين ؟
ياخ ما تتمعن القران الكريم
يالئيم
ياسقيم
الله يشفيك يا الماسكك الهيم
ياجدادة شهر عشرة انت يا ديك الهميم
الله يلعن طريقتك كلها
في المذاهب الأربعه
والمعاك كلهم
الحرامية الأربعه
السرقوا المتحان وسقطوا ؟
ما اصلا الغباء حقكم
البوشي أخوي
كدي تعال معاي نزيع الفضيحه
مابقدر أراها براي
ونزيع النتايج للمدرسه المجنونه دي …!!!؟
الأول مشترك :-
عبدالرحيم راجل لئيم
وعلي الكضاب الرجيم
ونافع الضار السقيم
وعوض الطيرة الدميم
والشحات طفل العالم الثالث مصطفي العامل وسيم
الله يقبحك
بالجد الله يقبحك
بالله نبكي لامن تشوف ناس مسلمين
مالين الشوارع بالسؤال
وانت في غيك القديم
ما عرفت انك يوم ح تقابل الخالق العظيم ؟
زمانك أكان بلاقي لي شحات واحد
هسه بالالاف يالئيم
انت قلت لامن جيتوا كنا شحاتين
قصدك صيغة المثني اتنين يعني زولين
شحادين بس ,,,
لكن هسي خم وصر ,,, مليتوا البلد …
الاف مؤلفه … يالئيم
والله لو ده اسلامكم ,,, الله يهديكم اجمعين
ياكاذبون
يامدمنون
يا منافقون
يامذنبون
يا أباان دقون
انا لله وانا اليه راجعون
حسبي الله ونعم الوكيل
من ود البكري لي البوشي لي حميد لي الشعب كله الا اللئام الفوق ديل مامعانا .
أخوك ود البكري 7 يناير 2012
البشير سلم المعارضين التشادين لادريس ديبى وطلب فى المقابل التخلص من خليل ابراهيم فقامت قطر بتمويل عملية الاغتيال بالاضافة الى ان قطر وتشاد قاموا باقناع الفرنسين بتنفيد العملية
نعم هذا التحليل لامس كثير من الحقيقة المره حساسية اللحظة تجعل الآن منطقة شرق أفريقيا منطقة تكتسب أهمية كبيرة بعد الأنفلات الأمني في منطقة الشرق الأوسط وتهديدات أيران للمصالح الأمريكية في منطقة الخليج ولذلك كل الحركات المسلحة في السودان ودولة جنوب السودان ومنطقة الصومال هي حركات مهددة للسلام العالمي ومهدد للمنطقة (من وجهة نظر الإستراتيجية الأمريكي) تمت تصفية أطور وخليل في ظروف متشابهة ويقيني الأجتماع القادم لتحالف كاودا سوى إنعقد في جوبا أو كمبالا سيحبط قادة التحالف لوجهة النظر الإمريكية وربنا يستر
لاول مرة يعملوا شئ كويس وعقبال للباقين
هذا التحليل اقرب للصحة لكن امريكا دولة منضبطة فى القوة العسكرية لاتتحرك قواتها الابعد اذن
لابد ان نعلم ان البلد الان امتلات بالجواسيس وعملاء الموساد من رعايا الدولة التى انفصلت الان الجنوبيين وعملاء اخرين لاجهزة مخابرات اخري فعن طريقها تم ضرب العربة البوكس السوناتافى بورتسودان بعد ان تم وضع مواد جهاز مشع صغير لايلاحظ لكن يمكن للطائرة ان تراه وترسل اليه الصاروخ عن طريق الجذب وهذ الجهاز وضعه العملاء فى البوكس وقد صرح مسئول اسرائيلى بانهم قد جندوالجنوبيين لمحاربة تهريب السلاح عن طريق السودان على المواطنين اخذ الحذر من رعايا هذه الدولة وعلى الدولة ان تاخذ الحذروتقنن وجودهم الموساد الان يسرح ويمرح فى السودان وخاصة فى البحر الاحمر
اغتيال خليل تم بذات الطريقة ونفس الجهة المنفذة والحركة تعلم ذالك خاصة وانه كان متوجهاالى تحالف مع الحركة التى منشأها الجنوب ومقتله جاء بعد زيارة سلفاكير الى اسرائيل
الحكومة تبنت العملية حتى لاتتهم بانهافرطت فى سيادة البلاد وبانهاتركت البلاد مستباحة ولتحقيق غرض ارهاب لبعض الجهات المعارضة لكن حين رفعت الحوكة شعار الثار ولولت لانها تعلم انها لم تنفذ الجريمة وسوف تتحمل جناية جناها غيرها
البلداصبحت فى وضع سئ
اقليم اوغادين يا صديقى فى اثيوبيا للعلم و التصحيح
التحية لك اخ خالد
ان تحليلك وتناولك لمآلات الوضع في المحيط الاقليمي لدولة الجنوب في محله وان المصالح المتقاطعة في المنطقة بين العملاقين الصين وامريكا تتطلب اعادة ترتيب اوراق المنطقة بالطريقة التي اشرت اليها بحيث تتقاطع المطالح بين العملاقين ولكنها لا تتناطح ما دامت الاوراق مكشوفة امامهما
لذا تواجد المعارضة المسلحة في المحيط الاقليمي المذكور لا يخدم مصالح العمالقة هؤلاء كما سيعطل برنامج نمو الدولة الوليدة حسب ترتيبات العظام الدوليين لذا الاقرار بان مصالح دولة الجنوب يجب ان تكون في سلم الاولويات والاشارة الي دولة الجنوب بالابتعاد عن المعارضة المسلحة ضوء اخضر لاشارتك لان يكون الحدث المتوقع هو تصفية جوزيف كوني هو العمل الثالث في المنطقة بعد حادثي خليل وأطور ودليل قاطع علي ان الكبار من فعلو ويفعلو ذلك وليست حكومات المنطقة واخص بالذكر ما اشرت اليه انت في معرض موضوعك عن المهمة الخاصة للمرينز في المنطقة هي اعادة ترتيب الاوراق الامنية المحيطة بدولة الجنوب ومناطق الاستكشافات التي ذكرتها وليس لغايات الدريب بل لغايات تثبيت الاوضاع
وهنا سيصعب الامر علي تحالف كاودا والمعارضة المسلحة في المحيط الاقليمي سواء كانت الكنغولية او اليوغندية او السودانية او اي مليشيات اخري مع تنامي ضغط الخرطوم علي جوبا بالتخلي المتبادل عن دعم الحركات المسلحة لكلا الطرفين و كذلك اشارات امريكا للخرطوم بعدم دعم تلك التي تتبع لدول الجوار بالنسبة لدولة الجنوب
وحسب اعتقادي وكما اشرت انت ان الوضع سيكون صعبا علي تحالف كاودا للمعارضة السودانية وهي التخلي عنهم بادب من قبل الامريكان…وهذا يدلل علي ان امريكا او الصين مصالحهما العليا فوق الجميع وفوق ادبيات وسياسات حقوق الانسان التي تنادي بها في المحافل الدولية وفي بعض الاحيييان تستعمل كاوراق ضغط ضد كثير من الانظمة بحجج ذات توجه سياسي بحت
فاتمني ان يقرأ المعنيين في تحالف كاودا ما تعنيه بين السطور في موضوعك السر والمقنع
ما كان يضحكنى قديما ايام الهوشه والدوشه بتاعة البترول بأن بعض المعلقين وهم غمرة سكرتهم كانوا يرددون إخوانا الصينيين…وضحكت اكتر فى إحدى قرارات الأمم المتحده التى تدين الحكومه وقعت الصين لصالح القرار بضغوط غربيه صادف قيام الدوره الأولمبيه فى بكين ونفس هؤلاء الدايشين كانوا يرددون حتى أنتى يا الصين.
منتهى السذاجه والغباء وكمان عاملين فيها قرود.
ربنا يجعل كيدهم في نحرهم
العواطف ———— العواطف — ما كتبه خالد عثمان بعاطفة الجلابة الجياشة دغدغ عواطف الكثيرين من بنى جلاب تعليقات (زول ساكت والصدى اوربى وود من الله والبقية تترى):crazy:
"عن انتهاكات حقوق الانسان والتطهير العرقي الذي يمارسه النظام الاثيوبي على مواطنية بل باركت حملاته العسكرية ضد الصومال."
إتهامات بالجملة للنظام …
مند فترة طويلة ولا نسمع في الأخبار والنشرات العالمية عن حتى مجرد "قتل"
في اثيوبيا .أما أن يصل الأمر حد الى التطهير العرقي فدي كبيرة .سمعنا النظام يزور
الإنتخابات ، ينحاز لأهله التقراي …الخ لكن لم نسمع بالتطير العرقي ..فنرجو أن
تتمكن من تفصيلها لنا.
للنظام حملات عسكرية في الصومال نعم والتي تمت اخيرا بمباركة دولية .الواضح أن النظام يريد أن يحمي ظهره الصومالي في اوغادين المتنازع عليها مند تدخل سياد بري فيها وطرده بواسطة الكوبيين وبعد ظهور البترول فسوف يتشبث بها النظام اكثر فأكثر.
"وعلى المتحالفين في كاودا عدم الركون الي دولة جنوب السودان التي طُلب منها عدم التعاون معهم بل طلب منها التوجه نحو السلام مع الحكومة السودانية.,"
ودي نصيحة جيدة