– [ أظافر الشيطان ] —
اللجنة الأمنية للبشير والصادق المهدي،وشركاءهم في حكومة سفلة الهبوط الناعم على رأسها حمدوك الماسورة ، مأسوراً بواسطة شرذمة المزرعة ،والصادق المهدي ، والسنابل صنيعة الكيزان بالأسمنت والسيخ .. الخونة الأراذل، الثُوَّار المُزَيَّفين ناجي الأصم وخالد سلك ومدني عباس وفيصل محمد صالح وأحمد ربيع والدقير وعربي ومولانا التاج وطه الزغاوي ، والشايب العايب عدو الشعب الدائم بوخة المرقة ، والصادق المهدي ، وتجار قضايا الهامش ،والصاعدين على جثث الضحايا ودماء الشهداء ودموع الأُمَّهات من الاتحاديين والبعثيين والحركات العنصرية ، والإدارات الأهلية .. المعابد القديمة ، والمشيخية الدينية ،ووجع الولادة والصادق المهدي ،والانتهازيين من كُلِّ صوب ، ومن خلفهم محور الشر الإماراتي السعودي المصري والصادق المهدي ، ومن فوقهم الامبريالية الرأسمالِية وروشتات الصندوق الدولي ، ديل كلهم قادهم التحليل الأخير والحساب النهائي إلى نقطة واحدة ،اتلاقوا فيها مع الكيزان .فاصطفُّوا كلهم مع بعض في صف واحِد لهدف واحِد هو إقالة وطرد هذا الأكرم من المشهد ..
النقطة دي, هي إنو برنامج المان ده ،دكتور أكرم ، في إرساء حق الجماهير في العلاج المجاني ، ومحاربة وتصفية عصابات المستشفيات الخاصَّة ، ومافيا الدواء ، وشبكات الإجرام الصحي ومخالبهم في سوق الدولار وأظافر الشيطان في الإعلام والصحافة من العملاء الرُخَّص ، والمحظيات الرخيصات على حساب الشرف والكرامة والضمير .. ده مقدور عليهو وممكن هزيمة د.أكرم فيهو لأنو هو وحيد وأعزل من أيِّ سند أو ضهر حتى الحزب الشيوعي ما شغال بيهو ولا سانده لأنو ما عنده عضوية في الحزب ولا مسدد اشتراكات ولا بيحضر اجتماعات .. لكن المان ده بطريقته المخلصة والصادقة دي ممكن يفوِّت علينا الاستثمار والإفادة القصوى من هدية السماء الجاتنا في شكل كورونا .. البنو آدم ده بطريقتو دي ممكن يحصر الكورونا دي في أضيق نطاق ، وجذوة الثورة الدايرين نبردها بالحظر ونضعفها بالإجراءات الصحية والتدابير الوقائية ، تمهيداً لإنو نكتلها تشتعل تاني ، والشوارع ترجع حيَّة زي ما كانت تاني ..ف لازم المان ده يموت أو يفوت عشان في الستة أو سبعة شهور دي الجاتنا هدية من السماء نقدر على الأقل نخمد جذوة الثورة ، ونشغل الكنداكات والشفاتة ديل بأنفسهم وأسرهم ..
والمضحك ، المُبْكِي في آنٍ معاً , إنو كتير من الجماهير – ال وقف د.أكرم وحيداً مقاتلاً عنها في مواجهة كل هذه الترسانات الضخمة الشريرة – ابتلعت الطعم ، وتماهت في خط واحد مع أعداءها في مواجهة المقاتل دفاعاً عنها ..
“شُكْرِي”
شكري عبدالقيوم
[email protected]
اسمها مخالب .نظرية دارون فيها فجوة الانسان كان شنو قرد من ساهم في تطويره الطير طيب كيف بالحشرات والنظية صحيحة علميا .الحشرات البتطير بترك وطاشة شبكة زي الانسان الا الذبابة والباعوضة المذكورين الاستفادة شنو وينشءكم في ما لا تعلمون بعد كم يوم مات من مسخوا قردة وخنازير هم وشعورهم الاساسي اذا كانوا كالبهايم في شعورهم فهم في الغالب ما يزالون بيننا هل هم نحن ممكن جدا تبطين من الله مقبول يرفع من يشاء ويعز من يشاء ويذل من يشاء وهو السميع العليم هل للملايكة يد نعم هاروت وماروت ماذا يفعلون ويذرهم في طغيناهم يا اعمى هون الاعمى الحبشي اي هون علينا وعليك فوقت الحساب قادم هل الاعمى هو ابليس لا فابليس عاصي لله ماذا نفعل كما نفعل للحشرات المفيدة والضارة
.
“حتى الحزب الشيوعي ما شغال بيهو ولا سانده لأنو ما عنده عضوية في الحزب ولا مسدد اشتراكات .. ..”
!!yea man
افو …
!!booyaka
ما كان يباركوها … بقت على النقاطة يعنى
والله اتلوموا، معقولة دى بس!! لا حولا تن …!!
بدا الاسقاط لحكومة حمدوك باقالة الاقوياء الرافضى للاملاءت من اى طرف . لم تخرج المليونة تطالب باقالة د اكرم او البدوى . شلة المزرعة تاثيرها واضح على قرارات حمدوك . د اكرم تمت اقالتة بواسطة تاور ودعم كباشى . حمدوك لايعلم ان وجود الاقوياء دعم لحكومته وليس خصما عليها انهارت الحكومة بخروج الاقوياء