الدبلوماسية السودانية تصدر بياناً حول تأشيرة البشير الى أمريكا

إضافة للنقاط التي ذكرتها يا وزارة الخارجية أو أن أضيف نقطة سادسة:

سادسا: إن حكومة الولايات المتحدة ظلت صامتة تجاه ما ترتكبه حكومة السودان الانقلابية في حق الشعب السوداني طوال 24 عاماً من أفظع الجرائم من الابادة الجماعية والقتل والتشريد والتعذيب ومصادرة الحريات وقتل وقهر واغتصاب النساء ….

ان شاء الله ادوك الفيزا وتركب الطيارة وبعد خمسة ستة ساعات الطيارة يحصل فيها عطل وتحتاج لهبوط اطرارى و اقرب مطار يكون ليها مطار مطار لاهاى يعنى الطيار ماعندو اى خيار تانى ~ قولوا امين

زي بيانات اتحادات الطلبة

كل ماذكر عن إنتهاك أمريكا لحقوق الإنسان حقيقة واقعة
ولكن هذا لايعفي البشير القاتل أو يبرّئه من نفس الجريمة ضد وطنه
من سياق بيانكم يُشتمّ انّ الإبادة مشروعة في نظركم طالما أنّ أمريكا تمارسها
(إحتقار أمريكا للقيادات والشعوب الأفريقية) هذا هو دأب الرأسماليّة الإستعماريّة
ولكن هل أنتم أبرياء من ( إحتقاركم للشعب السوداني وكتم أنفاسه وإذلاله)
عرفنا فيكم الكذب والتلوّن والنفاق ، لكن هذه الأيّام يغمركم سونامي الرعب والجرسة

باقي لي كدة حتبقي زي الفار السكر ومشي برااااااهو للكديسة

Mutch cry little Wool

….. (ثانياً : إن حكومة الولايات المتحدة غير مؤهلة أخلاقياً ولا سياسياً ولا قانونياً لتقديم مواعظ ونصائح فيما يتعلق بإحترام القانون الإنساني الدولي وحقوق الإنسان)،
متفقين معاكم ان امريكا غير مؤهلة كما ذكرتم……….. لكن دعونا نتفق انكم ايضاً غير مؤهلين مثلها بل انتم أسوأ منها و إنتقادكم لها مضحك
ثم ألم يقل البشير أمام الملأ : امريكا تحت (جزمتي)؟ لماذا يصر على زيارة مكان تحت حذائه، و هل ستعجز امريكا الحجة لتمنعه من الدخول و هي التي تغير الحكومات و تقتل الرؤساء و تفعل الافاعيل و لا تعجزها حجة؟!!

عليكم الله هسي الزول ده لو أدو التأشيرة ح يسافر؟؟!! ولا زوبعة إعلامية ساكت عشان تشتت الأنظار عن قرارات رفع الدعم عن السلع؟؟؟..

عندما قال فرعون ( أنا ربكم الأعلى) لأنه لم يجد من يحاصصه و يناصحه. هكذا هي حال إمارة بني كوز في السودان، هم دائماً دون الرشد السياسي و الأخلاقي الذي يحفظ كرامة الشعب السوداني من عنتريات هذا المدعو ( رئيس ).
لم و لن يكن هنالك راشد في هؤلاء الأوباش و لم تكن هي لله في يوم من الأيام كما كانوا يتشدقون فقد طفح زيفهم و فاحت رائحتهم النتنه لكل ذي العقل إلا الحراميه و السواقط أصحاب المصالح الضيقه.
اللهم شتت شملهم و أجعل قلوبهم شتى و أرمي عليهم غضبك يا سامع دعاء المظلوم يا جبار.

البيان قوي ومتين .. يجب ان يعضض بمحامين كبار دوليين لمتابعة تنفيذ ما ورد في البيان بحق السودان في المشاركة في اجتماعات الدورة 68 … وهذا يرتب علي الدبلوماسية السودان النشاط المكثف والتحرك السريع لضمان المشاركة .. وهذا الان نرجو ان يثبت الدور الكبير والقوي والصائب للدبلوماسية السودانية … ان تحقق ما ارادته الدبلوماسية السودانية في بيانها وتحققت المشارك للرئيس البشير في الدورة 68 هذا يثبت الدور الذور الريادي للدبلوماسية السودانية ويسجل التاريخ لها موقفا شجاعا وامكانية هائلة للدبلوماسية السودانية .. ثم يكسر شوكة وانفة امريكا واللوبي الصهيوني العالمي وينخر جسدها البالي ويشرع ويسن لبقية دولال العالم كسر جاجز التبعية والخنوع والخوف ويطلع الحد فوق السروبة.

،(( إتخذت وزارة الخارجية الإجراءات اللازمة لتأمين الحصول على تأشيرات الدخول للسيد رئيس الجمهورية والوفد الرفيع المرافق له .))

** شكلها نفس ترتيبات زيارة “عمر البشير” لإيران” لتهنئة الرئيس الإيراني وبلدو غرقانة..!!

((القرار 1593 صادر من مجلس الأمن أرفع سلطة تنفيذية في الأمم المتحدة وهو الذي أحال القضية للجنائية الدولية (I C C)..وليس أمريكا… يا خارجية الدباب الأعظم كرتي ملك السيخ والأسمنت..

** بالنسبة للقادة الأفارقة… يا خارجية الدباب كرتي الدباب….. هاكم

وصل فجر أمس الاثنين الموافق التاسع من سبتمبر الى مدينة لاهاي في هولندا نائب الرئيس الكيني وليام روتو للمثول أمام محكمة الجنايات الدولية الثلاثاء.

وقال الرئيس الكيني أوهور كينياتا يوم الاحد انه يتوجب على المحكمة أن تعيد جدولة محاكماتها، لأن الدستور في كينيا لا يسمح بمغادرة الرئيس ونائبه البلاد في وقت واحد.

وكانت المحكمة الجنائيه الدوليه قد وجهت للرئيس الكيني أوهورو كينياتا ونائبه تهما بارتكاب جرائم ضد الإنسانية، نفاها كلاهما. وعندما طلب منهما الحضور للمثول أمام المحكمة اعلن الاثنان استجابتهما وبالفعل وصل نائب الرئيس ووفقا لطلب الحكومة الكينية فانه من المتوقع أن يمثل الرئيس أمام المحكمة في شهر نوفمبر.

العار سيلحق بمرتكب الجريمة

وقد اتهم أيضا جوشوا أراب سانغ – مدير إحدى المحطات الإذاعية – بالتحريض والمساعدة في تنسيق بعض الهجمات.

وسوف يحاكم سانغ إلى جانب روتو، وهو موجود حاليا في لاهاي، بحسب ما ذكرته وكالة الأنباء الفرنسية.

وقد نفى سانغ التهم الموجهة إليه.

وترجع التهم الموجهة إلى الرجال الثلاثة إلى أحداث عنف كانت قد اندلعت عقب انتخابات عام 2007 التي أثارت الجدل، وقتل فيها أكثر من 1000 شخص، كما اضطر نحو 600 ألف آخرين إلى النزوح من منازلهم.

وكان كينياتا وروتو في جانبين مختلفين في تلك الانتخابات، واتهم كل منهما بترتيب هجمات ضد أعضاء الجماعة العرقية التي ينتسب إليها الآخر، لكنهما عادا وشكلا تحالفا في الانتخابات التي جرت في مارس/آذار هذا العام.

ويقول محللون إن المدعين في محكمة الجنايات الدولية عززوا حملتهم لأن سعيهم لمحاكمة المتهمين الثلاثة صُور على أنه تدخل أجنبي في شؤون كينيا الداخلية.

وكان كينياتا قد أصدر السبت شيكات تبلغ قيمتها أكثر من 4.500 دولار، منحت للأسر التي لاتزال تعيش في معسكر للنازحين في منطقة الوادي المتصدع، إحدى أكثر المناطق تضررا بسبب أحداث العنف.

وشارك هو نائبه روتو في صلاة أقيمت السبت في إحدى الكنائس.

وقال كينياتا مخاطبا مؤيديه الذين خرجوا في مسيرة “سنعمل مع محكمة الجنايات الدولية، وقد وعدنا دوما بهذا”.

وأضاف “لكن يجب على المحكمة أن تفهم أن لدى كينيا دستورا، ولا ينبغي أن نترك أنا وروتو البلاد في الوقت نفسه”.

ووصف الرئيس التهم – أمام أنصاره المهللين – بأنها “زائفة، وسوف تسقط، وأن مرتكبيها سوف تعرف أسماؤهم وينالهم العار. ولن يكون الانتصار لي ولا لروتو ولا لسانغ، بل لكينيا”.

بي بي سي
____________________________

**أما مايخص جرائم أمريكا البشعة وإنتهاكاتها ..فهي ضد شعوب أخرى.. أما البشير فهو ضد مواطنيه.. وزاد عليها جنوب دارفور ـ جبال النوبة والنيل الأزرق..يا خارجية كرتي الدباب ملك السيخ والطابوق..خجلتكم مجلجله..

بس هناك سؤال اين هى الدولة نفسها التى يريد ان يتحدث باسمها فى الامم المتحدة هل هى الدولة الفاشلة التى اقامها على اشلاء ابناء الوطن ..
هل هى دولة فساد الاخوان واجرامهم وكذبهم وخداعهم ام هى دولة السودان الذى انقلب عليه وكان مثار احترام كل شعوب العالم

طيب فى الاول ارجع الى نظام الدولة لتكون عندك دولة محترمة تمشى الامم المتحدة لتتحدث باسمها ارجع المؤسسات القومية الجيش والشرطة وابعد المليشيات الاخوانية عن المدن واترك الاقتصاد ليكون حرا بدلا من احتكاره لحزبك المهترىء الفاسد وخلى عندك دستور محترم يحترك كل الحقوق ويحكم بين الناس بالعدل لو بتقدر على مثل هذا يمكنك اقامة دولة تستطيع ان تذهب لتمثلها فى الخارج وهذا ما تفتقده يا متهم

“عليه تود وزارة الخارجية الإعراب عن رفضها وإستغرابها للتصريحات غير المسؤولة”

غير المسئول هو الذي يرهن قرار كامل دولته ومستقبل شعبها بمصير شخص فرد واحد “المشير البشير” ورغم ثبوت التهم الجنائية الواضحة الموجهة إليه وتعمده التهرب والهرب من مسئولية المثول أمام مدعي عام المحكمة الجنائية، وهو ليس بأفضل من رئيس كينيا ونائبه الذين أحترموا قرارات المحكمة ومثلوا أمامها.
غير الأخلاقي هو أن يقوم رئيس دولة محترمة وعضو بالأمم المتحدة بأستقبال مجرم هارب من العدالة الدولية لمحكمة احيل إليها الموضوع بموجب قرار بالإجماع من مجلس الأمن الدولي التابع للأمم المتحدة.

الجقلبه شنو

الناس ديل قالوا ما تجى انت يا البشير شخصيا رسل ممثل ليك بس

لكن انت زعلان عشان انتو اكتر حكومه متعاونه معاهم فى المنطقه وسلمتوهم ملفات بتاعت عشرات الارهابيين الكانوا معاكم فى السودان فى يوم من الايام ودا كلوا عشان يقربكم لامريكا لكن بعد دا بدوكم بالبوت

يوما بعد يوم أكتشف أن نظام المؤتمر الوطني كتلة متدفقة من الغباء والبلاهة,كم هائل من المغالطات وقلب الحقائق ومحاولة بائسة لتغطية عين الشمس بالغربال.مهما فكرنا ومهما اختلفنا يبقى بيننا وبين الولايات المتحدة فروقات كبيرة في المفهوم الأجتماعي و التنمية(الضمان الاجتماعي وحرية التعبير والمساواة والدستور الذي يحمي الشعب) .فهم ديمقراطيون وقياداتهم أشرف من قيادات المؤتمر الوطني.المؤتمر الوطني يوجهون بنادقهم ضد أهلنافي(دارفور،جبال النوبة)هذه حقيقة واضحة للجميع وهذا الامر لا ينكره الا منافق. قيادات المؤتمر الوطني سفاحين بالوراثة لان موروثهم الجيناتي أو التاريخي هو كذلك.إن إستعراض عضلات اللسان والبيان لتبرير مثل هذه الجرائم هي مؤشر على تبلد المشاعر الإنسانيه والإنحطاط لأدنى درجات سلم الحياه.هل ما زلتم تعتقدون أن الناس ما زالوا أغبياء لتصديق شعاراتكم الخرقاء و إدعاءاتكم الخشبية البالية؟..الولايات المتحدةأرحم منكم جميعاً و أكثر تحضراً و إنسانية بما لا يقاس.. كفى أوهاماً يا عصابة الفساد و القهر و الظلام.

للاسف يا أمريكا السودان والسودانيين هم أساتذة القانون ,,,,, والكل يعرف هذا

والدليل علي ذالك الكلام المكتوب أعلاه والأدلة الدامغة التي لا تستطيع أمريكا ولا غيرها إنكارها

نتمني من الرئيس أن لا يسافر وأن يكون في بلده معزز ومكرم ومافي داع لمضيعة الوقت مع أناس هم أنفسهم قتلوا وشرودوا الملايين

عموما رينا يحفظ رمز البلاد باذن الله وبستغرب من الناس البتتمني أن يتم تسليم الرئيس والبعض يهذي ثورة ثورة زي كأنوا الدول التي ثارت تقدمت أو أستفادت من ثورتها

والله من وراء القصد . لكم ودي

دا فعلا آخر الزمن، علي كرتي ( تاجر الاسمنت الحرامي ) وشوية هلافيت بتاعين كيزان في وزارة (الخانجيه)( حسب ما ينطقها وزيرها كرتي) عايزين ( يلكشروا) الامريكان في القانون الدولي!

الهلفته والتهافت بقوا يتبروا منكم…

خلاص خلوا ( أمريكا قد دنا عذابها) وبقوا يتهلفتوا علي تاشيرتها…!

أمريكا ليها حق ترفض.. يمكن اسد افريقيا والعرب ماشي ( يعذبها)!!!!

والله لو تمت مشى ورجع ، يكون بعد دا فهمكم كمل يا مرتزقة يا مرتشين يا الجاريين وراء الأوهام وتسمعوا في كلام ما بقدم البلد لي قدام ، أحسن تختوا يديكم مع أيادي كل الشعب السوداني للتقدم للأمام وما تبقوا تجعجعوا في الفاضي خلوا تكون عندكم آراء هادفة وفي مصلحة الوطن

عمر البشير ده قايل اميركا دوله بدون قانون وهل مسألة رفض الولايات المتحدة للمحكمة الجنائية لحماية الرئيس ضد القانون … وهل كان البشير سكران عندما سألت العدالة الأمريكية بيل كلينتون ..زوهل سأل الرئيس نفسه عن العفو عن مغتصب فتاة الدويم وهل هل يستطيع اوباما العفو عن مغتصب فتاة امريكية
عمر البشير انت عسكرى جيت بإنقلاب أستقيل وريح الناس وما يغرك المطبلاتية لقد كان للقذافى رؤساء دول مطبلاتيه
عمر البشير انت عسكرى جيت بإنقلاب أستقيل وريح الناس وما يغرك المطبلاتية لقد كان للقذافى رؤساء دول مطبلاتيه
عمر البشير انت عسكرى جيت بإنقلاب أستقيل وريح الناس وما يغرك المطبلاتية لقد كان للقذافى رؤساء دول مطبلاتيه

عشان ياكدوا لينا مرارا وتكرارا ان القصه وما فيها
كلها استنكاح وضحك علي عقول الشعوب التي ليس لها غير الله
ونسال انفسنا ياجماعة الخير سؤال منطقي جدا
ماهو السبب في اصرار الحكومة السودانية في الحصول علي تاشيرة
لدخول البشير الي امريكا ومش اصرار وبس اصرار واصدار بيانات تتهم الادارة الامريكية
بكل ما هو سئ وقبيح
وفي نفس الوقت تلميحات بالرفض من قبل الادارة الامريكية باعطاء التاشيرة للبشير
الادرة الامريكية وممكن تكون بتعليمات من اوباما شخصيا والله اعلم لا تريد القبض علي البشير
خلافا لذلك اذا كانت تريد الصبض عليه لسمحت له في كوووووول الهدوء بالدخول ( وكرب رب وانتهي الامر الذي فيه تستفتيان)
والبشير وجماعته لقوه فرصه لفضح مواقف امريكا بان مواقفها من امر القبض عليه ( كلام ساكت)
وانو الفرصه جات الان لفضح امريكا من هذا الموقف وجماعة البشير سوف يتمادون في نقد وامريكا واحراجها والهجوم عليها بالفم المليان لانو عندهم بالتاكيد ما يثبت نفاق امريكا في مسالة اعتقال البشير
وفي النهاية سوف تخشي امريكا علي سمعتها المضعضعة من قبل هجوم الجماعة ديل
وسوف تستجيب وتعطي التاشيرة تحت ذرائع وتبريرات واهية
و ولا حد شاف ولا حد سمع وهكذا السياسة ولا بلاش
شفتو شطارة ناس الانقاذ

يا اخوان الزول دا كذاب مابيمشى امريكا دا كﻻم ساكت نفخ فى الهواء داير يعمل نظرية الشوفونية يعنى بالعربى كدا زى حماقة الجعليين انا متأكد لو سمحو له حيجد مبررات امثال الفتاوى التى تصدر من علماء السلطان بتحريم السفر وتحليل الربا يا اخوانا نحن فى بلد وحكومة شغالة بسياسة رزق اليوم مافى خطة ممنهجة وﻻ مدروسة عشان كدا دا كل كﻻم هوا ساكت وذى ما قالوا عن المحرش ما بكاتل والله هو عارف مصيرو شنو لو وصل هناك عشان كدا تبلهلعت الموتى والمقهورين والمظلموين تﻻحقة عشان كدا لقى اﻻجتماع دا سبب عشان تكذب للشعب السودانى وتقول امريكا رفضت دعوتى والشعب السودانى يعلم ان الحكومة اﻻمريكية تستضيف اﻻف من الشعب السودانى على اراضيها كما قيل سابقا اذا ابنك الديار فلله الف ديار تبا لك

خلى بالك الموضوع بتاع تاشيرة الدخول إلى مقر الأمم المتحدة فى نيويورك والسفر إلى أمريكا هو بالضبط لإلهاء المواطن السودانى عن شغلانية رفع الدعم ليس إلا.

خلوهو يمشي يا جماعة الخير …..
قطر ودعجيب ….
ومعاهو نافع زيادة مجانية ….
اصلو السمك لمن يشبع بيقفز

أتمنى أن يتمكن من الذهاب لإنو الزول دة كل ما يمشى لمكان بيرجع ليهو بفضيحة،، عشان كدة عايزين نشوف فضيحتو فى نيويورك حاتكون شنو وقدر إيه،،،

ذهابه إلى هناك سيثير مظاهرات صاخبة ما أنزل الله بها فى نيويورك من قبل وأصلو الجميع هناك من سودانيين وأمريكان مسخنين وجاهزين ليهو،،،

بعدين برضو فرصة لوداد التسوق فى أفخر محلات التبضع فى مانهاتن ومتجر الماس والذهب التى يملكهااليهو،،د ما أصلها فلوس هايفة وأصرف يا عم وجر الشوك فوق جلد الشعب المسكين،، بلا شعب بلا بطيخ،،

إقتباس
خامساً : يتمسك السودان بكامل حقه في المشاركة على أعلى مستوى في إجتماعات الجمعية العامة للأمم المتحدة للدورة 68
ــــــــ
أيواا أبقوا رجال مرة واحدة يا كيزان في حياتكم وخلوا أسد أفريقيا يسافر
جنس ههههه هي لااامن ههههاي

دا الدبليو سي WC … و دي الدبلواسية ولا بلاش…

الزول ده بعد ده يا اصيب بالزهايمر او الكيزان ديل زى ما هن مريسنو متيسنو عاوز يضحكو عليهو بقى المسكين يذكرنى حبوبه من الحبوبان كانت جمبنا فى الفريق تقول لى اولاد اولاده ودونى الخرتوم يوقوها يلفوا بيها البيت ويدخلوها تانى ويبدوا يسلمو عليها وحمد الله على السلامه وهى تفتكر نفسها وصلت
ده نفسو الحاصل على صاحبنا ده ولسع الراجيهو كتير كتير وهو وعصابتو ان شاء الله

الأمريكان ما يدوهو التأشيرة ويقبضوهو في المطار !! هم دايرين مين يقبضو ليهم..

عاوز يعملوا عنتريات فارغة عشان يغطوا خيبتهم في نيجريا والسعودية وكمان يشغلوا الشعب عن الزيادات في الاسعار ويجينا الاهطل عبد العاطي ولا شيطان الخلاء الاسمو امين ويفقعو مرارتنا الرئيس كان ماشي الا بس امريكا والعملاء اولاد الكلب والصهيونية العالمية ومش عارف شنو داك خافو من كلام الرئيس داك ودقي يا مزيكا

كلمة حق اريد بها باطل ؟؟؟؟؟؟؟ هذا هوالبيان بإختصار

السيد الرئيس متعه الله بالصحة والعافية من حقه ان يمثل السودان كما في بيان وزارة الخارجية

السيد ماشي هناك ويكلمهم كما كلمهم القزافي ماب يخاااااااااااااااااااف

حرم ام مشيت راجل ام قعدت راجل

ياجماعة الخير موضوع التاشيرة ده وراءه اسود الوجه والقلب على عثمان عايز يركب بشه وفرده بكرى ونافع التونسية لكى يجلس على الكرسى ؟؟؟ والله يكضب الشينة

اليشير قبل رجع من نجيريا هاربا من كمين الجنائيه وهسع داير يمش للحوت فى بيتو ؟ظدى جعوليه خلى يمش ساى نشوف درب الرجعه كيف يكون زى ما فال الشاعر كيف الرجوع للزول قنع

اتحداك يا كرتى لو البشير مشى الولايات المتحدة….اقطع يدى واضعها على طاولتك ياتاجر الاسمنتى.
خارجية من المحجوب ومنصور خالد لعلى كرتى اسمنتى عطبر سيخ

يا بشة والله حيرتنا ، داير تمشى امريكا عشان تثبت لينا شنو؟ قطر عجيب يودى ما يجيب ، لو تمت السفرة دى اكيد تلحق المرحوم نميرى بس المصريين ما بلموك شوف بلد تانى تنزل فيه طيارتك و تشاد انسب مكان ليك لانو صاحبك ديبى يشوف ليك عروس كمان بلاوى تخمك.

(فإن تلويح الإدارة الأمريكية بموضوع المحكمة الجنائية لإعاقة مشاركة الزعماء الأفارقة في المناشط الدولية ، يعبر فقط عن إحتقارها للقيادات والشعوب الأفريقية).
ههههههههههههههههههههههههههههه الناس ديل هبل ولا بدعوا العوارة ولاشنو ؟؟؟!!
هل هم بحترموا الافارقة الفي السودان ؟؟!!
آخرهم الشهيدة عوضية لانو لو قعدنا نحسب للصباح ما بنخلص .
ثم ثانيا ياكيزان ياتيران يا غجر الناس البتخاطبوا فيهم الانسان الافريقي خلوهو رئيييييس للدولة
باي حق جايين تتكلموا .
الاختشوا ماتوا .
هههههههههههههههههههههههههههههه في حاجة اسماء اغبياء او بلهاء ،اما التمتع بالغباء والبلاهة انا مالقيتو الا عند بني كووز .
الله يخلصنا منكم

غايتو مرات مرات بيعتريني شعور أن الإمريكان ديل أبلد من يمشي على الأرض . قولو لي ليييى؟ مش كان المفروض يسكتوا ساكت وما يعملوا أي غاغا وقومة وقعدة ويقولوا ليهو حباً وكرامة وفيزتك جاهزة لأنك إنت جايي الأمم المتحدة ونحن كأمريكا ما لينا أي دخل.
أكان دقَّ صدرو ومشى تكون القلوبية قبضت طيرة الدباس.
وأكان إنفزر ودقَّ ياي تكون أمريكا عملت العليها وتقول ليهو يخسي عليك نديك فيزا وتجي وتغني ليهو ما قالوا بيجي مالو ما جه والشعب السوداني إكون عرف الفولة وما تنطلي عليه حيِّل التغييب والنجهيل ويخلي بالو من قصة رفع الأسعار ويقول قديمة يا صاحب المغلق.

مأزق الحمار والبردعة وفرصة الفيل في أن يصرعه

هم فاكرين السودان دة بقي دولة خلاص ياحليك ياسودانا ويا حليل المحجوب والزعيم الازهري نحن دولة نكرة اصبحت مطلوبة للعدالة الدولية وندفع فاتورة سياسات هذه العصابة المجرمة والامريكان لو عاوزين بكرة يجيبوا هذا الفار الهارب لجابوه بس عاوزين ازلونا
وكذاب ياكرتي انت وخيشة بتاعك دة وهو لو قرر يسافر الجنوب بكون بمباركة امريكا وكفاية كذب ونصب

يا بشبش بتاشيرة او بدون تاشيرة حتدخل امريكا انا عارفك انت جعلي …….. يلا خليك راجل وتوكل الي نيويورك عبر لاهاي ….. قطر عجيب يودي ما يجيب …….. والله يا بشبش لو جابوليك التاشيرة في مقرك ….. قالو ليك نيويورك قربناها ليك مسافة مدني ……. انا متاكد حوش بانقا حيبقي ضيق جدا

والله كلام تقيل وفى الصميم والولايات المتحدة تصمم وتفصل القوانين على حسب مقاسها فى كل مناسبة واللعنة عليها وعلى هبيدها ومستعبديها

Itis true the United Nation at New York is not American land, the problem UN will not allow such visa to be issued .

خالص التحايا الأخ معاوية ،

أسمح لي بإقتباس تعليقك (للإستشاهاد به) :

[الزول ده بعد ده يا اصيب بالزهايمر او الكيزان ديل زى ما هن مريسنو متيسنو عاوز يضحكو عليهو بقى المسكين يذكرنى حبوبه من الحبوبان كانت جمبنا فى الفريق تقول لى اولاد اولاده ودونى الخرتوم يوقوها يلفوا بيها البيت ويدخلوها تانى ويبدوا يسلمو عليها وحمد الله على السلامه وهى تفتكر نفسها وصلت ، ده نفسو الحاصل على صاحبنا ده ولسع الراجيهو كتير كتير وهو وعصابتو ان شاء الله]

محكمة الجنايات (و أمريكا) لو كانت تريد مصلحة السودان ، لقامت بواجبها بصورة أكثر إحترافاً ، و لأصدرت لائحة بأسماء المسؤولين المتورطين (المتهين) مباشرة بملف دارفور ، و لديهم كافة الأدلة و الشهود و القوائع التي تمكنهم من ذلك ، و التي كانت ستشل النظام و بالتالي ستجر المحاكمة و التحقيقات الرئاسة .
إصدار لائحة أسماء بالمتهمين ، كانت ستشل حركة المسؤولين المتورطين ، و بالتالي ستشل النظام (حظر السفر و خلافه) ، و كانت ستحقق العدالة لأهنا بدارفور . و أكيد كانت ستنال من الرئيس (هذا إذا لم يبعيهم و يبقي شاهد ملك) .
لكن أمريكا قصدت إتخاذ هذا المسلك (عصاية قايمة و عصاية نايمة) ، لإستخدامها ككرت قوي لتركيع النظام و تمرير المصالح الأمريكية . يعني لا همهم مصالح أهلنا بدافور و لا السودان .

إقتباس “إن حكومة الولايات المتحدة غير مؤهلة أخلاقياً ولا سياسياً ولا قانونياً لتقديم مواعظ ونصائح فيما يتعلق بإحترام القانون الإنساني الدولي وحقوق الإنسان”
“إستهداف المحكمة الجنائية الدولية للقادة الأفارقة المنتخبين بصورة ديمقراطية من قبل شعوبهم ،”
سيد كرتي حكومتكم ليس لديها أخلاق أصلاً انتم أخر من يتكلم عن الأخلاق ثم أن من هم القدة المنتخبين ديمقلااطياً من قبل شعوبهم هل هم الذين قتلوا مئات الآلاف من شعوبهم بعد أن استولوا علي السلطة بالقوة ياخ إختشي