قصيدة جديدة للشاعر أزهري محمد علي .. ما دايرين معاكم
الشاعر السوداني أزهري محمد علي، وقصيدة جديدة..
مادايرين معاكم
بتلتوا وتعجنوا
ده حواركم براااكم
من قاعة الرئاسة
للقاعة الوسيطة
حواركم حواركم
تبرئ ادينا منو
بي لوزا وسبيطة
ونحن فترنا ذاااتو
كل ماالحالة ضاقت
تجروا تسوء عيطة
دخلت نملة خرجت
شالت مخرجاتو
وحواركم حلااااتو
ظيطة وظنبريطة
لاشقالو جدول
لا قوم لو حيطة
في الفارغة وملانا
يسفك في دمانا
دانا وراها دانا
في الحرب العبيطة
الأوطان أمانة
وخايفين نحن منك
خايفين من يتور
هوس السلطة جنك
وخايفين من تصيبنا
بي عدوة الخيانة
الأنفس ضعيفة
والالسن سليطة
تغنوا ولا كانه
في البال شعب طيب
ضاقت بي الوهيطة
سنين وسنين تنقوا
حلال وحرام تمقوا
ونحن نموت عشانكم
هو انتوا بتستحقوا,?
ذي النار تبقوا
أخضر ولايابس
تأكل كل حاجة
في وجهه البسيطة
ياويلكم حليلكم
من حق الغلابة
والناس البسيطة
يا أستاذ تسلم ان شاءالله كلمات بسيطة لكنها ذات معنى عميق الناس ديل يا أستاذ بقى جلدهم تخين وما بفهموا الله يعين الشعب السودانى عليهم
ياسلام
اقتباس[..وحواركم حلااااتو… ظيطة وظنبريطة…. لاشقالو جدول…. لا قوم لو حيطة] والله فعلا شق ولا فتح جدول ولا قوم حيطة ولا صريف.. الله يكون في عونا
شكرا يا مبدع
شكرا أستاذ أزهري .. منهم لله .. ليهم يوم
لا تقنطوا. ننتظر مخرجات الح..ار.ابقوا بعيد.
يا ريت الشعب استفيق الانتخابات الجايه ما اصوتوا للحكومه الطلعت زيتنا دي
ياويلكم حليلكم (ياويلكم من حق الغلابه التعابه الهجروا البلد والوالد والوالده والولد )
يا سلام عليك المبدع ازهري محمد علي لكن …وفي النفس شئ من حتى واخر القصة لسة …الكيزان التافهين قربو ليهم يوم يا مبدعنا ازهري …الحكايه قربت