بنك السودان : جمدنا أرصدة 42 من التجار المضاربين في العملة،وسيصل العدد الى 76.،،نتحرى بشأن صلة 27 حسابا مصرفيا بالمحاولة الإنقلابية

عندنا فى السودان مثل قديم بقول : اذا البتكلم مجنون البسمع عاقل
فيا مجون وزارة المالية اى دولة تقدم لك قرض وتحت اى بند من بنود انفاقاتها ؟ واذا انت ما عاوز تصرح عن الدولة فالدولة المقرضة لك سوف تصرح لشعبها ولا انت فاكر كل الدول زيكم يبيعو فى شعبهم وقوتهم من غير اى توضيح؟!! فيا عجبا من التصريحات
ياخ خليك قدر المسئولية او تنحى عنها وينولك ثواب

قمة التخبط فى الاقتصاد السودانى ياسيادة الوزير حبل الكذب قصييير وقبل كده قلت فى دولة اعطتنا قرض كبييير وطلع كلام فشووووش والان برضو كلامك كذب والا وضح بكل شفافية من اين اتت القروض وماهى الفوائد واوجه الصرف انت قايل نفسك قاعد تدين للشركة خاصة انت بتدين نيابة عننا عايزين الشفافية ماهى فوائد القروض وطريقة السداد ؟ والله شي قريب امر هذه الوزارة اسرار فى اموال تدخل البلد واهل البلد ماعارفييين مصدرها وين حاتصرف عليك الله يا على محمود استقييييل وريحنا من هذا الهراء بصراحة انتو ماتديرو ميزانية عزابة خلى دولة تنحو يرحمكم الله

شوفو الخبر دا شهر خمسة الفات
الخرطوم ? قال وزير المالية السوداني علي محمود أنه يتوقع انخفاض سعر الدولار في السوق خارج المصارف إلى 50% من قيمته الحالية، لأن الحكومة ستقوم بضخ مبالغ مالية كبيرة من المورد المالي الذي توفر لها. وقال الوزير في تصريحات صحفية أن بلاده حصلت على مورد مالي أجنبي ضخم من أحد المصادر الخارجية لتوفير النقد الأجنبي ، رافضا الإفصاح عن حجمه والجهة التي قدمته للحكومة. وكشف أيضا أن وزارة المالية والاقتصاد بصدد إعداد حزمة سياسات اقتصادية ، والدفع بها لمجلس الوزراء والبرلمان قبل حلول شهر يوليو القادم لإجازتها واعتمادها كسياسة بديلة لمعالجة الأوضاع الحالية، وسد الفجوة في الإيرادات ، وفى مقدمة ذلك رفع الدعم تدريجيا عن الوقود . الشرق

هذا الوزير لم يقل حصل السودان, إنما قال ( حصلنا ) إذن فالمال مالهم هم, وبالطبع ما حصل عليه من أموال لن يؤثر في حالة المواطن المعيشية طالما لم تحصل من قبل وأموال البترول كلها كانت بأيديهم !! وإن كان صادقا لذكر حجم القروض ومن أين أتته , فالشعب مغيب في كل شيء .
أما تجميد أرصدة التجار والتحري عن بعض الحسابات هذا هو السبب الذي جعل قطبي المهدي يضع فلوسه تحت عباءته في المنزل كأنه يقول خير لماله أن تأكله دابة الأرض من أن تأكله دابة الإنقاذ.
هذا التصريح موجه لأصحاب الصرافات باخراج ما عندهم حتي ( تكاوش ) البنوك علي المعروض من النقد الأجنبي في الساحة, لكن هذه الطريقة فشلت من قبل ولم يكن لها تأثير إيجابي علي قيمة الجنية أمام العملات الأخري, كما أن سياسة حجز الأموال والتحري عن الحسابات ستكون سبباً لأصحاب الأموال بتهريبها خارج البلاد حيث الأمن والأمان.
بعد هجرة المواطنين عن السودان حانت الآن هجرة أصحاب رؤوس الاموال أيضاً.

نحن الشياطين السبعه ابطا الالغاز الموضوع كلو لغز في لغز حاولو تحلوهو معانا الدولة المستلمه الفلوس ما حتصرح عن المصدر ليه؟؟؟؟ هل هو من المافيه الايطاليه ام المافيا الروسيه ام غسيا اموال نحن بلد غسيلها ؟؟؟ قطعا ما دولة لان الدول عندما تقرض قرض تذكر ذلك لشعبها وتحت احراءات برلمانيه بتصديق منح القرض او اجهزه رقابيه متعدده ؟؟؟؟ السؤال هل القرض من المافيا بانواعها ام قروض من احد اعضاء المؤتمر الوطني للفلوس المهربه الي ماليزيا يمكن تدخل في شكل قروض وبفائده عاليه سرقت من الشعب السوداني ثم رجعت لتدور في ارباح جديده !!!!! ام قرض كضب كضب شغله معموله ساي لتخويف التجار ليتصرفوا بالبيع في الدولارات التي بحوزتهم حتي ينخفض سعر الدولار في السوق نهيب ببقيه الزملاء العشره للمشاركه لحل لغز السودان المحير.

يعني لو ما عملوا انقلاب ما كان صادرو وهم كانوا عارفنهم حرمية بل ادوهم فرصة التمكين حسبنا الله ونعم الوكيل

الشعب فقد ثقته في نظام يتحرى الكذب ويمعن في الكذب لأول مرة في علم الإقتصاد نسمع بقروض ” لتحسين ” قيمة الجنيه الهالك سمعنا بقروض لإنشاء بنية تحتية أو إقامة مشاريع تنموية أو خدمية أو صناعية أو زراعية هذا هو المتعارف أما جلب قروض لضخها في السوق لتعزيز قيمة الجنيه فهذا هو الدجل بعينه

You are not managing a private copmany, u r the governor of the central bank. Transparency and Accountability obliged you to tell the public every thing about this fictious loan.

الغبي هو من يودع امواله في بنوك السودان البلد دكتاتوري شمولي لا وجود للقانون في وانما هوا وجود لاشخاص متنفذين بين ليلة وضحاها يستطيعو ان يجعلو اعز الناس ازلهم

حصلنا على قروض كبيرة بلغت ملياري دولار آخرها أمس ونرفض الافصاح عن حجمه.!!!

والملياري ديل موش الحجم ولا تكون دي الوزن يا ربي !!!؟؟؟

انتو فاتورة القمح ما قلتوا مزقتزها زمان الحصل شنو؟؟؟
قمحكم بار والا اكلوا الفار ؟؟؟؟؟؟

اذا كان استيراد القمح فى العام يكلف 2.5 مليار دولار لماذا لاتدفعون هذا الميلغ الخرافى لزراعته فى السودان ؟ ليكفى حاجة السودان وتصدرون مازاد عن الحاجه . لكن كيف ولماذا تعملو كده لانو فى واحد من الكيزان الحراميه مستفيد من استيراد القمح وله نسبه ذى ما انو كان صلاح قوش بتستورو عن طريقه الجازولين وله نسبه وصلت الى مايقارب 2 مليون دولار.
كفاكم سرقه كفاكم كزب كفاكم تلاعب على المواطن
ازهبو الى الجحيم

هذه الاموال التي تمت سرقتها وتم ترحيلها لماليزيا
وبعدين بدل ما نوم في البنوك قالو احسن ندين الشعب المتخلف عشان ينظفو هذه الاموال الوسخة
نحن خليناكم لله سبحانه وتعالى

يا كذاب يا منافق يا لص ،،، هو بفتكر إنه بي تصريح زي ده أسعار الدولار حتنزل مقابل العملة الوطنية ،،،

درسنا فى المدرسة الاولية قصة محمود الكداب والدى يردد كل مرة هجم النمر. هجم القرض يامضاربين وكل فترة يردد مقولته حتى صار كدابا بحق وحقيقة.
واموال صلاح قوش دى مااكتشفتوها الا بعد المحاولة التخريانقلابية. وياترى كم قوش يمشى بينكم الان؟

الـــجــــــــاآآآآآآآآآآآآآآآآآآآآآك .. يا حــــليل مســــيلـمــه الـصـــــادق !!!!.

نفترض يا أخواننا (وإن كان اليومين ديل الافتراضات كترت وبقينا دولة افتراضات) أن هؤلاء حصلوا على 2 مليار + المبلغ الذي رفضوا الإفصاح عنه فلنفترض أنه 3 مليار دولار يعني المجموع 5 مليار دولار، حسناً يا أخواننا الإنقاذ لها أكثر من 23 سنة في سدة الحكم واستلموا مئات بل بلايين الدولارات وهانحن نحسب مع الدول الأكثر فقراً والأمور رايحة لأسوأ كل يوم، طيب ماذا ستفعل هذه الـ 5 مليارات دولار، هل هذا المبلغ يكفي السودان لمدة ستة أشهر أو عام أو ……. ، ثم ماذا بعد ذلك؟؟؟؟؟؟؟؟؟؟
يا أخواننا الناس ديل بصراحة كدا أعلنوا إفلاسهم لأنه ليس من المنطق أن يعتمد اقتصاد البلد كله على قرض بـ 2 مليار أو 5 مليار وبعد دا كله يتبجحوا بيهو ويبشروا الناس بحل الضائقة الاقتصادية التي تعيشها البلاد وباستقرار الأسعار…………… نعتقد أن هذا دليل جازم بأن هؤلاء الخونة قد ضاقت بهم كل السبل ولجأوا للشائعات لكن زي ما بقولوا المصريين (يا خبر الليلة بفلوس بكرة ببلاش)، فانتظروا فإنا معكم من المنتظرين…… وبكرة ستظهر نتيجة هذا الكذب ولا ندري ماذا سيقولون بعدها………

العملية بقت فيها اسرار كمان؟
حسنا المرجو ان يسددها احدكم سرا من حساباته السرية

لازم نستعين بالمحقق كونان والشياطين التلتاشر والمغامرون السبعة وادهم صبرى رجل المستحيل والمفتش كلومبو… عشان يحلوا لينا لغز الحاجات الغريبة الحاصلة فى البلد دى…. شى قروض ما عارفين جاية من وين ولّلا ماشة وين…. وشى تجنيب مالى لمؤسسات الدولة…. وشى شركات رايحة ما لاقينها اصلاً….
ونحنا قاعدين… و هم يسرقوا فى بلدنا.. ونحنا لسه قاعدين.. نتفرج فى مسرح الّلا معقول.. نحنا فى السودان زى ألس فى بلاد العجائب ..

يا أبوي ديل بالعين طرق وكباري والله الدولارات كوريكة البطن ما تشيلها

قالوا فاتوره القمح تكلف الدوله 2,5 مليار .
انتو الناس ديل بوزع قمح مجاني سنويا ولا شنو
بالله ياناس الراكوبه اللي عارف التوزيع وين يورينا ما تغنجو علينا.