(عشان نسدد ديون الحكومة)

يا الطاهر يا خوي ديل عصابة ، كل واحد يشوت للتاني عشان ما تعرف العلة في منو فيهم ، العكد دا ما بلعب براهو وأكيد عنده ضهر قوي بيحميهو سواء كان هذا الضهر في وزارة المالية أو البنك المركزي أو خلافه ، وبكرة يطلعوا ليك بي قصة أو سيناريو تبريء العكد وجماعته كلهم ، وما بعيد كمان العكد يفتح لك بلاغ إشانة سمعة ويشوف ليهو وكيل نيابة من عصابته يرسم ليك قضية كاربة ويمشي كمان لأي واحد قاضي من أصحابه يحاكمك بالسجن عشرة سنوات ، يعني باختصار كدة إنت الحاتروح شمار في مرقة لأنه العكد وعصابتو ما بنقدروا

المناضل الطاهر ساتي اقول لك مناضل لان النضال بالقلم اجرأ من النضال بالسيف . نتمني ان تجد كل كتاباتك صداها وان يحكم كل مسؤل ضميره ويخاف الله في هذا الشعب الصابر الصامد لان الدنيا فسيحة واسعة فاليتذكروا ان هناك قبر ضيق وسؤال قبل كل شي وما الدنيا الا متاع الغرور.

رد من البنك المركزى:
السيد/ الطاهر ساتى
بعد التحية
كلامك صاح لكن خايفين من افلاس هذه الشركات وبعدين مانلقى غيرها
هذا للعلم وشكرا لجهودك الصحفية ونقدر حبك للوطن والمواطن
سودانى شحاد قاعد فى ضل البنك

رد من وزارة المالية
السيد الطاهر ساتى
كلامك صاح لكن نحن مقيدين بفقه السترة
لذا لزم التنويه
وشكرا
رد من المؤتمر الوطنى
كلامك صاح لكن هذه الشركات ملتزمة بسداد استحقاقات المؤتمر الوطنى وملتزمة بسياسات فقه السترة ولحس الكوع
نشكر لك جهودك وحبك للوطن والمواطن
امانة الاعلام

امبارح اتفضحت فى التلفيزيوت يا الطاهر ساتى اتهمت الناس على اساس القيل والقال وانت بتقول الشركات تدفع ايجار المجلس هو المجلس ماكان موجود 2008؟؟؟؟لصالح من تلعب استاذ وكلموك ان بنك السودان مابوفر سيولة والدولار بيضرب بالسعر الموازى اللهو مامعروف كم وانت عارف مافى دولارواى زول فى السودان عارف انو مافى دولار يجيبو الدواء من برة السودان بشنو ؟؟؟؟لصالح من تلعب استاذ اما لنسبةالواحد فى المائة لاعلاقة للشركات بها فهي تحت اشراف وزارة المالية يافاضل لاتسعى الى تضليل الناس ؟؟؟؟لصالح من تلعب استاذ ..ياجماعة يجب ات نفكر قبل ان نكتب فالقلم امانة وانت مسؤل مما تكتب امام اللة

التحية إليك أ / الطاهر ساتي
لدي ملاحظتان حول الذي دار في حلقة حتى تكتمل الصورة وهي :
1- كان هناك اعتراف أنه لم يتم العمل بلائحة تسعيرة الدواء المجازة رسمياً ولم يتم العمل بها إلا بعد الاجتماع الطارئ. وهذا يعتبر مخالفة واضحة يجب أن ترفع فيها قضية وتأخذ العدالة مجراها حتى لا يفلت المتلاعبين من العقاب.
2- ذكر الأمين العام لمجلس الصيدلة أن الرسم 1% غير مجاز من البرلمان. وهذا أيضا مخالفة واضحة يجب التحقيق فيها.
نأمل منك أستاذ الطاهر ساتي أن تظل متابعاً لهذه القضية التي بطرف نيابة الثراء الحرام حتى لا يستغل هؤلاء في كل مرة نسيان الشعب السوداني وتسامحه.
وكذلك أناشد جمعية حماية المستهلك بمتابعة هذه القضية وأن لا تخاف في الحق لومة لائم.

ألف شكر وتقدير لك استاذ الطاهر فقد أحرجت مافيا الأدوية بالسودان!!
فوالله لو يملكون ذره من ضمير لتقدمو باستقالاتهم جميعا!! لكنه الجشع والتكسب علي حساب الشعب المغلوب علي امره!!
لكن ألا تلاحظ أن هذه المافيا تحميها العصابه الحاكمه!! فلذلك هم في مأمن من سيف المحاسبه!!
اللهم عليك بهؤلاء اللصوص جميعا!!

سلمت وسلم لسانك وقلمك . إننا لا نحتاج أخي الطاهر إلي ساسة يجتمعون علي موائد اللئام إننا نحتاج إلي أقلام مثل قلمك ,فلتكن قدوة ومثل أنت ومن معك من الصحفيين الشرفاء ممن يدافعون علي حقوق الغلابة والمطحونين فلنشحذ الهمم ولنفتح كل الملفات وليتضافر الجميع علي جمع المعلومات وكسف المستور من عظائم الإمور التي مارسوها إخوان الشياطين فى بلدنا المكلوم

الكثير والكثير جدا يمكن أن يكتبه الطاهر ساتى عن فساد ولاية البحر الاحمر ولكن لانه حلال على الكثير حرام على ايلا يعمل بفقه الستره عن هذا الوالى وآخر بدعه لهذا الوالى عمل كرسي خاص به يحمل له اينما حل فى ولاية البحر الاحمر وشوفوا مهرجانات الصياعة على تلفزيون البحر الاحمر ولاحظوا الكرسى .

هل السبعين مليار هي أول مبلغ تستولي عليه الحكومة من المواطنين يا أستاذ؟ أين المنهوبات من الناس بتحريف الجنيه إلى 10 جنيهات للنفايات؟ كم هو المبلغ الذي نهبوه من الناس بتلك الطريقة؟ هل أعادوا لنا ولو جزءاً يسيراً منه؟ هل أعفونا من دفع رسوم النفايات إلى أجل معين؟ لا بل جاء بعض زبانيتهم قبل بعض الوقت ليبشرونا بأن النفايات صارت 15 جنيه في الشهر من الشهر القادم. وماذا عن الضرائب الخرافية في كل شيئ؟ ماذا عن زيادة 1جنيه و2 و3 و 4 في كل سلعة كل شهر؟ لا أتصور دولار العكد على أنه الوحيد، لكن المعلومات ستصلك عن دولارات أخرى وأخرى إن عاجلاً أو آجلاً إنشاء الله. البنك المركزي والمالية مكون رئيسي للعصابة التي تعاملت بدولار العكد! أما النصيحة المخلصة يا أستاذ فهي: لا تتوقعن خيراً قط من وزير مالية المؤتمر الوطني فهذا رجل مشئوم وقد حرم أطفالنا من اللبن أولاً ثم حرمهم من العلاج بالتكاليف المعقولة ثانياً ولا نذكر ما أدخلنا فيه من مشقة ومعاناة وهو يمتلك العمارة والعمارتين ومتزوج من 2 ويعالج ابنه على حسابنا في المانيا بينما نعاني نحن لكي يشرب أطفالنا الحليب ولا أرى فيما ما يفعله هذا المشئوم إلا مشروعاً متكاملاً لتدمير الشماليين تدميراً كاملاً بالجوع والفقر والمرض وهذا الفاشل يقوم بكل تحركاته دون ممانعة من البشير إن لم يكن بدعم كامل منه فعلينا أن نضع ذلك في الاعتبار وأن ندعوا الله عليهما معاً! علي محمود بدد 2 مليار دولار في ظرف 15 يوم ولم يسأله أحد عنها! بل ولم يسألوه من أين أتى بها!

دخل القش وما قال كش ؟ دا منو ,,,,,,,,
دا (ابوقنايه) سمعنا بي لمن عينو وهسي سمعنا بي لمن شالو.
وابو قنايه دا شغلتو شنو؟… قالو دا عينو البشير عشان يكافح التسوس اقصد(الفساد)
يعني ابو قنايه اسم علي مسمي . وابوقنايه راجل مسكين ومتواضع وعايش بي مفاهيم الزمن
القديم و الجميل زمن الخدمه المدنيه وديوان المرجع العام والوكيل ,والله العظيم ياجماعه ابو قنايه دا راجل مسكين وزول الله ساي , لكن مشكلتو حاجه واحده بس (الطيبه الزايده) يعني ابوقنايه دا الغنمايه بتاكل عشاهو, ولي شلاقتو لمو فيهوالناس الما بخافو الله ديل , وهو راجل طيب كان عندو عجله
والعصريه بجي الرابطه بحضر الكوره وونسه ومهاترات والمغرب بمشي الزاويه يصلي ويرجع لي وليداتو
في امانتي الله اها ادوهو عربيه يلفا بيها وعشان هو مابعرف يسوق عندو صاحبو عم جباره كان بسوق للازهري اها بصلو الصبح حاضر وبركبو عربيتم وبمشو يشربو الشاي في البسطه بالزلابيه وهاك ياونسه وياضحك ويتذكرو ايام زمان يوسف الفكي وجورج مشرقي وبرمبل بعد داك يمشو يا خدوليهم تمباك من الجمري ويطلعو علي الشغل مبسوطين من البسطه لحدي الخرطوم ونسه وضحك وكلو واحد يأشر ليهم بقيفو لي وهاك ياونسه لحدي ما يوصلو الناس الركبوهم بعد داك يبدو الشغل ,,كلو يوم ابوقنايه وعمك جباره بالطريقه دي ضحك وونسه ونيه بيضه,لغايت اليوم سمعنا عمر البشير يعفي ابوقنايه اها الليله الصباح عمكم جباره قال لي ابو قنايه غايتو انا ماشي الشغل البشير اعفاك انت بس وهاك يا مشاكل ابو قنايه وجباره الكانو صحبان لغاية امس القريبه دي, مرة جباره وابو قتايه وقفن الحله علي فد رجل ولغاية هسي المشاكل مدوره واللجاويد ماخلو شي,
ف دحين يا عمر البشير انحنا اصدقاء ابوقنايه وجباره نوجه ليك رساله من صحيفة الراكوبه دي عليك الله رجع لينا ابو قنايه دا الشغل الناس ديل صحبان من زمن دق الشلوفه الكلام دا ماصاح منك يا عمر البشير ……ودمتم زخرا للوطن وعزا لاهله. وشكرا
تجمع اصدقاء ابو قنايه وجباره عنهم حامد الجزولي الامين العام…..

يا جماعه الكلام دا ماتقولو شاتلو من راسي كلو صاح وهسي الشكله مدوره

الاستاذ الطاهر ساتى بعد التحيه والسلام.. لايستطيع البنك المركزى تقديم إفادته لنيابة الثراء الحرام الا بعد ترتيب المجلس والشركات ما يثبت صحت (مؤامرتهما ضد المواطن) المسماء عندهم تسعيرة البنك المركزى اى صياغتها قانونيا للخروج بسلام من هذه القضيه العادله فلكل ضدك حتى هذا المدعو صيدلى يبرر زيادة دولار العكد للمرضى ليضع فوقه عمولة تتوقف قيمتها على طمعه وجشعه وإتساخ ضميره

أولاً أنا صيدلي وشاهدت حلقة حتى تكتمل الصورة
وطلعت بالأتي
والله الطاهر ساتي دا طلع كيسو فاضي وما ععندو أي منطق وشكلو قادي رياضيات
قالو ليك المشكلة من بنك السودان ما بوفر الدولار بإعتراف البنك نفسه وعدم حضور ناس بنك السودان للحلقة أكبر دليل على ذلك.
بعدين ال90 مليون دي قالو ليك دي قيمة أدوية تم تسعيرها بالقانون العام الماضي (قبل تحرير سعر الدولار في شهر 6 /2012 ) ب 2.89 وسوف يتم سدادها بسعر اليوم 5.7 يعني الشركات دي خسرانا 100% والدواء الجابتو في تلك الفترة ما ربحت فيهو أي حاجة بل العكس.
بعدين الدواء دا ما كان بجي والشركات دي نفسها بتستوردو وكانت الأسعار مستقرة لأكثر من 10 سنين
الموضوع واضح يا جماعة الزيادة في أسعار الأدوية سببها الأول والأخير هو زيادة الدولار بأكثر من 100%
لو ما بنك السودان وفر دولارات للشركات دي بسعر ثابت ما حيكون في أي فايدة في كلامكم دا
بعدين إصرار الطاهر ساتي على كلامو الغلظ دا لانو خايف من الإستقالة القال انو لو ما طلع الدولار البيسعرو بيهو الدواء 9 جنيه حيستقيل.
على الطاهر ساتي أن يستقيل وأن يكف عن تضليل الرأي العام

استذ الطاهر شاهدت الحلقة وفعلا عدت الى الوراء فى مسرحية مثلناها و نحن بالابتدائى ومنها هذه المقولة(انظروا الى الحق كيف انطقه والى الباطل كيف اصمته) وحقيقة خجلت للسيد العكد والسيد كمبال حيث لم اقتنع بكلمة واحدة مما قالاه وكان حديثك مرتبا وصادقا وكذلك حديث الاخ د. ياسر كان واضحا وصريحا ولكن للأسف الشديد عقلية العكد وكمبال هى من تدير الدفة ولا يهمهم الانسان السودانى ابدا فلك عزيزى الطاهر ولدكتور ياسر التحية والتجلة والتقدير.

بعد كده راجين ايه….وهيئة علماء السودان مطلوب منها فتوى ورأى واااضح ومناصحه

.فلتكن تلك الشركات رحيمة بالمرضى … لا والله الرحمة هنا مطلوبة من يقومونا بامرنا او بلاصح من يحكموننا .. ونحن على علم بعدم الرحمة فيهم لا بارك الله فيهم

ياهدهد ويا كل افراد الشعب السودانى انا ضد ان نشخصن القضابا؟؟؟ يعتى شنو غلط فلان هل تحاسبة بالمستندات الصحيحة وليست المستندات التى يحملها الاستاذ الفاضل ولا يعرف عنها شيا.نحاسبو صحيح اذا اخطاءونقيلو من منصبوا ويقيف من العمل ولاكن ان يدمر مجلس الصيدلة فهذة مصلحة شخصيةمحددةيعنى اول جملة بدا بيها المقال واول امبارح الناس بتكلموا فى الحلول ماقدم اى حل غير يتهار المجلس؟؟؟؟؟؟؟ ياناس كل الدول المتقدمة عتدها مجالس للصيدلة لية نحنا ندمر مجلس الصيدلة اذا كان سوء ادارة كما يزعم هذا المدعو الطاهر ساتى تتغير الادارة اذا كانت مخطئةاو تحاكم او تسجن او تروح فى ستين داهية؟؟؟؟؟؟؟لية نشخصن القضايا لولا وجود المصلحةيا استاذ يافاضل اللة ينتقم منك زى ما حاولتا تضلل الراى العام انت والذين من خلفك؟؟؟؟اتهمت عروض الناس ؟؟؟ و ليس لديك دليل على ان العكد ياخذ ايجار المجلس من الشركات غير القيل والقال ؟؟؟؟وتحدثت عن نسية الواحد فى المائة وانت لاتعرف قانون الصيدلة والسموم حيث ينص على موارد المجلس الماليةوايضا هذة النسبة تحت اشراف وزارة المالية يا فاضل؟؟؟ و تحدثت عت الدولار وانت تعرف شنو المازاد فى البلد حتى صحيفتك؟؟؟

نقطة النهاية لأي صحفي عندما يتم استغلاله من جهة ما لتنفيذ أجندة خاصة بها بغض النظر عن ما اذا كان هذا الاستغلال بمقابل او لا، وتقوم تلك الجهة بمده ببعض المستندات مستغلة جهله بماهية هذه المستندات.
ابسط شئ أخي الطاهر، كان من الممكن ان تسأل اي صيدلي محايد او اكثر خلاف اللذين ورطوك في هذا الموضوع، كان عرفت ان الموضوع غير ما انت فاهم و ضللت به قراءك الكرام اللذين يثقون في كل ما تطرحه من قضايا قوية (و أنا كنت منهم).
و نحن لسة فيها، بامكانك كما بامكان اي من قرائك الاتصال باي صيدلي قديم و متابع لمعرفة حقيقة الامر، و ارجو ان تفعل لتعرف الحقيقة و تصحح ما قمت به من تضليل للرأي العام

بسم الله الرحمن الرحيم
الاستاذ الطاهر ساتي تحية طيبة

قال تعالى (ولا تقولو لما تصف السنتكم الكذب هذا حلال وهذا حرام لتفترو على الله الكذب ان
الذين يفترون على الله الكذب لا يفلحون * متاع قليل ولهم عذاب اليم) النحل116،117

رد على ماجاء في صحيفة السوداني بتاريخ 13/2/2013 تحت عنوان (عشان نسدد ديون الحكومة) لكاتبه الاستاذ الطاهر ساتي
بدا الاستاذ الطاهر ساتي موضوعه بدور الوصي و الحادب على مصلحة الحكومة قبل الشعب باسداء النصيحة للبنك المركزى ووزاره الماليه بعدم توفير النقد الاجنبي لاستيراد الدواء عن طريق الشركات و ادعى زورا تبين الصورة التي اراد لها هو (الطاهر) ان تنطمس و اراد لها مقدم البرنامج (الطاهر) ان تتضح و تكتمل وهذا لعمري من العجائب …و هو من حيث لا يدري اضر بالمواطن الذي يدعي خوفه عليه .
و انتقل الكاتب المحترم ليبدي اسفه لظهور المستضافان د. صلاح كمبال رئيس شعبة مستوردين الادوية و د.محمد الحسن الامام الامين العام للمجلس القومي للادوية والسموم مستنكرا ان تكون الروح واحدة و ناصحا اياهم بان يتذاكيا على اهلهم و اقاربهم من الشعب السوداني بادعاء العداء لان في عداءهما مصلحة الشعب و كل نقمته عليهما انهما دافعا عن وجهة نظرهما و كان دفاعهما مفحما و ضاحدا لكل ما اورده الكاتب الذي ما فتئ يقاطعهما رغم انهما تركا له الفرصة كاملة ليلقى بحجته و لكنها لم تكن بحجة بل اسقاطات شخصية ليس فيها من الموضوعية و لا تفيد المشاهد او القارىء في شيء و في اطار الفائدة اود ان اوضح لك مرة اخرى الاتي :-
– كررت الاسطوانة المشروخة التي تسميها دولار العكد وزعمت لنفسك انتصارا من وهم الخيال و الذي نقل لك ما تم في المجلس لم يصدقك النقل فكلما تم في الجلسة كان مطابقا لما كان يدعو له المستوردون من انه اذا تم توفير الدولار بالبنوك التجارية فان حساب الدولار يكون ب5.7 جنيها ولا ضرورة لتطبيق نظام المعامل(1.5 او 1.4 ) و يتم الاحتكام للطريقة القديمة …و لمعلومية الكاتب المثقف – في امور المجلس-فان اللائحة تعطي المستورد من 15% وحتى 22% كنسبة ربحية اذا اردنا الاحتكام للائحة …و نحن من خلفك نؤيدك في ان تكتمل كافة التحقيقات و الاجراءات القضائية حتى يثبت رسميا جهل الادعاءات الملفقة.
– اما فيما يخص مستنداتك التى عرضتها و التي تخص بعض الجهات التى تعرفها لكنك لا تقوى على الكتابة عنها و خلصت الى ان تكلفة المصروفات بما فيها التخليص والجمارك والمصروفات البنكيه والتأمين والترحيل الداخلى هي 5% فلتعلم انها على غير منسوبي شعبة مستوردي الادوية هى ذات الجهه التى لا تعتمد التسعيرة الخاصة بها في المجلس و لا تحتكم للائحة التسعير رغم انها خاضعة لها و تتربح حتى في الادوية الاساسية كما اسميتها وليست المنقذة للحياة باضعاف الارباح المسموح بها للمستوردين .
– اما قضية ديون المستوردين التي اضحكتك فهي قضية ليست خاصة بمستوردي الادوية فقط بل كل المستوردين حتى من استورد ورق صحيفتك اذا استورده بأجل و دونك اتحاد اصحاب العمل ليشرح لك في درس علمي كيف ان المستورد عليه عبء توفير المكون المحلى و على البنك المركزي توفير المكون الاجنبي ….و هذا لا يحتاج الى مبالغ ضخمة ثمنا لهذا الدرس.

– ثم من اين لك بمعلومة ان أجل سداد شركات الادوية هو 3 شهور ؟؟؟ هل هو رجم بالغيب ام ان مصدرك هذه هي حدود علمه …يا عزيزي الفاضل المستوردون الذين تنصب لهم المشانق استوردوا الادوية و سعرت لهم عندما كان سعر الدولار 2.75 جنيها و هي الفترة التي شحت فيها العملات و لم يكن ذلك عن عدم قدرة و لكن مساهمة منهم و خدمة لبلادهم .
– ما اثار ضحكي هو انك تحمل الوثيقة و تحتكم لها ولا تعرف محتواه فان الشركات ال 45التى تحصلت على الدولار بالسعر الرسمي لسداد الديون الاجلة و لا يمكن الاستيراد بها حسب توجيهات بنك السودان و وضعت في البنوك التي لديها سدادات اجلة و دونك مصدرك في بنك السودان الذي تحصلت علي الوثيقة منه .
– و المثير للسخرية ايضا( دولار الطاهر ساتي ) الذي تتضخم فاتورته حتى وصلت الى 72 مليار و انا اقتبس من الاستاذ كلمته – اتحدى الاستاذ ان يثبت هذه الفروقات في ظل عدم انتظام المستوردين اصلا في الاستيراد نسبة لصعوبة الحصول على العملة الصعبة , على الرغم من ان المقام ليس مقام تحديات ولكن مقام اظهار للحقائق حسبرأينا.
– الاخ الاستاذ الطاهر ساتي لكنت وفرت على نفسك و على الاخرين الكثير من ضياع الوقت اذا سعيت لتكملة الصورة كما سعى لها سميك الطاهر التوم بالسؤال و سماع كافة الاطراف و هذا لعمري واجب الصحافة المهنية المحترفة بدل ان تستقي معلوماتك من جهة واحدة قد لا تخلو من الغرض و كما قلت لك سابقا مكاتب الشعبة ليست مجهولة و انتتعرفها بحكم مرورك بها كثيرا كما قلت بالقرب من الامدادات الطبية.
تحرى الحقيقة أفضل من كيل الاتهامات جزافا اخي الطاهر وفقنا الله واياك لخير الوطن و المواطن.

د.صيدلي ياسر الامين الصديق
نائب الامين العام لشعبة مستوردي الادوية