رأس الدبلوماسية السودانية : مستعدون لمناقشة إرسال قوات دولية الى ولاية جنوب كردفان بشرط..!!
AFP – أعلن وزير الخارجية السوداني علي احمد كرتي أنّ على السودان وجنوب السودان أن يتفاوضا في شأن تقاسم العائدات النفطيّة، وخصوصًا أنّ الجنوب يضم غالبيّة الآبار النفطيّة فيما يملك الشمال البنى التحتيّة.
كرتي، وفي مؤتمر صحافي في الاكاديمية الدبلوماسية في فيينا، قال: "نتعرض معًا لضغوط لنجلس الى طاولة المفاوضات". علمًا أنّه يتم استخراج 75 في المئة من الانتاج النفطي في السودان من جنوب السودان الذي استقل رسميًا في التاسع من تموز. لكن الشمال يملك المصافي والانابيب لتصدير النفط الخام من بور سودان.
من جهة أخرى، أبدى كرتي استعدادًا لمناقشة مسألة إرسال قوات دولية إلى ولاية جنوب كردفان التي تشهد مواجهات منذ حزيران شرط ان يوافق المتمردون على هذا الامر. وأضاف: "إذا حصل اتفاق مع المسؤولين المحليين ينص على إرسال قوات أجنبيّة، فإنّنا نرحّب به، ولكن حتى الآن لم نتوصّل إلى اتفاق".
(أ.ف.ب.)
اهدي هذا المقطع من قصيدة لفاروق جويدة للشعب السوداني البطل..
وهي بعنوان…وعادت سفينة الاحلام…
الان عاد الراحلون لأرضهم
وتعانقوا بين الدموع
كم من سنين العمر ذابت
بين خفقات الضلوع
قد علمونا اليأس يوما و الخضوع
قد أرغمونا ان نقول نعم ترددها الجموع
واليوم عاد الفجر يملأ بيتنا
لا تتركوه لكي يضيع
لا تتركوا القضبان تقتلكم بنوبات الصقيع
فلقد اعدتم بعد طول اليأس أحلام الربيع
الناس لا تخشي النهار
من قال ان النور يأتي بالدمار
الخوف دوما لا يجئ مع النهار
قد علمونا الخوف اذ كنا صغار
قد صنفونا في الحياة هنا اليمين هنا اليسار
لا تتركوا الاقزام تخدعكم بفكر مستعار
او تجعلوا الأمس الحزين يعود في ذكري شعار
لا تتركو الليل الرهيب يعود يغتال النهار
انتو ملة مجرمه اتفاق اديس ابابا الاطاري اما الحرب انت عباره عن شافع ونافع طلع وليد ساي قالو الراجل بمسكو من لسانو لكن انتو الا امسكوكم من
خلاص بدينا…. قوات دولية تاني
قوات دولية تانى فى جنوب كردفان ….!!!! يا ناس انتو ما بتتوبو؟؟؟
من جهة أخرى، أبدى كرتي استعدادًا لمناقشة مسألة إرسال قوات دولية إلى ولاية جنوب كردفان التي تشهد مواجهات منذ حزيران شرط ان يوافق المتمردون على هذا الامر. وأضاف: "إذا حصل اتفاق مع المسؤولين المحليين ينص على إرسال قوات أجنبيّة، فإنّنا نرحّب به، ولكن حتى الآن لم نتوصّل إلى اتفاق".
قوات دوليه فى دارفور وفى أبيى وفى حدود الشمال والجنوب وفى كادوقلى وغداً فى النيل الأزرق والشرق و و و فى كل شبر من السودان المتبقى … اخشى ان نصحو غداً ونجد أنفسنا فى جمهورية القوات الدوليه ،،،،،
في دار فور قوات دولية وفي أبيي قوات دولية وحتى في مطار الخرطوم قوات دولية . . والآن تتحدث يا كرتي عن قوات دولية في جنوب كردفان . . ماذا بقي لك من السودان حتى تحكمه يا كرتي ؟ ؟
قسما وعظما انتو عشان كراسيكم والسلطه دى تجيبو قوات دوليه حتى فى الخرطوم امه ما بتختشى
الجماعة ديل بلا خجلة ممكن يجيبوا قوات
دولية في الخرطوم ولسع يكون عندهم نفس
يقعدوا يدغمسوا في الكراسي
ملة زي دي الله أصلو ما خلق ….
قوات دولية تاااااااااااااني ؟نحن ما صدقنا انه اليونميس علي وشك الرحيل … الحكومة تريد التأكيد للمجتمع الدولي أنها دولة فاشلة وستظل فاشلة حيث لا قدرة لها علي السيطرة علي أطراف الوطن الذي بدأ مسيرة التشظي والانشطار ولن تتوقف ما داموا هم في السلطة.
يا جماعة الخير كل يوم نسمع موافقة الحكومة على ارسال قوات دولية الى المنطقة الفولانية بالسودان طيب ما يخلو القادة الدوليين يستعمرونا مره تانية وحتى لو سلفاكير الجنوبي .
من جهة أخرى، أبدى كرتي استعدادًا لمناقشة مسألة إرسال قوات دولية إلى ولاية جنوب كردفان التي تشهد مواجهات منذ حزيران شرط ان يوافق المتمردون على هذا الامر. وأضاف: "إذا حصل اتفاق مع المسؤولين المحليين ينص على إرسال قوات أجنبيّة، فإنّنا نرحّب به، ولكن حتى الآن لم نتوصّل إلى اتفاق".
اصبح الترحيب بالقوات الأجنبية … لديكم أسهل من تناول كوب ماء !!!!!!!!!! ودون حياء !!!!!
يالبؤس الوطن بكم … وبعهدكم !!!!!!!!!! !
المصافى دى…صفوا بيها سمك…والأنابيب ..بيعوها فى سوق المواسير..يا( هطلة)
بكرة حتقول كلامك دة كان ما موفق
وين الطلاق يااااااا تمرجي
اول مرة اسمع الوثنين ديل يقبلوا بقوات دولية بدون ما اي زول يطلب منهم واللة يااااا الحلو بقيت الحلو مر ورمضان علي الابواب حيريدك كل الشعب السوداني
لو قوات دولية خشب كادقلي مالك عقار حيطالب بمارينز امريكي واللة يكضب الشينة
الامر كلو بقي في يد المتمردين ياااااا كرتة انت واللة اتمهذلتوا مهذلة وين الاناشيد الجهادي لن نهان ولن نذل ولن نطيع الامريكان
"وأضاف: "إذا حصل اتفاق مع المسؤولين المحليين ينص على إرسال قوات أجنبيّة، فإنّنا نرحّب به، ولكن حتى الآن لم نتوصّل إلى اتفاق".
1.منذ متى كان المسؤلون المحليون يتخذون مثل هذه القرارات
2.دخول قوات أجنبية إلى جنوب كردفان أول ما يعنيه فشل الجيش السوداني الذي كلف و يكلفنا الكثير من الإنفاق و الأعصاب و الفخر والاعتزاز وفي النهاية لا يستطيع أداء مهام الشرطة
3.دخول قوات أجنبية إلى جنوب كردفان يعني نيفاشا جديدة بكل بساطة و الفيلم سيعاد عرضه من جديد ولكن بايقاعات حديثة.فهل نحن مستعدون؟
يااهلنا الزول دا جن ولا شنو تاني قوات دولية ياخي ديل بقو اكتر من الشعب السوداني الفضل!!!!! ناس الموتمر اللاوطني طبقو نظرية حنسود العالم اجمع بعد ما جابو العالم كلو هنا في السودان …….. وبالله عليكم شوفو في كم جنسية حايمة في البلد ؟ولك الله ياسودان زمان!!!!!!!!!!!!!!
حسبنا الله ونعم الوكيل فيكم
كل من هب ودب ورفع السلاح في وجهكم جلستم له للتفاوض حتي صارت المفاوضات عندكم كالعادة او قل ونسة النساء والقطيعة
ثانيا كلما تقهقر وضعكم لجاتم الي التدخل الاجنبي في بلادنا نعلت الله تخشاكم
اما يكفيكم انكم قسمتم السودان الي دويلات اما يكفيكم ان السودان يعج بالقبعات الزرقاء شرقا وغربا اما يكفيكم ارتفاع الاسعار والمعيشة التي ضربت البلاد والانهيار الاقتصادي
متي يكون فيكم رجل ذو شخصية قوية تقود البلاد الي برالامان
زماااااااااااااااااااااااااااااااااااااااااااااااااااااااان قالو السودان دولة شاسعة لا يمكن السيطرة علي اطرافة وهسع الجنوب مرق بجلدو لسع شاسع؟ طيب ما تخلو دارفور وجنوب كردفان والنيل الازرق ينفصلوا عشان المساحة تبقي مناسبة ليكم
انا اقترح استبدال القوات المسلحة(جناح الموتمر الوثني) بقوات دولية تحت الفصل السابع بشرط يكون مسؤل منهم الحكومة وامريكا تدفع مرتباتهم وينتشروا في كل انحاء السودان القديم مع منحهم كافة الصلاحيات حتي لو فكروا يقبضوا زول كبيييييييييييييييييييييييييييييرساااااكت (نمر من ورق) مرحب بيهم بشرط يلتزموا بالاخلاق الحميدة والسمحة زي الموتمر الوثني بالضبط ربنا يحفظون لينا ياااااااا رب
عيال الترابي ديل حالة خاصة جبناء وبتوع مشاكل الواحد فيهم ذي القرد يا تعفصو تحت رجليك يا ينض في راسك ،، والله لو عندك جبهجي واحد في البيت تحتاج لقوات دولية
قبال كلامك وتصريحات فينا والدانوب يتترقرق في صيف اوربا البديع….الخال الرئاسي شن قولو في الحديث ده؟؟؟؟؟؟ خايف عليك من البلع ياكرتة أحسن الود أبو العفين العامل دكر دبان لحد يومي ويومك معشرق والجماعة يناولو في المويه بالجوز !!!!!!
قوات دولية؟؟؟؟؟؟؟؟؟؟؟؟؟؟ قوات دولية لمن؟ يا أخواننا الناس ديل ما قالوا دحروا الحركة والباقي والآن هم يطاردون في الحلو جبل جبل وكركور كركور؟ هو قالوا ليكم الكراكير دي هاملة ساكت!!!! الكراكير دي والله ما بخشوها إلا الرجال ناس كوكو وتية وكافي وحقار والحلو ووووووو أما أشباه الرجال فعليهم أن يبحثوا عن القوات الدولية لكي تحميهم في الخرطوم وليس في جنوب كردفان لأن جنوب كردفان محمية برجالها وقريباً إنشاء الله حا تسمعوا بتحريرها كاملةً من أيدي الخونة المؤتمرجية لذلك عليهم الإسراع بجلب القوات الدولية لكي تحميهم في الخرطوم،،،،،،،،،،
Mr Ali Karty
Negotiation on power and wealth sharing was accomplished long time ago in naivasha whereby you people of NCP got your share from the oil of the southern infidels or Kufar. You even exeeded your ration in oil sharing by robing the South of its share of 50% by enjoying a lion share of 75%
My Brother You have enjoyed what does not belong to you for smart six years. So PLEASE STOP TALKING ABOUT SHARING OIL AGAIN
زماااااان قريت مقال لمحمد حسن العمدة اتكلم عن كلام زي دا
نداء البشير في مدينة المجلد والذي بشر فيه بعودة الحرب من جديد تم توظيفه جيدا من قبل الحركة الشعبية فراس الدولة يتباهى على الملا بالعودة للحرب وليس في ابيي وحدها بل في جنوب كردفان ليرد عليه والي ولاية النيل الازرق مالك عقار بان الحرب لن تكون في الجنوب والجبال بل ستكون في القصر الجمهوري في الخرطوم !! بالله عليكم من يحكم السودان ؟ رجال عصابات المكسيك وكوبا ام مافيا ايطاليا وروسيا ؟؟ والشعب يقف مندهشا لا حول له ولا قوة فالصوت صوت الجهل والعنف والحرب اما المواطن فعليه ان يتحمل تبعات ما تنتج عنه الحرب !
ولكن لماذا ترهق الحركة الشعبية نفسها ودولتها الوليدة ؟ فالمجتمع الدولي سيتكفل بكل شي طالما ان العدو جاهل بتصرفاته لا يتعلم من تجاربه ولا يريد ان يتعلم من واقعه . فالشاهد ان النظام كلما اعلن تحديه للمجتمع الدولي عاد وانبرش وقدم اكثر مما يطلب منه فعلها في نيفاشا وفعلها في دارفور رغم القسم الغليظ بكل انواعه لرئيس النظام بالطلاق مرة وبالذات الاهلية مرات ومرات ولكن حينما يبلغ الامر كرسي السلطة المهتز فان الاستجابة للضغوط الدولية خير مامن وخير ملاذ ..اذا ليس مطلوبا من الحركة الشعبية سوا توظيف تصريحات وتحركات قادة نظام الخرطوم , مع بعض التنسيق مع الحلفاء الدوليين ليكتمل السيناريو علي اكمل وجه وتبدا مرحلة التنفيذ ..
في الاسبوع الماضي عقد مجلس الامن جلسة خاصة بمناقشة تمديد فترة بعثة اليونميس بالسودان وقرر المجلس ان الوضع لا يزال مهددا للامن والسلم الدوليين وانه لا بد من تجديد فترة بقاء القوات الدولية والبعثة الاممية في السودان لمتابعة ومراقبة تنفيذ ما تبقى من اتفاقية السلام ولاحظ عزيزي القاري ان استفتاء ابيي وانتخابات جنوب كردفان والمشورة الشعبية لم تكتمل حتى الان بل ان لمجلس الامن رايا في ما جرى بجنوب كردفان بدليل انها كانت مدرجة ضمن جدول اعماله في زيارته الاخيرة اي ان الامر فيه ما فيه من الاهمية للمجلس خاصة ان من اعلن فوزه يعتبر سابق تجربة في المليشيات القبلية والعنصرية ومتهم من الجنائية الدولية ومجلس الامن بتهم تتعلق بالجرائم ضد الانسانية والابادة الجماعية اعلن فوزه ليحكم منطقة تعقيداتها القبلية وصراعاتها اعقد مما كان في دارفور هذه قنابل موقوتة توشك على الانفجار .
يعتقد حكام الخرطوم ان نهاية اتفاقية نيفاشا قد اوشكت وهذا في حد ذاته دليل علي عدم استيعاب هؤلاء القوم لما يحدث بين ايديهم فانفصال الجنوب ليس سوا حلقة صغيرة من اتفاقية نيفاشا وان الالغام التي وضعت في الاتفاقية ولم ينتبه اليها الموقعين من الطرفين قد بدا انفجارها الان وهذه سوف تمتد في شريط طويل حدودي بين الشمال والجنوب وسيجد المجتمع الدولي نفسه مضطرا ومجبرا علي تنفيذ مواد الفصلين السادس والسابع وعلى استمرار تمديد البعثات الاممية ومهامها خاصة بعد انهيار اتفاقية ابوجا لسلام دارفور وتمرد حركة تحرير السودان مني اركوي ..
القوات الدولية في السودان اكثر من قوات بعد الدول 26 الف في دارفور 10 الف فى الحدود بين الشمل و الجنوب 4200 في ابيى واحتمال يكون 10 الف لانوا الولأية جنوب كردفان كبيرة ومع توالى الهزئم يكون الجيش السودانى غير قادر للحماية المؤتمر الوثني حيستووردوا 20 او 30 الف من الصين وهذه ليس قوات دوالية حيسمعى قوات صدقا في نظر المؤتمر الوثني
ياجماعة الخير واضح انو كرتى دا اما مابفهم اطلاقا مصلحت البلد شنو او بيقبض بالدولار من دول اجنبية وامم متحدة عشان يضيعوا البلد زياده..وانتهاك سيادة الدوله ودخول قوات اجنبيه بقى ساااااااااهل..والله وزير اهم الوزارات ما اضاف ولاحاجه جديده للبلد غير التصريحات الغبيه زيو
تاكد وثق ياكر تى نسأ الشعب السودانى لا لا لا تسمح لكم هذة المرة وما كل مرة تسلم الكرة تنبية احذروا غضب الحليم احذرو (السودان ماروستوه من جدودكم السودان نسوان بس بكفوكن وكفاية لحدى هنأ بيع
اما آن لنا الحفاظ على بقية البلد وكنس الزبالة في مكب القمامة!!!!!!!!؟؟؟؟؟؟؟؟؟
والليييييييييلة بكرة الخال الرئاسي الطيب ود مصطفي دلوكة، ح يستلمك يا كرتي لامن تقول الروووب( ) ( ) ( )
يا جماعة علي بالطلاق المرة دي عايزين قوات دولية من السودان الجنوبى وبشرط كلهم دينكا
الجماعة ديل الظاهر الضربة جابت أجلهم وعايزين حجازين بيناتهم قالو الرووووووب عديل
كان أحسن ليكم حفظ ماء الوجهة بالموافقة على أتفاقية نافع والخوف الشديد الان من المؤتمرجية يمكن للحركة قطع أنبوب مد البترول للشمال وتبقى مشكلة
نتمنى للسيد وزير الخارجية سلامة العودة حتى يتمكن من السباحة بحوضه والذى بلاشك قد امتلا بالماء العكرة
القوات الدولية عند هؤلاء المناكيد صارت العوبة
الحكاية فيها بيزنس ولاشنو
وبلادنا فى تاريخها القديم والجديد لم ترحب بقوات دخيلة على ارضها
اخوة الشيطان ربما يفكرون بالعملات التى يدخلها هؤلاء ومايستاجرون وكلو شئ مصلحة
يبدو أن المؤتمر الوطنى قد أحس بهزيمة حتمية فى الحرب التى أشعلوها فى جنوب كردفان ولذلك يودون إستباق الهزيمة المتوقعة بالإحتماء خلف قوات دولية،،،، لكنهم يعرفون أيضاً أن هزيمتهم يعنى أن الحلو وعقار والعدل والمساواة وبقية الحركات المسلحة سوف لن تتوقف إلا فى القصر الجمهورى,
انت يا على كرتي اقعد صرح كدا
لغاية ما يلم فيك الرقاص ويلحقك قوش ونافع والترابي
يا زولي ارعى بقيدك
الزول ده مجنون رسمي
ده فصل الجنوب ما يفصلك انت
اجي يابنات امي
ياعليوة ناس كوكو ديل حلفو المرة دة مايخلوكم حتى ان قتو الرووووووووب وهايسكوكم فى الخرطوم زقاق زقاق ولو اداسيتو جوة الزير ياكيزان ياملاعين برضو هايطلوعكم وياخدو حق الشعب السودانى منكم يامغيصبى النساء والاطفال وقتمة الابرياء العزل بعد السويتو دة فى البلد والشعب مابتخجل كمان دلير حماية دولية لنظامك المجرم الساقط قريبا جدا مافيش قوات دولية لانى الحلو الحلللللللللللو ما هايوافق والشعب السودانى هايظاهر ضد جيت قواب دولية لجنوب كردفان او اى مكان تانى فى السودان فهمت ياكرتى ورئيسك الرقاص البشير وكل الطبالين والبلطجية المعاك اعلمو القوات الدولية التمنيت دخولها ما هانخليها تدخل البلد علشان تسلمكم للجنائية الدولية علشان ناس دارفور والنوبة وكل الشعب السودانى الاصيل الحر المادايركم عايز يشرب دمكم….. اااااااااااااخ بس ابقو رجال
ديل مستعدين لارسال قوات دولية لحراستم داخل القصر الجمهورى بس ما يفكوا الكرسى
لعنننننننننننننة المال الحرام صاحبتم حتى النخاع نتمنى من الله ان يزيدهم ويشبعهم امثر من مال السحت هذا ? …….
My dear KARTA, you are still ignorant of the national policies neverrheless the imternational diplomacy. You need a lot of time to understand even the sudanese people, you and your dancing president, you must understnd that no international troops before finding a root solution for the problemes that related to the public consultion in South of Kurdufan and Blue Nile States and you must confess the success of Mr. Alhlilo in the late past elections in South of Kurdufan.