نعم للفساد – لا للإصلاح
نعم للفساد .. لا للإصلاح
الفاتح جبرا
[email][email protected][/email]
العنوان أعلاه هو شعار لصفحة إليكترونية على (الفيسبوك) إسمها (الحقيقة السوداء) قامت بإنشائها مجموعة من الشباب (الأردني) يسخرون فيها من الفساد الحكومي الذي ضرب بأطنابه الكثير من مفاصل الدولة ودواويين الحكومة وقد درج هوؤلاء الشباب على عمل وقفات إحنجاجية سلمية أمام مقر رئاسة الوزراء وهو يرتدون ملابس (سوداء) ويحملون بوسترات (سوداء) كتبت عليها “الحقيقة السوداء.. نعم للفساد .. لا للإصلاح” .
وقد درج هؤلاء الفتيان والفتيات في وقفاتهم الإحتجاجية هذه على عدم حمل أية شعارات أو يافطات (حزبية) بل إنهم يكتفون فقط بتكميم أفواههم ورفع شعارات تنادي (بالفساد) وعرقلة (الإصلاح) وذلك في رسالة مباشرة إلى المسئولين بالدولة الأردنية (الهاشمية) !
لقد إستخدمت كثيرا من الشعوب ومنذ القدم (السخرية) كسلاح ضد القهر والقمع وتكميم الأفواه وها هي الشعوب العربية تسخر في أحلك الظروف وهي تواجه الأنظمة الباطشة خلال الثورات التي شهدتها الساحة العربية مؤخراً .
عزيزي القارئ إسمح لي بأن أنقل لك بعض مما يكتب على اللافتات (الساخرة) التي يرفعها أعضاء جماعة (الحقيقة السوداء) الأردنية وهم ينظمون وقفاتهم الإحتجاجية السلمية أمام مقر مجلس (الأردني طبعن) !!
– نعم لتدخل المخابرات في كل مفاصل الدولة
– تسقط التنظيمات والأحزاب المرخصة وغير المرخصة
– نعم لسرقة قوت الشعب
– نعم لخصخصة المواطن
– نعم لبيع مؤسسات الدولة
– نعم للذل والإهانة
– الحياة حلوة بس تفهمنا
– راتبي بكفيني 57 يوم بالشهر
– أنا بدي أعبر عن رأيي .. إذن أنا عميل أجنبي
– بلا سياسة بلا وجع راس .. البندول غالي
– توبة دي آخر نوبة
– أنا مش بعتب عليك .. خدني بحنانك خدني
– مااااع .. ماااع .. أنا خروف
– كتم الأنفاس مطلب شعبي
– نعم لتزوير الانتخابات
– نعم لتوريث المناصب
– نعم لفتح مكاتب للبلطجة وأخذ إذن التظاهر منهم
– أنا إمّعة
– نعم للفساد والفاسدين
– طيري طيري يا عصفورة .. حكومتنا شو غندورة
– نعم لرفع الضرائب
– مين حكى في عنا فساد ؟
– افتح فمك عند طبيب الأسنان فقط
– الرشوة .. الفساد .. المحسوبية .. فاكهة الحياة
– مش بدنا نعرف مين باع خط هيثرو
إنتهت لافتات (الحقيقة السوداء) فدعونا نستعرض بعض لافتات (الحقيقة المرة) :
– الأرزاق بيد الله .. والتضخم برضو
– سوف نمنع الأجانب من التظاهر بدلاً عننا
– هذا أفضل وضع تمر به البلاد .. قرضوو على كده
– لو ما جينا لبلغ سعر الدولار عشرين جنيه
– نحنا شذاذ آفاق وحمير كمان .. مش متحملين ده كووولو
– مافيش داعي لنيابة الثراء الحرام نحنا أصلا ما بنشك في ذمتكم
– أقطع ضراعي نحنا أكتر دولة (مطبقة) الشريعه و(قاعدة عليها) !
– إبن حلال يدينا تصريح بمظاهرة سلمية
– نحتج على أيه ؟ المرتب مكفينا وزيادة .. والدولار نازل في مواجهة الجنيه .. والمواصلات فاضيااااااه
– حد يعترض على إرادة ربنا؟
– حواء السودانية ما ولدت غير 50 (زول) …. وعقرت !!
– العقود (السرية) تؤدي لإزدياد العقود (العرفية)
– 1800 دولار في السنة؟ ده نحنا في نعمة يا شباب
– مش الشيكل (الإسرائيلي ) ما من العملات الإتسرقت؟ يبقى مفيش مشكلة
– الله يخليكم كمان وكمان .. 75 سنة تااااني
– المتظاهرون لا يتعدون أصابع اليد الواااحدة !(يعني كم بالضبط كده)
– مافيش مشكلة : نأكل السدود ونحلي بالكباري ونتعالج بالطرق !
كسرة :
خط هيثرو موضوع مع اللافتات الأردنية ليه؟ يكون مشى يتعالج؟
كسرة ثابتة :
أخبار خط هيثرو العند النائب العام شنو(ووو و ووو)؟
ضيف عليها ياجبرا
مافى مانع نلحس كوعنا
وانتو زارعكم الله نقلعكم ليييييه
Outstanding
نحنا شذاذ آفاق ..وإنتوا أولاد ستين جزمة
– مافيش مشكلة : نأكل السدود ونحلي بالكباري ونتعالج بالطرق !
بعدين ياجبرا احفادك واولادهم حيسددو قروض السدووود!!!!!!
اقطع ضراعي نحنا اكتر دولة ( مطبقة ) للشريعة و ( قاعدة عليها )
مافيش مشكلة : ،اكل السدود ونحلي بالكباري ونتعالج بالطرق ( الصوفية )
الصوفية دي من عندي – يا جبرة
والله انت فلتة !!!!!!!!!!!!!!!!
يعني اذا نحنا اقتبسنا منهم الفكرة نقدر نقول :
يا خرطوم غوري غوري أسرق سرقتك يا ود كافوري
أرقص أرقص يا بشير لا انت دلاهة ولا عوير
نلحس كوعنا ونلحس بوعنا لغاية ما تطلع روحنا
السكر رخيص واللحمة كمان شكرا شكرا يا كيزان
وكان طلعنا الشارع أضربونا بي البمبان
Always terrific, enjoyable, truthful column…cheers
ضيف عليها
1- فقاقيع في اليد ولا الف شذاذ افاق
2-ابتسم عشان الصورة تطلع حلوةةةةةةةةةةةةةةةةة
3-الحس كوعك وقشقش دموعك
4- ربيع نجاضة والوجع زيادة
5-حكمتة لمة كتمتة كفاية كدة
6-الجوع داخل البطن علي مسئولية صاحبها
7-كداري ولا بص الوالي
والله انت يا جبرا فايق ورايق وبقلوا الفايق يهمس امو وفي رواية اخري الهم يزمو
اقطع ضراعي نحن اكتر دولة مطبقة الشريعة (زي البرش) وقاعدين عليها .. ههههه والله داء اجمل تعبير طلع منك ياجبره. وشعاراتك دي اقتراح جميل اتمنى ان يرددها المتظاهرين في السودان في المسيرات ويرفعوا بها لافتات كبيرة. بس لازم يحفظوا حقوقك الادبية والفكرية فهي حصرية للفاتح جبرة. بس بكرة لو لقيناك في مكاتب الأمن ماتنكر تقول انا ماقلت الشعارات دي او ماحرضت الشعب على ترديدها خليك راجل.
حسع بكرة حتلقى العبارات دى منسوخة … تقليديين
والله ياود جبرة حيرتني معاك تشتكي من غلا المعيشة طيب البنقو السمح ده بتشتري بي شنو ؟ الله يديك العافية ويخليك دخر لينا تحس باوجاعناوتعبر عنها باسلوب ساخر قمة في الروعة
خلاص يا جبرة جاء فى الصفحة الاولى من الراكوبة الاتى : هذا جزء من المقال
في زمان الكيزان هي إسم الدلع للفصل من الخدمة . قال الرجل : قام الشريف احمد عمر بدر ( المتخصص في تدمير الإقتصاد السوداني ) ببيع كل شيء عام إلي العرب بعد قبض العمولات الدولارية طبعا ، قام ببيع 49% من قيمة سودانير إلي شركة عارف الكويتية وهي (شركة عقارات) وليست طيران
الأخ الفاتح جبرا _مقال الأخ حازم علي حازم ،في الراكوبة اليوم، حاوب علي سؤالك وسؤالنا ، والباقي علي ناس مكافحة(العمل الصالح) ومكافحة الأمانة المهنية ، ومكافحة الاخلاص الوطني!!!يا خوي الزول حازم دا فتح مخنا علي شيء هام وهو البحث عن المعلومات المفيدة من داخل ركاب المواصلات العامة- ما تستحي أي زول تركب جمبو بتلقي معلومات مفيدة ، ويمكن من ستات الشاي ، واللاتي تم فصلهن للصالح العام ، ويمكن نلقي عنهم معلومات عن سرقة أموال المطار الجديد وسرقة الاَثار وسرقة الذهب ووو ….
هههههههههههههههههههههههههههههههههههههههههههههههههههه نعم حكومة الصادق ضيعت البلد ولولا حكومتنا الرشيدة كان السودان ضاع عندك كلام يا الفاتح
ديل خدامنا ما حكامنا عندك كلام
اها الجوع من الله عندك كلام
وخط هيثرو بتاعك قاعد شوف عيني
وانا صادقة عندك كلام
شنو انا صادقة قلت يا الفاتح سجمي منك يا جبان
والله كذاب يالفاتح انا ما صادقة
لا لا يا جبرة بالقته معانا شديد ، انا من هنا اطالب بتعيينك في المناصب التالية
1- وزير للثقافة ( عشان تنقل لينا التجربة الاردنية في التظاهر )
2- وزير للصحة (عشان تعالجنا من الشذوذ الانحنا فيهو ده)
3- وزير للعدل ( عشان تتابع موضوع خط هثور العامل ليك شذوذ في راسك ده ، انا اتخيل لي انك باين عليك وقع منك شي في خط هثرو وبتفتش عليهو )
4- وزير للنقل والمواصلات ( عشان ترد علي وزير العدل الفوق ده وتوريهو خط هثرو مشي وين عشان النائم العام ما عارف يفتشو ووو ووون )
5- نعينك مجلس الوزراء ونخاص من الموضوع ده وكل يوم انته اطلع لينا بشكل جديد
هم يعني لم بيلعبوا معانا لعبة الكراسي كل كم سنة يشيلو وزير من محلو يودوهو محل وزير اخر وهلم جرة يعني نقول ما لاقين ناس طيب اهو جبرة جاكم واكيد حياكل عشاكم
ثورة ثورة حتي بالنص ولا الثورة الحارة 14 شاعر اني بيض
المهم يا سيدنا حيمسكوكم ناس الجهاز ويقولو ليكم بطلو الحاكو حاكو من ناس الاردن
كومو ماس كرييتف ْ
قوية ي جبرا ديما تزيل عنا وجع رقاصنا يديك العافية
اخبار خط هيثرو مع طريق الانقاذ الغربى وشركة الاقطان ومفصولى الصالح العام وابار النفط التى اكتشفت حكومة الجنوب بعد الانفصال انها لم تدخل فى الحسبة وهلم جرااااا
السلام عليكم الغاتج جبرا تسمح لى احل اللغز (اخبار خط هثروا شنو) الحل هو (باعووووا زماااان) وكسرة يا فاتح جبرا
ولمزيد من العلم، فإن أصابع تلك اليد، الخمسة هذه، او قول ستة في أعلى الإحتمالات يعني ،(أب سته ) .!!.فقد تم إلقاء القبض على، 3,000 – ثلاثة آلاف منهم، ومازالت اليد تامة !!.. وممدودة ، وبيضاء من غير سوء، آيةٌ اخرى ..؟؟!!
ما قلنا ليك عمودك ده سميهو باحث سبيل خط هيثرو ..يمكن النائب العام يهببو ليك ولينا
كسرة ::
انت في خط هيثرو… ولا في هيثرو ذاتو…… والدايم الله .!!
وحتى خط بورتسودان معروض للبيع .!!
انت خليك من ده كلو يا الفاتح جبرا ناس الانقاذ ديل ليه عنيفين قدام السودانيين ونعاج قدام الاجانب البيحتلوا اراضينا ويكتلوا فى مواطنينا بالطيارات بدون طيار او صواريخ هم لسه ما عارفين عنها اى حاجة عشان الضلمة وكده؟؟؟؟!!!! قدر ما فتشت فى قاموس الشتائم ما لقيت لى شتيمة تناسب مقامهم القذر!!!!!!