مدير جامعة الخرطوم للأساتذة: حاجيب حبش يراقبوا الامتحانات لو انتو ما راقبتو
الخرطوم: رشان أوشي
هدد مدير جامعة الخرطوم البروفسيور صديق حياتي اساتذة الجامعة المضربين عن العمل لأكثر من اسبوعين مطالبين بمستحقاتهم المالية عن سنوات سابقة ، هددهم بإستخدام عمالة اثيوبية للقيام بمهمة مراقبة الامتحانات داخل القاعات في حال رفض الاساتذة القيام بمهمة المراقبة وواصلوا إضرابهم ، وقال المدير مخاطبا عدد من الاساتذة بمكتبه(انا حاجيب حبش يراقبوا لو انتو ما راقبتوا)، واكد الاساتذة المضربين بأنهم لن يقوموا بمهمة مراقبة الامتحانات وسيواصلوا اضرابهم حتى يستلموا حقوقهم المالية التي سطت عليها ادارة الجامعة وانفقتها في انشاء مشروع استثماري ضخم.
وكان الاساتذة قد دخلوا في اضرابات عن العمل لعدة مرات سابقة للمطالبة بمستحقاتهم التي ترفضت ادارة الجامعة تسديدها حتى الأن، ملوحين بتصعيد قضيتهم في حال لم تستجب ادارة الجامعة لمطالبهم.
اقتباس:(انا حاجيب حبش يراقبوا لو انتو ما راقبتوا)
تعليق: هل وصل عندنا مستوى مدراء الجامعات الى هذا الحضيض ؟!!
اذا كان مدير الجامعة بهذه الصفاقة فماذا تتوقع من “الشماشي” -مع احترامنا للجميع-؟
لا والله جيب هنود
حبش يا ربش ..!
الظاهر الطلبة حيمتحنوا فى صناعة القهوة
جيب حبش مافى مشكلة جيب طلبة حبش برضو
استقيل يا حيوان اجيب بدل الكلام الفارغ البتقول فيهو ده
اسلوب مثير للضحك والسخرية من مدير جامعة
وحاتجيب حبش يدرسو كمان
وهل ستدفع للمدرسين الحبش بالدولار بعد ان عجزت ان تدفع للسودانيين بالجنيه الكحيان
رحم الله نصر الحاج على وبروفيسر مصطفى حسن اسحق
هو في حبشي بيرضي ليك انت قائل كل الحبش ذي الشغالة في بيتك دي اليوم الحبشة دولة مافيها زول بسرق مال الدولة واي زول طلع قروشه من السودان ومشي هناك ياوهم
وانت عليك الله ده أسلوب مدير جامعة بدرجة حمير اقصد وزير ياخ اعطي الأجير حقه قبل ان يجف عرقه يقول رسولنا الكريم أي دين جعلك تظلم أشخاص لهم اسر والحبش ديل لن يأتون إليك لأنك لأتعرف أصول الإدارة ايها الجاهل
لا تتنازلو عن حقوقكم وتصبحو رخيصين مثل الحبش حقنو ديل ودا ما اسلوب مدير جامعه للاسف
هانت جامعة الخرطوم و مديرها يمتحن الطلاب في تجهيز الشاورمة و الزغني ..
يجيب حبش لي شنو اصلو دى الجامعه وشارع ابوصليب ولا شارع كترينا ولا الديوم
كسره
طبعا البلد مابقت كلها مرتزقه يجيب حبش لمراقبه الامتحانات ويجيبوا مقاتلين من مالي لجنوب كردفان والنيل الازرق وهلم جررررر عارفين ليه المره الجايه بوريكم
بروف حياتي الجامعة ده وسخانة ولا شنوا
في زمن الكيزان شفنا العجب
الحاصل دا يوريك مدى انحطاط ووضاعة ما يسمى بالكيزان
مدراء الواسطة
لا عجــب
من سمـاع تصريحات – عـاطلي الموهبة – في زمن الغفلة هـذا
قد ولــى زمن العجــب
خربانة من كبارا
العجــب نحنا!!!
كمان خليهم يصححوا ليك
هذه اخلاق لاتليق بحفيد الشيخ حياتي
الحكومه ما عندها فلوس وما حايقه ليهم … اذا عايزين تراقبوا راقبو ولوما عايزين على كيفكم وصلزها محل ما توصلوها وفى النهايه فلوس مافى حتسووا شنو ؟ ما عندكم شىء غير تسلموا امركم لله . الحكومه مفلسه تماما ورغم ذلك كل مستحقاتهم بصرفوها كامله وفى مكاتبهم كمان … القروش البدوها للحيش دى احسن تراقبوا وتأخذوها انتم اولى بها( من اجل ابنائى ) عشان اولادكم بس
بالله ده مدير اكبر جامعه فى السودان تفو عليك ياخى
فاقد الشئ لا يعطي ،هل وصل بنا الحال الي هذا المستوي اذا كان هذا مدير جامعة الخرطوم بس نقول شنو ؟ ما كلهم دا اسلوبهم لك الله ياوطني ….
วัดบาง แตน อ.บ้ านสร้าง จ.ปรา จีนบุรี
يا حليل أيام “ابو صليب” … كان يكون لطلاب الجامعة أحسن معدل أساتذة فى العالم: أستاذ لكل 10 طلاب.
انا بحب الحبشيات غايتو فى جبنه يامدير الغفله ولا سكو
بالجد شر البلية مايضحك انتو مدير الجامعة ده مفتكر الجامعة دى ورثها من ابوه كلام غريب ده لايستحق ان يكون خفير للجامعة فما بالك انه مدير جامعة والله ليكم الله ياطلاب السودان بقيتو مهذلة في ظل ادارات فاشلة لاتعرف معنى الادارة وده من اسباب تدهور البلد غايتو السويتوها ياناس الانقاذ الله يمرقها مننا بهدلة مابعدها بهدلة ومهازل لاتحدث في دول تقدر الانسان وتحترمه قال اجيب حبش ماتجيب ولا ماسمعت بالمثل البيقول السواى ما حداث وانت اضعف من ان تعمل ذلك لانك ارزقى ولاتستحق هذا الموقع ان كان هذا اسلوبك لانه رخيص ومتدنى ويدل على انعدام الفهم والاخلاق منكم لله
ما تجيب ليهم الفرقة الإثيوبية أحسن عشان يكون امتحان وهجيج بالمرة. هذا زمانك يا مهازل فامرحي يا حليلك يا جامعة الخرطوم الكنت راية وغاية وجميلة ومستحيلة ويا حليلك يا سودان الهم كترت فيك البلاوي
هذا الاسلوب لايشبه اسلوب بروفسير حياتى الشيخ الجليل فهو لايستعمل لغة التهديد والوعيد انما صاحب امكانيات هائله من الاخلاق فهو ابن الشيخ الورع لشيخ حياتى اما بخصوص الاضراب فلم يكن اسبوعين بل اسبوعا واحدا فقط وسيتم حسمه اما بخصوص المراقبه الامتحانات مستمرة بواسطه اساتذه متطوعين رغم الاضراب الاانهم يريدون الحفاظ على استقرار العام الدراسى ونتمنى من لجميع ان يتناولو هذا الموضوع بجديه لاحبش ولاجيش انما باابناءئها سيستمر العم الدراسى والعاملين سيتم منححهم استحقاقاتهم
ياحليلك يا جميلة ومستحيلة (ياجماعة شيلو معانا الفاتحة على جامعة الخرطوم ولكل مؤسسات التعليم العالى)
حبش بنات ولا أولاد وحتلبسوهم إن شاء الله أسود وأبيض زي البقسموا البيبسي في الأعراس ولا ألوان تانية. وجيبهوهم بالمرة بجبناتهم وفنادقهم عشان يدقوا البن في exam hall ويطلع الامتحان بنكفة علي كافيه ويدونا رقصة كدة في النص لزوم ال break ما أصلها جاطت
حبش رجال ..أم حبشيات نسوان ، يامدير يا فهمان ، عشان تمييز التحية .. قبل دخول أولادنا وبناتنا القاعات، هل يقولوا ..دنانا ام دنانش ، أصلها تفرق كثير ، زى الفرق بينك وبين الفطاحلة الذين اداروا هذا الصرح حينما كان عملاقا ، قبلك كالبروفيسور عمر محمد عثمان والبروفيسور عبد الله الطيب و غيرهم ،
والله هانت الزلابية ..قال حبش قال !
غباء مدير الجامعة يستحق الإشادة والتقدير
أنا مبعوث من جامعة عريقة في السودان لاحد الدول الاربية وتم قطع المنحة لانو في لجنة كونت حسب سياسة التقشف وبدل ما يتقشفو في الوزارة أثرت أن تقطع المنح من الطلاب المبعوثين. فعندما ذهبت للجامعة أطالب بحقي حتى اتمكن من تكملة الدراسة قالو لي خلي الاروبين يدفعو ليك عندهم قروش تصورو ده كان رد الجامعة وعدت بخفي حنين .
ماذا نتوقع من أمثال هؤلاء …. كل الخزي والعار لهم
هههههههههههههههههههههههههههههه
والله ياهو الفضل ممكن يكون كلامو ده من ضمن الاتفاقيات الموقعه مع الحبش
فى مجال المراقبه وتحسين جوده الطالب السوداني اثنا الامتحان
قال برفيسر قال
هو انت قايل الحبش حيرضو بحال جامعتك الماقادرة تدى الناس حقوقا؟؟؟ الحبشى لو ما اديتو حقو بقتل ؟؟؟
هؤلاء هم الكيزان كلهم واحد لاينفع منهم مدير جامعة ولا شماشي الغرض تجارة باسم الدين خليهو يجيب اندنوسيين
عرفنا المراقبة حتجيبوا حبش الزول البيصحح مين
باجماعة قولو خير … الراجل شكلو رايحة منو حبشية … هاك القهوة دي … با لذيذ يا رايق ..
الحبش داخل البص علي مسؤلية صاحية ههههههههههههههههههههههههههههه …
دا مدير روضة أم كافتيريا بشارع أسمرة ..
تستاهلو انتو من سنين ساكتين ليه
الله يرحم جامعة الخرطوم فى عهد الانقاذ تدرجت فى الصعود الى الهاوية بالعوامل الاتية:
-فصل عدد كبيرمن الاساتذة صالح عام فى بداية التسعينات وابقوا فقط على الاسلامويين والنفعيين وبعض الدايرين ياكلو عيش.
-الاصرار على تعريب المناهج بدون اى استعدادات من ترجمة للمراجع وغيرها.
-القبول الخاص والذى قصم ظهر تميز الجميلة ومستحيلة.
-التخلى عن الداخليات لصالح صندوقهم الطلابى يهب من يشاء الكفاله ويحرق لمن يشاء الغرف
-ادخال نظام الدبلومات او الدراسات الاضافية والتى احدثت شرخ عظيم فى التركيبة الاخلاقية والثقافية لمجتمع الجامعة فصرنا نشاهد طالبات يدخن البنقو فى ممرات مكتبه المين وطلبه لا يعرفون الشيعى من الشيوعى.
-وفى اخر المطاف يظهر هذا الارزقى المتاسلم داير يستجلب حبش يرقبوا فى الاكزام هول با لله شوف من كان الجامعة بتجيب ممتحنين خارجيين من اكسفورد لى حبش من القلابات
والله صحى انقذتونا
هذا مثال حى للمدير الغير مؤهل اداريا – كيف تسخر حقوق العاملين لمشاريع استثمارية وتهدد باستجلابك للاثيوبيين لمراقبة الامتحانات – سيامنا انك فعلت ذلك فمن يقوم لك بالتصحيح والرصد واسخراج النتائج ؟ يا مدير السجم والرماد ؟
دا خريج مدرسة نافع للمركوب الناصع
نهنا جاهزين / الأونوان : فشقة جنب الكنيسة
الحبش افضل مننا السودانين فى العمل يتصفون بالاخلاص فى العمل والجديه واحترام الزمن ولايعرفون الرشوه
اما فى التعليم تعلموا قبلنا وسبقونا فى المجلات الهندسه وخاصة الطيران ويعتبر الكابت الاثيوبى والارتري من افضل الكاباتن للطيران فى افريقيا وفى مجال الطب والحاسوب والاداره – سبقونا بقرون واثيوبيا من الدول التى لم يتسعمرها الخواجات ودوله رائده فى افريقيا وكذالك ارتريا التى اخذت استقلالها بعد السودان والتعليم والصحه فى ارتريا مجانى لكل مواطن ارتري
وفى مجال الجيش اثيوبياوارتريا افضل مننافى مجال التدريب والتاهيل
نحن ندرس التعليم الجامعى باللغه العريبه فعلا هى لغه القران لكن حتى نكون مواكبين للتقدم والتنافس مع دول العالم الاول لابد من اجازة اللغه الانجليزيه وهم الاحباش يدرسون من الاساس باللغه الانجيلزيه نحن فى السودان الخريج الجامعى لايعرف يكتب اسمه باللغه الانجليزيه
الطيور على اشكالهاتقع كلهم اولاد نساء
الطيور على شاكلتها كلهم اولاد حريم
والله كلام غريب جدا مدير جامعة لايستحق أن يكون خفيرا في مدرسة مرحلة الاساس لماذا كل هذا الاساتذة يريدون أموالهم التي نهبها أدارة الجامعة السودان وصلت الي مرحلة لايمكن وصفها مدراء الجامعات يهددون الاساتذة الدنيا بقت أخر زمان والله هكذا هو نظام حكومة الانقاذ الفاشلة مع أعوانها أشخاص لايعرفون معنا الوطنية ولا حتي الانسانية سبحان الله ؟
ياناس افهموا افهمواالف مرة تعليمنا عدي من وشك المصريين عملوا كليات باللغة الأنجليزية واصبحوا يتكلموا كالأمريكان والبريطانيين في التحدث والعمل بها انا استغربت مع اني درست معهم من قبل نفس هذه الكليات باللغة العربية وفاتونا . اصحوا ياسوانيين عندي شغالة اثيوبية مابتفهم الا لغة انجليزية . انا استاذي بتاع اللغة الأنجليزية كان على طول سكران ويحضر الحصة عيونو حمر دا اذا ماغاب من المدرسة انا تعلمت بالشدة بسبب التسيب واتحصلت على مستوي بنسبة باس في الأنجليزية بمجهودي الخاص .
احسن كان يقول نجيب ليكم حبشي يدير الجامعة ،و انا كان اول واحد يؤيدوا
السيد مدير جامعة الخرطوم …السلام عليك …اكاد لا اصدّق .. أصحيح ان هذه الكلمات خرجت من لسانك يا مدير جامعة الخرطوم؟ .. يا ناس .. يا قوم.. تحسسوا اجسامكم.. هل انتم احياء .. فعلا ما لا عين رات ولا اذن سمعت ولا خطر على قلب يشر .. هل من المعقول ان يكون هذا الكلام صادر من رجل يجلس على كرسي كان يجلس عليه المرحومون..نصر حاج على .. عبدالله الطيب .. عمر محمد عثمان …وامد الله فى ايام مصطفى حسن اسحق .. سؤال موجه لك ايها المدير : هل ستاتى بمن تود لمراقبة ألأمتحانات ايا كانت جنسياتهم بموافقة مجلس الجامعه ؟ هل ناقشت هذا الأمر مع عمداء الكليات وال Senate ووافقوك عليه ؟ هل سيقوم المراقبون الأجانب بما تريدهم ان يقوموا به بالمجان؟ طيب اذا ستدفع للمراقبين الأجانب بالعملة الصعبه “طبعا” حتجيب العمله الصعبه دى من وين؟ طيب موش احسن تديها بالسودانى للمضربين كمقدم لمستحقاتهم بعد الأتفاق معهم على برنامج دفع مرحلى ..يا سيادة المدير .. من خبرتك.. من تجاربك ألأداريه .. من تصرفاتك و من كلامك المفروض يكون متوازن و يقبله العقل ويتناسب مع موقعك هو ما يتعلم منه مرؤوسوك وطلابك ..يفترض ان تكون قدوتهم … سارع بالنفى لما قيل انه ورد عنك
.. نحن جريجى هذا المكان العريق على مر الزمان حزينون على ما آل اليه صرحنا التعليمى العظيم من حال ونأسى على مثل ما قيل انه رشح عنك من قول غريب.. ليتك ارتفقت الى مستوى المسؤوليه ولجأت الينا نحن الحريجين ونحن المنتشرون فى مشارق ألأرض ومغاربها لقدمنا اليك بما نستطيع دعما لمكان عزيز على نفوسنا لرفع الضر عنه وللأبقاء على قدامى الأساتذه معك يشدون من ازرك ويقدمون لك النصح وسديد الرأى و صائب المشوره….. يا اخى الكربم ,, يقينى انك من اجيال طلابنا فى المرحلة الثانويه منذ اواخر خمسينات القرن العشرين .. هذا اقتراح لك ممن لديه سبب للأعتقاد انك كنت واحدا ممى جلسوا الى حلقات درسه وكان احد معلميك “ربما” ليه ما تشرك معاك اعضاء اللجنه التنفيذيه لاتحاد خريجى جامعة الخرطوم .. توكل على الله وتنازل من عليائك واجتمع بهم واقرأ عليهم هذه الرساله.. ستجدهم ان شاء الله من اهل الأسناد ألأستراتيجى للنهوض بمؤسستهم العريقه .. فى الختام كلى امل ان تجد رسالتى هذه طريقها الى مدير الجامعه عسر ولعل.
دا مستوي بروفسير وفي جامعة الخرطوم كان مديرها يوما بروفسور عبد الله الطيب رحمك الله يا ام الجامعات السودانية فقد هنت بعد ان كنتي الجميلة ومستحيلة
لماذا يحط البروفسير الهمام من قدر الأحباش ويستهين بهم هل هذا فهم بروفسور
حُمّة أبيي طلعت للزول ده في راااسو ولا شنو !!
دا باقي وسخ الكيزان راجل معفن
انا من خريجى جامعة الخرطوم 1977 كلية الاداب . ليس لى اى تعليق لأنى بعد الذى قرأته أصبت بمغص
شديد ولوية فى المصارين والدموع حبيس محاجرى .آه ثم آه …هذا زمانك يا مهازل فامرحى !!!
(هددهم بإستخدام عمالة اثيوبية للقيام بمهمة مراقبة الامتحانات داخل القاعات في حال رفض الاساتذة القيام بمهمة المراقبة وواصلوا إضرابهم)
مراقبة وبس .. خليهم يدرسوا مرة واحدة..
والحبش ديل حا يراقبو الامنحانات يدون مقابل ..؟
ان اسلوب التهديد باللجوء الى استقدام الاحباش والآسيويين وغيرهم، يذكرنا بفكرة الكتيبة الإستراتيجية التي أنشأها نميري قرب سقوطه لتحل محل النقابات التي تعلن إضرابها، ولم يغني عنه شيئا، وما اشبه الليلة باليارحة ان الحقوق لن تسقط بالتهديد والوعيد.
( اجيب حبش ) معقولة انت تكون مدير جامعة الخرطوم راجل ما عندك ادب شبه رئيسك و باقي الشلة النتنة زفرة الكلام. الله ياخدكم سفهاء صعاليق.
اللة يخلى لينا احفاد بلال كتر خيرهم مرة يحلو مشاكل المعارضة مرة الحكومة ذات نفسها واليوم الجامعات وبكرة الكهربة طيب الكيزان ديل القاعدين ليها شنو ؟؟؟؟؟؟؟؟؟؟؟؟؟؟؟واشرقت شمس الفجر الجديد
الرفاق *** هل تلاحظون تلك الاسماء العجيبة هل سبق ان سمعتوا بها في حياتكم:- صديق حياتي** مطرف صديق ***سلاف الدين *** قطبي ***ابو قرده**** كجو ***رئيس الدين *** من اين اتت تلك الاسماء ومن اين هم اتوا
قال حبش قال خلى يجيبن الرئيس العينك زاتو ملى البلد قوات اجنية انت ما تجيب الحبش والحبش قراب فى الفشقة يا واطى امشى بس حركن شويى للداخل انت اظن عندك مارب اخر جاى تقول اجيب حبش لمراقبة امتحانات السودان والله هانة الزلابيه تفو عليك وعلى الانقاذ الجابتك من اصلك
(كبرت كلمة) ان قالها فهو جاهل بدرجة (بروف)!
ليه يعنى حبش بالذات …ليه ما مصريين مثلا…؟
بالله فرقك شنو من طه سليمان يا برف … “أساتذتنا بجيبوا اللبش أخير لى المراقبين الحبش”.
… مستوى…!!!
هذا الكلام غير صحيح ولا مصدر واضح له، وهو كالذى يقول “ويل للمصلين” قاصدا بذلك أن كل من يصلى له الويل فى نار جهنم، ويا جماعة الخير هذا البد بخير، وهذه أزمة عابرة ستنتهى وان طال الزمان، ولكن أثناء ذلك لا تخسرو الوطن بفاحش العبارات، وقد لاحظت عبارات العنصرية البغيضة تطل برأسها فى أوقات كثيرة أثناء المداخلات، فنرجو التثبت فى القول والفعل حتى لا ينطبق علين القول أن العبد يتلفظ بالكلمة من غضب الله …
لأنك متعود تمارس المجون معهن ..لكن بعد يراقبوا الإمتحانات خليهم يصححوها ليك .. وعينهم أستاتذة في العام المقبل يدرسوا ليك بالأمهرية ياحيوان
الهم لاتؤاخنا بما فعل السفهاء منا
ده قايلها زقاق؟