مبادرة عمر البشير تحل أزمة كابتن الهلال هيثم مصطفى
أدى تدخل رئيس الجمهورية السوداني عمر البشير إلى حل أزمة نادي الهلال مع كابتن فريق كرة القدم هيثم مصطفى وذلك بإعتذار اللاعب مع رفع الإيقاف عنه ومزاولة نشاطه بالفريق إعتبارا من الغد.
وحدثت هذه التطورات عصر اليوم بعدما إتصل طه عثمان مدير رئيس جمهورية السودان بأطراف الأزمة وعقد إجتماعا عصر اليوم شرق الخرطوم بمنزل رئيس نادي الهلال السابق طه علي البشير الملقب ب”حكيم الهلال”, وحضر الإجتماع وزير الشباب والرياضة بولاية الخرطوم الذي يتبع له نادي الهلال الطيب حسن بدوي ,ورئيس نادي الهلال الحالي الأمين البِرير وكابتن الفريق هيثم مصطفى بالإضافة إلى قيادات أخرى من مجلس إدارة نادي الهلال.
وقال هاشم مُلَاح الناطق الرسمي بإسم نادي الهلال لموقع ::” إنهاء أزمة كابتن الفريق هيثم مصطفى تم بمبادرة كرمية من رئيس جمهورية السودان المشير عمر البشير , وخلال الإجتماع قبل مجلس إدارة نادي الهلال إعتذار الكابتن هيثم مصطفى على ما بدر منه , وإتخذ بموجب ذلك قرارا بالتمرير لأعضاءه رفع به التجميد عن نشاط اللاعب”
ومن جهته اكد المدير التنفيذي لنادي الهلال محمد عبد الباقي ما ورد على لسان هاشم مُلَاح حيث قال لموقع كووورة: ” تمثلت مبادرة رئيس الجمهورية السودان في توجيه مدير مكتبه الفريق طه عثمان لجمع أطراف الأزمة بنادي الهلال والمتمثلة في مجلس الإدارة وكابتن الفريق هيثم مصطفى . وسوف يصدر بيانا خلال هذا اليوم لللكشف عن تفاصيل حل الأزمة”
يذكر أن مجلس إدارة نادي الهلال كان قد أوقف هيثم مصطفى الشهر الماضي بسبب مشكلة مع مدير علاقات النادي العقيد حسن محمد صالح رأى مجلس الإدارة أن اللاعب أخطاء في التعامل مع العقيد فأقوف نشاطه الفريق ما أحدث إنقساما جماهيريا حول الفريق الذي تماسك لاعبوه ولم يتأثر بالنتائج , ولكن الهزة الكبيرة كان قد حدثت الإسبوع الماضي بإستقالة خمسة من أعضاء مجلس الرئيس الأمين البرير ومع ذلك لم يفقد المجلس شرعيته.
كوورة
سيييييييييييييييييييييييدا
كهكهكههههههههههههههههاااااااااااااااا والله الهيثم ده بقى اهم من الصادق المهدي
هل هذه مبادرة ام تعليمات؟
نابليون بونابرت !!!!!!!!!
ساب الجيوش والمماليك وقعد يمضى فى الاطباق !!!
وانا اقول اتهزم فى ابو قير ليه ؟؟؟؟؟؟؟؟؟
خلاص يعوضنا الله في هيثم اذا خش في الموضوع الاهبل دا
و يا الشريف والله تعليقك دا انسب توصيف للحالة دي … تحياتي
بلد فارغة و رقاص فارغ أفرغ من البلد ذاتها و لاعب أربعيني أفرغ من الرقاص ذات
و !! بختك يالبرير بقيت أخطر من المتعافي يجيبوا ليك الاعتذار لحد بيتك ما عندك دلاليك محورة وراثيا عاوز تزرعها في باقي الخرابة الاسمها السودان دي ؟؟
اعتقد ان الرئيس عمر البشير اخطأ , لان هنالك مشاكل اولى و افيد و احق بالحل من ان تحل مشكلة لاعب كرة مع ناديه , هو الكرة ذاتو بعض العلماء افتوا بتحريمها و العلة في ذلك انها تدعو الى العصبية و التي هي منافية للشرع , العصبية الواجبة هي عصبية الدين , و الله كان من الافضل لو وفّق بين زوج و زوجته كانا على خلاف يفضي للطلاق و ما اكثر هذه الخلافات في المجتمع , او كان التوفيق بين جار و جاره وووووو , لكن نقول شنو ؟ دي عقلية حكامنا , حسبي الله و نعم الوكيل .
ماجستير الفاقد التربوى الشريعة والتحديات جنى ثماره اولها إصلاح ذات البين حل أزمة نادي الهلال مع كابتن فريق كرة القدم هيثم مصطفى. يعنى يا بشكير السجم ومدير مكتبك عينكم لى مشاكل البلد الحقيقيه جاريين ورا الفارغة.ويا هيثم مصطفى الهلال فاز على انتر كلوب بدونك , قول لى تحبو كيف ? انت والبشكير حاولوا اقعدوا كنب وخلو الشباب تاخذ حقها .
هيثم مؤتمر وطني عشان كده لازم يكون موجود سوسه وسط اللعيبة حتى لوقل أدبه مع أي شخص .الله يعلن السياسية البقت تدخل في أي شئ
حريقه فى رئس الجمهوريه وفى هيثم مصطفى كان الاولى لريس الجمهوريه حل مشاكل الشعب السودانى من من دارفور والنيل الازرق وفساد وجوع وفقر ومحسوبيه وحروبات وووووو ومهما كان دا الشعب والرعيه اما مشكله هيثم
فهو فرد ونحنا كل الشعب السودانى يعانى هل بادر ريئس الجمهوربا يوما فى حل مشكله شعبه دا كلو نوع من التخدير للشعب السودانى لكى يكسب بعض ود الشعب الذى اصبح العوبه وسط هذه الشرزمه الباطله السارقه اما موضوع هيثم ومن وجه نظرى الشخصيه اصبح عبى على نادى الهلال وعليهى ب الرحيل وهذه سنه الحياه ياهيثم واسف جدا لحريقه فى هيثم مصطفى بس استفزتنى مبادره ابوجاعوره التحيه لهلال السودان بعيدا بس من ابو جاعوره
والله دي شئ يحزن ويكسر القلب رئيس دوله يترك هموم البلاد الحقيقيه ويشتغل بالتفاهات ويرقص في احلك ظروف البلاد والعباد.االله يرحمك ويرحمنا ياسودان
متين البشير حلا ازمه ده معروف من زماااان بيعقد الازمات اها كان كدي لحقها امات طه
هيثم مصفطى كبرت على الكوره والبشير لو فاكر بلقى استعطاف الشعب فى مثل هذه الافعايل غلطان لك امور اهم ومهمه
سيد البلد حل مشكلة سيدا ، المشكلة وين ؟؟، موتوا بغيظكم …
مجنون ليلى والهلال
والله صحيح الاختشو ماتوا!!! يا عمر البشير ياخي أعقل شوية هيثم مصطفى ده ما عندو أي مشكلة زول ليهو سنين بلم في القروش وأمن مستقبلو تماما وممكن يخلي اللعب ويشتغل في التدريب أو لو داير يستمر في اللعب مع فريق تاني انشاء الله لما يتم 50 سنة ما عندو مشكلة لأنو الدافوري البلعبو ده ست الشاي ممكن تلعبو !!! المشكلة يا بشير البخت في الناس العايزة أكل تاكلو وما لاقيه .. وعايزة تعليم وعلاج .. والله الكيزان ديل جابولينا المرض.. الله يكفينا شرهم
اخر منصب شرعي للبشير رئيس نادي كوبر و اذا اعتبرنا العميد البشير رئيس نادي رياضي و تدخل لحل مشكله رياضيه فهذا اول تدخل شرعي من البشير منذ 23 عام و هذه هي قدرات البشير المتواضعه و هذا حجمه الطبيعي فالبشير عقله بسيط (متبلد ) و مثل هذه القضايا الفارغه يستطيع ان يحلها لانها تناسبه تماما و اما الحديث عن انه رئيس دوله و برتبه مشير فهذا كله غير قانوني و لا شرعيه للبشير فهو مغتصب للسلطه ويجب ان يتم التعامل مع البشير علي انه مجرد عميد في الجيش خان شرف الجيش و خان الامانه و كل قراراته لن يعترف بها لانه فاقد للشرعيه و يوما ما سيحاسب علي ما ارتكبت يداه ، يجب ان يعتزل هذا الطاووس المدعو هيثم و ايضا فيصل العجب بعد نهايه هذا الموسم و يكفي ما قدموه فهذه سنه الحياه ، و يجب ان يتعلموا من تجارب الاخرين و هنا مثال عن لاعبين عالميين ( زيدان و ريفالدو) فزيدان اعتزل و عمره 34 و في نهائي كاس العالم و هو الان في منصب كبير في ريال مدريد ، اما ريفالدو الان عمره 39 و يجلس احتياطي في فريق ضعيف في انقولا ، و يجب التذكير بان الاعبين احرزو كاس العالم و فازو بجائزه افضل لاعب في العالم و غيرها من القاب و جوائز و لكن من الاذكي ؟
ياريس أخجل حبه دى مواضيع انت اكبر منها زمنك الضيعته مع هيثم أولاء به البلد والعباد
انا مش في انتصار الهلال بدون المعو سيدا انا في الانتصار الاخلاقي والدينى للكابتن الخلوق كاريكا وماغريبة عليه محبي هيثم سفير النوايا الحسنة ورونى واحدة من حسناته الانسانية
اما البشير اقول له اصلح البلد وحارب المفسدين والجوع والغلاء والاحتكار للسلطة وووووووو
والله انا شايف إنو الأندية تبقي ويغادر اللاعبون وتبقي ذكراهم العطرة إن أخطأ اللاعب يجب أن يعاقب أيا كان حجمه ومشكلة هيثم مع الإدارة ظل يراقبها الشارع الرياضي منذ فترة وحلها بهذه الطريقة فيها الكثير من إذلال الإدارة طرف النزاع وأعيب علي نادي الهلال أن تحل أبسط مشاكله برئاسة الجمهورية فرئيس الجمهورية ماناقص عندو المكفيهو
كلامك كلو كوم ونادي الديمقراطية والأهلية الرياضية كوم..
تاني ممكن نسمع هذه الأسطوانة المشروخه..قولوا الرررررررروب..
تدخل رئيس الجمهورية في اختصاصات الجهاز الفني..
بكرة البشير يضرب تلفون لغاريتو بضرورة ادخال سيدا..
هههههههههههههههههههههههههههههههههههههههههههههههههه
شفتوا الأهلية الرياضية كيف؟؟
رئيس سفيه وتدخلك ما ليه اىّ معنى … ايه الهلال والمريخ وايه لقاءات ما ليها معنى ؟ انت اذا راجل وعاوز تثبت انك انسان عادل ما تتدخل فى قضية عوضية وترد لاهلها الحق .. طول مسيرة هيثم ما سمعنا السودان جاب كاس عالم ولا كاس امم افريقية ولا كاس خمر حتى … حل مشكلة اقتصاد البلد ياخ اذا عندك زرة من العدل ومراعاة شئون السودان … انت سفيه ونائبك سفيه والبرير اذا وافق على كلامك سفيه … ويا البرير بكرة امش للرئيس قول ليه عاوز ادخل بضاعة بدون جمارك يا سعادتك .
مشاكل السودان البشير حلاها كلها وما باقي الا مشكلة هذا الهيثم مصطفى لذلك تدخل حتى يكون السودان خالي من المشاكل !!!^_^
دا القرار الصاح الوحيد للمشير .. البلد تعشق البرنس والفول …
هو بالله الرئيس فاضى للدرجة دى يعمل ماجستير ويحل مشكلة هيثم والبرير ، طيب ما تحل :-
مشكلة علاقتنا بالجنوب .
ومشكلة دارفور .
ومشكلة الفقر.
ومشكلة تدنى التعليم.
ومشكلة انتشار المخدرات.
ومشكلة الفوضى الامنية.
ومشكلة جنوب كردفان.
ومشكلة العطالة.
ومشكلة هجرة الكوادر.
أها وبعد داك ؟؟ العجوز هيثم حيجيب ليكم كأس الكونفدرالية واللا كيف ؟؟؟؟
كويس إنه البشير بدأ يعرف المحافظة على الثروات القومية للبلد هههههههه
شكراً للسيد رئيس الجمهورية فقد حل جميع مشاكل البلد في دارفور وكردفان والنيل الأزرق وحافظ على السودان أرض المليون ميل مربع وأصبح جميع السودانيين فوق خط الفقر وحول جيش الأمن الوطني والمخابرات من جيش يحمي عرش الرئيس إلى منتجيين وقاموا بزراعة 10 مليون فدان تكفي حاجة السودان والوطن العربي والآن وبعد كل هذه النجاحات قام القائد الملهم بحل أكبر مشكلة تهدد وحدة السودان ألا وهي مشكلة هيثم مصطفى فلك التحية سيدي الرئيس !!!!!!!!!!!!!!!!!!!!!!!!!!!!!!!!!!!!!!
!!!!!
!!!!!
روح داهية فيك وفي هيثم وبالله أخدوا معاك في أقرب رحلة أنتنوف جاتكم البلاوي .
مع إنني هلالابي متعصب لكن أرفض هذه الأفعال الرخيصة التي يراد بها كسب تعاطف الجماهير بعد تلف أسطوانة الشريعة المشروخة.
ياعواطليةانتو الحتحلوا مشاكل البلدناس فاضية بس قاعدة تعلق في اي حاجة والواحد لم يجي البلد ضرائب مايدفعهاويقول ليك البلد البلد
الرجوع لحظيرة الوطن بقرار جمهوري
ابشرو حانفوت البرازيل
رئيس الكيزان ما عندو شغله شباب ذى الورد بنتحر بسبب سياسات الكيزان الحراميه والتعليم وصل الحضيض والصحه حدث ولا حرج وفساد الاخلاق هم سببها واسها000بحل ليه مشكلة لاعب مع نادى هسى بالله عليكم غازيتو يقول علينا شنو000الله يورينا فيك يوم يا بشير
من أقوال حسن بسبوســة بجريدة الصدي يوم الجمعة* واللييييييييييييييييييييلا إنتركلوب حالف إفش غبينتو؟؟ لكن سأذكرك يا بسبوسة بإرتفاع السكر ،، لأن أنتر كلوب بدون حليفه سيفش غبينتو في بلدو ..!
ياسيدا ياداب جنيت على نفسك حبتك الملالين من عشاق الموج الازرق وتعاطفوا معك وكانت تامل تلك الملالين عودتك بالطرق الصحيحة تقابل لجنة التحقيق وتدفم بدفوعاتك فان كنت محقا تعود وانت مرفوع الراس وان اخطأت تعاقب و لكن تعود بواسطة منرئيس الجمهورية كدا فقدت الكثير من معجبيك وانخفض رصيدك 99% وانت يا حكيم الهلال دى ما المحرية فيك فريق الحركة الوطنية تقلبو 360 درجة ليصبح احد فروع المؤتمر الوطنى وبعدين كلكم من هيثم زات نفسو والبرير ومجلس الهلال ما قلتم المشكلة اصلا بين هيثم والمدرب يعنى المشكلة مازالت قائمة والاتفاق اشربوه محاية لانو طرف المشكلة الثانى لم يوقع عقبال حل مشكلة دارفور وجنوب كردفان والنيل الازرق والبجا والاهم الاهم الاهم الاهم حلايب والقفشة وحل مشكلة العطش والجوع والصحة والتعليم والملبس والمأكل والامن وخط هيثرو وبيت السودان فى انجلترا وشركة الاقطان وكهرباء الردالردكبارى وسد والطائرات البتقع زى الطيور