سائق بص يطلق الرصاص على بص سفري بعد فشله في تخطيه ..
أطلق سائق عربة بوكس طلقة نارية على اطار بص كان يسير امامه بعد ان فشل في تخطيه ، ووقع الحادث بولاية البحر الاحمر عند تحرك بص يتبع لشركة الدبلوماسي من مدينة بورتسودان متوجهاً الى مدينة كسلا ، وعندما وصل مدينة ( أكلا ) بمحلية القاش شاهد السائق عربة بوكس يحاول سائقها تخطيه ولكنه لم يفسح المجال ، فقام سائق العربة بإشهار مسدسه وأطلق منه رصاصه ولكن سائق البص لم يستجب فألحقة برصاصتين ليصيب الركاب بحالة من الفزع فإضطر السائق لإيقاف البص على حافة الطريق فمر سائق البوكس ليقوم بإبلاغ الشرطة التي دونت بلاغ بالإرهاب في مواجهة المتهم الذي تم توقيفه وأكد مدير شرطة كسلا اللواء المكي محمد المكي بأن الحادث تصرف فردي وأن الشرطة قد اتخذت الإجراءات القانونية في ماجهته .
الأهرام اليوم
الحادث تصرف فردي يا اركا
==================
بلد بدون سيد
والحرامي فيها يزيد
ومتين ايامنا ديك تعيد
وايامهم تقيف وما تزيد
والله الواحد بقى يصدق أي حاجة
طيب تم القبض عليه. السؤال المهم ماهي العقوبة الحتنفذ في حقه؟؟؟؟؟؟؟؟؟؟المفروض تكون جلد في مكان عام وامام سائقين .ثم السجن …لكي يكون عظة لغيره..قمة الاستهتار واللعب بارواح البشر…
هي ……..كابوي يا ادروب!!!!!!!!!!!!!!!!!!!
يجب أن يعاقب سائق البص أيضاً لأنه خالف قوانين المرور و حتى قوانين الأدب الغير مكتوبة بعدم سماحه للأحمق أن يتخطاه.
ما مفروض نلوم اللى ضرب الرصاص لانه شخص لوحده ولكن نلوم صاحب البص اللى حامل معه ارواح مفروض يحافظ عليهافمفروض بمجرد مارأى البوكس فى المرايه انو عائز يتجاوزه وكرر المحاولة عدة مرات كان يجب ان يفتح له الطريق لكى يتكفى شره ويكون هو نفسه مرتاح فى الطريق مافى حد مضايقو فى الطريق ولكن للاسف واللى انا ملاحظوا انو كل السائقين وخاصة فى الطرق السفرية كل واحد عائز يبرز عضلاته ويوروا الاخر انو هو سيد الطريق ولايكمن تجاوزه ابدا وهذا هو سبب المصائب واغلب الحوادث اللى بتحصل .
لاحول ولا قوة الا بالله
ده كابوي ولاشنو!!!!!!!!
تعيش كتير تشوف كتير
بتاع البوكس دا متأثر بقنوات الافلام المفتوحه اربعه وعشرين ساعه دى..
حتى لو سائق البص ما اداهو فرصة يقوم يستعمل سلاح؟؟ ويعالج الخطأ بخطأ افدح؟؟
مفروض يسجن المتهم ويجلد لانه مهما كان غلط سائق البص ما يطلق الرصاص على البص اسي لا قدر الله البص حصل ليهو حادث والناس ماتت كان ضميرو حا يكون مرتاح
ده لو سافر بطريق مدني الخرطوم سيحتاج لبنقدية قرنوف ليفتح بهاالطريق … يا ساتر من شارع مدني
انتو قولتو لي الحاصل شنو والمات منو وبتاع الرصاص سايق البوكس والبص طلع من الخط ولا شنو الحاصل بس.