الحلنقي يكتمل بدرا و يعلن الجزء2

× ندمان علي أيه وإيه؟
? – حاولت مرة أقنع عثمان ألمو ينضم لفرقة ديكي بلاين وهي جاءت تغني عندنا سنة 69 .. زعل مني وقال لي مفروض يعجبني ان أظل مجرد عازف منسي في الإذاعة وطالبت عمر الحاج موسي بمعاش استثنائي له
? × بمناسبة الذكري والأيام الحابلات , حدثنا عن مذيعات الزمن الجميل؟
? – ديل ناس محاسن سيف الدين وليلي المغربي وعفاف صفوت ،وكانت ليلي وردة تلك الأيام في الإذاعة وكلهن أفتكر من بنات أمدرمان ودي ما صدفة وكانت في تلك الأيام تلد أمدرمان اللؤلؤ
? × كنت بخيلا ولم تحك أي حكاية وراء كلماتك المغناة؟
? – كتبت مشي أمرك يا قدر في أختي الصغيرة سوسن , كانت تطلب مني السفر معي وفي محطة القطر شاهدت لهفتها وقلت فيها(مشي أمرك يا قدر) ومثلي كثر , عوض أحمد خليفة غني في نورا يا نور الأمل وزينة وعاجباني هي شقيقة كابلي وكتب إسماعيل حسن يا نور العين في زوجته
? × أيام وأيام؟
? – وفي نهاية الستينات ومع ساعة الغروب كان زواج شقيقتي وسيقيم الحفلة إبراهيم حسين فتخلف و رفض فاحترنا فخطط صديقي لجلب الفنان إبراهيم بخطة بلاغ بوليسي وكلف عسكريا أحضره لبيت إسحاق ولم يجد صديقي إبراهيم إلا أن يغني لنا أغنيتين
? × يمكن عندك معاهو إستحقاق قديم ؟
? – أنا عملت إبراهيم حسين فنان
? × عصافير الخريف لوحدها منارة كأنها إهرام بالكلمات واللحن والأداء؟
? – أول مرة سلمتها لأبوعركي وصراحة عركي سبب أساسي ليغنيها وردي وقال لي أنها تشبه وردي ، والزمن داك مافي مصنفات أدبية أجيزت في وجبة عشاء أنا وعركي و وردي
? × هل حصل تم رفض نص لك من المصنفات؟
? – حصل(بدري من عمرك) والعبادي قال لي الكلمات دي فيها نرجسية عالية لأنو فيها مقطع يقول(والله أنت سعيد يالبريدك أنا) وناقشته عن ليلة الذكرى لبازرعة
? × بتسهر مع إيه؟
? – أنا سهري أبيض
? × العشاق؟
? – ما عاد العشاق عشاقا في زمن كله وضوح وصراحة والمشاعر الرومانسية صارت مجرد آلات تتكلم
? × يا حليل الخوف والغرام والأسرار؟
? – انتهي زمن المناجاة والحرمان والأشواق القاتلة ولم يعد بين الحبيبين همسٌ بل شيء أكثر صراحة وصار التعبير بالمجان
? × أنت رجل سبعيني ولسع تتكلم رومانسية؟
? – أسألوا اللؤلؤ جاب البريق دا من وين بعد 200 و300 سنة حياة
? × القمر؟
? – (ما علي لو جات مواكب ولّا فاتتني المراكب , القمر ما دام معاي
? × أين يكمن جمال الحكايات الصغيرة؟
? – أنا مع الشؤون الصغيرة لأنها تدخل في الخصوصية أعمق وأكتر
? × في معظم الحلقات(أعزالناس) كنت تائها؟
? – كنت تائه في وردي وكانت سلمي سيد تبكي في عصافير الخريف فنضطر لتوقيف التسجيل حتي تمسح دموعها
? × لن نمل من سؤالنا عن وردي؟
? – نحن الأتنين كان بينا تجلي مكتمل معه جراح السنين وكلانا قدمنا وثيقة جمالية ستستمر لسنين وسنين
? × قالوا لي عماد البشري ما ترك شئيا لإسحاق ليقوله؟
? – انا متجدد و يوميا متجدد
? × البنات زينة البيت؟
? – في خانة من الخانات هي الأجمل وتطوف زي الحمامة حواليك
? × تاجوج وين؟
? – تاجوج شهيدة غرام لم تجد من عشاقها من يقرأ لها شيئا علي قبرها وقبرها ضائع بين الجبال
? × فرضنا تحول القاش لكائن فمن يكون؟
? – إذا تحول القاش لكائن حي سيكون محمد عثمان كجراي
? × شرقاوي أيضا؟
? – كان أستاذ اللغة العربية وكان قائدا لفصيل معارض ضد الجيش الإنجليزي وذات يوم جاءه الثوار وخرجوا به من الحصة ليقود لهم ذلك الفصيل
? × وبعدين معاك؟
? – أدهشني وردي في عصافير الخريف وخلعني وأظنه لم يحلق في المسافة التي كان يريدها والله حينما يغنيها وردي كنت أسمع صوت الأجنحة
? × هاجرت مبكرا؟
? – من أسباب هجرتي عمر الحاج موسي وكان بالمناسبة دي يتكلم موسيقي وشكر الدنيا كلها وكان عنده أوركسترا الكلمة المثقفة
? × لمن تقدم إعتذارك؟
? – أقدم اعتذاري للنيل وهي أغنية مرشحة للبلابل وفيها تفاصيل أن يتأسف كل مهاجر ويعتذر للنيل
? × الحلنقي متجلي في أمسية خاصة؟
? – أنا دهب يتكلم
? × ولكن الدهب يباع ويشترى؟
? – لو كدا فأنا لا أباع ولا أشتري بل أنا عندليب صداح في خمسين ألف ساقية علي قاش كسلا الرهيب
? × قاسم أمين حرر المرأة من ظلم الرجل الشرقي علي الأقل؟
? – وأنا حررتها من قبضة الأشواق لتبوح بها لمن تحب في النور وليس في الظلمة
? × الانسجام علي العموم؟
? – لم أر إنسجاما مكتملا كما رأيت الكمنجة يحتضنها محمدية ، وهي مثل الطفل في حضن أمه
? × ليلي وروضة وامرأة ثالثة؟
? – هن كثر ويمثلن المثلث الملون وكانت ليلي من أقرب المذيعين لقلبها عمر وتمثل لنا شمعة داخل معبد وكنا في المدرسة الثانوية
? نقيف صف أنا وناس ذو النون وضو البيت لنشاهد ليلي وهي تقرأ نشيد الطابور
? × كيف بكيت صديقك الكبير وردي؟
? – يكفي أن الرئيس البشير ناداني وعزاني وكان في وجهه بقايا دموع
? × اللون الأحمر ليه عندك غير متوهج؟
? – زمان كان يدعو للاشتعال
? × عشان جمال الوالي قول كلمات؟
? – أناديه بلغة صلاح إدريس (يا الحبيب)
? × اللامع في دنيا البيجاوي؟
? – الإخلاص .. أجمل ما فيهم مخلصين جدا
? × كثيرا ما تذكر العصافير نثرا وشعرا؟
? – أعشقها وأذوب فيها لأن علاقتها بالسماء وليس بالأرض
? × الرصاص للتعليم وقتل الناس؟
? – البارود موت جماعي
? × ندي القلعة؟
? – ظاهرة تحترم
? × في شعرك مبالغات ونجد فيها الفراش يهزم اسدا ؟
? – بالحب بيحصل عادي والحمامة تهزم نمر والحنان يكسر خنجر
? × من يستحق السيادة؟
? – الجمال طبعا
? × الثقلاء في يومك؟
? – أنا بأقابل الجميلين وبس
? × (أنا بدري صحيت من نومي)؟
? – دي أغنية أطفال فازت في مهرجان جرش بالأردن
? × بعض الشعراء لهم طقوس غريبة في كتابة أشعارهم؟
? – أنا أكتبه بتعليمات مني.. لا طيارة ولا صندوق سجائر ولا طاحونة
? × أبو عركي لسّع صايم لحين عودة الديمقراطية؟
? – كنا ساكنين مع بعض وكنا نمشي لحوش الإذاعة كداري عشان ما عندنا حق المواصلات وفي المساء نفتش لحق الرغيف وصحن الفول , يكفيه من الإبداع واحشني
? – × هل تغير عركي؟
? – لو تغير لون البنفسج سيتغير عركي
? × مزاجه خاص شوية؟
? – لكنه فنان كبير
? × وحتي المزاج لا يناقش، كما يقولون؟
? – أتفق معاك تماما ومتي تمطر لا تقرر فيها أنت ولا أنا بل المزاج
? × عاوز تتمني ..اتمني؟
? – عاوز الدنيا دي كلها تكون مطر من الأطفال
? × ومن الأمنيات المستحيلة؟
? – ملاقاة عزاز رحلوا عن دنيانا

التيار