كفايه كفايه
كفايه كفايه
خلاص إتنحً
صوت الشعب
الهادر بحً
لا تعليم لا أمن
ولا صحهَ
والجوع القاتل
أبدا ما زحه
————–
ربه و وثبه
وطلعت كذبه
لمه هلما
شعبي وامه
وقال نتلمه
لفو العِمه
وفرو الطرحه
قلوب منشرحه
جوطه و فرحه
وبي غنم إبليس
أخدو السرحه
————
ليهم وبيهم
هواء إتعبا
كبه وصبه
هرطق وشبه
وهللو كبًرو
كُلما قحه
تعيش السُلطه
الحلوة وسمحه
وباقي الشعب
يموت بي قُرحه
———-
ونحنا وراهم
مانا معاهم
ما هماهم
وما لينا علاقه
فقر وفاقه
ونار حراقه
قلبنا الوحه
فرً وشحه
ورحنا مصحه
ما فينا العيًد
وما فينا الضحي
———-
تعال وتعال
كفاح ونضال
عرقا سال
شقا عمال
و رجال أعمال
ونساء أبطال
خف ونعال
بنغير حال
يرتاح البال
نملأ المسرح
نهتف و ننبح
قلبنا ينتح
دمنا يسبح
لازم نربح
ولابد تتنحه
ولا نشيلك
ثورة تزيلك
ياما تزحك زحه
بسم الشهداء
وبسم الجرحي
وبسم البلد
الدايمن سمحه
كفايه كفايه
خلاص إتنحً
العزيز حسين شنقراي يديك العافيه….حنغير حال وحنريح بال وقريبا انشاء الله……الجماعه
راسهم ضارب لانو البنقو اتقبض في بوتسودان و الحاله صعبه………….تحيات خاصه من شباب
اسطنبول المناضلين…..ومزيدا من الابداع يااستاذ