ذات الطعم.. لم يتغيّر!!

ماذا يحدث بعد دخول 15% للمجالس التشريعية والولائية والوزراء الجدد

طبعا سوف تكثر الاعراس والزواجات الثانيةوالثالثة والزوجة الأولى سيتم ارضاءها بشهر عسل في مضيق البسفور والدردنيل وزيارات متكررة لماليزيا ودبي والشارقةودوار الساعة للتسوق وتخم ما كثر وغلاء من الثياب والملايات والمساند..

سوف تزيد اسعار الموبيليات والاثاث ..

سوف يزيد صرف البنزين واستيرداد السيارات البرادوا ودبل كاب

طبعا هنالك حاشية ومراسم تابعة للجماعة اياهم وسوف يعتمد من البداية على المراسم الموجودين والذين لن يقصروا في اصطياد الوزير الجديد بالخدمة المنزلية وفعل كل ما يريد لانهم يريدون المحافظة على مناصب وهاك يا كسير تلج لأبناء الوزير في الروضة وابناء ابناء الوزير ..

الصرف البذخي والبرامكة الجدد سوف يعملون جاهدين ليحصلوا نصيبهم الفات وتعب الحوار والوثبة على رأي المثل (إن فاتك الميري اتمردغ في ترابو) وهاك يا مردغة وكلها على حساب المواطن المسكين والميزانية المضروبة التي لن تستمر اكثر من ثلاثة شهور..

المؤتمر الوطني والحركة الاسلامية يريدون اصطياد المعارضين وشراء ذممهم بالمنصب والدولار والسفريات السياحية وهاك يا كلام معسول

سوف تستمر الحكومة الخفية قابضة على الحكم والسلطة واغلاق الملفات الفاسدة ومحو اثارها..

لك الله يا وطن ؟

طبعا يا عثمان ميرغني انت تعرف البري وغطايتها ديل ما ناسك
حتكون حكومة منزوعة السلطة الحقيقية لان السلطة الحقيقية في يد المجلس الاربعيني للاخوان وبدعم الحركة الاسلامية العالمية وديل فقط مزيكة حسب الله

الأستاذ / عثمان ميرغنى تحية طيبة

هذه الرسالة طلب .. بتعرف ناس الحيكومة ديل .. لو ما بتعرفهم شخصيا وصل ليهم رسالتى دى .. او اكيد حيقرؤها علشان انت كاتب هنا..

قول ليهم يعينوا اى واحد من اخوانى وزير عليك الله .. مؤهلاته سودانى نزيه وبحب الخير لكل السودان وأهله ..

شكرا

رؤيا

سلمك الله لا امل في تغيير تتغيلر الاسماء والمواقع وتزداد احزان الوطن والمواطن بصراحة ندمت تلاناني ما هاجرت واخذت جواز امريكي فال وطنية والله الا ماركة طحنية هاهاه وودمتم ووزراء الغفلة والبهلة ووال………

سعدت بالموضوع الرصين الواقعي

لا حير في تغيير يقوده المؤتمر الوطني الذي يعلم ويؤمن للرجال والاحزاب اسعار تشترىبها ولا كرامة او مبادىء وكثيرون بلا ضمير اححترفوا السياسة للثراء والوجاهة لا امل في تغيير
واللهم بك استجرنا ونشكو حالنا وقال حكومة ووزراء لا يهمهم الا المخصصات

بالله يا باشمهندس عثمان ميرغني
الذين شاركوا في حوار الوثبة الا يحسون بالاحباط والقرف
ثلاثة سنوات حسوما يتحاورون ويخرجون بلاشئ هكذا
حتى الحرية لم يحصلوا عليها لانفسهم دعك من غيرهم
من قال لهم ان الحكومة ينقصها برلمانيون ووزراء وغيرهم
السودان لا يحتاج لسوى 12 وزير و6 اقاليم للحكم و100 عضو برلمان لاغير
ومع كثرتهم كغثاء السيل ان لم يضروا ويفسدوا فلن ينفعوا الوطن في شئ
نعود لنهنئ الشعب السوداني البطل الذي لم يعر حوار الوثبة اهتماما وكان يعلم بان حوار الوثبة ماهو الا لعبة من الاعيب حكومة المؤتمر الوطني
البعض حتى الان ما زال يتمسك بحوار الوثبة لسبب واحد وهو الطموح الشخصي والحزبي الضيق املا في منصب والغرف من المال العام لا اكثر من ذلك ابدا
ولكن دخول حوار الوثبة ليس كالخروج منه
وهكذا تدور الايام دورتها ليميز الله الخبيث من الطيب

عليك الله ياعثمان جماعتك ديل قايليين مافى اخره ولاشنو .يااخى قروش وسفوا لمن طرشوا , شى دولار وشى يورو وشى ين , الغريبه كل القروش التى سرقت من بيوتهم ما فيها جنيهات . عندك تفسير لذلك .وتطاولوا فى البنيان وتزوجوا مثنى وثلاث ورباع , واحد منهم افتى قال الاصل مثنى . بعد دا كله ماشبعوا , اعوذ بالله على قول شبونه.

يا باشمهندس شايف الشباب ديل شابكينك
كوز وما كوز لكن قاعد تقول رأيك في
وضح النهار في وسط الخرطوم ..أخبار
كمال عمر شنو يا باشمهندس شايفو قاعد
يطنطن علي شاكلة ما بنجرم العصيان وشنو
كدا ما عارف.

الكوز ىاهو الكوز نفس الطعم تلاتين سنة وانت تكتب عن الملائكة الذين ييرون البلاد و الحور العين الذين صاروا من نصيب ابناؤكم قتلى الحروب. حتقول لى دة ما انا دة اسحق و الفرق بينك ولينو شنو؟ كلكم فى نظر الشعب السودانى واحد اختلفت مواقعكم واحد فوق ولا تحت.وبكرة يجى واحد تانى ويكرر نفس الكلام !وتانى يغير النغمة انتو مجموعة نافذى الصلاحية اذهبوالى مواقعكم الجديدة بلا ضجيج و لا تلوثوا علينا رواكيبنا واوضنا !

الكوز ىاهو الكوز نفس الطعم تلاتين سنة وانت تكتب عن الملائكة الذين ييرون البلاد و الحور العين الذين صاروا من نصيب ابناؤكم قتلى الحروب. حتقول لى دة ما انا دة اسحق و الفرق بينك ولينو شنو؟ كلكم فى نظر الشعب السودانى واحد اختلفت مواقعكم واحد فوق ولا تحت.وبكرة يجى واحد تانى ويكرر نفس الكلام !وتانى يغير النغمة انتو مجموعة نافذى الصلاحية اذهبوالى مواقعكم الجديدة بلا ضجيج و لا تلوثوا علينا رواكيبنا واوضنا !