جمال الوالي يغادر إلى لندن ويتجه للتنحي عن رئاسة نادي المريخ السوداني
قالت أحدى أكبر وأوسع الصحف السياسية واوسعها إنتشارا أن رئيس نادي المريخ جمال الوالي قد قرر الإستقرار بالعاصمة البريطانية لندن وذلك بعد قبول ابناءه في مدارس خاصة بالعاصمة البريطانية, وأنه سوف سيترك نادي المريخ .
وأوضحت الصحيفة في تفاصيل الخبر أن رئيس نادي المريخ من المحتمل أن يغادر إلى لندن خلال اليومين القادمين برفقة اسرته, وأضافت أن الوالي أسرَّ إلى بعض المقربين إليه أنه سوف ينهي رئاسته للمريخ بنهاية مباراة القمة القادمة أمام الهلال في العاشر من الشهر الجاري بالدوري الممتاز مفسحا المجال لغيره لتولي القيادة الإدارية للفرقة الحمراء, وذكرت الصحيفة انها أجرت عدة إتصالات أمس بجمال الوالي لتأكيد الخير أو نفيه إلا أنه لم يرد على كل المكالمات.
كووورة
تهرب الفئران من السفينة عندما توشك على الغرق
بذهاب الوالي عن رئاسة المريخ وتحلل الخزينة من المال الحرام سينافس المريخ الكؤؤس القارية والافريقية .
خارج نفسو قبل الثورة والانتفاضة واشترى الجنسية البريطانية
امشي ياعمي عيش في لندن مالك ومال مريخ ومال البلد ام كتاحة دي خليها لي اهلها الغبش ديل القروش بتلحقك هناك وداد بتخولها ليك افتح حسابات في البنوك البريطانيه دي بس وشوف طريقة لي شفع وداد ديل يقرو هناك معاكم الشراكة شغاله ماتخاف عليها حاول رسل الكونتيلارات من لندن للسودان جمارك مافي تطلع مجان باسم منظمة سند الخيرية ماعندك مشكله امورك مرتبه هنا انت داعية ليك امك قبال الديك مايعوعي وقعت في الهائلة الملكيه دي باي ياعمو جمال ودرجة الحراة صفر هناك مالك ومال 45ومعاها كتاحة وعصار يقوم من نص الحوش
ركيزة الهروب في لندن للاسلاميين واموالهم …………..الحقوا اموالنا
يبدوا انه حس نماما بقرب النهايه ,وهو احد اثرياء الانقاذ
الجماعة حا يبدوا يتسربوا واحد بعد واحد ،،،
خلاص عاوز يهرب بعدما الفضائح بدات للظهور
ناس لندن منتظرنك في المطار يا حرامي يامعفن وبالمناسبة هذا الوسخ المجرم عنده رتبة في جهاز بيوت الاشباح وطبعا شعر بان الثورة والسحل في الشوارع اصبح مسألة أيام
لذلك رحل كل المليارات التي سرقها للخارج وليقضي باقي عمره مرتاحا في عاصمة المال لندن
ياشباب لندن جهزوا انفسكم وده واجب وما بنوصيكم عليه لا تتركو السفلة يرتاحوا وسهر الجداد ولانوموا
يستاهل القبض علية لمحاسبة بقانون من اين لك هذا كلهم حرامية سرقوا اموال الشعب السوداني وعارفين الانقاذ انتهت لانه اخر البليلية حجار.
الان ظهر سر ال 40 مليون دولار التى سحبها جمال الوالى من البنوك من حساب الشركات المفلسة ووووووووووووواو
بدأ الهروب المقنن
مشــينا خليناها لــــيكم برضــو جايين لاحقننا بلا يخمكم اها نرحل جزر الكاريبى ولاشــــنو
الحرامى ابن الكلب عرف الموضوع ما نافع قرر يهرب بقروش الشعب السوداني
خبر جميييييل, يؤكد فعلآ لا قولآ أن مركب الإنقاذ شارفت على الغرق !
ونقول لكل من بدأ في الهروب بجلده, لما البلد يحكموها الشرفاء, في حاجة إسمها “إنتربول” يلقط الجماعة من ماليزيا ولندن ودبي والدوحة بسرعة الضؤ, ولا نامت أعين الجبناء !!
رائد طليعة الهاربين!!!!!!!
وصحيح الخبر (يفك البيرق) وبالصدفه البحته قرأنا تعليق صاغه احد المعلقين وهو عبد الواحد المستغرب وقد وعد بكشف فضائحاثرياء الغفله فى زمن اﻻنقاذ!! وبداء بصﻻح إدريس ولحظتها قفز فى ذهنى جمال الوالى وفيما يبدو أن دوره قادم ﻻ محاله والتعليق جاء فى مقالة كاتب يدعى علقم وكنا نعتقد إنه كاتب مجرد من الهوى والدهنسه لكن ما كاله من مديح غير مستحق جعلنا نعيد حساباتنا فى حقيقته الغامضه!!.
وعند جهينة الخبر اليقين .. لكن من هو جهينة هذا الزمان ؟
الزول دا مارق كيف قبل ما يتحلل ؟ حتى التحلل ليهو خيار وفقوس !!!
London a bag of garbage is coming your way
سبحان الله من فداسي الي لندن !!!!!!!!!!
عندنا عمنا ساخر يوم سألتو رأيك شنو في الحاصل ده .فام قال لي النحكي ليك الحكاية دي : كان في اصحاب قاعدين إسكروا في الأنداية بعد إختلف معاهم واحد منهم قاموا كتلوه وبعد السكره فكت بدوا يفكروا في طريقه يتخلصوا بيها من الجثه قام واحد منهم امشوا جيبوا عنقريب وبرش وكفن ونمشي ندفنوا عادي ، لما طلعوا بالجنازة في طبعا بيلاقيهم ناس المرؤه في الشارع وكل ما يجي واحد ناس الشارع يشيل معاهم الجنازه واحد من السكرانين يمشي يزوغ وكده لغاية ما زاغوا كلهم ولما وصلت الجنازه المقابر ما لقوا من اهل المرحوم ولا زول وانكشف المستور وظهر المقتول وحكم القاضي علي المشيعين شهر سجن علي واحد منهم جزاء المرؤة والثواب . هذا ما سيحدث لنا السكاري هم الكيزان والمقتول هو الشعب ج
الكيزان أصبحو يتخلو عن بعضهم عن طريق حدفهم في محكام الفساد, ظناً أن خداعهم سيرضي ويغفر الشعب لهم. فالوالي يعرف جيداً بشرور وخبث أفراد العصابة ويعرف كذلك عن مال الفساد الذي بحوزتة فقرر الهروب. أين لك الهروب من العدالة الربانيه؟.
WE GOT IT ..WE ARE READY TO DO THAT …DONOT WORRY ABOUT HIM
اقيض الناس بقت تفر ….. الظاهر الكيزان شمو ليهم انقلاب
ما تم نقله من مال هو وحرم الرئيس الى بريطانيا يكفى ليعيش جمال الوالى وأسرته وأسرة الرئيس مدى حياتهما بالخارج لأن الفساد بقى ينكشف شوية شوية وأحسن يتخارج قبل أن تقع الفأس فى الراس ويغسل المال المسروق هناك قبل فوات الاوان ودى الرحلة المليارية الاخيرة لجمال ليحمل مال أسرة البشير لأن الحصار وزمن العدالة قرب والبلد سوف لايسع الظالمين والشرفاء المظلومين يعيشو سويا الهروب الكبير عن العدال للمسؤلين والبقاء للأطهار المخلصين..
دى علامات وبدايات الهروب الكبير لأصحاب المشروع الحضارى الفاشل بحكم السودان سوف نسمع هروب باقى القطط الكبيرة لأن إطلاق حريات جزء من حريات الاحزاب سوف تكشف هؤلاء عن الفساد الذى أرتكبوه فى تبديد أموال الشعب وبالتالى الهروب قبل أتهام أصابع جرائم المال العام الهروب هى الوسيلة الوحيدة لكنهم لايعلمون سوف نأتى بهم جميعا عن طريق الانتربول الدولى لأنهم دمرو البلد وأكلو أقتصاده وقتلو شعبه.
يمكن يكون إتعاقد لرئاسة مانشستريونايتد
يكونش هو صاحب الحاويات الفيها المخدرات؟؟؟؟؟!!!!!!!
هل يستطيع السودانين من اصل بريطانى التقدم للمحكمة البريطانية فى حالة اتهام اي واحد من حرامية الحكومات ام ان بريطانيا نفسها تقف مع هؤلاء
وهل بريطانيا تعلم ان جمال الوالى من اغنياء السياسة
الشبكة منصوبه قول واحد والبقيه في الطريق
لن تفلت من عدالة الارض والسماء ستسأل من اين لك هذا المال قبل ان تقبل ابناءك في االمدارس هل اكلهم حلال من حر مالك ام دهنسة وشغل تحت الطاولة
وهل يأبق الانسان من. ملك ربه فيخرج من ارض له وسماء
جهزوا انفسكم ياشباب رشوا الحشيان ورطبوها بالماء واطلقوا بخور الصندل والكبريت وجهزوا التلفزيونات لمشاهدة الحلقة الاولي من مسلسل الهروب علي شاشة الشروق القناة التي لاتغيب عنها الشمس الي امبراطورية لا تغيب الشمس
يا والى يا كايدهم.
جمال الوالى تحميه جماهير المريخ اينما حل .. موتوا بغيظكم.
خلاص عرف السفينه على وشك الغرق وطيب اها وداد حتمشى معاهم والله لا لانو الزول ده عرف القصة لو جاطت بيقطعوا راسو بعد خم قروش البلد كلها ولا اعتقد ان الحكومه البريطانيه وهى اكبر دوله تحارب الفساد والمفسدين وبها اكبر سلطه اعلامية للنشر تقبل ان يكون على اراضيها مقيم سارق وهارب من العداله …
جمال الوالي لعبة في يد المؤتمر الوطني وفي يد وداد البشير تحديدا … اذا سافر الوالي الى لندن فهذا يعني سفر اولاد وداد ودراستهم هناك هو ماسك مفاتيح الخزائن والحسابات ،،، بداءات تتكشف اللعبة والكل بداء يهرب قبل وقوع الفاس في الراس … حاسبات وداد في ارقي البنوك قام بها هذا العتوه الذي لا يخاف ربه … يتبسمون ويتنظفون على حساب شعب غلبان … بس الله في … اللهم خذهم اخذ عزيز مقتدر .
انعل ابوك ابوك بلد
يا جماعه كنا نقبل فقه الستره ويرجعوا لينا بعض المال وارجاع المال هو اثبات لا يحتاج أي قاضي
لمستندات اثبات سرقة الشعب لانه الواحد منهم يريد أن يتحلل فيعيد المال الذذي يكون كسب من ورائه اضعاف اضعاف ويضحك علينا المفروض نقبل بذلك وبعد القبض علي الحرامي الكبير وازالته من الحكـــم
نحظر سفر أي واحد من المتحللين ونقدمهم للمحاكمخ لاعادة كل المال وفوائده وهؤلاء لا يعرفون قيمة الوطن مثل الصحيح الذي لا يعرف قيمة الصحه الا عند فقدانها هم ايضا لا يعرفون قيمة الوطن الا عند فقدانه ولو كان فقدان الوطن والبعد هنخ شي بسيط لما كان النفي في الارض من العقوبات الاسلاميه والذي يهرب خلوهو يموت في العربه ويبقي اسرته في الغربه وتصبح عائلته مقطوعه من شجره مثل الغربيين لا أسر ولا عزوة أهل والله يلعن كل الذين نهبونا ، ومعليش يا ناس المريخ لم تتقدموا بعد كل ما قدم الوالي الذي سوف يهرب لانه ماله حرام
يا حليلك ياجامعة بيروت العربية بالاسكندرية هل تتذكرين شخصا اسمه جمال ا لوالي ……..كانت الدراسة ب200 دولار امريكي فقط في الثمانيات من القرن الماضي والان هذا الوالي يطلق عليه لقب الدكتور سبحان الله في حين ان شهادتك او بالاحرى نسبته لم تؤهله الدخول حتى في فرع البان (( القاهرة الفرع)) الان يطبل له الناس اللي عندهم دكتوراه بالجد (( المطبلاتية والمرزقاتية رفعوا هذا الوالي الي الدرجات العلا من العلم في حين انه مجرد خريج من كلية لم تكن لها حتى مباني بل كانت محضراتها في كليات جامعة الاسكندرية ولله في خلقه شئون
ياسللللام .. خبر مفرح وجميل ..
اللهم لك الحمد ياذا الفضل والمنة ..
سفينة ال(إهلاك)الآن شارفت على الغرق وشهد شاهد من أهلها ..
وبإذن واحد أحد .. طالما أن هنالك أرض ونيل ومواطن يعتبر من أنقى أهل الأرض وأطيبهم ,, سقيض الله لهذه البلد مستقبلاً واعداً مشرقاً ,, وبحمده تعالى دفعنا فاتورة التيقن بضرورة التعايش تحت ظل دولة القانون والمؤسسية (دفعناها تعذيباً وتشريداً للصالح الكيزانى الآثم وهروباً لكل أرجاء الدنيا فراراً من المسغبة والضنك ).
اللهم ياكريم ياوهاب ,, هيء لنا رزقنا في أوطاننا وبين ظهرانى أهلنا وأحبائنا ..
آمين .. آمين .. يارب العالمين.
الان اتعرف حقيقه شحنه مخدرات
كما هو معروف بان الفئران تهرب اولا من السفن الغارقه
الهروب من الحساب قبل أن يأتي يوم الحساب ولكن حساب الله سيطالهم حتي لوكانوا بروج مشيدة أو أقبية تحت الأرض .
والله يا جماعه فعلا نحن شعب بسيط وطيب ياجماعه الحكايه ديه معروفه ومدروسه الى هذه اللحظه لم يحاكم انسان فى تاريخ السودان بتهمة الفساد والناس ديه قبل الدخول فى اللهط والبلع عارفين انوا الحكايه فى النهايه اما هروب خارج الدوله كندا استراليا امريكا بريطانيا طبعا كلهم اخذوا الجوازات ديه فى فترة وجودهم فى السلطه أو التسويه الساسيه مع المعارضه والحركات المسلحه وعفا الله عما سلف حيكون أول البنود وفجأه يظهر ليك حسبو وعلى عثمان ونافع مع الترابى والصادق وعرمان وعقار وميناوى فى صورة واحده والشعب يصفق والله ديه مهزله ولعبه بنت كلب عايزه رجال بتأكل نار عشان نرجع اسم السودان.
اليوم 08:33 AM
كفرووتر / الخرطوم نفي السيد جمال الوالي رئيس نادي المريخ انباء هجرته الى لندن و استقراره في مدينة الضباب و ترك المريخ و قال في تصريحات لــــ(السوداني) بان ما ذكر غير منطقي لانني لا فكر في ترك اسرتي و المريخ الهجرة الى بريطانيا و يجدر ذكره بان الصيحة اوردت خبرا اكدت فيه سفر الوالي الى لندن و اعتزاله العمل الرياضي للستقرار في لندن برفقة اسرته وهو ما نفاه الوالي في عدد اليوم بصحيفة السوداني في صدر عناوينها الاولي
الاسلامويون ديل يقرو اولادهم كيف فى مدارس الكفار ويسكنو كمان فى بلد الصليب ؟..أفو يا عبد الحى الكلام دة يحصل وانت عايش على وش الدنيا . ما قلتو الزول ما يهاجر لى بلاد الكفر , ولا الكلام دة بس لينا نحن المساكين ديل .
افرزوا الكيمان ما تخمونا ساكت
قاصدين جمال الموتمر الوطني ولا جمال المريخ
جمال المريخ نحن بنحميه حتي يتحاسب اخر مفسد ولنبدا باخوا الرئيس لكن تحاسبوا جمال وتخلوا اخو الرئيس يفتح لكم خزائن الدولة وتحلوا ديونكم وتصلحوا كسرتكم وتجيبوا محترفين خلاص نخلي ليكم الكورة
اما جمال الموتمر الوطني فدونكم الرجل
مع اني مريخابي لكن الزول دا حرامي . والمريخ اصلوا ما مشى لقدام من ما الزول الحرامي دا دخل قروشوا في النادي
هو فعلا عمل استاد جميل للمريخ لكن حراااااامي !!!!!!
He is not Jamal Al Wali alone who are seeking the flee steps to overseas these days, but they are rows of over 1,675 of the very important figures, believe my guess and even more than that number of the modern Sudanese Thieves of the States? Men. He has spoiled the country, had initiated the realms of secret treasure bag for the NCP and the for the family of Al Basher, then when will Wedad Babiler will decide to go and stay in Qatar also, then the business movements from there and here away from the eyes of the inflammable Sudanese observations. Then we need to ask them to take back Seventeen Billions Dollars (US$.17,000,000,000.00)claimed to may have been in secret accounts for the NCP high officials and some related individuals. Sudanese people you are really very kind people and do not know what your rights are, including me also. Starting from Afras Transport Company to the Gold Mines and many other things, this young constitutional security organ general, the MP and the business man could do it.
لا داعي للقلق، العديد من الاثرياء اللصوص يهربون الى لندن بثرواتهم ولكنها ليست سوى شهور معدودة ثم تعيدهم بريطانيا الى بلدانهم بمجرد المطالبة بتسليمهم. إن كلا من المخابرات الداخلية و المخابرات الخارجية على علم بما يفعله الوالي و امثاله من السارقين لقوت المساكين. لا شك أن البريطانيين قد بدأوا الان في الاستعداد فور ظهور هذا الخبر في الصحافة السودانية.