82 من أحزاب الفكة تلتزم بخارطة الطريق بين السودان وامريكا
الخرطوم (سونا) -اعلن ( 82) حزباً وحركة بمجلس احزاب حكومة الوحدة الوطنية التزامهم بخارطة الطريق التي تم التوصل إليها بين السودان والادارة الامريكية مما قاد الي رفع الحظر الاقتصادي والتجاري علي البلاد.
وقال الامين العام للمجلس عبود جابر في تصريح لوكالة السودان للأنباء إن قرار رفع الحظر سيرد للاقتصاد السوداني عافيته وينعكس خيرا على المواطنين.
ودعا الحركات المسلحة الرافضة للسلام الي العمل الايجابي وتغيير مواقفها والمشاركة الفورية في الحوار والتوقيع على الوثيقة الوطنية للمحافظة على الامن والاستقرار في البلاد. واشار جابر الي جدية السودان وشعبه في انفاذ ماتم التوصل اليه في خارطة الطريق انفاذا لتعهداته والتزاماته الاقليمية والدولية في مكافحة الإرهاب وكافة اشكاله للوصول الي سلام واستقرار دائم الي جانب التعاون اقليميا ودوليا لبسط الأمن وانهاء معاناة البشرية كواجب انساني.
وتوقع ان يجني السودان مكاسب كثيرة جراء الغاء الحظر وبالمقابل تعود مكاسبه علي امريكا ودول المنطقة.
عبود جابر يا بتاع احزاب الفكة …الله يفك حنكك
عبودى دا لو جردوا من العمة والطرحة الفى كتفوا هيكون شادى عديل
يا جماعة الاحزاب دي 95% منها تقريبا المنتمين لها عطالة بي المؤتمر الوطني والشعبي.اصلا لايمكن في كل دول العالم لا يوجد هذا الكم الهائل من الاحزاب.طيب الاحزاب دي لو شكوها كلها من دون الامة والاتحادي وعملوها حزب واحد او اثنين يكون افضل لانو اساسا هي التي اضرت بالوطن لانو همها المصلحة الذاتية وليس مصلحة الشعب.وكذلك اذا راجعت برامجها بغض النظر عن ايدولوجياتها اذا كانت صادقة، تجدها متشابهه.لذا اقترح حلها وصياغتها من جديد واختزالها في حزب او اثنين اذا كانت فعلا تريد الخير للوطن.
طيب يا عبود انت حزبك اسمو شنو من الـ82 حزب ديل ؟ بعدين كدي اذكروا لينا اسماء الاحزاب الـ82 حزب ديل يبقى نلاقي حزب على مقاسنا وننضم ليهو ؟ اصلو في السودان لازم تنضم غصباً عنك لاي حزب لأن الشغلانة كلها بقت محاصصة في كل شئ.
حكاية انك تكون مواطن بدون حزب دي معناه ما عندك حق في اي شئ فالحكومة تتعامل مع الاحزاب وتستمع لطلبات الاحزاب وكل حزب عندوا قائمة باسماء كوادره الذين يجب تعيينهم في الوظيفة الفلانية.
غايتوا انا فكرت اعمل حزب اسمه حزب المؤتمر السوداني الامريكي نشوف حكومة المؤتمر الوطني بتطارد كوادره وحجزهم والتضييق عليهم ولا لأ؟ وللعلم ان حزبي الجديد لا علاقة له بأمريكا من ناحية الاسم فأنا اقصد ام ريكا احدى القرى الموجودة بالسودان على وزن ام درمان وام بادر وام بريمبيطة وغيرها
محمد أحمد المحجوب
يا ضيعة الوطن الذي أنصاره **** قوم يرون النصر في الخذلان
قوم يرون حياتهم في ذلهم **** ويرون كل الخير في الاذعان
يتفاخرون بقربهم من حاكم **** وبدسهم للفرد والأوطان
هذا زمانك يا مهازل فامرحي **** قد عُدَ كلبُ الصيد في الفرسان